بعيري به مشكله _ ابي رايكم ياهل النخوه

[ابوحمد 2011]

السلام عليكم ورحمة الله وبركاته
لدي بعير ماشا الله عليه لون وزين وجبر وأصل
ولكن بدا به خله فالضراب
اذا برك على الناقه قامت فخوذه ترجف ثم يقوم
ابي رايكم بهالمشكله ياهل الخبره
لاتبخلون علينا بكامل التفاصيل

[ناصر فلاح]

البعير فيه أحد أمرين

إما انه يضرب قبل حلّه اقصد قبل وقت الضراب ولا زال بطنه كبير ولا ان فيه ذيبة الله يحماهـ

شف انت متى تخليه يضرب

هل انت تضرب به وهو قافل يعني بطنه لاطي بظهره ولا لا

[ابوحمد 2011]

الله يرحم بوك يابو فلاح
لكن وش الذيبه لاهنت

[ناصر فلاح]

الذيبة هذي عصب ما يخلي البعير يبرك وتتراقل ارجوله إذا جا يبرك لكن انت قبل تحكم انها ذيبة اترك البعير لين يهيج مضبوط ثم(ن) هده وبتعرف

[السومر]

لا يكون فيه حلل

الحلل/ اعصاب البعير او الناقه ترتخي ويصير ما يقدر يشدها

وعلشان كذا تشوفه يرتعد وهذا اكثر ما يصيب الفطَر الكبار

وعسى يكون غير ما ذكرت والله يشفي البعير

[ابوحمد 2011]

مشكور على الشور وهذا اللي بسويه
وهل عندك معلومات عن علاج الذيبه

[ابوحمد 2011]

السومر مشكور على المرور
لكن البعير توه ناب ماهوب كبير
وش دوا الحلل الله يسلمك

[ناصر فلاح]

الذيبة ما لها علاج بس تراها تتفاوت من رعية لرعية بعضها خفيفة ولا تعيبه يضرب ويمشي حاله أهم شيء يجيب حيران

[السومر]

بالنسبه لذيبه او الحلل ( هذا مرض وراثي )

وكثير مالقوا له حل

لكن الله فوق كل شي ولا يوجد داء إلا وله دواء

[سعدون البشري]

الله يشفي بعيرك يابوحمد وممكن الاتصال0504598434

[راعي نوق]

يابو حمد

متى بدأت هذا المرض في البعير ؟

وهل البعير إذا برك لحالة (( قصدي مبركه من غير ما يضرب )) فيه هذا المرض أو فقط عند الضراب ؟

وكيف بركة البعير على الناقة هل هو يبرك بنحره أو ينسلك على عرقوبه؟

على كل حال الله يشفي بعيرك من كل مكروه ويرزقك منه بالأنتاج الطيب

ياليت تجيب على الأسئلة أعلاه أو تتصل على جوالي لعلني أو أصف لك بعض الأدوية التي يمكن ان تخفف من هذا المرض .
رقم جوالي 0553444834

[ابوحمد 2011]

سعدون البشري الله يعطيك العافيه - وبتصل بك ان شاء الله
راعي النوق الله يجمل حالك
وبالنسبه لأسئلتك
البعير جبر بالحيل ماشاء الله واذا برك على الناقه اول ماينزل عراقيبه
اما بالنسبه لحالة الارتجاف اللي وصفتها لك ماشفته الا وقت الضراب وقبل فتره حملته بالدنه ونقلته من مكان لأخر وقت التحميل ظهرت عليه هذه الحاله
وبتصل بك ان شاء الله - وبيض الله وجهك

[رادار2009]

بعيري به مشكله _ ابي رايكم ياهل النخوه


ابشر بسعدك ... اتصل عليه لوصف الحاله بدقه وباذن الله تفرج ...الرقم على الخاص

[رادار2009]

للاسف ما اقدر ارسل لك خاص ما تجاوزت 50 مشاركة ...

لكن قلي وانا اخوك لما يمشي بدون لا يبرك على الناقه فيه خلل او رجفه حتى لو واقف .. واذا ما فيه رجفه .. ابيك تحاول تركضه وتشووف يقدر يركض ..

وبعد ذلك جاوبني ...
البعير يرجف فقط فوق الناقه ..
البعير يرجف فوق الناقه وحتى وهو واقف بعيد عن الناقة
البعير فقط يرجف فوق الناقه وباركض فقط ...

