هدد جي اكس 2010 فل كامل 8 سرندل وارد اليحيى

[index]

بسم الله الرحمن الرحيم

كما هو معلن لند كروزر جي اكس 2010 وارد اليحيى خليجي فل كامل نظيف جدا على يدي وكالة ماشي 11116 إحدى عشر ألف فقط قابل للزيادة يعني جديد
المواصفات:
8 سرندل فتحة قير اوتوماتيك أنوار زنون شد بلد مثبت سرعة تخشيب كامل اسبير تحت خلفية لكزس مكيفين ثلاجة الدخول ببصمة مفتاحين دعامة شد بلد جنوط كروم وليست حديد شد بلد شبك كروم نيكل وليس أسود شد بلد اللون لؤلؤي خالي من الرش والسمكرة والصبغ والمخش آخر تشييك بالوكالة العشرة آلاف مفتوح له ملف بالوكالة بنزين 95 مكيف اتوماتيك مستقل في التحكم في درجة التبريد لكل راكب في الإمام والخلف مؤشر لعرض درجة حرارة الجو الخارجية مراية تعتيم.
لايوجد دف لوك ولا ونش ولا دي في دي
الإضافات:
تركيب شاشة ملاحة أصلية ضمان 3 سنوات
تركيب حماية للوجهية من محل (حماية وعناية) بالدمام مع ضمان مدى الحياة
تنجيد المراتب كاملة والأرضية بلاستيك من أفضل محلات التنجيد من أول يوم طلعت من المعرض



الموتر جديد لمن أراد أن يستخدم والموتر دائما بالكراج لوجود السيارة الأخرى ولله الحمد ( يعني طلعات خفيفه بس)
ولم يتركب عليه بوالين أبد لم أغير شي من مواصفاته جميعها شد بلد غير المذكور في الإضافات وارد اليحيى معرووف
والله الله بالسومات الطيبة وقولوا ماشاء الله ترى العين حق وسومات الشريطية لن ينظر لها أبدا
الغرض من البيع هو لاحاجة لي للسيارة لوجود سيارة أخرى وأنا مومستعجل على البيعه الرجاء عدم السوم تحت 180000
للجادين : 0541153111
الصور:
الصور موجودة على هالرابط والله يالربع ماعرفت أنزلها بموقعكم لكن إدخل على الرابط وشوف الصور وشكرا...
http://www.haraj.com.sa/11430841/هدد_جي_اكس_2010_فل_كامل_8_سرندل_وارد_اليحيى_ماشي_1 1000/

[ابو...سلمى]

افتح الباب ب 100000

[index]

يا بو سلمى قلنا سومات الشخابيط مانبيها وخل سومتك لك
الموتر مسيووووم 182000

[الخيال100]

الصور من طلعت يالغالي الرابط لم يتم اضافته

[ابو...سلمى]

index
ولايهمك نفرق السوم بألفين....
102000

[index]

لن ينظر لأي سومات تحت 182000 وشكرا

[index]

يالطيب انا الرابط فاتح معي إذا موفاتح معك إدخل على موقع حراج وبتشوف الإعلان

[ابوناصر السهلي]

الله يرزقك

[ابو...سلمى]

بعتني ب 102500

وعليك نقل الملكية..شاور نفسك

[index]

ههههههههههه شرايك علي التأمين بعد أقول روح دور لك 2005 أو 2006 منت بكفو للجديد

[راس الضلع1]

كم يقول الاخوان؟؟؟

لا بزيد عليهم 2500

105000 ريال

وتراي جااد

هاااهـ وش قلت أعطيك العربون

[يارب عفوك23]

الله يرزقك من بابه


ماشاء الله تبارك الله

[ابو...سلمى]

ولاتزعل
106000

[عـــــزام]

الله يرزقك من واسع فضله

[ابو...سلمى]

يالله بعتني والا ابهون.!!!!

[index]

لالالالا تكفى لاتهون أبدا ماعندي أحد يشتري الموتر

ياشيخ أحرقه ببنزين ولا أبيعه لأشكالك

[ابو...سلمى]

ترى البنزين على حسابي؟؟؟

[صاحب مبدا]

هههههههه الله يهديكم

[مخطط 2008]

182500 اقساط كل شهر 3000 ريال وجمع الضمانات موجودة

[عبدالله7777]

ماشاء الله الله يرزقك

[مغرم بالفتك]

الله يرزقك من واسع فضله

[زيــآدِ]

هل لك بالبدل بموتر ثاني ؟

[قاع البحر]

الله يرزقك من واسع فضلة

[حبيب تعب]

لي نظر بالموتر يالغالي
وتكفى قدر مكشات والناس الطيبه فيه
لاترد على من هو ما يستاهل
انا عندي 2006
بس ابيعهوابشر
وتراي صامل
ابي موترك عسى الله يكتب لي فيه نصيب
وماشاء الله الزين يستاهل اكثر
الله يرعاك

[alyahya2]

والله العظيم مبزرة الواحد يسوم سوم ينتقلد عليه والا على شحم ؤالله لوهو سارقها عيب والله مكشات كبير وللكبار لا اقصد احد بينه

[الصيهد.......]

