الموسوعة المصورة لمواطير الهواء الأصلية

[نمر بن حثلين]

السلام عليكم ورحمة الله وبركاته

يكثر في مواطير الهواء الغش والتقليد
لذلك ودي يكون هذا الموضوع مرجع لكل من يرغب بشراء ماطور عشان يعرف كيف يميز الاصلي ويعرف النوع الجيد
ووبدا فيه بماطور من تصويري
والبقيه لمواطير صوروها الاخوان في المنتدى واقتبستها من موضوعات لهم او ردود في المنتدى
والي عنده اي اضافه وصور حياه الله ونرحب فيه





1- ماطور سوبر سفاري

وهذا النوع قديم جدا ومعروف بانه عملي وحمار كده وانتم بالكرامه :D
ميزته حجمه صغير مقارنة بابو جمل
وسعره رخيص ( 170 ) ريال

ونفخه للهواء من تجربتي ينفخ من 10 ل30
كفرات الباثفايندر جنط 17 خلال دقيقتين
وكفرات الباترول الكبار 275 جنط 16 خلال ثلاث دقايق

ومثل ما ذكرت سابقا يكثر التقليد لنفس شكل الماطور ولكن الي عليه العلم هو سوبر سفاري وارد الشراع

وهذي الصور ( ولاحظ الستكر الدائري مكتوب عليه احذرو التقليد - الاصلي يكون موجود في مواطير الشراع الاصليه مثل سوبر سفاري - و ابو جمل )

http://www.mekshat.com/pix/upload/images12/mk7373_image(1).jpg

http://www.mekshat.com/pix/upload/images12/mk7373_image(2).jpg

http://www.mekshat.com/pix/upload/images12/mk7373_image(3).jpg

[نمر بن حثلين]

2 - ماطور ابو جمل
وهذي المعلومات من موضوع الاخ منتعش
على الرابط
http://www.mekshat.com/vb/showthread.php?t=36815




الكثير منا يعرف أن المنفاخ الهوائي أبوجمل هو الأفضل في السوق .
ولكن يحتار عند الشراء :confused: لوجود أنواع مقلدة بنفس الأسم والشكل والحجم والعلبة والكرتون .
وحباً لأخواني الفضلاء أحببت تعريفهم بالنوع الأصلي بالصور وهي كالتالي :
1- يكون وارد ( الشراع ) ويكتب على الكرتون .

2- يكون لون الغطاء أخضر كما في الصورة :
[/size][/color]http://www.mekshat.com/pix/upload/images11/mk7805_kjhgg%20resized.jpg
لأن التقليد يكون لون الشراع بني.

3- يوجد ملصق مكتوب عليه - أحذروا التقليد - وبجانبه أستكر مكتوب عليه بلد الصنع ( الصين )
وعذراً على عدم وضوح الصورة لأني مركب المنفاخ في السيارة :
http://www.mekshat.com/pix/upload/images11/mk7805_s3010012%20resized.jpg

http://www.mekshat.com/pix/upload/images11/mk7805_s3010014%20resized.jpg

[نمر بن حثلين]

3 - ماطور تايقر

وهذي المعلومات من مشاركه للاخ المستشار 2004
على الرابط
http://www.mekshat.com/vb/showpost.php?p=327866&postcount=9


المنفاخ حق الكفرات ( التايجر) ممتاز جدا جدا جدا ، وأنا مجربه لي 6 أشهر ، سريع وقوي ، أنصحك فيه
وهناك أناس مجربينه قبلي ويمدحونه بالحيييييييييييل .

أنظر إلى هذه الصور لتتأكد من النوع الي عندي : ...

http://www.mekshat.com/pix/upload/images12/mk7373_44.jpg

http://www.mekshat.com/pix/upload/images12/mk7373_55.jpg

http://www.mekshat.com/pix/upload/images12/mk7373_66.jpg

http://www.mekshat.com/pix/upload/images12/mk7373_777.jpg

إذا كان هذا النوع الي شفته خذ ولاتشاور .......

