الحذر عند شراء خررررروف

[عبد الرحمن عل]

انا ساكن بجوار سوق الغنم بالرياض وبحكم الجيرة اطلعت على بعض اساليب منهم عن الغش بالنحو الاتي= -1- يقوم بعض منهم بوضع بقايا اعشاب برية على جلد الخروف كانها رابي في البر او يضع شوك علىا لجلد -2- يقوم بعض من ملاك احواش الماشية بنقل الخرفان مباشرة من الحضيرة ووضعها في صندوق الوانيت ووضع السيارة على مدخل السوق - ليوهم المشترين ان الخرفان جالبها من البر-3- يؤكل الخروف شعير+ملح +مخلوط مع ماء- لينفخ الخروف \.كأنه سمين-4- الخروف المريض يمسكة بيدة مع رقبتة ويشد الخروف بشدة ويرفعة الى الاعلى لكي يبدو ان الخروف نشيط-5- حسب ماسمعت ولانعمم ذالك اذا اراد احد البياعة مصفاحتك حاول ان تتجنب المصافحة يمكن ان يقمرك -6- اذا طاح نظرك على الخروف وشريتة لاتبعدة عن نظرك احتمال ان يستبدل اذا غبت عنه

[الجبل الراسي]

الله يعطيك العافيه ممكن يصير هذا
لكن القمار لاحول ولا قوه الا بالله

[مغرم بالفتك]

الله يستر
اخوك مغرم بالفتك

[مسيل عوام]

ويش يعني يقمرك

[الجريح2009]

والله إنك صادق وأبصم بالعشرة على ما ذكرت

والمخلوط يسمونه "الطخ" حسب علمي

وهو معروف بنفخ الأغنام ويظهرها كأنها سمينة

لكن عليك بالفطحة أنا اخوك ركز عليها

[مسيل عوام]

بارك الله فيك * أيش يعني يقمرك؟

[المسرع]

أيش يعني يقمرك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[الحصان 1]

الله يعطيك العافيه

[الصمان 2]

الله يستر



ومشكور على النصيحة

[محمد الظاهري]

اخواني
الغش وارد في كل مكان الله يكافينا شره
انا من الراي بأن الي يبي يشتري ذبيحه
يروح يم اي واحد من اهل الحلال بالبر ويشتري منه
اضمن له

والحمد لله عن نفسي ما عمري شريت
بس اطب وسط الشبك واخذ الي ابي
تحيااااتي

[الـسـاطـع]

لاحول ولاقوة الابالله العلي العظيم
اسئل الله ان يهدي جميع من يغش او تسول له نفسه بالغش
اما عن ذكر القبائل في البيع اتمنى ان لااحد يحط في ذمته شيء
وكل قبيله فيها طيبين ورديين واصابعك ماهي مثل بعض لكن نسئل الله السلامه من الحرام

[moafaq999]

نسأل الله لهم الهدايه
(من غشنا فليس منا )

[كارنو.]

والله انا مره جالب غنم لسوق العزيزية انا ناسي المكان وسئل واحد راعي شبك غنم قريب من السوق وقلت وين السوق قال مافيه سوق شوف الحسد
ونشدت واحد عن هذا الشخص قال هذا رشيدي



.

[سليمان الربيعان]

الله يكفينا شر النصابين ,,, مشكور على النصيحه

[ع العمرو]

الله يكفينا شر النصابين

[الضيغم]

الله يعطيك العافيه وماقصرت نصحت اخوانك



بس يابعد راسي انا متأكد أن مقصدك من ذكرهم هو التخصيص ليس التعميم



والله يصلح هالشرذمه الي شوهوا سمعة أهل الغنم والحلال .. بالسوق ..




وبالتوفيق للجميع ..


تحرير المشاركه / الضاري

[ibrahim_20]

رحم الله والديك على تنبيه

[جوبتير]

يقمرك ؟؟؟؟؟؟؟؟؟؟؟؟؟؟؟!!!!!!!!!!!!!!!!

[mrayman]

يقمرك شكلها من القمار بس غريبه صفة القمار في اهل الحلال ?
ولا المقصود يقملك يجيك قمل ?
ننتظر التفسير من راعي الموضوع?

[مقطع العقوم]

ياخوان اللى اعرفه ان معنى يقمرك بمعنى يسحرك

[قناص خلاوي]

بيض الله وجهك
ويقمرك معناها يقمر على عيونك يعني يسحرك :)

[دل البحار]

الغش في كل شيء وظهر الان الغش بعد التعارف اصبح اغلب
من يبيع يكسبك في الاوله ويراعيك ولما تصير تشتري منه يصير يدجل ويتلاعب في الغنم والاسعار
وبالسبه للغنم المرباه على خبز وبقايا المطاعم طعمها مختلف وتكون اظافر حوافرها طويله
شكراَجزيلا لك على الموضوع الشيق

[شيخ السوالف]

الله يعطيك العافيه على التنبيه اما بالنسبه عني ما عمري رحت او. شريت غنم واحد من عيال عماني الله يوفقه يجيبلنا من احسن الانواع

[محب الخيال]

الله يكفينا شر النصابين