جمس سلفرادو 1500 موديل 2009 ؟ استفسار

[b.a.r.g.a.o.y]

سلام عليكم ورحمه الله وبركاته

لقيت جمس سلفرادو 2009 لون رصاصي ماشي 16 الف .. بدون دبل .. قزاز كهرب
والرجال يبي فيه حول 63000 الف .. وش رايكم بسعّره ؟

[اياسم]

غاااااااااااالي غاااااااااالي غاااااااااالي

وبدون دبل نصيحه لاتااااخذه لو قالو لك برياااااال

تراه علة نحر

الحوض اما يكون 8 سلندر دبل ولا لاتاااااخذه نصيحه وانا اخوووك

[MjNo0oN]

اخوي السلفرادو انواع
فيه الي يجيك v6 < وهاذا ماينفع بريال واحد خرابات قطع غيار غاليه ومافيه حيل وقطعه غير متوفره
وفيه الي يجيك v8 4.8 < هاذا تقدر تقول نص فل وماصفاته حليله بس مشكلته مكينته مهيب عمليه واسئل كل الي مجربينه اذا بدت خاباته ماوقفت
وفيه الي يجيك v8 5.3 < هاذا مكينته ومكينة اليوكن و التاهو وحده وممتاز وعزمه يبيض الوجه ومن ناحية الخرابات هو و الجمس واحد وقطع غيارهن تقدر تقول وحده بس الحوض اصبر

وفيه الي يجيك 2500 هاذا صراحه على كلام الناس كد ومد وكل الشركات و المؤسسات ماتتعامل الا به ومكينته v8 6.0 وعزمه جبار بس مشكلته شاصيه طويل ويختلف دفرنساته ودبلاته عن القصير ويجيك 8 مسامير اذا كان الطول مايهمك عليك به لاتوفره

ومن ناحية المعروض عليك اتوقع من قيمته انه v6 مايسوى بريال واحد الا اذا كنت تبيه شكل ماهمك استعماله وفي نفس الوقت لاتحسب ان الجمس خفيف نفس مثل الهايلوكس تراه ان حفر في الرمله معاد طلع الا بدبل او سحب وماينفع معه الدف او حتى الترقيص اذا كان قير عايدي وانا مجرب 3 جموس كلهن قير عايدي بدون دبل مديل 88 ومديل 95 ومديل 2004 كلهن ان حفر الكفر في الرمله معاد طلع تشوفه تقول ماغرز بس اذا بغيته يمشي تعجز ماتقدر تحركه يحفر محله مهوب مثل الددسن و الهايلكس خفيفات نفس وماتدقر الا اذا وصلت الرمله للدفرنس
ومن ناحية الجموس الي بدبل ماشفت منها الا كل خير ماعدا كثرة حساساتها وهاذا شي معروف في كل الامريكي وصياته من صيانة اليوكن وممشاه ازين بواجد من اليوكن واخف وغرازه على حسب سواقه لاكن الي انا اشوفه انه اقل من باقي السيارات بس ان دقر يغثك لين تطلع

ومن ناحية قيمته خذلك هايلوكس غماره ابرك منه وانفع منه وارخص قطع غيار وشيك في المخبا

او دور لك على فل كامل نفس الموديل تلقاه بين ال85 لل95 حسب الممشا و النضافه واحرص الي الي مكتوب على جمبه z71 هاذاهو الفل كامل ومكينته 5.3 ومواصفاته نفس التاهو الlt

[b.a.r.g.a.o.y]

يالبى قلبكك يامجنون عز الله انك ماقصرت وكفييت ووفيت بكلامك .. ولايهون اياسم
انا عاد ناوي اشتريه للبر وللكرف ابي موتر يكرف معي ويتحمل مطبات الرياض وارصفتها .. موب اذ اكلت مطبّ .. طلع لي صووت بالاذرعه ولا المقصاات .