[a7la>1]

مشكوووووور على المعلومات القيمة

وعساك على القوة

[2bo_klod]

مشكووووور اخوي وما قصرت




ويعطيك العافيه



والله يجزاك خير

[الجارمن]

اخ نمر مشكور على هذا التقرير الرائع
لكن فيه سؤال
من بين الثلاثه انواع اللي أنت ذكرتها وش تنصح الواحد يشتري منها
ارجو الإجابة باقصى سرعه لاني ناوي اشتري واحد ومحتار أي واحد اختار

[نمر بن حثلين]

احلى واحد
وابو خلود

حياكم الله وهلا وغلا :)



الاخ الجارمن حيا الله ولد الديره :p
شف ياخوي من بين الثلاثه متوفر عند المرباع نوعين ( سوبر سفاري يبيعونه ب180 - وابو جمل اظنه 270 )
وترا ابو جمل حجمه اكبر من سفاري بمرتين تقريبا

سوبر سفاري صغير وارخص من ابو جمل بحدود 100 ريال وحجمه وذف يعني اذا ما كنت ناوي تثبته بالمكينه ممكن تلفزه حدر مرتبه ولا بحدى مخابي الشراع الي ورا

وزين لمثل موترك لان كفراته صغيره وما تبي شي تعباتهن ودقيقتين بالظبط وهو نافخ الكفر لثلاثين
وهو عملي وانا معامله اشريهن يمكن من 7 سنين ولا اذكره قد خرب معي ماطور منهن

اما ابو جمل كبير شوي يعني اذا ما ثبته بالمكينه تبي تبلش به ، وانا اعتقد انه مناسب للي كفراتهم كبار مثل الجموس ولا البوالين ، وانا ما جربته لكن يقولون انه اسرع

وانت اختار الي يناسبك يا بعدي :)


وترا السنيدي يبيعهن بطايح عشرة اريل عن المرباع بس لو تبي تحسب البنزين طلعت هي هي :D

[فلاجكو]

مشكور وما قصرت .........

[أيمن]

بارك الله فيك أخوي نمر على هذا الموضوع الرائع لجمع المعلومات عن مواطير الهواء التي كثر فيها الجدل والحيرة في أيها أفضل وأصبر ..

تحيتي

[s3ed]

شكراً لك أخي الكريم على هذا المقال


موضوع حلو وهام جزاك الله خير


بس شو رايك في ماطور ARB

http://www.terraventur.pt/images/material/arb/compressor%20arb.jpg

[salehhd]

ما شاء الله

جزاك الله خير وشكراً

انا عندي سوبر سفاري بس الحجم الصغير ماخذه من الشراع ب115 ريال صحيح يطول لاكن هادي جداً ما كنه يشتغل

[غيّام]

جزاك الله خير كفييت ووفيت عافاك الله

[anas]

يوجد لدي ماطور هواء دبل كمبرسر سعره فقط 180 ريال فقط اشتريته من جدة ، وفي الغد إن شاء الله سأرفق لكم الصورة .

[نمر بن حثلين]

الاخوان

فلاجكو
ايمن
سعيد
صالح
غيام
انس

حياكم الله واهلا وسهلا بكم

[منتعش]

الله يعطيك العافية على الموضوع
وبيض الله وجهك .

وأنا شفت نوع ممتاز جداً مع أحد الأخوه . ولكن بحثت عنه ولم أجده .
وقال لي هذا جاي مع الموتر ( جمس صحن )
وميزته :
منفاخ هواء .
أشتراك سيارة .
كشاف .
شاحن .

وطريقة شحنه بالكهرباء في البيت .

[نمر بن حثلين]

حياك الله اخوي منتعش

مادري انت تقصد هذا
http://www.wagan.com/images/powersupply/detail-2051.gif
تراه مكتوب عليه WAGAN وهو مثل ما ذكرت شاحن بطاريه ومنفاخ وفيه محول كهربا ويوجد عند ساكو

كانه هو نفسه فهو زين كشاحن بس
اما منفاخه ضعيف بالحيل ولا يعتمد عليه من واقع تجربه


كانه هو مهب غيره

[حر اليدين]

السلام عليكم
شكرا على الافادة وفكيتنا لانشري تقليد
وهذا النوع قديم جدا ومعروف بانه عملي وحمار كده وانتم بالكرامه
ميزته حجمه صغير مقارنة بابو جمل
وسعره رخيص ( 170 ) ريال

ونفخه للهواء من تجربتي ينفخ من 10 ل30
كفرات الباثفايندر جنط 17 خلال دقيقتين
وكفرات الباترول الكبار 275 جنط 16 خلال ثلاث دقايق

ومثل ما ذكرت سابقا يكثر التقليد لنفس شكل الماطور ولكن الي عليه العلم هو سوبر سفاري وارد الشراع

