مشكلتي مع طبلون الجمس ؟؟

[hasww]

عندي مشكلة في جمس 2002 مقاس 1500 استخدام امريكي

المشكلة انني لما اركب مطب صغير اثناء المشيء

لمبات ومؤشرات الطبلون تطفىء وتشتغل فجأءة دون ان تنطفيء السيارة

ارجو مساعدتي في هذا

شيكنا على جميع الاسلاك حتى الطبلون نفسه فكيناه ووجدنا كل شيء تقريبا تمام

لكن دون جدوى

ارجوكم المساعدة لان اصحاب الورش افقروني والله :eek:

اخوكم الهاس

[hasww]

يالربع افيدونا

[فوازالحربي11]

شيك على علبة الفيوزات واذا لقيتها سليمه ما تهتز شيك على الفيوز حق لمبات الطبلون واذا لقيته ثابت

شيك على مفتاح لمبات الطبلون واذا كله تمام فك علبة الفيوزات وتاكد من قاعدة الفيوز حق لمبات الطبلون

الي بنفس علبة الفيوزات انها ما تهتز او محلوله او موسع مجرا الفيوزووو واذا ثابته

الله يعينك بعد كذا ما في حل الا البيع

[ابوعقل]

امرها سهل ان شاء الله

بس اكيد المشكله من الأفياش اللي بالعدادات

شيك عليهم

اكيد ما يمسك زين ومحتاج غراء حوله ويزين

وانت وين مكانك ؟؟

شمال جنوب شرق غرب وسطى

[ابوعقل]

امرها سهل ان شاء الله

بس اكيد المشكله من الأفياش اللي بالعدادات

شيك عليهم

اكيد ما يمسك زين ومحتاج غراء حوله ويزين

وانت وين مكانك ؟؟

شمال جنوب شرق غرب وسطى

[hasww]

ولو اني طولت عليكم وغبت كثير

لكني بأخبركم كيف تم حل المشكلة

وجد الكهربائي سلك خلف المكينة من ناحية الغمارة

فوق في القير بين المكينة والجير

به التماس عند ارتطام اي مطب يتحرك ويحدث الانطفاء المفاجىء للمبات الطبلون

كثير من الفنيين قالوا غير طبلون

وتعرفون السعر كم هو غالي

ربنا سلمنا من الخسارة

الكهربائي طلب 50 ريال اعطيته 120 ريال

لانه فكني بعد توفيق الله من هذة المعاناه

اشكركم جميعا على التفاعل معنا

اخوكم الهاس

[Avalanche]

الحمدلله على حل المشكلة

أشكرك اخي الكريم لذكر طريقة الحل :good:

ينقل للقسم الصحيح للفائدة ..

[الشهابة]

سبحان الله بعض المشاكل تصير من اتفه الأسباب ..

كان فيما مضى - من زمان يعني - عندي كابرس 95 و فجأة في يوم من الأيام و انا في مشوار السيارة عيت تشتغل او تدق سلف .. المفتاح يدخل في السويتش و يدور بس ما تشتغل و لا توصل كهرب ..

شلتها بسطحه للصناعيه و دوران على الورش اللي يقول غير طرمبة بنزين بـ 1100 ريال القطعه مع الشغل .. و اللي يقول غير علبة الفيوزات لأن فيها التماس بـ 2000 ريال تقريباً .. و اللي يقول يبي لك تغير طقم ظفيرة رقبة الدركسون لأن المشكله فيها بعد ما فحصوا طرمبة البنزين و علبة الفيوزات و لقوها سليمه ..

المهم تعبت و انا ادور على الورش و امسى الليل و لا أحد عرف علتها و المصيبه إني بعد ما صليت العشاء في الصناعيه ضيعت المفتاح و كل ظني إنه طاح في حمامات المسجد و انتم بكرامه و دقيت على أخوي و قلت له جب المفتاح السبير و تعال ابدخلها ورشه يفحصونها كامل و بيعلمونا وش فيها بكرى .. جاني على الساعه 10 و معه المفتاح السبير و كان جديد لأن السيارة مشترينها وكاله و المفتاح الثاني ما أستعملناه أبداً .. و يوم حط المفتاح في السلف اشتغلت السيارة و لا فيها إلا العافيه .. و كانت المشكله من المفتاح القديم فيه قطعة امان سوداء صغيرة راكبه بنفس المفتاح و مع الوقت و الاستعمال الظاهر خربت او طاحت مانيب متأكد و يوم جربنا المفتاح الثاني اشتغلت و لا فيها باس .. و كان حل المشكله بقص مفتاح سبير جديد بـ 115 ريال على وقته من الوكاله و لين بعناها و هي ما فيها الا العافيه ..