بستفسر عن أسعار السيارات ليه مرتفعه

[أبوعبدالرحمن/]

السلام عليكم ورحمت الله وبركاته
يأخوان أنا بستفسر عن أسعار السيارات ليه مرتفعه هله الأزمه الي مرت باليابان له دور برتفاع الأسعار
أذا قلنا الجديد أرتفع سعره وش دخل المواتر القديمه برتفاع الأسعار مثل موديل 2010 2009 2008 وإلى متى والأسعار بتكون مرتفعه والله فيه مواتر قبل ثلاث أشهر تسام 80 وبعد أرتفاع الأسعار وصلت 100 ويقولك تراه سعره جديد بالقيمه الفلانيه وهو موتره موديل 2008 او 2009 طيب الي مرتفع سعره 11 قارن بموديلات السنه 11 مو موديلات حقت قبل ثلاث سنين
الله يعين وأن شاء الله تنزل أسعار السيارات ونفتك من الشريطيه والله العظيم على الحال الواحد راح يشري موتر بقيمة 2011 قبل ثلاث أشهر :(
وأسف على الأطاله بس والله حبيت أطرح الموضوع من القهر مانقول ألا حسبي الله ونعم الوكيل

[ابو محمد1]

الله يعين وحسبنا الله ونعم الوكيل

[أبوعبدالرحمن/]

أي والله يأبومحمد حسبي الله ونعم الوكيل
اللـه يعين

[نديم الشمال]

اذا ارتفع قيمة الجديد في الوكالات ؟؟؟ وش ينزل قيمة القديم ؟؟


طبيعي اذا الجديد مولع نار اكيد القديم بيحتفض بقيمته


يعني انا قبل حوالي شهر رحت لوكالة عبد اللطيف الغير جميل


معي 80 الف ريال مالقيت عنده ارخص من برادو 2011 حسبوه علي بالكاش 146 الف اقصاد مقدم 80 الف وبعد مفاوضات قالو نحسبه عليك بــ 205000 ميتين وخمس الاف ونا دافع مقدم 80 الف !!!!!!!!!!!!!

رحت اخذت لي جمس 2006 بالثمانين وريحت راسي

[أبوعبدالرحمن/]

الله يعين أخوي نديم الشمال
ولا توك بعد باقي ماشفت شي الأسعار كل يوم بزياده

[وسط الشمال1]

الله يهد الي تسبب برفع الاسعار

[ابن يعيش]

تدري ليه السيارات مرتفعة ؟
لأن الناس الله يهديهم يشتروووووووووووووووووووون والله لو وصل الهايلكس بـ 200 ألف يشترووووونه !
أبعرف وش السبب ليييييييه مادري كيف لماذا من أين أتت هذه الدراهم يا بني - تنزل عروض بالوكالات وتعال شف (ال ......... ) ياخذ ولا يهمه مواصفات السيارة أخس مواصفات عندنا رح للخليج وشف الفرق بجودة السيارة إلى متىىىىىىىىىىىىىىىىىىىى شوفوا حل ياناس .
أعجبتني يا نديم الشمال والله أعجبتني بجد وياليت الناس يسون مثلك !!!!!!

[فرخ قطا]

الصراحه السيارات طاارن اسعارهن لي شهر بايع موتري ولا دورت الى الحين
احتريهن ينزلن مب معقوله الهلكس وصلت87الف
والكامري 85 يعني الكامري ارخص من الهلكس ولا به شي زود لكن الله يعين ادعو الله انه يفرج الكربه

[أبوعبدالرحمن/]

مشكورين أخواني على مروركم العطر ويالله أنك تفرج الكربه يارب

[راس الضلع1]

ماطار طير الا كما طار وقع


لاتستعجلون

[ولد هملان]

الله يعين بس فساد x فساد ، ومثل ماقال المثل :ــ بايره تشكي على مطلقه !!!

