الى اصحاب الخبره في ابو قميص

[مطيري11]

سلام عليكم ورحمة الله وبركاته

اولا اتشرف باني اصبحت كعضو في هذه الاسره الطيبة
واتمنا ان اكون تحت رضا الله تعالى اولا ومن ثم رضا الجيع ثانيا
نسال الله حسن النية

تدخل في استفسار انشاء الله ماثقل عليكم
انا معزم اطلع ابو قميص لاكن :f
هادي اول مره اليي اروح طبعا الطريق ادله من وصف الشباب
المطلوب:
1- كم تبعد ابو قميص عن الدمام؟؟
2- كيف نصرح الى المنطقه ؟ وهل يلزم لبس الثوب ؟؟
3- ووين مناطق الصيد ؟؟


اتمنا اني ما اطلت عليكم

واسف على القصور

والسلام عليكم ورحمة الله وبركاته:s

[أبو سنيد 04]

الله يحيك بين أخوانك ...
و إن شاء الله نكون عند حسن ظنك ...
بالنسبة لأبو قميص ..
إن شاء الله أهل الدمام يفيدوك ...
تقبل مروري بود ...








تحيات
أبو سنيد 04

[عاصفة نجد]

الشرف لنا طال عمرك وحياك الله بين اخوانك
وان شاء الله يفيدونك الاخوان

[accentkool]

- كم تبعد ابو قميص عن الدمام؟؟
يمكن 400كيلو
2- كيف نصرح الى المنطقه ؟ وهل يلزم لبس الثوب ؟؟
التصريح من عند البوابة نفسها في بوقميص وبدون ماتلبس ثوب
3- ووين مناطق الصيد ؟؟
عند جزيرة الهدبا تقريبا مدخل متنزهين رقم 3

[ذوالجناح7]

- كم تبعد ابو قميص عن الدمام؟؟
يمكن 400كيلو
2- كيف نصرح الى المنطقه ؟ وهل يلزم لبس الثوب ؟؟
التصريح من عند البوابة نفسها في بوقميص وبدون ماتلبس ثوب
3- ووين مناطق الصيد ؟؟
عند جزيرة الهدبا تقريبا مدخل متنزهين رقم 3


كلام أخوي accentkool عدل لاكن في ملاحظة ودي تنتبه لها
شوف اخوي حرس الحدود كل يوم لهم نظام
وعلشان تحطاط أول ما تجي تقاطع سلوى أدخل مركز حرس الحدود وأطلب تصريح حق بوقميص إذا عملو لك تصريح تمام
أو هم راح يقولون لك روح عند بوابة بوقميص هم يسون لك تصريح
لأن مرات لمن توصل عند البوابة يقولون لك أرجع مركزسلوى سوي تصريح من سلوى وذيك الساعه تكون قطعت مشوار رايح جاي وراح تتعب
تضيع 5 دقايق وانت رايح أحسن 2 ساعتين
بين رايح وجاي هذا للعلم والأحتياط


الطعم المفضل في المكان ( الخثاق )


تحياتي لك وبالتوفيق إن شاء الله


أخوك / بوحبيب

[SNIPER07]

ما شاء الله

لخوان ماقصروا من الاخر

تحياتي

[ملك السيييف]

الأخوان أفادوك


ونصيحة لوجه الله

لا تروح بوقميص

الصيد تعبان تعبان جدااااا ً ما تعني الروحة مشوار على الفاضي

ناس راحوا الأسبوع الماضي وما توفقوا

وأنا قبل فترة رحت والصيد تعبان ما تسوى الروحة .

[فيراري]

وعليكم السلام ورحمة الله وبركاته

مرحبا بك اخوي في منتداك وملتقى الصيد البحري وتراك بين اخوانك ويفيدونك بكل ما يخص البحر بأذن الله .

ما قصر اخوي اكسنت كول أفادني انا بعد لأني اول مره اعرف هالمعلومات عن ابو قميص ولأني مارحتها قبل وكنت ناوي اروحها .

همسه لأخوي ملك السيف

ياخوي ترى الأرزاق بيد الله مو شرط ان الشباب ما صادوا أو انت ما توفقت الواحد يتوكل على الله ورزقه سابقه بأذن رزاق كريم .

وما يمنع ان الواحد يسئل عن افضل ايام الصيد في هالمنطقه وساعاتها ترى كلنا نتعلم من بعضنا والأرزق بيد الله .

تمنياتي للجميع بالتوفيق

[طحنون]

قصه مع راس ابو قميص
موقع فيه من الغرابه الشي الكثير وفيه من المفاجئات الاكثر
فهو لا يمكن التنبؤ بما يطلعلك من صيد في راس ابو قميص
بحر اشبهه بمثلث برمودا فهو خطر بنفس الوقت ولا يستهان به بتاتا
فيه ناس اعرفهم حطو غزول طلعو 6 ثلاجات شعوم مقاس واحد بالسنتمتر من الظهرالى الساعه 8 بالليل ماشيين
ولا تستبعد اي شي
والله الموفق

[مطيري11]

تسلم يالنشانه وكفيتو ووفيتو

بس عندي سوال
هل يتم التفتيش عند البوابه ام لا ؟؟

[فيراري]

سلمت يا غالي

بعدي ما رحت انتظر الأجابه مثلك :D

[زاحف بحر]

تسلم يالنشانه وكفيتو ووفيتو

بس عندي سوال
هل يتم التفتيش عند البوابه ام لا ؟؟


بعضهم يفتشش وبعضهم ما يفتشششش .. يعني حط في بالك تتفتش ..

