المساعد الشخصي الرقمي

مشاهدة النسخة كاملة : يالربع وش رايكم في ماطور الكهرب هذا


راعــي النــفــود
23/12/2005, 04:24 AM
السلام عليكم ورحمة الله وبركاته

يالربع شفت ماطور كهرب في وكالة هوندا للمواطير كاتم للصوت لونه أحمر ويجي ثلاث مقاسات صغير ويعطي عدد شمعات أقل ووسط وكبير وعلى ماأظن ان الكبير يعطي 2400 شمعة طبعاً بنزين

وميزته انك تشيله بيد وحده....

السؤال هل فيه أحد جربه ؟

هل هو عملي ويتحمل ويعطي عدد شمعات مثل مايقولون.



وجزاكم الله خير
مهراس
23/12/2005, 10:32 PM
السلام عليكم ورحمة الله وبركاته:

انا اشوف احسن مولدات الكهرب هوندا لسبب انها تخدم وقطع الغيار متوفره حتى لو غاليه.
راعــي النــفــود
24/12/2005, 01:18 AM
حياك الله أخوي مهراس

الهوندا مافيها كلام من حيث الجودة حتى ولو سعرها غالي

لكن السؤال أن فيه ماطور عندهم جديد كاتم للصوت كأنه شنطه ومنه احجام بس ماأدري عنه هل هو يتحمل الزيادة في ضغط السحب منه يعني هل أنه يضعف اذا زدت عليه الحمل بحيث انك ماتتعدى الطاقة اللي هم محددينها

مثلا هم يقولون انه يعطي 2000 شمعه
هل لو شبكت عليه 1800 شمعه يعطي بالراحة ولا يطفي

وأخيراً مشكور وما قصرت على سرعة تجاوبك
*الأمير*
24/12/2005, 01:34 AM
انا انصحك بماركة مكائن روبن هذا باالنسبه إذا متوفره عندكم في السعوديه لان الهوندا محد يقوله كم في الكويت لانه يعل الكبد ولايتحمل
بن نويشر
24/12/2005, 09:23 AM
عند أخوي واحد شاريه من الحراج وما عليه ، شغال من أحسن ما يكون . بس أنتبه للسلك وأفياش اللبمات تكون أصليه وتوكل على الله ولا تتردد ، وعلشان نستعيره منك إذا بغينا نكشت . (الله لا يهينك) !!!!
راعــي النــفــود
25/12/2005, 01:15 AM
حياك الله أخوي الأمير

بالنسبة للروبن مافيها كلام لكن ماأدري فيه عندهم كاتم للصوت والا لا لأنك إذا بغيت تطلع للبر ماتبي شي يزعجك المواطير بيني وبينك ازعاج

بالنسبة للهوندا عندنا في السعودية بصراحة مالقيت احد يسبه ماأدري وراكم عليه في الكويت لكن وش نقطة الضعف فيه أو القطع اللي على طول تخرب فيه

عموماً مشكور اخوي ألأمير على ردك وتجاوبك وما قصرت


حياك الله اخوي سنيدي

اللي شراه اخوك كاتم للصوت والا العادي

تامر أمر بس خل اشريه

الماطور وراعي الماطور تحت امرك

مشكور وماقصرت اخوي سنيدي على تجاوبك
المشراق
25/12/2005, 08:50 PM
السلام عليكم ورحمة الله وبركاته

الماطور أناشفته وقوته 5000 وسعره 5000 ريال من حوالى أربع سنوات يمكن نزل سعره , ومشغلين عليه لمبات كرفان وتلفزيون وملحقاته ومكيف صحراوي وكشاف , بس ماأدري طول عندهم ولا لا وتحياتي
BlueSky
26/12/2005, 08:20 AM
السلام عليكم ورحمة الله وبركاته
هل هو صناعه هنديه