المساعد الشخصي الرقمي

مشاهدة النسخة كاملة : لخبراء الشاص.... نرجو التكرم


حسن الشمالي
05/06/2011, 09:14 PM
السلام عليكم ورحمة الله وبركاتة

يا اخواني عندي شاص رفارف وابي حاجتين:
1- ابي افك الرفارف وش افضل طريقة ووش افضل ورشة وماهي الطرق المتبعة
وكم التكلفة...
2- ابي ارتفاعة من الخلف مثل ارتفاع الشاص اللي بدون رفارف وش الحل ووش الطريقة
وهل ارتفاع الشاص ابو رفارف من الامام مثل اللي بدون رفارف؟؟
؟؟؟؟؟؟؟؟؟؟؟؟؟؟؟؟؟؟

خلينها بأسلوب مبسط عشان الجميع يفهم....

وشكرا لكم...
(((.ابوتميم .))))
05/06/2011, 09:43 PM
هلا ومسهلا انت اول شي فك الرفارف عند سمكري وخله يصك فتحات المسامير وان شاء الله بيضبطها لان شغلتها مهيب صعبه
بعدين ركب كفرات الشاص الشنبر حقات بدون رفارف علشان تشوف كم يبيله رفع ويصير مضبوط
وقارنه مع شاص ثاني بدون رفرف
من وراء بترفعه اتوقع بتطويل العاب ومن قدام بياي حق شاص بدون رفرف
ان شاء الله اني افدتك
وبفيدونك الاعضاء وهم اخبر مني وسامحنا على القصور
حسن الشمالي
05/06/2011, 09:48 PM
الله لايهينك اخوي ابوتميم مامن قصور الله يدخلك الجنة ووالديك
افدتني الشي الكثير احسن الله اليك...
لكن اللعاب كم طوله يا اخوان....
حسن الشمالي
06/06/2011, 10:46 AM
للرفع
لطلب الاستزادة
ابوعزيز2007
06/06/2011, 12:00 PM
وعليكم السلام ورحمة الله وبركاته

انا مع اخوي ابوتميم ولاكن الشاص ابورفارف يجي وراء سبع(7) ريش (سست) والشاص العادي يجي وراء (11)ريشه يعني لازم تركب زود4ريش اذا بغيت نفس النصبه ارجو اني افتدك
حسن الشمالي
06/06/2011, 12:04 PM
الله لايهينك يبو عزيز على الرد وجعلك من عز الى عز
لكن لو اركب لعاب مب ارياح ؟؟
وكم طولة؟؟
أبومفلح
06/06/2011, 12:14 PM
والله رائيي انك ماتفكهن وانا اخوك بعه وطقلك واحدن بدون رفارف والآن ابورفارف فالسوق اغلى من اللي بدون رفارف حسب علمي البريمي
حسن الشمالي
07/06/2011, 07:26 PM
احسن الله اليك يبومفلح
لكن موتر تعرفة اخير من موتر تجهله...

للرفع..::..::
عكس التيار
07/06/2011, 11:19 PM
الرفرف الامامي فيه 14 كلبسه مخرم الرفرف يعني 14 خفس في الرفرف وش بيصكهن ؟؟

غير اللي ورى

يعني لو بتصكهن لازم معجون ورش من جديد وكذا بيصير موترك مرشوش اربع رفارف !!

خله على حاله ولا بعه واشر لك غيره ولا تلعب فيه ثم بكره يطيح من قيمته
(((.ابوتميم .))))
07/06/2011, 11:20 PM
رح ل الصناعية القديمة في الرياض ميزان اليرموك او المجد او العضيب واتوقع بيعرفله
((ابوملاك))
08/06/2011, 02:52 AM
انا كنت بقولك نفس ما قالك عكس التيار

لازم رش ومعجون

ولا جيت بتبيع وش يضمن للناس انك ما صدمت به

يعني رفرفين مرشوش والحوض من جهتين
حسن الشمالي
08/06/2011, 09:31 PM
والله يالربع عظمتو امر الرفارف كنت اتوقع انها اسهل من كذا:::
لكن اللعابات احط اي مقاس؟؟

وشكرا لكل من رد وشارك او دخل وجعل الله مثواي و مثواكم الجنة ومن تحبون:::
قناصه
11/06/2011, 05:43 PM
معي 2011رفرف وعقب اسبوعين قلت ابفكهن واذا مليت ركبتهن فصار:

فريت صناعية الرياض وكلهم قالو
1 لازم رش ومعجون اذا تبي الشكل تمام
2تخلي الرفارف بينه خرومها من قريب ومن بعيد ماهي بينه وركب جنوط هلل واذا مليت ركبهن راس مالها برشام
3تخليهن وتفتك من خساير ولعب في السياره والفك والتركيب شغل صح يكلف

جنوط مع كفرات صخيفه 3200
زيادة السست وتطويل اللعاب870
شغل الورشة فك وتركيب 850
كلبسات جديدة 210
تحفظ اللي تفك منه للترجيع
ويرجع زي ماكان