وهذي الصور ( ولاحظ الستكر الدائري مكتوب عليه احذرو التقليد - الاصلي يكون موجود في مواطير الشراع الاصليه مثل سوبر سفاري - و ابو جمل )


وين نلقاه الله يحييك
لاني لي مدة وانا ادور منفاخ ولالقيت المنفاخ اللي عليه الكلام واقصد بذلك منفاخ سوبر سفاري
الله لايهينك على كل حال
حر اليدين

[نمر بن حثلين]

حياك الله اخوي

تلقاه في شارع الغرابي عند مؤسسة الشراع وتراه جنب محل العليان

[حر اليدين]

شكرا لك اخوي نمر
ولاهنت على الموضوع

[الدبل الثقيل]

يااخ انس وين الصورة ومنين اشتريت الماطور بالظبط وكيف هو ..... وجزاك الله خير ..عجل تكفى..

[صنهات]

افضل نوعيه بحكم الخبره بعد الاذن من صاحب الصورة
السعر من 240 ريال الى 260 ريال

هذا
http://www.mekshat.com/pix/upload/images11/mk7805_s3010012%20resized.jpg

[sultan8861]

الله يعطيك العافيه على المعلومات القيمه




والى الامام

[نمر بن حثلين]

اضافة للموضوع

صور ابو جمل الأصلي

لاحظ الاستكر الدائري ( احذروا التقليد - الأصلي )
http://www.mekshat.com/pix/upload/images21/mk7373_16.jpg


الكرتون
لاحظ الاستكر الدائري وملصق ابيض

http://www.mekshat.com/pix/upload/images21/mk7373_17.jpg


اسم الوكيل وعنوانه
http://www.mekshat.com/pix/upload/images21/mk7373_18.jpg

[coach]

الله يجزاك خير

[نمر بن حثلين]

هلا بك اخوي وحياك الله

[تايوتا]

مشكور وجزاك الله خير

[نمر بن حثلين]

حياك الله اخوي تايوتا

[الرهدن]

جزاك الله خير أخي نمر00



.

[شبح الصحراء]

يالربع انا عندي منفاخ سوبر سفاري وارد الشراع الأصلي فيه مشكلة وهي ما يمديني انفخ الكفر الرابع إلا يطفي المنفاخ من زود الحرارة ولازم انتظر ربع ساعة علشان يبرد وتلقاني بعض الأحيان رافع المنفاخ قدام مكيف السيارة علشان يبرد بسرعة!!! مافيه حل لأني بصراحة ما توقعت منفاخ السفاري يحتر بسرعة .

http://www.mekshat.com/pix/upload/images21/mk23961_hpim4505.jpg


يالربع مافيه حل لمشكلة ارتفاع حرارة المنفاخ اللي معاي ؟!! .

[غضنفر]

الا فيه حل
ركب عليه مروحة

[نمر بن حثلين]

الرهدن حياك الله اخوي وهلا بك


شبح الصحرا
المشكله هذي ما حصلت معي الا قبل كم يوم
طحت بخفاس ونسمت ل10 ويوم نفخت ل30 طفا الماطور وهو بالكفر الرابع
مع اني بالشتا ماذكر انه قد طفا علي ابد
اتوقع برودة الهوا بالشتا تخليه يشتغل وقت اطول قبل ما يفصل

لذلك قدامك ثلاث حلول :
1- لا تطلع للبر الا بالشتا :p
2- او جرب حل بلاك باث مروحه
3- او لا تنسم لـ10 مثلا نسم لـ15
او لا تنفخ لـ30 انفخ لـ 25 وهذي جربتها وبالفعل ما طفا الماطور

[شبح الصحراء]

صحيح يا نمر انا لاحظت المشكلة بالصيف بس وتبهذلت كم مرة معاه خصوصاً ان الجو حار أصلاً ، أظن اني لو اعبي الكفرات 25 لكل كفر احسن مثل ما تفضلت على الأقل لين الوصول لأقرب محطة ، اما مسألة تركيب مروحة تبريد مثل ما تفضل اخونا بلاك باث فهذه فكرة ذكية جداً ولكن تحتاج لعملية توليف ويا ليت لو فيه احد يتبرع بكتابة موضوع مفصل عن توليف مروحة لتبريد منفاخ السوبر سفاري (الأدوات والأسلاك وطريقة التثبيت...الخ ) .