واليوم ان شاء الله ناوي ارووح المعااارض واشووف الزين منها واتنقى
بالنسبه للهايلكس .. هي زينه وطيّبه لكن تناقز . ماهيب زي ثبات الجمس
الله يبارك فيكم يا اخواني ماقصرتم

[MjNo0oN]

دامك ناوي تكرفه خذ ال2500 < واحرص انها تكون مكتوبه على بابه او رفرفه (مدري وين يكتبونها فيه في الجديد)
ويجي منه انواع واجد حاول انك تحرص على الي دبله عصا والله يعينك منتب لاقيه بسهوله وتراهن كثار في الشرقيه اهلها يحبون الجموس الي مثله وترا ميزته ان بساتمه تجيك حديد وتعتبر من اصبر مكاين الجمس وفي نفس الوقت دفرنسه يعيش معك مهوب مثل ال1500 مع الجور و التحميل القوي يجاوب عليك بس اذا كنت راكد يعيش معك

ويا الغالي دام الهايلوكس يناقز اجل وش تقول عن الشاص

لايهمك مناقزه عطه جنوط مرسدس وكفرات عراض يثبت في الخط واذا خذيته جديد او اخو الجديد بيكد معك 5 سنوات قدام بدون مشاكل < وتراني مانصحتك فيه الا وانا منقرص من المواتر الكبار اذا جيت تطقم كفرات بـ2500 ريال اذا جيت تغسيل 25 ريال واذا خرب عليك شي قص ضهرك واذا بغيت مكينه ماتشدها دون ال10000 و التوضيب بياكل حول14 الف هاذا غير المساعدات و الجلد والاذرعه و الرديتر وهاذا غير فلتر المكينه و السيفون و الزيت ياكل عليك حول ال6 لل7 علب ماعادا بعض المواتر الجديده

وهاذا كل الي عندي وانت رجال عقلك في راسك وتعرف خلاصك ومن الحين اقولك الله يرزقك بالي في بالك ويهنيك فيه

[b.a.r.g.a.o.y]

مجنون الله يعافيك .. واليوم انعرض علي سلفرادو 2010 ابيض سياحي 6 سلندر بدون دبل.. بدل مع هوندا اكورد 2008 فل كامل .
ومتردد والله ... واخاف انه يطفرني بدل انه مايوسع صدري بالخطّ والممشى والاستعمال ..

بعدين 2500 كبير وانا اخوك .. وشاصه طويل ..انا ابي شاص صغيرر
وصح الي يبي الموتر الزينّ .. لازم يدابل فيه .. وش يسوي .. ذبحتني المواتر الصغيرات .. كني امشي على القاع ههههههههه
الله يعافيك وماتقصر .. واحتمال والله اني اذ صملت شريت لي هايلكس تماتيك .. وريحتّ بالي .. لان محدثك يكره العادي ..

[FORD1969]

لا يقربك 6 سلندر ما يصلح

نصيحه

كلام مجنون هو الصح

تبي جور خذ 2500

انا اشهد انك ما راح تشوف القاع وتمشي وانت مرتاح

[shaheen70]

اخوي السلفرادو انواع




فيه الي يجيك v6 < وهاذا ماينفع بريال واحد خرابات قطع غيار غاليه ومافيه حيل وقطعه غير متوفره

وفيه الي يجيك v8 4.8 < هاذا تقدر تقول نص فل وماصفاته حليله بس مشكلته مكينته مهيب عمليه واسئل كل الي مجربينه اذا بدت خاباته ماوقفت
وفيه الي يجيك v8 5.3 < هاذا مكينته ومكينة اليوكن و التاهو وحده وممتاز وعزمه يبيض الوجه ومن ناحية الخرابات هو و الجمس واحد وقطع غيارهن تقدر تقول وحده بس الحوض اصبر


وفيه الي يجيك 2500 هاذا صراحه على كلام الناس كد ومد وكل الشركات و المؤسسات ماتتعامل الا به ومكينته v8 6.0 وعزمه جبار بس مشكلته شاصيه طويل ويختلف دفرنساته ودبلاته عن القصير ويجيك 8 مسامير اذا كان الطول مايهمك عليك به لاتوفره


