ديانا ماغنوم350

[منوخ الذيابه]

السلام عليكم ورحمة الله وبركاته

الله يمسيكم بالخير والرضى

بعد تفكير ومشاورات حول البنادق الهوائيه رسينا على ديانا ماغنووم350

بس عندي كم سؤال قبل اتوكل على الله واشتريها غدا

1 - صحيح ان قوتها بقوة الـ 90 لفايروخ ..؟؟
2- صحيح انها تطرح الضب كما هو متداول بين الناس .؟
3- افضل الانواع حاليا .؟
4- افضل من النوع الانجليزي الموجود فالرمايه .؟
5- سعرها ..؟؟

ياليت تفيدوني قبل اخر خطوه لاني ناوي السبت الصباح بكون عند الرميح

[رسيس نجد]

سعرها من 1900 وحولها

[محمد العتيبي]

1 - صحيح ان قوتها بقوة الـ 90 لفايروخ ..؟؟
ماجربت الفايروخ ولكن الماقنوم قويه جداً
2- صحيح انها تطرح الضب كما هو متداول بين الناس .؟
على حسب الرامي ، لا وقعت في الراس حتى الآدمي تذبحه

3- افضل الانواع حاليا .؟
مافهمت عليك
4- افضل من النوع الانجليزي الموجود فالرمايه .؟
ما اعرف الانجليزي ولكن المتداول بين الناس الديانا والفايروخ
5- سعرها ..؟؟
الفيبر بـ 1600 والخشب بـ 1900

[منوخ الذيابه]

مشكورين اخواني على ردودكم والله لايهينكم ..

انشالله متوكلين على الله والله يكتب الخيره ..

[منوخ الذيابه]

اخوي محمد الافضل خشب او الفيبر ..؟

الفيبر اخف وزن من الخشب لكن ماادري عن الجوده ..؟؟

ياليت تفيديني والله يبيض وجهك ياراعي الفتك >> ههههههههه بدات العنصريه

[منوخ الذيابه]

واللي بيعطون اراء ياليت تكون من واقع تجربه

لاني بصراحه شفت موضوع لاحد الاخوان نفس موضوعي ولقيت اللي يسب ويرفضها قطعيا ولقيت اللي يمدح ويجزم عليها بكل ثقه !!!!!!!!!!!!!

حيرتونا بصراحه .. اللي يقول قويه ويبيلها تربيط بسبب الارتداد القوي واللي يقول تخرق الحمام وتسبب في طيرانها وعدم وقوعها مباشره واللي واللي ...

ياليت اللي بينصحنا يكون من وااااااااااقع تجربه وليس نقل للحديث وشكرا

[ابو قحط 505]

واللي بيعطون اراء ياليت تكون من واقع تجربه

لاني بصراحه شفت موضوع لاحد الاخوان نفس موضوعي ولقيت اللي يسب ويرفضها قطعيا ولقيت اللي يمدح ويجزم عليها بكل ثقه !!!!!!!!!!!!!

حيرتونا بصراحه .. اللي يقول قويه ويبيلها تربيط بسبب الارتداد القوي واللي يقول تخرق الحمام وتسبب في طيرانها وعدم وقوعها مباشره واللي واللي ...

ياليت اللي بينصحنا يكون من وااااااااااقع تجربه وليس نقل للحديث وشكرا

والله ونا خوك انا مثلك حيرونا بس

انا قريت وسئلت قالولي الالمانيات الجداد مش زي القديمه

وثقيله

........

وكثر شيء مدحوه لي نوريكا90 الاسبانيه

ولي نصحوني فيها مجربين الاسباني ولالماني والتركيات

وهذ موضوع واحد من الاخوه مادح النوريكا 90

وحاط تجاربه مع السكتونات الي مرت عليه

http://www.mekshat.com/vb/showthread.php?t=317398

[ابو قحط 505]

والخلاصة بعد هذه الرحلة اتضح الآتي :
الألماني وصل إلى مستوى ممتاز قديماً ثم تراجع .
الإنجليزي ممتاز ولكن يحتاج أحد يتعامل معه بشكلً سليم
وفي الآونة الأخيرة توقف الجدل حوله لأنه انقطع من السوق .
الأسباني متطور وسبّاق وكان فاشلاً بداية انتشاره وكل
البدايات صعبة والعبرة كما يقال بتمام النهايات لا بنقص البدايات
وهو متسيّد الساحة الآن وحديث أهل الصيد في المجالس
وللأسف نسبة كبيرة جداً ممن يذمونه لم يقوموا بتجربة
موديلاته الجديدة أعتذر عن الإطالة .

