$$حركة نصب جديدة في محطات الوقود$$

[كرفان]

السلام عليكم ورحمة الله وبركاتة
مثل مافهمتوا من العنوان, ما يجوزون هالعمال وخاصة البنقالية الله يقلعهم عن ديرتنا قولوا ( آمين).
اليوم كفشت لهم حركة نصب جديدةفي محطة وقود .
ماهي الحركة؟
عندما تقف أمام مضخة الوقود يقوم العامل بشكل طبيعي بتعبئة المركبة لمدة دقيقة أو أقل ولكنه لم يعبئ لك قطرة واحد, فيقوم بإخراج مسدس الوقود ووضعه عل المضخة بسرعة, ثم يطلب منك الإنتقال إلى المضخة الأخرى بحجة أن المضخة الأولى أقفلت لإنتهاء الوقود بعد تعيئتها لك بمقدار ريالين أوثلاثة (وأنا يامحاكيكم قالى اربعة ريالات ) طبعا قليلة في نظر بعض الناس.
المهم : قام العامل بتشغيل المضخة الثانية واكمل التعبئة . عندها نزلت من السيارة ووقفت أمام المضخة الاولى وقد قام عامل آخر بتشغيلها وتعبئة سيارة أخرى .فإذا بالمضخة تعمل :mad: طبعا ماهي من عادتي أني حريص على مثل هذه الأمور (لكن الظاهر أن أمه داعيت عليه:D)ومن حبي لوطني وجب علي تبليغكم هذه الرسالة. والله على ما أقول شهيد

[قمرنا]

الله يجزاك خير
ولو كل واحد عمل مثل ما عملت
لكانت الامور أحسن بكثير
لأنهم يحسون إنهم أذكى منك
أطالب نفسي أولاً والكل بالحذر الشديد
من كل أجنبي!!!
الله يكفينا شرهم

[omar salman]

وعليكم السلام
الله يجزاك على نصحك للأمة
والبنقالية لا تستبعد منهم أي شيء
وانا قد مر علي باكستانية أعتقد
ما يصفرون العداد إذا كان سبق وعبئ
لأحد سابقاً مثلاً بثلاثة أو بأربعة هههه .

[Tamimi.fars]

ودي يسويها معي عشان اجلده الين ينحاش من السعودية ولا يرجع

[A.L.B.A.T.R]

الله يجزاك خير ...
وياليتك فركت خشته بالارض علشان يتوب ويكون عبرة لغيرة ...
وياليت بعد تقول اسم المحطة ومكانها ليتم مقاطعتها ...

[كرفان]

مرحبابكم
حقيقة أنني خلال ربع ساعة في المحطة سويت حسبة بسيطة لعدد السيارات التي توقفت أمام المضخات الثلاث الأولى ,فكان العدد اثني عشر سيارة , فلو ضربنا عدد السيارات بمبلغ النصب اللي هو ريالين ( ماحنا مكثرين)طلع اربع وعشرين ريال في ريع ساعة فقط . طيب لو كان عدد الساعات مع دوام العامل (ست ساعات على أقل تقدير)يطلع المبلغ كم يالله أحسبوها:Dوإذا طلع الناتج أضربوها في شهر .

[أبو عنود]

مشكلتنا اننا ماندقق في بعض الأشياء

[FORD1969]

المشكلة فينا وناخوووووووك

نعبي حتى ما نلتفت ونمد الدراهم لهم وما نلتفت

لو كل واحد منا نزل جواله وطفى الموتر وفتح القزاز وركز معهم حتى يخلص صدقني ما ارح يتجرأ واحد منهم يلعب علينا

بعدين وناخوك الناس وصلت القمر وحنا لازالنا في محلنا

الكويت تعبي بالبطاقه المدنيه لا عامل ولا بنغالي

ليه ما يلزمون المحطات بهالطريقه او طريقه اسهل مثل الدول الاجنبيه تنزل تدفع عند الكاشير وبعدها تعبي تماتيك

شكرا كرفان على النصيحه

وين الموقع لاهنت

[ابولولو]