ومن ناحية المعروض عليك اتوقع من قيمته انه v6 مايسوى بريال واحد الا اذا كنت تبيه شكل ماهمك استعماله وفي نفس الوقت لاتحسب ان الجمس خفيف نفس مثل الهايلوكس تراه ان حفر في الرمله معاد طلع الا بدبل او سحب وماينفع معه الدف او حتى الترقيص اذا كان قير عايدي وانا مجرب 3 جموس كلهن قير عايدي بدون دبل مديل 88 ومديل 95 ومديل 2004 كلهن ان حفر الكفر في الرمله معاد طلع تشوفه تقول ماغرز بس اذا بغيته يمشي تعجز ماتقدر تحركه يحفر محله مهوب مثل الددسن و الهايلكس خفيفات نفس وماتدقر الا اذا وصلت الرمله للدفرنس
ومن ناحية الجموس الي بدبل ماشفت منها الا كل خير ماعدا كثرة حساساتها وهاذا شي معروف في كل الامريكي وصياته من صيانة اليوكن وممشاه ازين بواجد من اليوكن واخف وغرازه على حسب سواقه لاكن الي انا اشوفه انه اقل من باقي السيارات بس ان دقر يغثك لين تطلع


ومن ناحية قيمته خذلك هايلوكس غماره ابرك منه وانفع منه وارخص قطع غيار وشيك في المخبا


او دور لك على فل كامل نفس الموديل تلقاه بين ال85 لل95 حسب الممشا و النضافه واحرص الي الي مكتوب على جمبه z71 هاذاهو الفل كامل ومكينته 5.3 ومواصفاته نفس التاهو الlt





وعليكم السلام

اخي الكريم أريد أستفسار هل بالأماكن التعرف على الأفضل من الأنواع التي ذكرت عن طريق
السيّارة وهل هناك علامة أو مكان تقرأ فية كل ماذكرت داخل كبوت السيارة أو الغمارة واحد من الربع
ماخذ واحد سلفرادو ستة بلوط ثمانة سلندر غمارة ونصف 2007
ونريد معرفتة هل هو من المجموعة المرغوبة أم لا ؟
بارك الله فيك

[MjNo0oN]

مجنون الله يعافيك .. واليوم انعرض علي سلفرادو 2010 ابيض سياحي 6 سلندر بدون دبل.. بدل مع هوندا اكورد 2008 فل كامل .
ومتردد والله ... واخاف انه يطفرني بدل انه مايوسع صدري بالخطّ والممشى والاستعمال ..

بعدين 2500 كبير وانا اخوك .. وشاصه طويل ..انا ابي شاص صغيرر
وصح الي يبي الموتر الزينّ .. لازم يدابل فيه .. وش يسوي .. ذبحتني المواتر الصغيرات .. كني امشي على القاع ههههههههه
الله يعافيك وماتقصر .. واحتمال والله اني اذ صملت شريت لي هايلكس تماتيك .. وريحتّ بالي .. لان محدثك يكره العادي ..

اخوي انت اذا كنت ناوي على الجمس لاتاخذ الا الي شرت عليك فيه يا الz71 ومكينته تجيك 5.3 او ال2500 ولوه قديم

واذا خذيت غيره بتكره عيشتك وتقول يازين الاكورد ويازين القاع ابرك من الي محسوب عليك موتر كبير وفعله صغر وحتى يمكن مافيه فعل اسبوع معك واسبوعين بالورشه بعد فتره من الاستعمال وبعدين لو تفكر فيها جمس حوض بدون دبل ولانتب مستعمله بتحميل تبيه للبر و التمشي وسعة الصدر كنك تقول ابيلي اكسنت للنفود < وممشاها ازين من الجمس بدون دبل واحاقك على كلامي بدون قصور في الجموس عاد كيف لو كان 6 سلندر عز الله انها كل صفات الجمس الشينه مجتمعه فيه 1 مافيه عزم خير شر تقول دينه 2 قطع غيار غاليه 3 خرابات < وترا اغلب مشاكل هاذي المكينه كهرب عاد الكهرب و الامريكي اخويا من زماااااان غير مشاكل الحساسات و السنسرات الي في الموتر

ولمعلوميتك حساس الهوا للجمس لحاله يكلف 1200 ريال ومهوب موجود في الوكاله يطلبونه لك من دبي وفيه حساسين حساس هوا المكينه وهو الي انا اتكلم عنه وفيه حساس قربة الهوى وهاذا بـ400 ريال وغير صوف القير الصوفه السفليه قيمتها 1200 ريال بالتغيير
ولمعلوميتك قيمة قير الاكسنت 900 ريال و الكلتش بـ200 ريال < يعني ارخص من حساسات و صوفة قير الجمس يعني خذلك اكسنت وكسرها في البر ابرك لك منه