والسلام عليكم .



وهذا جزء من كلامه الي في الموضوع

[منوخ الذيابه]

لاهنت يابو قحط بيض الله وجهك ..

ونسمع من اللحوات الغانمه ..

[ابو قحط 505]

لاهنت يابو قحط بيض الله وجهك ..

ونسمع من اللحوات الغانمه ..

ماسوين غير الواجب

[محمد العتيبي]

ياا منوخ الذيابه

انا شريت الخشب ، ولكن تحسفت أولاً فرق السعر وثانياً الفيبر اجود واخف والآن صاير شكله ازين من الخشب .. وانت ورغبتك

ومن واقع تجربه للديانا وانا ماجربت الفايروخ ولا اعرفها ، اشوف ان الديانا ممتازه بس يبي لك بعض التعديلات
مثل المسامير تحط عليها من الشطرطون حق السباكه الابيض وتوزن النيشان والحصان الامامي قاعدته ترجع للخلف وتختلف عليك الوزنيه فقط رجعه للامام وتضبط والمنشاف يبي لك تطلعه وتحط له صمغ ابو ابره لانه بيجي له يوم ويطيح وهو صغير ويضيع ..

اي استفسارات هذي البندق عندي وانا جاهز

[القحطانى1]

اسعد الله اوقاتك بكل خير
تختلف اراء الاشخاص من واحد لواحد ومن قطعة لقطعة أخرى
واذا احسن الاستخدام تسلك الامور
وتقبل تحياتى ...........,

[منوخ الذيابه]

لاهنتم يالربع ...

والظاهر على حسب الاستخدام وشطارة صاحبها وذكائه تمشي الامور..

[أبو سمره]

السلام عليكم
والله انا شريت لي وحده من فتره لاكن والله ما يحتاج اشتريها وانت متطمن انا مجربها

[دل البحار]

والله يا خوي منوخ الذيابة
كثرة الهروج والسوالف عن الديانا والفايروخ
فيه اخر معلومه وصلتنب انو الرصاصه في الديانا عند الرمي، تشتل بدال ماتكون على الهدف تشتل والسبب يقولون ان السسته قويه للالماني فأستعانوا بالصيني عوضاَ عن الالماني لان السسته للصيني الين من الالماني وهذا الكلام لايزعل علي احد ويقول افتيت وطربقت وسبيت بنادقنا ،مجرد سؤال سألته في محل الرمايه بجده لأحد الزبائن واخبرني بالكلام الي قلته وانا عجبتني الفايبر بالوزن خفيفه لكن يعيبها اللون وماهي خشب ماتطرب وقت سجة الصيد ، الخشب عندي افضل بالشكل بالوزن لا ..الفايبر افضل ومريحه جداَ ماتتعبك وأنت تنشن
وسلامتكم،،

[ذيب سايه]

اخذها واتوكل على الله ..

انا شاريها قبل شهر والحمد لله مثل الخرازه بس اخذلك صتم 5.5 لانه راكد في الهوا ويذبحلك الطريده بوقتها .
يعني مايحتاج سكين على طول تسجد في الارض . هههه


الله يوفقك ..

[منوخ الذيابه]

يااخوان مريت كثير من المحلات وسمعت من كل بايع

(( يقولون الالماني تراجع وصارت الوزنيه لك عليها , الاسباني تقدم وبقووووووه واصابته دقيقه 100% ))

والماغنوم قويه وبعد الرمي الوزنيه تخرب ويبلك تضبطها , وايضا المسامير يشتكون منها ,

والله الواحد يحتار !!

لكن انا بتوكل على الله وباخذ اسبانيه جامو 85 من الرمايه