يأخوان وش فيكم
هدو الوضع:(:(:(
ترا المنتدى اسماء ورقى من ان نقراء فيه هذه ا لعبارات
وترا بين البائع والمشتري يفتح الله
يالبي قلوبكم

[وهم 333]

الله يرزقك البيعة الطيبه وبالنسبة للاعضاء اللي سامو المفروض يوقفون

[المعتصم بالله555]

الله يرزقك البيعه اللي ترضيك
وانصحك اخوي وسع صدرك بعض النلس ما تخاف الله
ويجيك الزبون الصامل ان شاء الله

[بنــي زيــد]

الله يرزقك وانا اخوك البيعة اللي تسر خاطرك
ويبارك لك فيها
والهرج يطير في الهواء وانا اخوك واهل الصنف يعرفون قيمتة
وموفق خير يا ذيبان

[عااشق نفود]

108 بعد الفحص وهذا حقه مره

[راعي مهيوبه]

ماشاء الله تبارك الله

[قرناس سبيع]

الله يرزقك من واسع فضله تقـ مرررررروررررري ـبل ببي

[بن فليج]

الجديد اصفاااار عند اليحيى 194
والله يرزقك البيعه الطيبه

[أبوعابد 22]

الله يرزقك من واسع فضله

[سيف الظفير]

موترك يالغالي


يوصل 190.000


الجيب زين مواصفات عالية


والله يرزقك يا رب العالمين ويفكك من دخلاء مكشات

ياليت تبلغ الادارة بمهازل بعض الاعضاء

**

اللي ما معه قيمة الجيب لا يرفع راسة ترا الددسن قريب له

[alsari_8]

رجاءخاص من المشرفين ايقاف من هم من المغرضين للفوضويه وتشويه صورة المنتدى ببعض الالفاض او بعض التبجحات بالسوم او الردود ف هؤولاء يسيئو للمنتدى والمنتدى كما اعتدناه وعرفناه غني عن التعريف بالرجال الافاضل الكرام 000000ولكم جزيل الشكر

[صلفيق]

مالك لوا الجديد عند اليحي 202 وغير موجود




نبويه عظيمه
قال النبي -صلى الله عليه وسلم-: "لا تَحاسَدُوا
ولا تناجشُوا ولا تباغَضوا، ولا يبِعْ بعضُكُمْ على بيعِ
بعْض، وكُونوا عبادَ الله إخوانَا، المسلمُ أخو المسْلم
لا يظلمْهُ ولا يحقِرْه ولا يَخْذُله، التقوى هَاهُنا،


وأشارَ بيدِه إلى صدرِهِ ثلاثا، بِحسْبِ امرئٍ منَ
الشرِّ أنْ يحقرَ أخاهُ المسلِم كلُّ المسلِمِ على
المسلِمِ حرَام دمُهُ ومالُهُ وعِرْضُهُ" رواه مسلم


وعن أبي هريرة رضي الله عنه قال: قيل: يا
رسول الله، إنّ فلانة تصلّي الليلَ وتصوم النّهار
وتؤذي جيرانَها بلسانها، فقال: ((لا خيرَ فيها، هي
في النّار)) صححه الحاكم وغيره
والله اعلم واحكم
فيا اخي تذكر دائما القول الذهبي التالي
الكريم يزود ... أو يقول تستاهل
فإذا عجبك الموتر فحياك الله او خلك كريم والكريم هو كريم نفس وعاقل
ان اعجبه الشي فاوض فيه باحترام او مضى وتركه
و ماله داعي ترد برد قد تأثم به وتندم فيما بعد عليه
من لم يزجره كلام الشرع الحنيف
و لم يؤدبه كلام الله عزوجل
ومن لم يؤدبه كلام الحبيب المصطفى صلى الله عليه وسلم المنشور
فهل سنؤدبه نحن !!
اللهم اني اعوذ بك من الحسد وسؤ الخلق
(ام يحسدون الناس على ما آتاهم الله من فضله)
اعوذ بكلمات الله التامات من شر ما خلق
اعوذ بكلمات الله التامه من كل شيطان وهامه
وسلامتكم

[alsari_8]

كم وصل اخر سوم اخي العزيز

[سلامي لكم]

يالله بعتني والا ابهون.!!!!