[نمر بن حثلين]

هلا اخوي
ما يبي لها توليف ولا صور الدعوى سهالات

سلك الكهربا وصله مع اسلاك الماطور كلها نفس الفولت 12
اما تثبيت المروحه ممكن مؤقتا تثبتها بسيم واربطها على بستم الماطور
وجرب وناظر هي تفرق ولا لا

[تكفون]

بس تبون الصراحة

أنا جربت المذكور حق (تايقر ) ممتاز بالحيل ..قوي وسريع النفخ وبدووون صوووت :)

أشتريته من العليان قبل كم يوم ..

[الأسمر 01]

تحية للجميع



وش رايكم بمنفاخ تايوتا علما انه صناعة الصين و يباع لدى وكالة تويوتا بـ 181 ريال .

هل جربتوه و ماهي نصيحتكم


تحياتي

[النداوي HZ2AF]

أخوي نمر بن حثلين



الله يجزاك خير ويرحم والدين و والديك

على هذه المعلومات القيمة



اخوك ابو عبدالله

[السالمي]

تحية للجميع







وش رايكم بمنفاخ تايوتا علما انه صناعة الصين و يباع لدى وكالة تويوتا بـ 181 ريال .


هل جربتوه و ماهي نصيحتكم


تحياتي




عندي وانا ابوشافي


انا مجربه وممتاز جداً

والصراحه ماشريته سرقته من واحد راعي هايلوكس يقربلي

قال بدال ما توجبلي تسرقني قلت الشكوه لله


الضراحه ممتاز جدا انا اعبي فيه كفرات الشاهين جنط 15 ومركبه على قراند شروكي

والصراحه سريع جدا دقيقه ونص ييعبي الا 20 من اقل من الـ10

بس عيبه يحتر واحس انه مايطول عمرهـ

[هولوكس2005]

شكرا اخوي بس الغريب بأن كل الانواع يالي حاطها انت راس واحد



انا عندي واحه ماركته ساسا راسين عليه ضمان سته شهور من المحل


الحين له معي اكثر من سنه ويرجد مشاءلله عليه ولا بعد اخذه واحد من العيال وصدم ودخل موتره تشليح وجاه كسر خفيف يرج شوي بس إلى الحين وأنا اعبي الكفرات فيه

[هولوكس2005]

عندي وانا ابوشافي



انا مجربه وممتاز جداً

والصراحه ماشريته سرقته من واحد راعي هايلوكس يقربلي

قال بدال ما توجبلي تسرقني قلت الشكوه لله


الضراحه ممتاز جدا انا اعبي فيه كفرات الشاهين جنط 15 ومركبه على قراند شروكي

والصراحه سريع جدا دقيقه ونص ييعبي الا 20 من اقل من الـ10

بس عيبه يحتر واحس انه مايطول عمرهـ




فااااااااااااااااااااااااااااااااااااااااااااااااا شل قوه


انا احترق معي اثنين

حق موتري ال 2005

وحق واحد من العيال 2004



وكان قصدك يحتمي كنت مرهم له مروحتين حقات كنود دفع وسحب


ولا فاد



انصحكم لا تشرونه


ولا كان مع احد تعرفه فكه وشف وش داخله حديده صغره بس ولي وسلك الكهرب

[imksa]

انا عندي ابو جمل تقليد ( ما دريت انه تقليد الا بعد ما دخلت هالموضوع )

هل اعتمد عليه ولا اشوف غيره :)



ما فيه حل للحراره الى الان ؟؟؟

فمان الله

[أبو أسامة]

السلام عليكم ورحمة الله وبركاته

مشكور أخي الكريم : على هذا الموضوع المفيد جداً


أنا عندي أبوجمل الأصلي شريته من سنتين والله أنه ماطور ماشاء الله ....... الله يكفيه شر العين ........... شريته بـ240 لأنه كا أرخص من الآن ......... وكنت في تلك الأيام أدور بالغرابي وكلاً يقول هذا الأصلي ويبعونه على 220 ريال حسبي الله على أكثرهم لأنه واضح أن اللي عندهم تقليد يعني أحياناً يكون جرابه أسود أو حتى عليه صورة الجمل وأسمه سوبر سفاري أو حتى على صورة الجمل وأسمه ساكا .......... طبعاً أنا جربت كثير من المواطير ........ وكلها خربت علي بسرعه يعني بعد مرتين أستخدام أو ثلاث ......و آخر شيء قررت بلا توفير بلا نيله لأني كنت أفكر أني لو شريت الرخيص أني أبي أوفر لكن أكشفت أني لو أشتري أصلي ولو غالي أصير وفرت .

