استفسار من أهل الخبرة من سكان جبال عسير

[ya3ioni]

السلام عليكم
أنا إنسان أحب المطر والأجواء الباردة وأحب الصواعق وأحب تصويرها
ودي أسافر عسير كم أسبوع وعندي كم استفسار بالذات أهالي عسير
لأنه بعمري ما سافرت عسير وودي أزورها هالصيفية بإذن الله
وين أعلى قرية او مدينة بالجبال ؟
أي منطقة تتعرض لصواعق باستمرار ؟
أي منطقة تكون أمطارها غزيرة ومعروفة إنها أكثر منطقة يصير فيها أمطار ؟
أفضل وقت بالصيف أقدر أستمتع بالأمطار والصواعق متى بالضبط
أقصد أسافر بشهر 7 ميلادي او شهر 8 اغسطس ؟
ويعطيكم العافية

[ربيع الشرقيه]

السودة مافي احلى منها في الصيف :l


اما بالنسبة للوقت اعتقد شهر اغسطس تكون الاجواء والامطارعلى اشدها


بس انتبة ترى المنطقة مرتفعة جداً وخطرة وقت الصواعق
شاهد هذا المقطع
http://www.youtube.com/watch?v=BoFm_TlbGmw

[ترياق الخواطر]

أعلى منطقة هي جبال السودة غرب مدينة أبها

أفضل توقيت شهر 7 و 8 ميلادي

ولكن رمضان يوافق شهر 8 حط هذا الشيئ في بالك

يا ليت تخطط تفاصيل رحلتك بدقه وخصوصاً حجز الطيران

وتطلع على تجارب الآخرين من خلال مواقع سياحية متخصصه

والله يحييك.

4sgPnyON8n4


http://www.youtube.com/watch?v=4sgPnyON8n4&feature=related

[سييرا2002]

أوافق الأخوان فيما طرحوه من إجابات

وأظيف مكان آخر وهو

محافظة النماص بلاد بني شهر " لا خلا و لا عدم "

حيث أن هناك اختلاف بين الجغرافيين على أعلى مرتفع في المملكة العربية السعودية
بين مرتفعات النماص ومرتفعات السوده

[ya3ioni]

مشكورين جميعا على المعلومات
انا عزوبي وبسافر لوحدي المهم ارتاح من حر الرياض حتى لو بسافر برمضان مو مشكلة
بس على توقعاتكم لو بجلس شهر ومصروفي عادي كم تكلفني الرحلة مع السكن

[Abdullh397]

و الله يَ اخووي انا الحين في ابها لغرض الدراسه

و كلها كم يوم و برجع للشرقيه انشاء الله >> عزوبي

و افضل المناطق عندك السوده امطار اغلب ايام الاسبوع

و السنه هاذي سنه بردي و ثلوج على السوده الحمد لله

و بالنسبه لأعلى قمه في السعوديه هي قمة منتزة السحاب

و هي في السوده

و اذا كنت حاب تجلس شهر ارسل لي وسله اتصال على الخاص

و ان شاء الله احاول ادور لك سكن بسعر حلوو و يَ ليت خلال اليومين هاذي

لأن انا ان شاء الله بمشي الشرقيه يوم الاثنين

[راصد البرق2]

السوده لايعلى عليها لكن انتبه من الصواعق خطيره ومرتفعه ومكشوفه:l:l:l في مناطق اخرى عندك الحبله قريب من خميس مشيط لكن السوده اقرب لابها افضل الشهور اغسطس وترى الاجارات نااار:f ويالله تلاقي سكن من الزحمه:D

[طالب الحور]

نصيحة لاتتحمس أكثر من اللازم

تحسب أنك في جنوب السودان كل يوم رعد وبرق:l

عوافي:D

[ya3ioni]

يابن الحلال يعني معقول اجلس شهر وما يصير بهالشهر عشر مرات مطر ؟
انا اهم شي عندي افتك من حر الرياض اقسم بالله صاير الحر قررف ومحد يتحمله
اهم شي السكن الناس خوفوني يقولوا الاسعار نااااااار
عندليب العلا برسلك رسالة خاصة

[ya3ioni]

ههههه حتى الرسائل الخاصة مقدر ارسل
الاخ عندليب ممكن تعطيني فكرة عن الاسعار الله لا يهينك
وعندي سؤال لأهل الخبرة بالصواعق بس لحد يضحك من سؤالي ههههه
الحين اذا الواحد جالس بسيارته وقت الصواعق معقول الصاعقة تخترق السيارة وتصيبه ؟