لاحول ولا قوة الا بالله لا تزعل ياراعي الجيب الله يرزقك البيعة الطيبه المبروكه اطفال وراعين لا تشره وانا اخوك. الرجال يعرفون سلوم البيع والمشترى انت خابر العقول ماهي وحده فيه الصاحي وفيه العكس
موفق اخوي وربك حسيبهم اللي يسومون بها السعر الله لا يوفقهم لا في دنياهم ولا اخرتهم اذا هم يظرون المسلمين

[صاحب الذود]

الله يرزقك البيعه الى تسر خاطرك وترضيك
ويكفيك من شر العيون
والله يعينك على السومات الى توجع الراس
الى يسوم لو تقول له الموتر نصيبك بهون بس فاضي ماعنده شي
ما اقول الا الله يرزقك وانا اخوك وكل مسلم

[سفاري959]

لاحول ولا قوة الا بالله لا تزعل ياراعي الجيب الله يرزقك البيعة الطيبه المبروكه اطفال وراعين لا تشره وانا اخوك. الرجال يعرفون سلوم البيع والمشترى انت خابر العقول ماهي وحده فيه الصاحي وفيه العكس
موفق اخوي وربك حسيبهم اللي يسومون بها السعر الله لا يوفقهم لا في دنياهم ولا اخرتهم اذا هم يظرون المسلمين

اخطيت خطا اكبر من خطاهم لاتدعي على اخوانك ادع لهم بالهدايه الموضوع ما يستاهل مسأله بيع وشراء وصاحب الحلال ماراح يبيع الا بخراجه الله يبارك له بس تمنيت من صاحب السياره انه ما دخل في مهاترات معهم السومه الي ما اعجبتك لاترد على صاحبها وتجنب الإساءه لنفسك وغيرك الله يرزقه من واسع فضله

[بو شوق]

كم حدك في الموتر ياغالي؟
انا واحد بستخدم .
وين موقعك

[index]

موقعي الشرقية والموتر سيم 190 ألف

[دايم الخير]

مازال الموتر موجود اخوي؟

[رقبة حاشي]

لو فيه دفلك بس كان تمام يالله موفق اخوي والله يرزقك

[مخطط 2008]

بسم الله الرحمن الرحيم


كما هو معلن لند كروزر جي اكس 2010 وارد اليحيى خليجي فل كامل نظيف جدا على يدي وكالة ماشي 11116 إحدى عشر ألف فقط قابل للزيادة يعني جديد
المواصفات:
8 سرندل فتحة قير اوتوماتيك أنوار زنون شد بلد مثبت سرعة تخشيب كامل اسبير تحت خلفية لكزس مكيفين ثلاجة الدخول ببصمة مفتاحين دعامة شد بلد جنوط كروم وليست حديد شد بلد شبك كروم نيكل وليس أسود شد بلد اللون لؤلؤي خالي من الرش والسمكرة والصبغ والمخش آخر تشييك بالوكالة العشرة آلاف مفتوح له ملف بالوكالة بنزين 95 مكيف اتوماتيك مستقل في التحكم في درجة التبريد لكل راكب في الإمام والخلف مؤشر لعرض درجة حرارة الجو الخارجية مراية تعتيم.
لايوجد دف لوك ولا ونش ولا دي في دي
الإضافات:
تركيب شاشة ملاحة أصلية ضمان 3 سنوات
تركيب حماية للوجهية من محل (حماية وعناية) بالدمام مع ضمان مدى الحياة
تنجيد المراتب كاملة والأرضية بلاستيك من أفضل محلات التنجيد من أول يوم طلعت من المعرض



الموتر جديد لمن أراد أن يستخدم والموتر دائما بالكراج لوجود السيارة الأخرى ولله الحمد ( يعني طلعات خفيفه بس)
ولم يتركب عليه بوالين أبد لم أغير شي من مواصفاته جميعها شد بلد غير المذكور في الإضافات وارد اليحيى معرووف
والله الله بالسومات الطيبة وقولوا ماشاء الله ترى العين حق وسومات الشريطية لن ينظر لها أبدا
الغرض من البيع هو لاحاجة لي للسيارة لوجود سيارة أخرى وأنا مومستعجل على البيعه الرجاء عدم السوم تحت 180000
للجادين : 0541153111
الصور:
الصور موجودة على هالرابط والله يالربع ماعرفت أنزلها بموقعكم لكن إدخل على الرابط وشوف الصور وشكرا...

http://www.haraj.com.sa/11430841/هدد_جي_اكس_2010_فل_كامل_8_سرندل_وارد_اليحيى_ماشي_1 1000/

160 الف وجاد