اشكرك اخوى كرفان على التنبيه وتذكير الاعضاء
فيه حركه ثانيه صارت معى على طريق القصيم بجنب المجمعه
وهى لما توقف عند المحطه يصير باالمظخه باقى 3او4ريال من الزبون الى قبلك وياخذ المسدس ويظرب فيه باالمظخه ويطلع لك الصوت كانه صفر العداد وهو باالحقيقه ماصفر حنا متعودين اهم شى نسمع ظرب المسدس نطمن والله صار معى وكفشته ماخليت السالفه تمر مرور الكرام اتصلت على الشرطه وجو شالوه وسجنوه والباقى مادرى وش صار

[sgl2002]

والواحد ليش يخلي لهم ريالين والا ثلاث؟ والله إني لحاسبه على الهلل

بالنسبه لي اطفي الموتر وانزل معه من يوم يصفر العداد إلين مايفلل واجبر الهللات بعد

بس للأسف بعض الشباب يعتبرها عيب او انك بخيل

[turkiq]

عندما تقف أمام مضخة الوقود يقوم العامل بشكل طبيعي بتعبئة المركبة لمدة دقيقة أو أقل ولكنه لم يعبئ لك قطرة واحد, فيقوم بإخراج مسدس الوقود ووضعه عل المضخة بسرعة

معليش اخوي .. كيف ما يعبي ولا قطرة ... هل المضخة تدور ولا لأ؟

[رسلان الوايلي]

عاد لوانك مكمل معروف وجالده يام يعض الاراض

[عاشق الحيسية]

حسبنا الله ونعم الوكيل


لاهنت على التنبيه

[زمزم 100]

ما سرقنا إلا محطات ابو كلب

أنا لي سنين ما أعبي إلا في الدريس

و الحمدلله ما أعرف في سياراتي التفتفة و التكتيم

[al-3saly]

الله يجزاك خير وجعل الله هذا العمل في موازين حسناتك

[ماون ماركز]

اذا الواحد بيجلس بالسيارة ومشغل المكيف ويخلي العامل براحته يعبي أكيد بيسرقه

أنا الحمدالله من عرفت نفسي بالسيارات وأنا أنزل وأقف قدام مكينة التعبئه وبعض الأحيان أنا أعبي بنفسي

وأحرص عليه ما يطلع بنزين برا او يدق الموتر بمسدس التعبيئة

ويا ويله سواد ليله لو دق الموتر او طلع بنزين ..

هذه وحده ..

الثانية .. نصيحة للسلامة .. لا أحد يعبيء والسيارة شغالة او تسمح للعامل يعبيء وهو يستخدم الجوال او تستخدمه أنت ..

[عبد الرحمن عل]

والخافي اعظم عند تعبئة خزانات البنزين - يخلطون بتزين(91) مع بنزين(95) وشاهدة محطة بالرياض يسون هذه الخلطة ... والخافي اعظم ونقول حسبنا الله ونعم الوكيل... بعذر سياراتنا كثرة اعطال الاكلبليتر والتفتة من هذه الخلطات... ويجب على كل مواطن = غيور= ان يوريهم العين الحمراء اذا سكتنا عن الغش يحسبون اننا مغفلين للاسف الشديد

[كرفان]

معليش اخوي .. كيف ما يعبي ولا قطرة ... هل المضخة تدور ولا لأ؟

مرحبا.
اذا صار معك موتر طويل يالله تشوف اخره والقزاز مضلل بعد وشلون تبي تشوف العداد .
وراس العامل جعله الكسر مغطي العداد (تراه فنان في تغطية العداد براسه وهذا لزوم الشغل يابو الشباب)والوقت لاحظ أقل من دقيقة مايمديك تنتبه.:eek:

[Abo gssar]

الله يجزاك خير على النصيحة
وترى اللي صار معك نقط في بحرنصب العمالة خصوصا البنقالة منهم ....
عليكم الحرص ياشباب ترى ماهو عيب انك تنتبه للعداد والعامل يعبي ..

