عندي مساحة بالحوش نصيحتكم ( بيت شعر و لاغرفة) [الأرشيف]

ابراهيم_999

07/06/2011, 05:22 AM

صاحب الذئب

07/06/2011, 05:25 AM

صبحك الله بالخير ياالغالي
عز الله يوم شفت العنوان وقف شعر راسي قلت هذا بيسوي بيت للسعر الله يكفينا شره
لاكن الحين تطمنت واقولك
اعقلها وتؤكل غير بيت الشعر لاتبني
حط بيت الشعر والدلال عز الله تسوى الغرفه لو انها من ذهب والماس
تحياتي ياالغالي
ابو فراس

ابراهيم_999

07/06/2011, 05:30 AM

مشكور على ردك

حتى انا والله مثلك بيت الشعر احسن بكثير بس قالو لي عمر بيت الشعر الافتراضي 5 الى 6 سنوات تعرف ماشاء الله درجات الحراره عندنا توصل 50 وانت طالع والغرفه
تدوم اكثر والدوام لله

ودي بتجارب الاعضاء نصايحهم الله يجزاهم خير

Abdullh397

07/06/2011, 05:31 AM

والله الجلسه في بيت الشعر ترد الروح

بس انا انصحك بالغرفه و تحط لك وجار

لأن بيت الشعر وب الشرقيه راح يجمع عليك الغبار و الاتربه

و يجمع عليك الناموس >> من تجربه

حط لك غرفه بتصميم بيت شعر من داخل و حط وجار

هذا رائي و القرار راجع لك

الدوسري دت كم

07/06/2011, 05:45 AM

غرفه ولا تبي طب انتبه من بيت الشعروالله لانافع فيه مكيف ولاموحه كلهاشهرويصيرمن فوق كنه ملاحه من الغبارواذا جا ريح مطرتعل لروايح الله يعزكم والله اني جايب عمال عشان يرمونه برا المهم انه بهذله .
حط غرفه أستفدمن سقفها وحط لك وجاروكمار وبالتوفيق

وضح النقى

07/06/2011, 05:52 AM

غرفة بدون تردد
ومثل ما تفضل أخونا عندليب العلا التصميم يكون بيت شعر من الداخل
والله يدلك على الأفضل

أرض ممطورة

07/06/2011, 06:00 AM

ماينفع بيت الشعر

لا تحطوه

حط غرفة واستفد منها

النقاويss

07/06/2011, 06:02 AM

غرفه ولااااا تشاور

اعقلها وتوكل ابن لك غرفه وضبطها من الداخل ببوية طينيه مدري شيسمونها وطق وجار من الجبس ابيض وسقف يجيبلك الجباس(معلم الجبس) كتالوج وتخير منه اللي يعجبك

ومن ناحية التكلفه فهي متقاربه من 25 الف وفيها كبناء غرفه بجبس ولياسه وبويه وكهرب وباب ودريشه بوجارها

عمومأ انا لوني مكانك مالي حل الإ الغرفه

من البدائع

07/06/2011, 07:51 AM

غرفه بدون تردد بشرط تكون معزوله عن الحراره وديكوور جيد لك ولزمن
وتنفع للاستعمال كل وقت ولا تحتاج صيانه واكثر أمان

اما بيت الشعر طفره زمنيه طاحوا فيها الناس وتركوها
بيت الشعر لايقي من حر ولا برد والقماش يتشبع بالغبار وعرضه للحريق تخاف تشب وتخرج وتترك الاطفال فيها وفي الصيف قليل استعمالها حتى مع وجود مكيف ويصدر منها رائحه كريهه ايام الامطار وعمرها قصير ومرات كثيره لا تخلووو من الهوام:eek: وخاصه اذا هي قليلة الاستخدام

البساسه تقطع القماش تخربشه باظفاره ا:)

محب الرمنغتون

07/06/2011, 11:29 AM

غرفة وتكييف سبلت ولاتنسى الحمام ( يا مالكم من التردد بدونه )

إلقناصه

07/06/2011, 12:04 PM

السلام عليكم
غرفه شعبيه ومكيف صحراوي افضل بكثير من البيت الشعر لان البيت بالحر ماتقدر تجلس فيه ابداا خاصة باأجواء الرطوبه زي ماقالوا الاخوان
دمت بخير

أبوعبدالاله

07/06/2011, 01:23 PM

غرفه ولا تبي طب انتبه من بيت الشعروالله لانافع فيه مكيف ولاموحه كلهاشهرويصيرمن فوق كنه ملاحه من الغبارواذا جا ريح مطرتعل لروايح الله يعزكم والله اني جايب عمال عشان يرمونه برا المهم انه بهذله .

حط غرفه أستفدمن سقفها وحط لك وجاروكمار وبالتوفيق

أضم صوتي لصوت الدوسري ...طع شوره وإنت مغمض

جلوبلستار

07/06/2011, 11:45 PM

غرفة .....