بالنسبة لماطور التايوتا .............. مخيس بعد مرتين أستخدام خرب علي وأنا بالصمان ......... الحمد لله أني كنت آخذ أبو جمل معي وإلا كانت علوم ....

الآن نزل ماطور أبو جمل بستمين .............. يعني أسرع من اللي عندي .......... أنصح من يبي يشتري ماطور يا خذه بس يأكد أنه الأصلي...........

والسلام عليكم ورحمة الله وبركاته

[ابوقاسم]

الاخ نمر مشكور على استعراض هذي المجموعة من المواطير
ولكن ودي اركب في الباث ما طور واثبته ياريت اقتراحات في هذا الشأن
ولا هنتوا

[imksa]

http://www.mekshat.com/pix/upload/images11/mk7805_kjhgg%20resized.jpg


اخوي اللي عندي نفس اللي في الصورة 100% لكنه بني وليس اخضر

وايضا ما عليه شعار الوكيل ( الستكر )

ولكن ولله الحمد اخذته 170 ريال بحجة انه المعروض نزل لي في سعره


فمان الله

[نمر بن حثلين]

تفكون

هلا بك
فعلا يمدحون تايقر
بس ليه قصير
ومشكلة الي ليه قصير انك لازم تشيل الماطور لكل كفر وهذا يغثك لا صرت واقف برمل تخاف يندمر الماطور



الاسمر
ما قصروا الاخوان علموك وحياك



النداوي
هلا والله يا بو عبدالله
وحياك الله شرفت



السالمي
ما قصرت اخوي


هولوكس حياك الله
يمكن قصدك ساكا مهب ساسا
عموما ساكا هذي شركه اماراتيه تستورد بضايع جيده





imksa
ما دامه شغال اعتمد عليه :p
والحراره كل المواطير تحتمي اكن الهرج على الفصله هي الي مشكله






ابو اسامه
حياك الله اخوي وهلا بك
وفعلا التقليد منتشر بشكل كبير جدا وكلن يقول هذا الاصلي
خصوصا محلات زينات السيارات
لكن لاحظت ان محلات الرحلات هي الي تحصل عندها الاصلي
يبدو ان الشراع نشيط بالتوزيع عليهم ولا يهتم بمحلات الزينات




ابو قاسم
حياك الله
بالنسبه للثبيت في الكبوت ما انصحك
سبق ثبت سوبر سفاري بموتري الباثفايندر
وبدا ينفخ كفرين بس همين يفصل
لان حراره الموتر وهو اصلا يحتمي فصارت تعجل بفصلته
اقترح تحطه بشنطته ورا ما يضيق ترا
وبالنسبه للباثفايندر جنط 17 سوبر سفاري ينفخ الكفر بتقريبا دقيقتين
اما ابو جمل تقريبا دقيقه وحده

[برق المنشا]

تجربتي مع الغش والتقليد :

يا أخي انا اشتريت ابو جمل اللي بالصورة وعليه استكر يقول اذا بتشوف الماطور اصلي والا لا اتصل على الرقم ...... واظنه من الدمام
اتصلت وكلمني هندي ... السلام ... عليكم السلام ... انا يشتري هادا ماتور هوا بعدين يبغى شوف اسلي والا مافيه اسلي ... ايوه ايس مسكل ... كيف معلوم اسلي... شوف ... علبه ايش لون ... علبة لون بني... كلاس هدا ميه ميه اسلي... انتهى كلامه رحمه الله
العلبة المقصودة هنا هي الشراع

لاحظوا .... وفي مقالك أخي تقول ان اللي علبته لونها بني هذا مقلد وأنا أخذته بــــ 300 ريال من محلات العلاج بالرس أخبروني هل هو أصلي والا لا....؟؟؟؟ واذا مو أصلي ايش اسوي؟؟؟؟ الماطور له معي 20 يوم تقريبا واستخدمته كذا مرة والامور تمام

[نمر بن حثلين]

حياك الله اخوي
بخصوص لون الشراع انا اقتبست كلام اخونا منتعش قبل سنه تقريبا
http://www.mekshat.com/vb/showthread.php?t=36815
( يمكن غيروا لون الشراع )