وعليكم السلام

اخي الكريم أريد أستفسار هل بالأماكن التعرف على الأفضل من الأنواع التي ذكرت عن طريق
السيّارة وهل هناك علامة أو مكان تقرأ فية كل ماذكرت داخل كبوت السيارة أو الغمارة واحد من الربع
ماخذ واحد سلفرادو ستة بلوط ثمانة سلندر غمارة ونصف 2007
ونريد معرفتة هل هو من المجموعة المرغوبة أم لا ؟
بارك الله فيك


الرد جاك على الخاص واذا كنت تبي الفايده تعم اقتبس كلامي وحطه في الموضوع واذا كان فيه خطاء يصححونه لي الشباب مايقصرون

[ابوشجاع911]

بيض الله وجهك يالمجنون اشهد انك نصحت الرجال وحنا استفدنا جعلك تسلم
وكلامك ماعليه خلاف جملة وتفصيلا الا ان لي مداخلة بسيطة
وهي ان الجموس الاوله اللي بدون دبل احرص على القير العايدي فهو يغنيك عن الدبل ولايمكن مقارنته بالهايلوكس والددسن ام الاتوماتيك انا معك اذا غرز وهو بدون دبل الله يخلف عليك انس انك بتطلع الا بسحب
اما اللي قيره عايدي ومكينته 8 فوالله مايرده شي واذكر قبل سنوات في الدهنا معنا جمس حق المجاهدين جديد موديله في التسعينات والله انه تقول جيب ونوقف فوق الطعس ونمشي كاننا على الازفلت واهل الجموس اللي جربوها يعرفون هالكلام
ولكن الجموس فشلت بعدما ركبو فيه نظام الثبات (مانع الانقلاب بزعمهم) يردي عزم السيارة ويضعف قدراتها بشكل رهيب ومره كنت على يوكن 2009 بدون دبل وغرز في شبر رميله مابغيت اطلعه الا بطلعة الروح وكل ما اطفي هالنظام يرجع يشتغل من نفسه وكل مادوس بنزين يفصل من نفسه
انا اشهد انه دبلت كبد ومادري وش الفايدة منه
طولنا عليكم سامحونا
موفق خير ياراعي الموضوع
تحياتي للجميع

[MjNo0oN]

ابو شجاع انا اشهد انك وفي وكلامك على متمه لاكن عن نفسي الموديلات الي انا جربتهن في النفود وذاكرهن فوق كلهن قير عايدي وجنوط شنبر وكفرات بالون وللأسف الشديد اثبتت فشلها معي ومع راعيها كلهن ان حفر الكفر كرمت معاد مشاء ويمكن هاذا من قوة المكينة بحكم انها اكبر مكاين نزلت على الجموس 454 واحد مكينه زرقا و الثاني حمرا و الجديد مكينته 6 لتر < ممشاهن في الخط يهول ماشاء الله عليهن تحرث الارض من قوتها لاكن في النفود لك عليهن ينقصهن الدبل وتغطي على الجيوب
ولمعلوميتك موديل 95 شفر ومكينته زرقا ماخذينه من امن الطرق في الخط مايفصل وفي القارمن نمشي 230 وهو اسبقهن ماشاء الله تبارك الرحمان الله يعطيه من خيره ويكفيه شره و موديل 2004 من ارامكو و موديل 88 ماخذه راعيه من السوق ومكينته حمرا شد بلدها على كلامه لي واهل هالمواتر كلهم متحسفين قد شعر روسهم يدورون الدبل وينه فيه

ما ادري هو السبب من السواق او من الموتر لان وزنيته تختلف عن الياباني 360 درجة

الي عرفته من اهل الجموس الي بدون دبل ابعدهم عن النفود وخذلك ومالك الا ولد(ن) يقرا

و المواتر الجديده انا عندي تاهو دبل 2007 عز الله انه موتر لاكن انه حساس ومانيب اجور عليه اصل محلي واقف والي بدون دبل ماجربته

[ibrahim_20]

يعطيكم العافيه