الاتصال السريع

08/06/2011, 01:56 AM

غرفه لك وللزمان
الله يمتعك باسعد الاوقات بها .

خالد777

08/06/2011, 02:14 AM

غرفة مع ملحقاتها
تنفع بالصيف والشتاء والله الله بالدريشة الكبيرة قزاز مثلج معزول بلك معزول سقف 3م وبوية طينية وكمر جبس و سقف سعف أو جبس خشبي ومدخنة وياسلام حتى بالصيف تتشب

برق الجهمه

08/06/2011, 05:12 AM

والله كلها زينه اختر اللي يناسب ظروفك وتوكل على الله

الجبل الراسي

08/06/2011, 06:11 AM

بيت الشعر اذا كان المكان شاسع يصلح بيت شعر لكن اذا كان المكان محدود لاوالله غرفه

عاشق المخيله

08/06/2011, 07:54 AM

غرفة وتوكل على الله

ذيب الذباحية

08/06/2011, 07:57 AM

خل البلك على جنب ابني بيت الشعر وتستانس ..

* ابو باسل *

08/06/2011, 08:26 AM

عليك بالغرفه وانا خووك احسن وابرد للتكييف ولا تحتاج صيانه مع الزمن بس بيت الشعر بيبهذلك ويام ناس شالو بيوت الشعر وحطو غرف .

ABU MANSOUR

08/06/2011, 10:09 AM

اذا تبغا الوناسة وسعة الصدر حط خيمة ولا تنسى تحط مكيف سبليت يونت (أهدى من غيره).

توني حاطه في الشرقية و تحسفت أني ماحطيته من زمان لدرجة أني ماعاد أتعداها.

أما الغرف و الحكرة ما أيدها على الأطلاق.

عاد وشلون اذا الشتاء وشبيت الضو وحطيت السمر أو الأرطا أو الرمث.

صدقني أجواء رومانسية ماتتكرر الا شهر في السنة!

بحر يتلاطم

08/06/2011, 10:21 AM

السلام عليكم
غرفه وخلها طين دفي شتاء برد صيفا ارخص واجمل

ابوطيف2

08/06/2011, 01:20 PM

بيت طين احسن لك ويكون تراثي لإن بيت الشعر يفيدك بالشتا ء فقط والطين يفيدك بكل وقت

ABU MANSOUR

08/06/2011, 04:00 PM

السلام عليكم ورحمة الله وبركاتة

صبحكم الله بالخير

كيف حالكم ان شاء الله طيبين

عندي مساحة بالحوش 4.5 *5 وش تنصحوني يا شباب بيت شعر ا و ابنية غرفة

وكم التكلفة كاملة والي ((يخبر لي محل سعره رخيص وشغله ممتاز يفيدني

انا بالشرقية ))

أخوي ابراهيم حنا أبدينا آرائنا لكن عندنا شرط نبغاك تعلمنا بقرارك الأخير!

ولا تنسى تعزمنا!

الشرقية غييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييييييييييير .

.
.

شلون مغليك

08/06/2011, 06:25 PM

اخوي انصحك بيت شعر

أبوالمثنى

10/06/2011, 01:17 PM

شف وأنا أخوك أنا توي مسوي لي غرفة طين في البيت مساحة 5.5 في 3.5 متر مع دورة مياه

التكفلة الاجاملية لكل شي من بناء وطين و وجار ودورة مياة واغراض السباكة والكهرباء واجرة اليد وغيرها يعني يلسمك المفتاح بـ 34000 تقريبا

ابراهيم_999

12/06/2011, 11:48 AM

حاب اشكر كل من رد على الموضوع والله يجزاكم خير ويرحم والدينكم

والله بيني وبينكم تشتت مع الردود الي يقول بيت شعر والي يقول غرفة وشكلي بسويها غرفه بالنسبه ردك اخوي ابو المثنى

وين سويتها قالو لي بالشرقية ماينفع بيت طين عشان الرطوبه صحيح المعلومه؟

أبوالمثنى

12/06/2011, 10:38 PM

حياك الله يا ابراهيم

أنا والله بيتي في الرياض ماعندي علم عن الشرقية

شف وانا اخوك غرفة الطين حلوه بشكلها وتضيف لمسه فنيه للبيت لكن الغرفة العادية افضل واقل تكلفه

فيه فكرة وانا اخوك اذا انت مصر على الطين فيه بويه اسمها بويه طين مشابهه للطين واتوقع ما تفرق عن البويه العادية في الرطوبة

على العموم الله يعنيك انا قبل ما ابني الغرفة جلست شهر أدور الزين والحمد لله الامور زينه

وعلى فكرة فيه كم موضوع في هالمنتدى عن غرفة الطين فادتني كثير والله