فزعتكم الله يجزاكم خير عاجل

[اللهيب ssss]

معي باثفاندر 2005 ذبحتني الحراره ونقص الماء
1-غيرت الاديتر اصلي مع الغطا
2-غيرت بلف الحرار الصغير والكبير
3-المراوح شغاله بشكل جيد
4-غيرت حساس الحراره
5-لا يوجد تهريب ماء
6-درجت الحراره مرتفعه
7-عند فحص الماء القاها ناقصه تقريبا لتر
ماهو الحل

[دقس 2000]

اذا نااقصة اكييد ان الماا يطلع من الاديتر لان مو معقوولة المااء يتبخر ...
وعلى كلامك ماافيه تهرريب ابد ..
تااكد من الزيت اذا مخلووط معه مااء .. فالمششكلة من رااس المكينة ..

[راعي الوبارة]

هل يخرج ماء كثير مع العادم (الشكمان) أم أنه في الوضع الطبيعي مع العلم أن تحديد مكان التشغيل ووقته مهم لمعرفة مستوى الرطوبة الطبيعية

[sjkrv]

اخوي قد تكون طبة المكينه الى بينها وبين القير تهرب

[مركز حراره]

ابحث عن مكان التهريب ممكن طرمبت الماء تراها داخل المكينه
انصحك ركب رديتر اردني

[مركز حراره]

فيه بودره تسكر الفتحات او اي تهريب بس بعد ماتحطها لابد تبد الرديترلانها تسكره

[سوبر VTC]

الحرارة وش تاصل بالضبط ؟؟؟
عند الوقوف تثبت على حد معين او ترتفع؟؟؟
عند المشي تثبت او تنزل ؟؟؟

رد سابق

اخبر قبل شهر واحد من الربع معه
باثفندر م2005 يحتمي و توصل الحرارة النص
عمل الاتي
تسييخ الاديتر +غير الاديتر بواحد اصلي
غير البلف + الغطاء
بعد هالخساير
لقى المشكله من مرواح الكهرب
حصل وحده منهن تدفع عكس
تضاد => واحده تدفع و الاخرى تسحب
قلب الفيش و زانت الحرارة :good:

.........

ولع المكيف الظهر و اجلس حول ربع ساعه يعني بعز الحر
همن افتح الكبوت بعد ربع ساعه اهم شي يحتمي
و ناظر طبلات الاديتر احيانا ينسم الماء من عندهم و يمكن يتبخر
راح تلاحظ تعريق الماء
احيانا يكون تنسيم من نفس الرصات (شق)
و لا يبين الشق الا اذا طفيت الموتر
راح تسمع صوت تس تس تس تس و هذي طريقة مجربة لازم تجربه
احيانا يكون من غطاء الاديتر تعبانه ربلته ما تحجب الماء
لانه بسببه يروح الماء للقربه و يحتمي الموتر
تاكد من طرمبه الماء (التامين) احتمال ينقط ما يبين الا اذا كان الموتر طافي
تاكد من وجه الطرمبه
اجلد الموتر بمشور بالديره تقريبا 5دقائق كانك بسباق سرعه ملحوق :)
تدوس بسرعه همن تهدي بسرعه تنام على الفرامل :D:p
همن افتح الكبوت و افتح غطاء الزيت
اذا لاحظت على نفس الغطاء حليب ابيض فهذا بخار من الاديتر (ماء)
احتمال ان الراس عندك به شعر خفيف او وجه الراس اللي بين الراس و السلندر
تعبان ما يحجب الماء و الزيت
احيانا يكون شعر بسيط بجدار السلندر و يدخل على المكينة و لكنه يتبخر و ينقص الاديتر
.........

اخبر باثفندر ينقص الماء و ركب اديتر جديد و كل شي جديد
فصارت المشكله من الثلاجه الدفاية اللي عند رجلين الراكب
حصله تهرب ماء طبعا علبه بجنب الثلاجه تقريبا نص لتر
منها صارت المشكله
افتح الفرشه اللي تحت رجلين الراكب تحصل اثر تهريب الماء
غالبا تصير بالجيب و الباترول و الباثفندر
..........


اخر حل اذا لم تجد شي

http://www.mekshat.com/vb/images/misc/subscribed.gif مسحوق لوقف تهريب او شق الاديتر ===> (صورة) (http://www.mekshat.com/vb/showthread.php?t=232914)

...........


