الهدد يحتمي فزعتكم ياشباب [الأرشيف]

الطرقي 1

08/06/2011, 01:42 PM

السلام عليكم
المشكلة ياشباب ان الجيب لاند كروزر هدد 2007 هاليومين اذا وقفت خمس دقايق او اقل الظهر والمكيف يشتغل يحتمي ويفصل المكيف و لازم ادوس على الدعسة وتنزل الحرارة و يشبك المكيف
رحت الورشة وشيكت كل شي تمام
ياشباب اللي مرة علية السالفة يفزع لنا
الموقع المنطقط الشرقية الخبر

هآوي الصيد

08/06/2011, 03:40 PM

على ما أظن شي عادي . وخصوصاَ هالأياام حررررر .

وكل موتر شغال مكيفه ترتفع الحراره واذا مشى تنزل ..

خوي الشاص

08/06/2011, 03:50 PM

شف المروحه حقت المكيف الي بين الشبك والرديتر يمكن تفصل لانها على حساس

يالبى الهلا

08/06/2011, 05:18 PM

الاديتر سوله تسييخ وانصحك قف على سيارتك اثناء الاصلاح الاتعطيها الغريب يلعب عليك واتفق معه اولا

عمر الشريف

08/06/2011, 09:20 PM

يااأخي تأكد من مروحه المكيف ممكن الفيوز مضروب أفتح علبت الفيورات ونحصل فيوز مكتوب عليه fcc

أما أخونا اللي يقول سيخ الرديتر السياره جديده مايحتاج تسييخ

الله يكون بعونك لا تستعجل وتخطئ

الطرقي 1

09/06/2011, 02:07 PM

مشكورين ياشباب على الردود
ياخ عمر تقصد طبعا علبة الفيوز اللي بالكبوت

الطرقي 1

09/06/2011, 07:57 PM

ياشباب خبراتكم الله يعافيكم

الطرقي 1

10/06/2011, 01:48 PM

:)ياشباب خبراتكم الله يعافيكم

A L - F A I Z

10/06/2011, 02:03 PM

اخوي الطرقي ماتوقع فيه مشكله باذن الله
انا معي جي اكس ار 2005
ومع المكيف في الظهر اذا وقفت ترتفع للنصف وزود شوي ان طولت بالوقفه
واول ماحرك تنزل للربع
والجو وانا اخوك له دور
تحياتي لك

الطرقي 1

11/06/2011, 09:00 AM

ياشباب خبراتكم الله يعافيكم

BLA6K

11/06/2011, 09:48 AM

أخوي أنت تقول يوم توقف ترتفع الحرارة وهذا دليل ع المشكلة من المرآوح

أنت تقول يفصل الكمبرسر وأكيد مروحة المكيف مشبوكة مع الكمبرسر
يعني يوم يفصل الكمبرسر تفصل المروحة معه وترتفع الحرارة وهذا راجع لـ : سببين والله أعلم

اما الحساْس حق الكمبرسر خربان أو الفيوز أوالمروحة ماتشتغل
اما الفريون عندك ناقص

ABO AL-HESH

11/06/2011, 09:49 AM

السلام عليكم ..
اخوي لا تتعب نفسك الموتر طبيعي .. بالجو هذا ..
انا معي فتك نفس حالتك بالضبط .. كلف علي 1000ريال بدون فايده .. غيرت تماتيك المروحه والبلف وصييخت الرديتر ووزنت الديلكو .. مع ملاحظة انه فرق معي شي بسيط بعد ما وزنت الديلكو وغيرت البنزين ل 95

ABO AL-HESH

11/06/2011, 09:52 AM

وبالنسبه لفصلت الكمبرسر هذا نظام حمايه للموتر .. لامن الحراره وصلت حد معين اشتغلت مراوح الكهرب على الدرجه الثانيه .. ولامنه ارتفعت زود فصل الكمبرسر

هبوب الحره

11/06/2011, 10:05 AM

اخوي الطويرقي .... السلام عليكم ورحمة الله
من واقع خبرتي عليك التشييك على كلتش المروحة أو عندك وزنية الديلكو يمكن أنها تكون مختلفة وليكن في معلومك هاتان الشغلتين هما المسئولة عن أرتفاع الحرارة وعدم تبريد المكيف ..
ولكن أنصحك بالبحث عن المهندس الجيد والأمين ..
وبالتوفيق ..

ساري 111

11/06/2011, 10:32 AM

اخوي موترك مهب طبيعي

المشكله ممكن تكون من الرديتر افتح القربه اذا الماء وصخ يمكن تحتاج تصييخ واذا الماء نظيف احتماااال كبير يكون عندك تماتيك المروحه خربان او المروحه اللي برا ماتشتغل

أحمد محمد1429

11/06/2011, 10:42 AM

سياراتك مافيها إلا العافيه ولا تحاول تتعبث فيها والأيام هاذي ماهي مقياس وخاصة الظهر والمكيف شغال مره ثانيه لاتتعبث في سيارتك وصرف فلوس بدون نتيجه والمستفيد قطع الغيار والورش

التفق

11/06/2011, 11:00 AM

اخوي الطرقي وجميع الاحبه السلام عليكم اخوي شغل المكيف وبعد 5او عشر دقائق من تشغيل المكيف خذلك طله على وجه الموتر اذا كانت المروحه الخارجيه حقت اديتر المكيف تشتغل انصحك نصيحه لاتلمس شيء بالموتر واذا كانت طافيه وتأكدت اكيد انه طافيه ماتشتغل افحص الفيوز اللي داخل الكبوت وغير الخربان وتزين امورك وتحت ضروف هالحر الله يدفع البلاء كل شيء جائز والسلام عليكم

الطرقي 1

11/06/2011, 01:33 PM

مشكررين ياشباب على مشاركتكم الطيبة

طريخمه

12/06/2011, 06:42 PM

اخي صاحب الهدد انا حصلت لي زي المشكلة كان الموتر بالشتاء من افضل شي لما جاء الصيف ارتفعت الحرارة فقمت سلمك الله بتسييخ الاديتر وتركيب بلف ديزل مع تغيير الطبه والآن ماشاء الله تبارك الله الحرارة على الربع ماشي او واقف او مسافر ولله الحمد والمنه ... شكرا لكم وتقبلوا مروري

مركز حراره

13/06/2011, 12:48 AM

اذا مع السرعه ماترتفع الحراره
بدل تماتيك المروحه وتاكد ان المروحه الي قدام الرديتر تشتغل مع المكيف