[ابوتالا3993]

السيارات ارتفعت ولو نتركه والله تنزل انا بعت موتري قبل شهرين وجيت بشتري موتر ولقيتها مولعه خيال وشريت لي اكسنت ترفع رجلي وافتك من الآجار ومتابع السوق حطيت عيني على مواتر وسعرتها وبعضها في مواقع ومريت امس وسئلت ونزلو من اسعار الى 5000 قال نشوف راعيه قلت لا باقي خله ينزل وانا والله ابغاه بس حرام اشتري غالي وبكره تنزل ابصبر على الاكسنت لين الله يفرجها ولو كل الناس اذا حصلو غالي اتركوه والله تنزل غصب لان السيارات كل سنه ينزل موديل معناته راح يكون فيه تكدس بس اصبرو والفرج جاي بأذن الله

[ماجور]

أيتعذرون بالزلزال اللي ضرب اليابان وهم كذابين هذي لعبة تجار حسبي الله عليهم

[ابو محمد سوبر]

السلام عليكم ورحمة الله وبركاته
لي فتره وانا ادور سياره ولا حصلت سياره بسعر معقول الي الأن تدرون وش السبب لأن كل اللي في السوق او بالأصح 80% من اللي في اسواق الحراج والمعارض شريطيه يجون للرجال صاحب السياره الفلانيه ويقوله سيارتك تسوى كذا يعني سعر خيالي علشان يطمع راعي السياره ولا يبيع الا في السعر اللي قاله الشريطي الوسخ او اغلا .
وتدرون ليش سوى كذا الشريطي لأن عنده سياره زيه ويبي السياراتالنوع هذا او المديل الفلاني ترتفع ويصير
مكسبه الضعف
وهذا اللي خل الناس كل من هب ودب رفع قيمة سيارته مما ادى الي ارتفاع جميع السيارات
وياجماعة الخير تصدقون اني اروح للسوق شبه يومي اتطيحلي على شي زين وسعره معقول ما حصلت لي تقريبا ثلاثه اسابيع
والمشكله الاكبر انه مافيه احد يبيع والله العضيم انه اسعار خياليه على شي مايسوى ولا يشتري احد ابد
واسف على الاطاله

[أبوعبدالرحمن/]

الله لايوفق جميع من ساعد على رفع الأسعار الواحد حتى مايقدر ولا يشري موديل 2006 كلهم رافعين سعر السيارات الهايلكس يوصل 86 الف ليه الافجي وصل 143 الف وكل السيارات
حسبي الله ونعم الوكيل

[عزيز الشمري]

الله يعين وحسبنا الله ونعم الوكيل

[عابر شمال]

الارتفاع انشاء الله بشكل مؤقت وترجع الامور كما كانت باذن الله تعالى وسبب ارتفاع السيارات هو الإشعات من التجار وانتشارها بين الناس بسبب الكوراث الي صارت باليابان وتوقف المصانع عن الانتاج بس انشاء الله بتنزل تويوتا 2012 وبيتغير السوق ،،، استفادت من هذي الاشعات السيارات الامريكيه وبيدخلون الدفعه الاولى من سياراتها 2012 قبل رمضان حسب ماسمعت .

[السرحان502]

احجز سيارتك بسعر ما قبل الازمة عند جميل
والتسليم بعد 3 شهور

سهلة وراكم مستعجلين:)

[mobe]

ياجماعة أقروا وش يقول أخونا نديم الشمال الله يحفظه.:







يعني انا قبل حوالي شهر رحت لوكالة عبد اللطيف الغير جميل


معي 80 الف ريال مالقيت عنده ارخص من برادو 2011 حسبوه علي بالكاش 146 الف اقصاد مقدم 80 الف وبعد مفاوضات قالو نحسبه عليك بــ 205000 ميتين وخمس الاف ونا دافع مقدم 80 الف !!!!!!!!!!!!!