لكن ما عليك ما دام عليه استكر على الكرتون وعلى الماطور فهو الاصلي
وانا ماطوري مشتريه قبل شهر تقريبا شراعه بني

وبالنسبه للسعر كنه مزود شوي
انا مشتريه ب270 بعنيزة

[برق المنشا]

شكرا على توضيحك أخي نمر

والله انك ريحتني

[حـاتـم]

السلام عليكم



اخواني مشكوورين موضوع مفيد

لكن اتمنى القاء الماطور الي يصلح لي

لان كفراتي بالون

ومعروف البالون بتأخر بمواطير الي=بناشر فيكيف بمطور عادي

اتمنى الافاده من الاخوان

وش اقوى ماطور من ناحيه التحمل والسرعه

والسعر المناسب

ولكم جزيل الشكر

أخوكم / حاتم

[أبو أسامة]

السلام عليكم ورحمة الله وبركاته

أخي الكريم حاتم ..............

أنصحك بماطور أبو جمل بس على شرط الأصلي .......... لأنه سعره مناسب ويعيش أكثرمن المواطير الآخرى وأسرع منها أيضاً .... ولو تحصل أبو جمل بستمين تراه أفضل وقيمته 300 وعليها شوي ... ... وأسرع من أخوه أبو بستم واحد............... وزي ما قلتلك الأصلي بس لأن التقليد نفس الشكل بالضبط لكن أبطء من الأصلي ....... وأكيد طبعاً أقل عمر....... والمكان اللي يبيع الأصلي تلقاه بالغرابي بعد العليان اللي بآخر الشارع شمال .... ومقابل للمحيا ..... ولو لوحت المحل صفراء والكتابه بالأزرق والأحمر على ما أظن , وأسمه ناسية .......

إذا ما همك الماطور غالي أو لا فأشتر الأسترالي ....... قيمته عند الرماية بـ950 ريال...........

[راعي ال 8100]

اخوي نمر انا شريت قبل فترة ماطور تايقر 300 ريال

وجربت انفخ كفراتي بالماطور مشاء الله تقريبا نفخهن كلها حول 10 دقايق مع العلم كفراتي بالون

وميزته ان ليه قصير وهذا يساعد انه ينفخ اقوى من المواطير اللي لياته طويله

[اطلال نجد]

ماطورسياره toyotaكورلا قوي وصغير جدا بحجم كرتون شاهي ليبتون استخدمه لنفخ كفرات الجيب حاول ان تحصل عليه بارك الله فيكم0

[جزاع]

نصيحه من مجرب اغلبية المواطير....

عليكم بماطور Arb استرالي الصنع...

اعتقد ان وكيله الاصلي ( الرمايه )....

له معي سنتين ومرت علي طلعات انفخ كفرات سيارتين وثلاث..وماشاء الله عليه...

بس عيبه انه غالي ...

[anas]

اخي المشرف العام لأهمية الموضوع في مثل هذه الأوقات بالذات،
ارجو تثبيته او على الأقل وضعه ضمن ( المواضيع المميزة في الخيمة ) .
لأني دخت وانا ادور على موضوع خاص بمواطير الهواء .
وجزاك الله خير اخونا نمر بن حثلين ولا يهون الاخوان ،،،،،،،،،،

[الكركي الملكي]

بارك الله فيك ورحم الله والديك **

[أبوأديب]

بارك الله فيك أخوي نمر بن حثلين .
الصراحة انا ناوي أشتري ماطور وبعد قراءة هذا الموضوع المفيد أستقر الاختيار على أبو جمل (الأصلي)لأن سيارتي يوكون جنط 17 ........ وما أستغني عن شوركم
وأشكر جميع الأخوان الذين تفاعلوا مع هذا الموضوع بما أضافوه من معلومات قيمة.

[القائد ثابت]

شريت قبل يومين طالت أعماركم على الطاعة
ماطور تايقر النوع الصغير سعره 169ريال
وفيه نوع ثاني اللي هو الكبير 269ريال ميزته سريع جدا في نفخ الكفر
الصغير ينفخ الكفر خلال دقيقتين والكبير خلال دقيقة ونصف
والشي الثاني على طاري قصر ليه ترى يجي معه لي أصفر
طويل أن بغيت تركبه ولا استخدم اللي القصير

[منصور الفايز]

مشكووووور ...................