افتح غطاء الاديتر و دس بنزين
اذا دار الماء فالطرمبة تمام
اذا مادار فالمشكلة من الطرمبة و بعدها البلف
طبعا لودست تلاحظ الماء ينزل شوي و يتحرك
و هذا يدل على ان الطرمبة تمام
لو حدث العكس فعندك مشكلة بالطرمبة او البلف
و افضل حل
الغاء البلف الداخلي خلف المكينة
من جهة صدر الغمارة

اديتر الباث
حساس جدا للحرارة
اذا احتمى الموتر تقوس الرصات و تضغط على بعضه
و تسكر المجاري
و ما عاد ينفع التسييخ نهائيا

قم بغسيل السلندر و مجاري الثلاجه جيدا
اذا كان وسخ
لانه دائما بقايا الوسخ و الطين يتجمع في داخل الثلاجه
و مع جلد الموتر بالنفود او على السرعات العالية
يتحرك الطين نحو رصات الاديتر و تسكر و يحتمي الموتر
افضل شي جربته لغسل السلندر و الاديتر
عند محلات الاديترات
نص لتر اسيد اثناء الغسيل :good:


البلف لو يقفل خفيف او يعلق مايفتح ترتفع الحرارة و ممكن توصل الاتش
لان الماء مايدور بالسرعة الكافية

اخبر موتر باث م2005 يحتمي
اديتر اصلي جديد + غطاء جديد + بلف جديد
و ماستفاد
راح لرجال خبرة كبير بالسن راعي محل اديترات
حط قرطاسة ورقة صغيرة امام الشبك من الامام
لاحظ ان مروحة الكهرب اللي عند الشبك
تدفع الورقة للامام
و المفروض تسحب الورقة للداخل
قام و قلب فيش المروحة و نامت الحرارة :good2:
و صارت المروحة تسحب للمكينة :good:
صارت المسالة تضاد
مروحة السير تسحب للمكينة
و مروحة الكهرب تسحب و تدفع للامام

المفروض ان الماء عندك احمر و ليس اخضر
هل هو وكالة شد بلد الماء ؟
لان الاديتر على حسب علمي
الاديتر الالمنيوم يحط له محلول احمر
الاديتر النحاس يحط له محلول اخضر

رد في موضوع سابق

قم بالغاء البلف الداخلي
و لاحظ الفرق
غالب المشاكل من البلف او الغطاء
و لو كانت طرمبة الماء مبوشة او مجيمة يحتمي الموتر لانه الماء مايتحرك
البف لو يقفل او يكون ثقيل يحتمي الموتر
لان الماء يدور بشكل طبيعي من و الى المكينة و الاديتر
تاكد من تماتيك المروحة لايكون مجيم او مهرب زيت
99% من البلف الداخلي
عندك ورشة الثنيان بصناعية الدائري الجنوبي
تخصص باثفندر


حل سريع لحرارة الباث بعد معاناة وأخذ وعطا مع السيارة ومازالت تحت التجربة .. :good: (http://www.mekshat.com/vb/showthread.php?t=231255)


" صوور " (http://www.mekshat.com/vb/showthread.php?t=231255)بخصوص حل مشكلة حرارة الباثفندر هنا الحل ان شاء الله - منتديات مكشات (http://www.mekshat.com/vb/showthread.php?t=139188)



حل لمشكلة ارتفاع حرارة الباثفايندر اثناء التطعيس - منتديات مكشات (http://www.mekshat.com/vb/showthread.php?t=50644)



رديتر أردني أو صييني . للباث فندر 2004 (http://www.mekshat.com/vb/showthread.php?t=269943)


****

رديتر الباثفندر تعبني - منتديات مكشات (http://www.mekshat.com/vb/showthread.php?p=4279098)


مشكلة بالباثفندر -الحرارة ترتفع -والزيت ينقص - واليوم فيه تفتفه ... (http://www.mekshat.com/vb/showthread.php?t=213833&page=2)


افيدوني للباثفاندر ( الرديتير) - منتديات مكشات (http://www.mekshat.com/vb/showthread.php?t=277143)


...................

اذا احتمى الموتر و هو واقف
دس على الابنص خل الضغط على 2 او 1.5 و الموتر واقف
لمدة دقيقة او دقيقتين او اكثر
اذا بدا ينزل انبير الحرارة
فالكلتش تمام حق المروحة
اذا لا
فالمشكلة سدد برصات الاديتر مايدور الماء بالسرعه الكافية
او الطرمبة مبوشة مجيمة ماتدفع الماء
او مشكلة بالكلتش للمروحة
او مشكلة بالبلف
...........

[مخاوي النت]

الله يعينك ياخوي ، مشاكل الحرارة ماتخلص وتعقد الواحد من صعوبة اكتشاف السبب

من كلامك ووصفك أخمن تكون المشكلة في الروس ، والسبب غالباً بسبب حرارة شديدة صار منها تلف في الوجيه أو كسر أو تقويس في الراس ، لأنك تقول إن الماء ينقص بدون تهريب وهذا معناه إنه يتسرب إلى مجاري الزيت ( فك أحد البوجي وشف لو فيه أثر للماء ) أو يكون التسريب لغرفة الاحتراق ويطلع مع الشكمان تبخير

وعموماً لو فيه تفتفه بالمكينة مع الحرارة فهذا دليل إن العلة من الراس .

رح للورشة واطلب فك الراس ومسحه في المخرطة إذا كان ماسبق له المسح
وبعدها يصنفر البلوف ويركب لك طقم وجيه جديدة
واحرص بنفس الوقت تاخذ الأديتر وتنظفه وتجيب ماء خاص فيه من النوع الأصلي

وإن شاء الله تزول المشكلة