الفزعه من اهل الخبره

[أبوسيف العنزي]

الله يعطيكم العافيه ياشباب انا جديد المنتدى وجديد على الطيور بعد وشتنصحوني اقني بالاول من الطيور .... وبعدين صتلي باز تهقووون ينفع للقنص لو ادربه....؟؟ والله يجزاكم الخير

[الموافي1]

يعافيك حياك اخوي نورت المنتدى
نصيحتي لك خذلك وكري قيمته رخيصه ودربه على كيفك وتدرج وعقبال ماتقنيلك النادر

[أبوسيف العنزي]

الله يعطيك العافيه اخوووي تقدر تعرض صور للوكري وطريقت تربيته وتدريبه

[ذراع الذيب]

السلام عليكم ورحمة الله وبركاته,,
مسيت بالخير يابوسيف,,

ومرحبابك تراحيب المطر والسيل يالله حيه وعقبال مانتعلم منك يالنشمي,,
هذا الموضوع فيه معلومات كافيه وكيفيه تدريب الطير الوحش,,
رابط الموضوع
من هنا (http://www.mekshat.com/vb/showthread.php?s=&threadid=10780)

لاكن انصحك انك تشتري وكريه مدربه وافضل انك تاخذها بشهر عشره,,
جاهزه وتدعيها بمهمل طويل(حبل)تدعيها على الدس تربط المهمل بمربط الوكر,,
والطرف الثاني بالسبوق ولاضمنتها انها تجيك كل مره اطلقها ولاتربطها بمهمل لوح لها ,,
بحمامه ميته بشرط ان يكون الطير له وجبه وحده باليوم عصريه او صبحيه ,,
وخلها تمسح على الملواح اليوم الاول خمس واليوم الثاني زيدها خمس يعني عشر,,
وانت رايح ولاتشبع الطير نص الثنادي مع الرجول تكفيه,,
وبعدين هدها على الحمام الضعيف خذ حمامه وخذ من كل جناح خمس ريش...
وفك الحمامه واطلق الطير عليها على طول يعني ورى بعض ولامسكتها,,
خلها تأكل كل ثناديها يعني اكرمها وباليوم الثاني هد على حمامه,,
وخذ من كل جناح اربع ريش واليوم الثالث لوح للطير ولاتتعبه وهكذا..
واليوم اللي بعد على حمامه ثلاث ريش ولاشفت الطير تعب بالمطراد,,
وجاب صيدته اكرمه منها والله يوفقك ويرزقك بالمقانيص الطيبه,,
واكثر الاطلاع بالمواضيع المثبته المهمه راح تستفيد اكثر ,,
وتحياتي لك,,,
وهذي صورة وكريه ويميزها راسها الاحمر اللي تقول لابسه طاقيه ههههه
http://www.mekshat.com/pix/upload05/images218/mk67925_ffffff.jpg

[أبوسيف العنزي]

ما شاء الله عليك معلوماتك ممتازة



اشكرك عل المعلومات المفيدة أخي ميراج الغالي

[الجفران]

خذ للك طير يالبناخي بيتي وصايد بالبدايه
ولا تبلش بتدليه ولا تعلوم جاهز وتونس به ان شاء الله
واخواننا بمكشات ما يقصرون بالرد على اي استفسار

[راشد حسين]

خذلك وكري افض

[دعاس]

حياك الله بالمنتدى’’’افادوك الشباب
وابوناصر ما قصر

[Abu Khalaf]

وعليكم السلام
خذ لك شهانه جبليه تبعه يعني طوله ١٣ ونص
بالنسبه للصقار الجديد
اما لا تخربها وتاخذ طير غالي
خذ لك للتعلوم

تحياتي

[احمدالصالح]

كبدايه خذلك وكري ، هو الافضل للمبتدئ واذا شفت انك توفقت مع الطير اشترلك حر بيتي يكون ذابح وراكد ، عقبها خذلك فرخ وحش واصقره بطريقتك من خلال تجربتك ، ارجوا اني اكون افدتك

[أبوسيف العنزي]

مشكورين ياوجيه الخير والله ماقصرتم وانا جاهز لي خدمه من الاردن ياجماعه الخير لايردكم غير اللسانكم وابشروو بعزززززززز ....بس مااحد فادني عن الباز اتهقون ينفع لشي لو ادربه

[ذراع الذيب]

مشكورين ياوجيه الخير والله ماقصرتم وانا جاهز لي خدمه من الاردن ياجماعه الخير لايردكم غير اللسانكم وابشروو بعزززززززز ....بس مااحد فادني عن الباز اتهقون ينفع لشي لو ادربه
هلابك,,
الباز طير جسور ومتقلب المزاج,,
يصلح هداده في المناطق الضيقه والقصيره ويبدع فيها,,
كصيد الحجل..والقهد..والخ

[قناص الهمله]

افادوك الاخوان

[سلكم]

السلام عليكم ورحمة الله وبركاتة
اخوي خذ كلام ذراع الذيب
1432/7/5

[أبوسيف العنزي]

والله مقصرتم جميع والله يجزاكم كل خير ... ويعطيكم العافيه على مروركم جميعااااااااا وتقبلووو تحياتي

[الجراح11]

اخوي ابوسيف حياك الله انا انصحك تخاوي صقار فتره طويله على الاقل موسم وتعلم منه وبعدين تعتمد على نفسك وتعرف وش تختار و وش تسوي ..........( على فكره كلنا مرينا بهل مرحله .. ما احد يولد عالم )

[الرقعي]

خذلك شيهانه جبليه او كري ويكونن مصقورات ومن ناس تعرفهم