[ضحية بيشة]

عندي واحد طول شغال واحترق صار صوت بدون هواء وش الحل ؟

هل لهن صيانه في مكان معين بالرياض ولا ارميه؟

[شبح الصحراء]

السوبر سفاري والله يا هو فاشل الحين صار ما ينفخ الكفر الثاني إلا طافي من الحرارة وأول كان يطفي مع الكفر الرابع والمصيبة يقعد على الكفر 10 دقائق كاملة !!! صراحة السوبر سفاري فشل معي فشل ذريع أبو جمل احسن منه مع ان ابوجمل تفكك وما عاش سنتين لأني مركبه بكبوت الموتر وهذا غلط مني بس طلع اطيب من السوبر سفاري .

[.أبوعبدالرحمن]

الله يعطيك العافية تقرير رائع


وما قصرت

[satoor]

السلام عليكم
تروني شريت شنطة من ساكوا فيها منفاخ وواير وعدة مفكات 180 ريال
والله ما فكيتها شكلها تجاريه ما فيها خير بس حبيت اقلكم ممكن واحد يروح يشوف العرض

[نمر بن حثلين]

يبدو ان الصور كلها راحت من الموقع

عموما اطلق ماطور بالكره الارضيه هو راعي الجمايل ابو جمل :p


وهذي الصور توضح النوع الاصلي منه علشان ما تطيحون بالتقليد



هذي صورة الكرتون من قدام

http://www.mekshat.com/pix/upload02/images55/mk7373_20071217141.jpg

الكرتون من ورا ولاحظ لصقة احذرو التقليد ولصقه الاصلي

http://www.mekshat.com/pix/upload02/images55/mk7373_20071217139.jpg


http://www.mekshat.com/pix/upload02/images55/mk7373_20071217138.jpg


على الماطور اللصقه الدائريه احذروا التقليد الاصلي

http://www.mekshat.com/pix/upload02/images55/mk7373_20071217142.jpg

[ابن طيبة]

مشكور جزاك الله خير

[الفتكي]

السلام عليكم
كل عام وانتم بخير
والله لو تمدحون الى العلالي انتم والمواطير الصينية لاكن مستحيل توصلون ماطور الفيني الايطالي حتى الاسترالي ما يوصله لو تعبي اكثر من 4 سيارات بنفس الوقت حتى لو على ضغط 50 مافيه مشكله والله حلال عليه القيمه علما اني مجربه على كفرات رشاش المزرعه. معليش تحملوني لو اعرف انزل الصور نزلتهن بس العين بصيره واليد قصيره. ولكم تحياتي
the.5555@hotmail.com

[صائد الفوائد]

الشراع وكيل ابو جمل يقول عن ماطور الهواء ضمانه 6 شهور استبدال وبعد 6 شهور لا يضمنوه ولا يوجد عندهم صيانة ... ارجو التعليق

[ابو ريان11]

اشكركم علي الموضوع ولقد اشتريت ابوجمل الأصلي من الدمام ب 270ريال
لاكن سمعت انه يوجد ماطور هواء الماني الصنع فمن يعرف عنه شيء او شافه لايبخل علينا بالرد
ولكم كل التقدير

[جنتلمان نجد]

الماطور اللي يجي مع سيارات تويوتا من ابوجميل .. ممتاز وشغله عدل

[برق بن رعد]

رفع الموضوع للاهمية.........

[camaro]

سبحان الله العظيم
سبحان الله وبحمده

[هيتاشي]

الله يعطيك العافية

[ابو شجاع]

الله يعطيك العافية اخوى: نمر بن حثلين


بعد قرائتى للموضوع وتجارب عامة الاعضاء من عام (2005)واتفاقهم على ابو جمل


وهو افضل الموجود


فى الاسواق السعودية والخليجية تقريبا ونزول الشكل الجديد من المواطير ام بستمين:good2:


لم ولن اجد مثل(ماطور الهيدرولك)انا ماخذه من هيدرولك بيوك


والحمدلله كمل معى (9) سنوات ولم اعانى من حرارة او فصلة او غيره


عموما جميع السيارات اللي موجود فيها هيدوروليك للرفع


مثل


1_البيوك


2_الفكتوريا


3_المرسيدس


باستطاعتك شراءة من التشليح وتحويلة الى ماطور:D وكل ماكبر الهيدروليك كل مازاد دفع الهواء

[ذئب اليل]

يعطيك العافية مطور تيقر هو الفضل من وقع تجربة