مع التاكد بان البعير وهو مستلقي على الناقه اخذ واضعيته الطبيعية ترى اذا ما اخذ الوضعيه صح تكون رجوله مرتفعه عن الارض وطبيعي ترتجف لين ما يلامسها بالارض

ملاحظه
اتوقع انه ماهو ذيبه ...وحتى لو ذيبه باذن الله امرها سهل اذا الله راد له علاج راح اقوله لك ويطيب بامر الله

[كتام]

اعتقد اللي فيه الذيبه
واحد من الاخوان راح لصيدليات البيطره حقة الخيل اللي في البحرين و جاب ادوية عصب .....بس هذاك بعيره ثمين يستاهل العنوه للبحرين الصراحه

[رادار2009]

كتام
باذن الله ماهو ذيبه بس الرجال يجاوب على اسالتي ... واعطيه الاجابه والاستفادة للجميع

[ابوحمد 2011]

للاسف ما اقدر ارسل لك خاص ما تجاوزت 50 مشاركة ...

لكن قلي وانا اخوك لما يمشي بدون لا يبرك على الناقه فيه خلل او رجفه حتى لو واقف .. واذا ما فيه رجفه .. ابيك تحاول تركضه وتشووف يقدر يركض ..

وبعد ذلك جاوبني ...
البعير يرجف فقط فوق الناقه ..
البعير يرجف فوق الناقه وحتى وهو واقف بعيد عن الناقة
البعير فقط يرجف فوق الناقه وباركض فقط ...

مع التاكد بان البعير وهو مستلقي على الناقه اخذ واضعيته الطبيعية ترى اذا ما اخذ الوضعيه صح تكون رجوله مرتفعه عن الارض وطبيعي ترتجف لين ما يلامسها بالارض

ملاحظه
اتوقع انه ماهو ذيبه ...وحتى لو ذيبه باذن الله امرها سهل اذا الله راد له علاج راح اقوله لك ويطيب بامر الله

اولا : اشكر جميع من تفاعل مع موضوعي وبيض الله وجيهكم جميع
بالنسبه للأستفسارات
بالنسبه لمشية البعير وخطوته مافيها اي شيء
ويركض مافيه شيء
تجيه الحاله اذا جا فوق الناقه ينزل بالزوره اول شي
ثم يحاول ينزل رجوله ويرتجف ثم يهون عن الضراب والبعير مهوب هايج
هذي الحاله بدقه
اما في وقت غير الضراب تجيه الحاله اذا حاولت ابركه غصب
وياليت تحط رقمك لتواصل

[رادار2009]

ما فيه مشكله اخوي
بعد اذن الادارة تفضل الرقم وعذرا انه ماهو خاص لان عدد المشاركات لم تتجاوز 50 مشاركه
0543308323

[عليم الظمى]

سعدون البشري الله يعطيك العافيه - وبتصل بك ان شاء الله
راعي النوق الله يجمل حالك
وبالنسبه لأسئلتك
البعير جبر بالحيل ماشاء الله واذا برك على الناقه اول ماينزل عراقيبه
اما بالنسبه لحالة الارتجاف اللي وصفتها لك ماشفته الا وقت الضراب وقبل فتره حملته بالدنه ونقلته من مكان لأخر وقت التحميل ظهرت عليه هذه الحاله
وبتصل بك ان شاء الله - وبيض الله وجهك


اولا : اشكر جميع من تفاعل مع موضوعي وبيض الله وجيهكم جميع
بالنسبه للأستفسارات
بالنسبه لمشية البعير وخطوته مافيها اي شيء
ويركض مافيه شيء
تجيه الحاله اذا جا فوق الناقه ينزل بالزوره اول شي
ثم يحاول ينزل رجوله ويرتجف ثم يهون عن الضراب والبعير مهوب هايج
هذي الحاله بدقه
اما في وقت غير الضراب تجيه الحاله اذا حاولت ابركه غصب
وياليت تحط رقمك لتواصل


ابو حمد كلامك متناقض واان اخوك . مالون بالاحمر

[SS1]

السلام عليكم

اخوي ابو حمد بعيرك ومن خلال كلامك اعتقد والعلم عند الله ان اللي فيه ذيبة واتمنا ان شاء الله انها ماهي ذيبة
ولكن ابي اقول لك طريقة تكشف فيها الذيبة على طول وماتختفي عليك ابد ابد