[سمو حايل]

لاحول ولاقوة الا بالله ,*

[جبل راف]

المفروض تصكه بمخمس تخليه يتأدب مع كل الزبائن

[أبوسعد111]

جزاك الله خير على التنبيه
المشكلة في ثقة بعض الناس بالعمال
لو أن كل واحد ينتبه في تعامله مع العماله كان ما وصلوا لحد أنهم يلعبون في كل شئ
و الآن صار الواحد يخاف أنه يغشونه بكل شئ

[كرفان]

المفروض تصكه بمخمس تخليه يتأدب مع كل الزبائن
ايه كذا الحماس .الظاهر اني ابا أروح له اصكه.:mad: بس اللي عندي مثلث ومربع ومسدس مااخبر فيه مفك مخمس:D

[صاحب نوماس]

لاهنت يالغالي

[Tamimi.fars]

اليمنية الي في الغرابي وفي الصناعية وجميع البنقاليه هذولي خلوكم ابخل واشح الناس معهم كاسره واذا عيا وصلها لمشكله ونكد عليه في حياته

هذا بنقالي نزل اخوي الصغير له في محلات الخيام حقت الغرابي وسأله عن تجليدة السيارة حقت الارضيه بكم قال المتر ٢٥ قام اخوي شرا منه ٥ ب ١٢٥ وراح لواحد من اليمنيه الي يجلدون الارضية وقال جلد ارضيتي بالتجليدة الي معي قال بميه قام يكاسر فيه ووراه الفاتوره ب١٢٥ قام اليمني يضحك قال البنقالي لعب عليك المتر ب ٨ ريال وقالي اخوي السالفه وانقهرت مب عشان الفلوس عشان البنقالي واخوي الي لعب عليه وسبحان الله وافقت فيوم كنت بروح لحقين الخيام بيصلحون خيمتنا متمزعه قلت بجيب نفس البنقالي يصلح الخيمه وخذت الفاتوره واخوي معي جبنا البنقالي لبيتنا وصلح الخيمه وخلص وقال الحساب ٢١٠ قمت عطيته الفاتوره وقظبته الباب وصلحنا الخيمه ببلاش

[محمد القصر]

يازين البنقال عند ابو يمن

وين المحطات اللي بها بنقال كل المحطات ابو يمن الله يقطع طاريهم

[ابوصالح77]

جزاك الله ألف خير على هالتنبيه

[.أبوعبدالرحمن]

أفضل شيء إنك تعبي سيارتك أنت بنفسك

[السومر]

مشكور ويبيلنا ننشب شوي على كل نصاب لتكون البلاد بلا نصب

[كلنا لك]

مشكور اخوي على هذا التنبيه...

[كرفان]

اشكر لكم مروركم اللذي سوف يشجعني للبحث عن نصبة جديدة:D

[دل البحار]

مشكور والله يوفقك
وترى الاجنبي لما يجي عندنا يجي وهوه مليان راسه احلام وطموحات ماتتخيلها ولازم يحققها بأي طريقه وبعضهم يسوي مايعرف عربي كلام وهوه لكيييييع واجد تقول انه بيتخلد بالدنيا
وكل شيء فيه نصب عندنا من كل شيء محطا بقالات وأختلاف الاسعار عن بعض تقليد منتج معروف

[أطلال نجد]

الله يجزاك خير على التنبيه
كذلك الحذر من المحطات اللي تخلط الديزل أو القاز مع البنزين لأن تأثير ذلك على المحرك لا يتضح إلا بعد فترة .
لذلك من المهم أن يتعامل الشخص مع محطة بنزين معينة ومعروفة كمحطة تكون قريبة من المنزل أو قريبة من مقر العمل
لتفادي الوقوع في مثل هذه الحيل والأساليب القذرة .
لأن بعض العمالة اللي ما تخاف الله غالباً ما تحتال إلا على الشخص الغريب عليهم واللي أول مرة يشوفونه .

[عاشق السيل]

مشكور على التنبيه أخوي وجعلها بميزان حسناتك ،،

النقطة المهمة والقاعدة الأساسية عندي إني إذا وقفت عيوني على الطرمبة حتى أشوفها أصفار وبدت تدور بشكل طبيعي وبعدها أطمئن إن العامل بيدور غيري يسرقه !!!!

[o0oدوسريo0o]

وش اسم المحطة ‘‘وينها فيه ‘‘ في اي حي؟؟

اعذرني على كثرة الاسئله

[فيصل التميمي]

بيض الله وجهك على هالنصيحة
وحسبي الله ونعم الوكيل على من اراد ان يغشنا يارب العالمين
الله يكفينا شر ابو بنقال لعب في البلاد

[سحاب1]

جزاك الله خير اخوي على التنبيه..
قبل فترة عبيت بنزين بعشره ريال وعند ما مشيت استغربت ان العداد ما ارتفع زي العاده اثر البنقالي لعب على والله العالم انه عبي لي باقل من اللي طلبت وباقي الدراهم اخذها الله لا يسامحه . ومن عادتي اني اطفي الموتر واناظر عداد المحطه او انزل من السياره لاكن ذاك الوقت كان معي العائله وكنت مستعجل ..