رحت اخذت لي جمس 2006 بالثمانين وريحت راسي





السيارة قيمتها كاملة 146 ألف.
وبيدفع 80 ألف .
يعني يبقى من قيمتها 66 ألف ريال فقط
وطلبوا منه كفوائد 59 ألف ريال وتطلع بـ 205 آلاف ريال.
طبعا هذا قمة الهبل والاستهبال والاستغفال والضحك على الذقون وسبحان الله يلقون من يشتري لأن المثل يقول رزق الهبل على المجانين.
طيب يا وكالات اللي معه 80 ألف هذا فرصة لكم لأنه جاد ويبي يحط ثمانين ألف يفترض أن تتنافس عليه الوكالات
أجل تاخذون عليه فوائد وتأمين قريب من 100 %..!!!!

[NOYEB]

أمس بالمعارض: الهايلكس الدبل اتوماتيك بــ108000 ريال.
الله يعين

[ابو طلال 99]

مداخله بسيطه
برأي ان سبب ارتفاع السيارات هو انتشار القروض وعروض التقسيط والتأجير المنتهي بالتمليك
مما ادى الى توفر السيوله مع المواطنين .
وايضا تركيز معظم الناس على انواع وموديلات معينة من السيارات مما ادى الى ارتفاعها
بينما لو اتجه المواطن الى خيارات بديلة لحد ذلك من ارتفاع هذه الانواع.
تحياتي لكم جميعا,,, اخوكم /ابوطلال.

[hmody00]

السبب الوحيد هو: ( إذا غاب القط العب يافار )


كلمة تشفي غليلنا..اللهم ابتلهم في انفسهم...جشع وطمع في كل شيء سيارات بيوت انعام حتى في لقمة العيش رفعوها علينا,,,,
باقي الخبز الي الان مارتفع,,والاندومي..لانهم يحسبوننا ماناكلهن اووووص لايدرون:eek:

[majedasm]

احمد ربك على نعمة العقل

وخلها تصدي

[أبوراشد]

السبب الأكيد هو لعب الوكالات وخاصة وكالة تويوتا
لو ذهبت للوكاله لشراء سياره قالوا لك تدفع عربون وتستلم بعد 6 شهور ماعندنا شي لازم طلبيه
وتروح للمعارض تلقى السيارات بأعداد كبيره ومصدرها الوكيل نفسه وبفارق عن السعر المحدد بـ 20 الى 25 ألف
ووزارة التجارة تتفرج والناس تشري
ولو الناس تفهم ماسوى الوكيل هالحركه لأنه بحكم وكالته الحصرية ملزم بتوفير السيارات بأسعارها المحدده من الشركة الأم
وهذي مالها الا حل واحد وهو استيراد السيارة من المصنع مباشرة أو من وكيل جوار المصنع وخل أبو جميل ياكل تراب ,,,

[هآوي الصيد]

هلا بك يالغالي ..

سبب أرتفاع الأسعار بعد نزول السيارات التايلنديه بالسووق .....!!!!!!

مثل الهايلكس اخر موديل والددسن ..

يعني تخيل عندي بالدوادمي في المعاارض . الددسن 2011 قزاز عايدي وطاره عادي بـ 59000
والـ 2009 فل كامل بـ 72000 ..؟؟؟

الناس رجعت لموديلات 2008 و 2009 والأقدم منها للبحث عن السياره اليابانيه

طبعا الموتر قطعه يابانيه بس تجميع تايلندي

ومحد يمدحها يقول مطب ومطبين وتهرربد .

عشان كذا اتوقع طاار الحديد ..

[يارب عفوك23]

الحق مو عليهم



أإأتجه لمعارض الخليج مع نزول 2012


وأإأفضل مواصفات مليوووون مرهـ من أإأبو جميل وغيرهـ

من الوكلات واخذه بسعر الكاش


وفي سعر أإأقل



والحق ع وزير التجارهـ



ولاننسى وزير الفساد الجديد