رح للبعير وهو بارك وقومه اذا نهض بفقاره ولاحظة ان فيه نفضه ورجلينها تنافض فهاذي ذيبة
ولكن خفيفة ولا تضره ان شاء الله

اما النوع الاخر من الذيبة فتشوفها في البعير في كل وقت وهو يمشي وهو واقف واذا وقف يقرب رجوله ليدية
يعني يضمها شوي ليدية



وتقبل خالص تحياتي

[ابوحمد 2011]

ابو حمد كلامك متناقض واان اخوك . مالون بالاحمر
صحيح الكلام متناقض
ولكن بعد التدقيق واعادة النظر في حاله البعير
وجدت ان البيعير اول ماينزل بالزوره ثم ينزل بعراقيبه وتبدأ حالة الارتجاف ثم يهون عن الضراب

[ابوحمد 2011]

السلام عليكم

اخوي ابو حمد بعيرك ومن خلال كلامك اعتقد والعلم عند الله ان اللي فيه ذيبة واتمنا ان شاء الله انها ماهي ذيبة
ولكن ابي اقول لك طريقة تكشف فيها الذيبة على طول وماتختفي عليك ابد ابد

رح للبعير وهو بارك وقومه اذا نهض بفقاره ولاحظة ان فيه نفضه ورجلينها تنافض فهاذي ذيبة
ولكن خفيفة ولا تضره ان شاء الله

اما النوع الاخر من الذيبة فتشوفها في البعير في كل وقت وهو يمشي وهو واقف واذا وقف يقرب رجوله ليدية
يعني يضمها شوي ليدية



وتقبل خالص تحياتي
النوع التالي بعيد عنه ان شاء الله
وشكرا على مرورك

[عليم الظمى]

طيب ابو حمد جرب تجيب فحل ثاني قريب منه ..

صدقني رح يضرب بعد توفيق الله

[ابوحمد 2011]

طيب ابو حمد جرب تجيب فحل ثاني قريب منه ..

صدقني رح يضرب بعد توفيق الله

عندي فحل ثاني وهديت الثنين جميع
وماحرك ساكن يناظر من بعيد
تتتوقع ان البعير منظور؟؟؟؟ وش الحل ... برايك

[راعي نوق]

أبو حمد

كلامك متناقض

مرة تقول البعير ينزل عراقيبه أول مايبرك على الناقة وأقول هذه البركة الصحيحة لكن في ردك على بعض الأخوان تقول البعير يبرك بزوره وأقول لك في هذه الحالة إن كثير من الركاب التي تتعود على البركة بالزور يصيبها رعده تشبه بدايات الذيبة وهذه حصلت في بعير عندي وفي كثير من الركاب

وعسى ماتكون ذيبة
المهم لك رسالة على الخاص

[البر عشقي]

الله يشافيه لك أبوحمد وتشوووف انتاجه

[فارس الحربي1]

ماقول الا الله يشافي فحلك

راح اسال ابوي واردلكم خبر

[alajmi110]

الله يحييك يا ابو حمد ويحيي الجميع

البعير على وصفك له اقرب ماله الذيبه ,, يمكن البعير قبل ما يجي معك لحقه ضرابن قوي ,, واغلب البعارين الي عليها ضرابن قوي تلحقها نوع من الذيبه وخصوصا كل ما كبر البعير فالسن ,, وبعض الركاب تردها الذيبه من الضراب

لكن عسى الله يشفي بعير

[ابوحمد 2011]

مشكورين اخواني على المرور وبيض الله وجيهكم واستفدت من ارائكم

[محب الخيال]

:eek:سعدون البشري الله يعطيك العافيه - وبتصل بك ان شاء الله:good2::eek:

[عبرود النيمس]

السلام عليكم ورحمة الله وبركاته

ابو حمد ولاهانو الربع هل تعطي البعير حب( شعير )

كان عندي بعير نفس العلة هاذي ماخليت دكتور الى جبتة للبعير قالو هاذي الذيبة
وجبت واحد من الربع عندة خبرة في الأبل وقال هاذي من كثرة الشعير
وقطعت الشعير عن البعير وبعد شهرين رجع البعير طبيعي وراحت الهزة منة