اتمنى اني افدتك والسلام

لالالالالالالالالالالالكن نصيحة مجرب خله واكسب وجع الراس وخساير الفلوس
حسن الشمالي
12/06/2011, 01:05 PM
اخي الكريم قناصة
قل امين
جعلك انت ووالديك ومن تحب في الفردوس الاعلى وياجعلك تدخل الجنة بدون حساب ولاعذاب
ريحتني الله يريحك دنيا واخرة
وافدتني افادة عظيمة
الله يجزاك خير
لكن عندي استفسار بسيط
ودي اخلي الموتر ارتفاعة مثل ارتفاع اللي بدون رفارف
هل اليايات الامامية تختلف؟؟
ومايكفي اطول اللعاب من الخلف؟؟

الله لايهينك:::
تحياتي:::::
المنيعي1
12/06/2011, 01:32 PM
ياخي الشاص برفارف أجمل شكل ورزه , أنا ماجربته ولكن على كلام الي جربوه يقولون أريح من العايدي بدون رفرف .
أما عن الترفيع ركب لاعابات من الخلف وكعكات من الأمام بالحاله هذي يبقى مريح وبنفس أرتفاع الي بدون رفرف.
على رمشي تمشي
12/06/2011, 01:41 PM
خله على ماهو عليه افضل لك لان اذا فكيت الرفارف تبي تشوه منظر السياره خصوصاُ وجود المسامير الماسكه على الرفرف - الرفع زود ريش خلفيه 4 تصير 11 بس ترا يبي يقسى عليك - الامامي يايات استراليه او كعكات رغم اني افضل اليايات:
حسن الشمالي
12/06/2011, 01:57 PM
اخي المنيعي1
اشكرك على الرد والافادة
وكلامك صحيح ابو رفارف اريح في المركب اشين في المنظر
احسن الله اليك::

اخي على رمشي تمشي
الله يجزاك خير ويبارك فيك
وهذا اللي يبي يحصل ان شاء الله
هونا عن شيلة الرفارف
بقى بس الارتفاع ولا ودي اركب استرالية ابي مثل اللي بدون رفارف هل فيه اختلاف ولا لا؟؟
احسن الله اليك

تحياتي:::
حسن الشمالي
13/06/2011, 04:06 PM
للرفع
للرفع
للي يبي يستفيد وتقديرا لجهود الاعضاء اللي شاركوا .
::::::::::::::::::::::::::::::::::::::::::::::::::
حسن الشمالي
15/06/2011, 11:53 PM
تقديرا لجهود الاخوة تم رفع الموضوع
راعي الشاص02
16/06/2011, 10:04 PM
السلام عليكم ورحمة الله وبركاتة

ماقصرو الاخوان

لكن اذا فكيت الرفارف ورفعت من ورى
يبقى شي النسافات والقواعد الحديد اللي تركب فيها النسافات
تختلف في الشاص ابو رفارف عن اللي بدون رفارف

وانا انصحك انك ماتلعب في الموتر اذابغيت بعة واشتر بدون رفارف
قناصه
18/06/2011, 05:45 PM
سلام اخوي :

اسف للتأخر في الرد بس كنت في البر اسبع وتوني دخلت اليوم للديرة فا العذر والسموحة
اذا انت تبي ترفعه للبران والمطامر انصحك غير الجنوط او ركب بالون او جنوط هلل وكفرات شاص ارتفاع95

يرتفع الموتر كله وتصير نهضته في البر زينه ويحافض على اسفله من الحصى والشجيرات

اما اذا تبيه رزة فزي ماقالو لك الخوان واليايات الين والكعكات زوينه بس بيقسى مطبه شوي واشوف الشباب فكو مساعداته ومرو ابن مرضاح ودبلو المساعدات بدل4 طلعن 8 ومسكته عن المطامر ورفعته شوي

لالالالالالالالالالكن ترى كل مارتفع يفقد شوي من توازنه ولو تلاحظ ان اللي دايم ينقلب الرفيع ابوكفر صخيف
واذا البدي ارتفع واسفل السيارة لالالالالا مامنه فايدة اقرب حصية تطق في اسفله
والرفعه لها عيوب والطمن له عيوب بس حسب استخدامك للسيارة

اخيرا فيه شايب دايم يقول مامثل شغل الخواجه

اتمنى اني افدتك واستخر وشف اللي يناسبك وبالتوفيق مقدما
حسن الشمالي
18/06/2011, 11:39 PM
((راعي الشاص02))

بارك الله فيك واشكرك على الرد
وكلامك صحيح النسافات تختلف
والظاهر انا نبي نعدل عن الفكرة
تحياتي:::

اخي (((قناصه)))
الحمدلله على السلامة
عساكم استانستو وانبسطتو...
وانا مابيه رفيع الا للبر لأني ما اعرف امشي مع الجواد
مشيي مهابد وممطامر...

والظاهر انا نبي نخليه شد بلد
ونركب له بالون:::

الله يجزاك خير على حرصك وهذا منطيبك وطيب اصلك
تحياتي::::

واشكر كل من شارك وافادنا برأية
والله يجزاهم خير وييوفقهم....
فتى الحرة
27/02/2012, 06:24 PM
اخوي لاتسمكرها <الفتحات< اشترسولكن بخمس ريال ولا لحام بارد واخذ بويه من السمكري وغط الفتحات
طبعن بعد ماتفك الرفارف وقواعدها
ونا مجربها
جويات الهمل
28/02/2012, 06:46 AM
يا اخوان ترا فيه فرق بين السست حقت الرفرف والعادي

الرفرف تجي نحيفه شوي

العادي تجي اثقل