يقولون خاولك صقار وتصير صقار

[سلاااامات]

السلا اااام عليكم ورحمة الله وبركاته

يقولون خاولك صقار وتصير صقار وأنا اقول تابع منتدى مكشات وتصير صقار

يالربع مساكم الله بالخير جميعا كلمة حق والله انكم مبدعين والدليل بأني من خلال تصفحي لمنتديات مكشات أصبحت بفضل الله صقار لأني كنت هاوي القنص بالطير وأعشق الطير وتابعت مواضيعكم وردودكم وتعلمت منكم وحتى أغلب الصقاقير اللي أعرفهم أستغربو مني ومن تعاملي مع الطير سواء كان بالتلويح أو بالتدهيل والعزل وغيرهااااا والفضل لكم ياصقارين مكشات لاني كل ما احتجت لشي ارجع لمنتدى مكشات والقى الي ابيه

وأول طير لي كان وكري بس للاسف يافرحه ماتمت مات فبل نهاية الموسم لاني هديت على حمامه قريب من طريق سريع بكم كيلووو وتعرفون الحمامه روحت والطير وراها واقرب موتر باسة زجاجة الاماميه شيهانتي والحمامه اسلمت ,,,,حرام والله ياالربع والله من الولف عند الوكري

المهم مابي اطول عليكم انا عوضني صديق بوكري ثاني وعلى الشرط من راعيه اللي شاريه منه وراعيه صقار معروف يقول حباره وكروان وحمامه ماتمغط ظهرها

أستفسااااار ممكن يالربع وارجو انكم تفيدوني كم يسوى الوكري لا صار مشروط على الشرط أرجو الافاده ولكم مني جزيل الشكر وان شاء الله اكون عضو فعال

ملاحظه الوكري من جاني وديته المربط على طول وما اخذتله صور والا كان نزلت له كم صوره على شان تشوفونه

[البرنس الليبي]

اللي فهمته ان اللي انت هديت على الحمامه وكري واللي صدم زجاجه شيهانه ..عموما ..الوكري حسب كبره وشكله لكن تراها تترواح بين الالفين إلى الـ 3000 ريال هذا سعر وكري الجزيره ابوطاقيه لكن وكارى الشمال المدمعات الكبار سعرها يختلف مع انه صارت شبه معدومه .

[طير الهقاوي]

السلام عليكم ورحمة الله وبركاته
حياك الله والله يطرح البركه في هذا المنتدا الكبير
الي من خلاله علم الكثير
لاكن ينقص كلامك الصقار
الصقار يا الحبيب تشوفه بالعين يعني درس تطبيقي وما بعد الكتابي الى التطبيقي
فلابد منك ان تمشي مع من يهوا هذي السلعه المبروكه وهوايت الصقور فرحه وعشق بالقلب
حياك الله اخوك طير الهقاوي

[عبدالرحمن بن ذياب]

عز الله انك تخاوي و اخاوي ذيابه
يعلم الله اني مستفيد منهم الكثير و الكثير و الكثير
فالك التوفيق و امورك مسيره و عقبال ما نشوفك تطرح أحرار
أخوك نصر الغامدي

[معشي الذيب77]

وكري ولا شيهانه يا اخوي

[عابر الموج]

بالتوفيق ان شاءالله سعر الصقر الوكري الوافي الصائد والجناح الطيب من 3000 الى 5000 اعرف لك واحد عندة وكري فاعل سيم بخمسة الاف ورافض بيعة تقبل تحياتي

[دعاس]

بالتوفيق ان شاءالله سعر الصقر الوكري الوافي الصائد والجناح الطيب من 3000 الى 5000 اعرف لك واحد عندة وكري فاعل سيم بخمسة الاف ورافض بيعة تقبل تحياتي

كلام اخوي سليم100%
حياك الله بين ربعك واخوانك
وفقك الله لما يحب ويرضا

[عنيد]

ماكل صقارً تشوفه بصقار ** ولا كل من ركب المطايا ينوبي

[راعي طلاع]

ماكل صقارً تشوفه بصقار ** ولا كل من ركب المطايا ينوبي


شي غريب وتعليق اغرب معليش تبي تقنعني انك من ولدت وانت ملم بالصقاره وهل انت الان ترى انك صقار لا يشق له غبار

وهل افضل شخص بعينك في مجال الصقاره صقار بكل ما تعنيه الكلمه الصقاره بحر

العالم فيها لا زال يجهل بها امور ومن تواضع لله رفعه التشجيع مهم ومطلوب وكلنا في يومن من الايام كنا

غشم وتعلمنا حبه حبه اللي من شيبانهم عسى الله يطول بأعمارهم اومن اخويانا النشاما

واليوم نفيد ونستفيد ايضا ممن لهم خبره وسبقونا بها المجال تقبل النقد بصدر رحب......

واما بالنسبه لك سلااامات فالله يحييك بين اخوانك وفي محلك وان شاء الله يجي

اليوم اللي نشوفك فيه دكتور في مجال الصقاره وبقولك شي ان اعطيت الطير قلبك

اي انك حبيت هالهوايه فصدقني يتبدع فيها وبتذبح كل حول بحول الله وبتعرف

على الديار ولكن اهم ما فيها الصحبه الطيبه المعينه على الخير وابتعد عن اهل الشر لك تحياتي...........