بالتوفيق للجميع..

[الضاري]

عماله لا يخافون من الله ولا من حسيب او رقيب

اهم شي عنده الكسب المادي الا ما ندر

بارك الله فيك اخوي على حرصك وتنبيهك لأخوانك

وفقنا الله واياك لكل خير

[حب لاينتهي]

مشكور على التبليغ

سلمك الله

[سلفاريو]

بيض الله وجهك اخوي ومشكور على التنبيه
والله ياشباب حنا الي عطيناهم وجه من البدايه عشان كذا ...الطيبه الي فينا والحيا الزايد والرحمه وغيرها
خلتهم ينصبون ويلعبون على كيفهم ...
وبالتوفيق

[Tamimi.fars]

بيض الله وجهك اخوي ومشكور على التنبيه
والله ياشباب حنا الي عطيناهم وجه من البدايه عشان كذا ...الطيبه الي فينا والحيا الزايد والرحمه وغيرها
خلتهم ينصبون ويلعبون على كيفهم ...
وبالتوفيق

ايوالله انك صادق اذا اكرمت الكريم ملكتهُ واذا اكرمت الإيم تمردا


ولواحد يصير معهم انسان جدي مايعطي مجال للحبابه والطيب معهم ويصير بخيل وشحيح معهم ويكاسرهم في كلش الين تطلع روحهم ويكرهون الشغل

[عاشق السيل]

...الطيبه الي فينا والحيا الزايد والرحمه وغيرها



هذي من أخلاق المسلم ولا هي بعيب !!!

واللي تخسره من ورى الطيبة بالدنيا تبي تلقاه بالآخرة رغم إني متأكد تماما إن طيب الأخلاق كسبان بالدنيا والآخرة !!!!

خلك محتسب الأجر وأنا اخوك تلقاه يوم تحتاجه ،، وإلا الدنيا لا تهمك خلهم يغشون ويسرقون ويكذبون الوعد قدام ;)

[سليمان 10]

جزاك الله خيرا على التنبيه 0والواحد منا لازم يكون مفتح عينه وبعض المرات ينزل ويعبي بنفسه لان بعض العماله يرون اننا لانعرف شيئا الا اننا نأكل ونشرب فقط 000

[سليمان الربيعان]

حسبنا الله ونعم الوكيل اللهم عليك بكل من ارد بنا سوء فاشغله بنفسه
مشكور على النصيحه بارك الله فيك

[كارماستر]

لله يجزاك خير

[البر عشقي]

يازين والله المحطات المتخصصة ماهي اللي على كيس الطبيشي مثل دول الخليج وخصوصاً الأمارات بس مشكلة الامارات بنزينهم غالي

أنا مرة عبيت من محطة ورحت مشوار بعيد مره وجلس البنزين فترة غير متوقعه الله يستر عليه

وعبيت مرة ثانية من محطة بجنبها ورحت نفس المشوار ونفس كمية البنزين ولا جلس نصف المشوار رغم أن المسافه وحده والهواء راكد

الله يقلع هالبنقال والاجانب الخربانة عنا ومشكور أخوي الغالي على التنبية

[روحي بحايل]

أخوكم ( محاتسيكم ) يوم من الأيام وقفت عند المحطة وقلت له عبي فل يا .... ( صديق ) وسيارتي تبي تطفي من خرمتها على البنزين المهم والله قبل لا يحط اللي بالسيارة اشوف عداد المضخة فيه 4 ريالات وسكت ويوم خلص قال 30 ريال صديق ورحت وعطيته 26 ريال هههه...
المهم زعل وقال جيب باقي فلوس قمت وزلت من السيارة عاد أخوكم ( لا تعليق ) وعطيته مخمس ويوم تعدل قلت ليش مافي صفر عداد أول ..... تدرون وش سوى ...
قام وعطاني كرتون منديل عشان اسكت عنه ..... شوفو النصب ا جماعة

[Tamimi.fars]

قمت وزلت من السيارة عاد أخوكم ( لا تعليق ) وعطيته مخمس ويوم تعدل قلت ليش مافي صفر عداد أول


هههههههه الله يهديك