[ذري1000]

بالنسبة لأسعار الشقق في رمضان رخيصة مرة احد الشباب استأجر ثلاث غرف عوائل 150 ولقا 120 ريال
وانا نفس عدد الغرف 350 ريال بس في شعبان

[abu fares]

مثل ما قالوا الاخوان الامطار شهري سبعة وثمانية ميلادي

والسودة هي اعلى مكان

والصواعق اشدها في تهامة ( اليوم شفت من الصواعق ما ينشف الريق )

والأسعار لا تسال نااااااااااااااااااااااااااااااااااار

بالتوفيق يالحبيب

[سفير الحيا]

الحين اذا الواحد جالس بسيارته وقت الصواعق معقول الصاعقة تخترق السيارة وتصيبه ؟


ما أتوقع بأن السيآره تبي تحميك إذا جآء يومك :D وعسى الله يطول بعمرك !

[مراسل جوي]

ما اظن السودة اعلى الامكان في النماص قمة جبل شمال النماص شاهقة جدا واسمح لي السودة اشهر من مناطق النماص لكن النماص وتنومة اجمل والامطار نفسها في النماص او السودة
شكرا

[ثعل البرد]

وعليكم السلام ورحمة الله وبركاته


لعل الموضوع التالي للخبير الكبير

صالح الربيعان

يفيدك إن شاء الله



معلومات مناخية للسائح والمصطاف ولمن جعل عسير آخر المطاف (http://www.mekshat.com/vb/showthread.php?p=2940727#post2940727)



اسأل الله أن يوفقك والجميع لكل خير

[شقران755]

انتبه لعمرك اذا مشيت للجنوب من الصواعق .
الله يحفظ الجميع

[ya3ioni]

تصدق قبل ثلاث سنوات ضربتني صاعقة
هي ما نزلت علي بشكل مباشر
نزلت على سيارة قدامي على طريق خريص بالخدمة كان بيني وبين السيارة حول الخمس او ست امتار
كنت طالع من محل الا وتنزل قدامي بالضبط وربك ستر
بس خنقتني خنق وطحت على الارض مباشرة ويطلعون عمال المحل يسحبوني جوه المحل ويتصلون بالاسعاف قلتلهم مافيني الا العافية ولله الحمد مافي دقيقتين الا
وتنزل صاعقة ثانية على العمارة اللي حنا فيها هههههههه بس ربك ستر
ومن يومها وانا احب الصواعق
على قولتهم الصاحب ما يصير صاحب الا بعد هواشة

[محب الودق]

اهلا وسهلا يالغالي..

اعلى مكان السووودة ..

واجمل مكان السوده _ تنومه _ النماص..
اما من حيث الصوااعق مثل ما قالوا الاخوان تهامه,,,,
من محايل عسير الى السوده خطره من كثرة الصواعق..
فا تمنى ان لاتخرج وقت الامطاار لان الوضع خطر جدا جدا ..

اسال الله العظيم ان يوفقك في رحلتك الاولى ...

[محب الودق]

تصدق قبل ثلاث سنوات ضربتني صاعقة

هي ما نزلت علي بشكل مباشر
نزلت على سيارة قدامي على طريق خريص بالخدمة كان بيني وبين السيارة حول الخمس او ست امتار
كنت طالع من محل الا وتنزل قدامي بالضبط وربك ستر
بس خنقتني خنق وطحت على الارض مباشرة ويطلعون عمال المحل يسحبوني جوه المحل ويتصلون بالاسعاف قلتلهم مافيني الا العافية ولله الحمد مافي دقيقتين الا
وتنزل صاعقة ثانية على العمارة اللي حنا فيها هههههههه بس ربك ستر
ومن يومها وانا احب الصواعق

على قولتهم الصاحب ما يصير صاحب الا بعد هواشة


ياخوووي انتبه من الصواعق وتعرف كلما ارتفعت كانت اخطر ..
فالجنووب التهامي يشتهر بكثرة الصواعق واعنفها ..
اتمنى تاخذ الاحتياطات الواجبة اثناء الامطار المصاحبة بالصواعق..

والله يحفظك في حلك وترحالك..

[ابو شادن 07]

توكل على الله لاخوف من الصواعق باذن الله قفل الجوال اثناء الامطار وتمشى في كل مكان

بالنسبة للاسعار فيه الغالي والمتوسط والرخيص

وبالتوفيق ان شاء الله