يوسف الخليفة1
08/06/2011, 05:30 PM
بسم الله الرحمن الرحيم
السلام عليكم ورحمة الله وبركاته
خليت نجد اللي بها الضب منظام=وجيت المحاري بين هزاع وشريم
وقلبان خضرا للربيع ولزام=لين العرايش والمتاييه ما حيم
من ديرة القصمان سافرت مجهام=اللي لهم في مستكني مراسيم
من الحزم دار الذيابه والارام=اللي لهم في مهجة القلب توسيم
تليت انا اليوكون كالطير لاحام=ذيب الدروب الطايله ناطح الضيم
مثل هجوم النمر الاقشر اليا قام=بساتمه ترجف كما رجفة الهيم
الزيت وافي راس الامبير ما نام=وقوده الخمسه وتسين بانزيم
ميه وعشرين المشي رابط حزام=والقار يلزم له من البال تنظيم
معي خويي طيب النفس قدام=نكسب بها الدنيا دروس وتعاليم
ما تاتي خطاها على كيف الانام=صيورها لله يمشي بتسليم
تقنب قنيب الذيب بامراح الاحلام=لين يغدون القوم فيها مجاثيم
لا تنشد الاصحاب عن بعض الاوهام=غصن الرفاقا بين طايل وتقليم
عارف مساري قارين ورد الاسلام=رزقي على الله منه الارزاق تقسيم
معي زهابي والعدد كلها ولام=خرازه ومكناس طارف بتوليم
واتلوح لي بيضا العرايس بالاكوام=ذيك تربه زهرة خزاما حدر ديم
مريت فاهد حامل الطيب عزام=من فخذ ابن هزاع نسل الضياغيم
واجهته بقفرا بها زين الانسام=كن العبير يفوح منها بتنسيم
يطرقها من عقب المسا بارد الشام=يلوي غصون العرفجه له ترانيم
لقينا ضبان السهل بين الاغنام=صفرا المكون بزينها كنها الريم
والا الذكر يضحي تقل فوقه حرام=حنوكه لخضر المنابت مقاظيم
الضب من دون الشحم ما له ايدام=ترا الهلايم ما عليها تلازيم
والشلوطه للجلد بالذوق برشام=فيها الطعم رايق ولا فيه تزخيم
مع كبسة الشعلان بالكيس الاعلام=نثريتن تقعد حسوس المخاريم
وامرحت ليله ما على الخاطر خصام=بين الربوع اللي بروس المقاديم
هذي هي الرحله ولو عندي وسام=كان البسه شمر زحول الحواشيم
والا الشريهي بالمواجيب قد زام=في خانة الممتاز نعطيه تقييم
واقفلت راجع ما على دربي زحام=يم القصيم اهل الفعول المزاميم
يوسف الخليفة ( أبو عبد الله )
السلام عليكم ورحمة الله وبركاته
خليت نجد اللي بها الضب منظام=وجيت المحاري بين هزاع وشريم
وقلبان خضرا للربيع ولزام=لين العرايش والمتاييه ما حيم
من ديرة القصمان سافرت مجهام=اللي لهم في مستكني مراسيم
من الحزم دار الذيابه والارام=اللي لهم في مهجة القلب توسيم
تليت انا اليوكون كالطير لاحام=ذيب الدروب الطايله ناطح الضيم
مثل هجوم النمر الاقشر اليا قام=بساتمه ترجف كما رجفة الهيم
الزيت وافي راس الامبير ما نام=وقوده الخمسه وتسين بانزيم
ميه وعشرين المشي رابط حزام=والقار يلزم له من البال تنظيم
معي خويي طيب النفس قدام=نكسب بها الدنيا دروس وتعاليم
ما تاتي خطاها على كيف الانام=صيورها لله يمشي بتسليم
تقنب قنيب الذيب بامراح الاحلام=لين يغدون القوم فيها مجاثيم
لا تنشد الاصحاب عن بعض الاوهام=غصن الرفاقا بين طايل وتقليم
عارف مساري قارين ورد الاسلام=رزقي على الله منه الارزاق تقسيم
معي زهابي والعدد كلها ولام=خرازه ومكناس طارف بتوليم
واتلوح لي بيضا العرايس بالاكوام=ذيك تربه زهرة خزاما حدر ديم
مريت فاهد حامل الطيب عزام=من فخذ ابن هزاع نسل الضياغيم
واجهته بقفرا بها زين الانسام=كن العبير يفوح منها بتنسيم
يطرقها من عقب المسا بارد الشام=يلوي غصون العرفجه له ترانيم
لقينا ضبان السهل بين الاغنام=صفرا المكون بزينها كنها الريم
والا الذكر يضحي تقل فوقه حرام=حنوكه لخضر المنابت مقاظيم
الضب من دون الشحم ما له ايدام=ترا الهلايم ما عليها تلازيم
والشلوطه للجلد بالذوق برشام=فيها الطعم رايق ولا فيه تزخيم
مع كبسة الشعلان بالكيس الاعلام=نثريتن تقعد حسوس المخاريم
وامرحت ليله ما على الخاطر خصام=بين الربوع اللي بروس المقاديم
هذي هي الرحله ولو عندي وسام=كان البسه شمر زحول الحواشيم
والا الشريهي بالمواجيب قد زام=في خانة الممتاز نعطيه تقييم
واقفلت راجع ما على دربي زحام=يم القصيم اهل الفعول المزاميم
يوسف الخليفة ( أبو عبد الله )