[nasser a]

هلا اخوي انا رحت هناك اكثر من مره التصريح يكون يكون من مركز سلوى ولازم تدخل بثوب وعلى حسب الي جالس في البوابه
اما الصيد هناك في صيد واحجام حلوه بعد بس ماتضمن وساعات نروح ولا نصيد شي وصراحه مايسوى مشوارها
واغلب الي يجيهم صيد هم الي يصيدون بشباك او سنوركل وطبعا كلها ممنوعه الا اذا عندك احد تعرفه
والمنطقه خطيره جدا جدا في اسماك قرش كثير في المنطقه
روح الزخنونيه ونت ماشي الى ام امراخ وحماه كلها مناطق حلوه ولو جبت شباك حاول تبعدها عن مكان جلستكم ولاحد حولكم

انشالله اني افدتك

تحياتي

[nhayt-3ashq]

هلا فيك اخوي مطيري
راس ابو قميص اولآ التصريح عند بوابة بوقميص وليس عند مركز سلوى
لان انا رحت الشهر الي طاف مريت على مركز سلوى ولطعوني ساعه وبعدها قالوا لي روح
صرح عند بوبة بوقميص ومن ناحية التفتيش حنافتشنا واحد جديد والغزل كان قدام عينه ولا يعرف ان الغزل ممنوع يقول انا اول مره اداوم هنا ويقول مادري ايش الممنوع والي مو ممنوع وعطانا التصريح وقال لنا توكلوا على الله لان حنا دخلنا راس بوقميص باليل الساعه 2:34
وصحيح ان الارزاق بيد الله سبحانه بس بصراحه كل هالتعب طاقينها من الدمام الى راس بوقميص
طلعنا الا بخمس شعور وباحجام طيبه ولله الحمد ضرب علينا الشعور عند الساعه 9 الصباح وفجئ وقف الصيد
والشعور طلعناهم من الجزيره الممنوعه في وسط البحر طبعآ مكتوب في التصريح ان دخول هذي الجزيره ممنوعه وانتبه تدخلها لان راح يجونك حرس الحدود ويشيلون اغراضكم ويودونكم على المركز ويحققون معكم
وسامحونا وقالوا لنا لا تتعودونه مره ثانيه ومشينا من راس بوقميص الساعه 2 الظهر
ونصيحه من اخوكم الي يبي يروح راس بوقميص لا يفكر بالحداق فكر بصيد الغوص بالسنوركل
لان في شباب ماشاءالله عليهم طلعوا خيييييير بالغوص
والله يرزقكم جميعآ ^_^

[ملك السيييف]

وعليكم السلام ورحمة الله وبركاته

مرحبا بك اخوي في منتداك وملتقى الصيد البحري وتراك بين اخوانك ويفيدونك بكل ما يخص البحر بأذن الله .

ما قصر اخوي اكسنت كول أفادني انا بعد لأني اول مره اعرف هالمعلومات عن ابو قميص ولأني مارحتها قبل وكنت ناوي اروحها .

همسه لأخوي ملك السيف

ياخوي ترى الأرزاق بيد الله مو شرط ان الشباب ما صادوا أو انت ما توفقت الواحد يتوكل على الله ورزقه سابقه بأذن رزاق كريم .

وما يمنع ان الواحد يسئل عن افضل ايام الصيد في هالمنطقه وساعاتها ترى كلنا نتعلم من بعضنا والأرزق بيد الله .

تمنياتي للجميع بالتوفيق


أخوي فيراري

نعم الأرزاق بيد الله ونحن نؤمن بهذا الشيء
لكن احنا نعرف المنطقة زين وأخبارها بشكل مستمر نعرفها من الشباب
اللي يروحون الصيد فيها حاليا ً تعبااااان وخاصة بالسنارة

والرجال طلب النصيحة ولازم أبين له .

[فيراري]

أخوي فيراري



نعم الأرزاق بيد الله ونحن نؤمن بهذا الشيء
لكن احنا نعرف المنطقة زين وأخبارها بشكل مستمر نعرفها من الشباب
اللي يروحون الصيد فيها حاليا ً تعبااااان وخاصة بالسنارة



والرجال طلب النصيحة ولازم أبين له .

الله يعطيك العافيه استاذي ملك السيف وماكان قصدي ازعجك بكلامي .

ولكن لو انت كاتب من اول ان الصيد حالياً تعبان كان انا فهمتك صح .

الأن فهمت قصدك والعذر منك .

وبالنسبة انه طالب النصيحه اقولك انا بعد مثله طالب النصيحه منك وباقي الأخوان الله يعطيكم العافيه .

والحين نجي للسؤال المهم ..

متى أفضل وقت للصيد في بو قميص :good2:

أتمنى الأفادة ممن له معرفه في بو قميص

دمتم بود