[@السيف@]

شي غريب وتعليق اغرب معليش تبي تقنعني انك من ولدت وانت ملم بالصقاره وهل انت الان ترى انك صقار لا يشق له غبار

وهل افضل شخص بعينك في مجال الصقاره صقار بكل ما تعنيه الكلمه الصقاره بحر

العالم فيها لا زال يجهل بها امور ومن تواضع لله رفعه التشجيع مهم ومطلوب وكلنا في يومن من الايام كنا

غشم وتعلمنا حبه حبه اللي من شيبانهم عسى الله يطول بأعمارهم اومن اخويانا النشاما

واليوم نفيد ونستفيد ايضا ممن لهم خبره وسبقونا بها المجال تقبل النقد بصدر رحب......

واما بالنسبه لك سلااامات فالله يحييك بين اخوانك وفي محلك وان شاء الله يجي

اليوم اللي نشوفك فيه دكتور في مجال الصقاره وبقولك شي ان اعطيت الطير قلبك

اي انك حبيت هالهوايه فصدقني يتبدع فيها وبتذبح كل حول بحول الله وبتعرف

على الديار ولكن اهم ما فيها الصحبه الطيبه المعينه على الخير وابتعد عن اهل الشر لك تحياتي...........

بيض الله وجهك كلامك مسكت لا عدمناك

[ذراع الذيب]

السلام عليكم ورحمة الله وبركاته,,
صبحت بالخير ياخوي,,

كلمتك شهاده نعتزبها ويعتزبها منتدى مكشات وهو علم الكثير والكثير والحمدلله استفدت منه اشياء كثيره,,
ولانجحد ذلك والا الحين وانا متعطش من عالم الصقاره العجيب وهناك اعضاء كثر في المنتدى والى يومك هذا اتعلم منهم,,
وعالم الصقاره بحر لاساحل له والله يوفقنا وياك فيما يحبه الله ويرضاه,,
تحياتي لك,,

[قناص الهمله]

افادوك الاخوان

[قناص2000]

ياجماعة الصقارة بحر بحر مهما اخذ منها ماوصلت الى اخرها من شبكت الطيور الى طبها الى صقارتها الى تدهيلها .....الخ علم كامل ولكن لا يولد المرء متعلم..يغلط ويصحح غلطه ويسأل الكبير قبل الصغير والعكس لانه قد يكون الصغير شاف شيء انت ما شفته او اخواننا الكبار ويستشير لا يقول لا انا صقار خلاص لا ياخوي مهما تعلمت تبقى جاهل في بعضها وتقبلو مروري..

[سلاااامات]

أول حاجه ياكثر حبي لكم يأعضاء مكشااات

والشي الثاني فيه أعضاء يهبطون في والبعض الاخر يشجعوني جزاهم الله خير ويكون بالعلم أنا طلعت مع كذا صقار على شان كذا تولعت بالطيور ويمكن خانني التعبير في الموضوع اللي انا نزلته

بس للمعلومه انا شريت الوكري اللي مات عندي من صقار يقال له صقار لانه مالك طير ويقنص بطير والا انا داري انه ماهو بصقار ولا يعرف فالطيور شي بس مع الخيل ياشقرا والوكري يوم شريته منه رأفتاً بحال الطير وابي الاجر لانه حاطه بقفص دجاج بالبيت فالحر وفالبرد حاله حال الدجاجه مافيه فرق ولا يدعي الا بالاسبوع مره والوكري مريض كان فيه ملوع وألتهاب رئوي وكل هالمعلومات عرفتهااا من منتداي الغالي مكشات والبركه فيكم طبعاً والوكري انسام منه 2000 ورافض انه يبيع الظاهر كان يبي فيه 50000ههههههه الوكاد اخذته منه 3000 لاني ابي الاجر وهو مايساوى
والصقار الثاني اللي خاويته عمره خمسين سنه تقريبا وحابس الطير فالبيت رجال نظره ضعيف ومايدعي الا انا معه اومع اي شخص ثاني ومعذب الطير عنده والبرقع 24ساعه في راسه ماينزل يالربع ماله ومال الطير بيعه والا اطلق سراحه والله حرااام ماودي اطول عليكم

هذولا اللي خاويتهم وانا حكمت عليهم ان ما عندهم الا الدجه هههههه وبعدها انصحوني الربع قالو عليك بمنتدى مكشات وتابعت المنتدى والله وفقني في المعلومات اللي استفدت منهااا ويشهد علي الله اني احب الطير حب ماله حد

واشكر الاخوان اللي افادوني بقيمة الوكري اللي استفسرت عنهااااا والاخوان اللي هبطوا في الله يسامحهم



آآآآآآسف على الاطاله والله تعبت

وان شاء الله يوفقني بالهوايه اللي هويتهااا

[بن قراص]

افادوك الاخوه

[خارش الحباري]

معليك تحمل من يبغى الدح لايقول اح

[رسيس نجد]

الله يوفقك ونرى صيدك في المنتدى