محتار يالربع بين ثلاث مناطق ابي النصيحه

[عاشق الوكري]

السلام عليكم ورحمه الله وبركاته


يالربع ابي النصيحه


محتار ناوي هالاسبوع اروح احدق برا الدمام


محتار بين منيفه او السفانيه او الخفجي :D

وين تنصحوني يالربع :(

ووش الصيد اللي بالمنقطه وياليت تدلوني بالضبط وين بالمنطقه :D

وافضل الاوقات متى اروح انا ناوي نفس اليوم ارجع


ويعطيكم الف عافيه

[عاصفة نجد]

والله ياخوك بالمنسبه لي افضل
1- منيفه
2- السفانيه
3- العمودهـ قبل الخفجي
الوقت اصلي الفجر قريب من الموقع لأن الكل عارف افضل الاوقات بالصيد الفجريات لين الساعه 7,30
او اكون متواجد العصر لأن المغرب بعد من الاوقات المفضل بالصيد اجلس لين الفجر و سبع ونص ارجع الديرة
تخبر الشمس الايام هذي حاره وافضل الصيد قبل المغرب بساعه لين طلوع الشمس
عاد انت واللي يريحك
وان ان شاء الله يفيدونك الشباب وفالك التوفيق

[accentkool]

انا اؤؤيد منيفة والله يرزقك
وسمعت الحداق اوك راس الزور
وراس مشـــــعاب

[SNIPER07]

لخووووان ما قصروووا

عساهم على القوه دوووم

تحياتي

[صياد الخبر]

السلام عليكم


عاشق


سم ابوي






السلام عليكم ورحمه الله



تفضل اخوي محادق السفانيه


http://www.aryag.com/download/up/aryag_com_164076528.jpg


وهي هديه من اخوكم الي جميع اعضاء منتدي مكشات


الصيد فيها ( شعوم هوامير سبيطي مزيزي ) واحيان شعري فسكر


ناهيك عن القرقفان والمجوه و و و الخ


واي خدمه انا حاضر للجميع


ملاحظه : الدائره المكتوب عليها المركز -- هو المركز القديم


تحـــياتـــي



و ايضا







المناطق الشمالية من راس الزور-منيفة -راس تناجيب- السفانية- راس مشعاب - الخفجي
طبعا هذه المناطق يوجد بينها او فيها اماكن لها مسميات كثيرة والحداق فيها متشابه
بالنسبة لحداق الأسياف ولكن حاليا معظم هذه الشواطي ممنوعة ولازم يكون عندك واو
قوية جدا جدا


العقير : المناطق الممنوعة مثل راس الحربة اذا حصلت تصريح بتترس ثلاجات



طبعا التصريح يكون غزول وحداق وشكات واذا انت غواص صج بتترس


اما باقي المناطق اذا حصلت ايدامك زين ولكن عقير كبيرة واخف زحمة


من المناطق الثانية واقل برودة من الشمال مثل منيفة والسفانية
2- منيفة : الصيد فيها طيب هذي الأيام شعم وسبيطي شكات وحداق واذا صرحت لغزول
ان شاء الله بتشحن واذا فيه قارب تنزل بالبحيرة ابشر بالحداق الزين والسبيطية القهم والعراضي
3- السفانية : اعتقد المحادق الزينة ممنوعة والباقي طينة وماعندي معلومات من زمان عنها






هذي ردود اخواني الاعضاء لمواضيع طرحتها لنفس المناطق اللي ذكرتها وتريد الذهاب للصيد بها



اتمنى من الله ان يرزقنا واياكم الجنة



والصيد الحسن وكل مطرود ملحوق



ودمتم

[عاشق الوكري]

يعطيك الف الف عافيه اخوي وماقصرت وبيض الله وجهك

[mosafr]

ماشاء الله صياد الخبر كفى ووفى

ومابقى لأحد كلام الله يعطيه العافية


وبالتوفيق إن شاء الله

وإن شاء الله ننتظر منك التقرير للرحلة

[أبو سنيد 04]

إن شاء الله أهل الشرقية يفيدوك ..
تقبل مروري بود ..











تحيات
أبو سنيد 04