الفارس الأشهب
10/06/2011, 06:35 PM
بسم الله الرحمن الرحيم
هذه قصة حصلت امس الخميس 1432
رحيمي سعود عمره 13سنه وولدي محمد عمره 9سنوات
كل عصر يرحون عند مكان يبعد عن منازلنا مسافه لاباس بها بسيارة طبعآ
ونقدر كمان نروحلها مشي على الاقدام يعني موبعيد عن منازلنا
هذا المكان زي الاستراحه لنا ,فيه الزراب الي فيها الاغنام وفيه
حضيرة الدجاج وكمان ابرا ج الحمام وكل عصر نتجمع فيه
احنا وابناء العمومه والقرايب
ويوم امس الخميس راح محمد ولدي مع خاله سعود بالونيت غماره وحده
يم الدجاج و الاغنام
يتونسون و يطالعون في صغار الاغنام ويتفرجون على الحمام
وفجأه نادى سعود محمد يـــــــــــامحمد تعال شوف الدجاجه دايخه على البيض
تعال ساعدني بنطلعها في السيارة بالبرج الي كان عباره عن صندوق متوسط
ويبي يغير مكانها لمكان امن واحسن طلع سعود البرج بالدجاجه الدايخه على بيضها
في صندوق الونيت وكلم سعود محمد قله خليك مع الدجاجه عشان تمسك الصندوق
وتنتبه لها, طبعآ سعود دق سلف وحرك السيارة ومشى وكان مسرع شوي
و محمد نبيه خاف على البيض لا يتكسر من سرعة السيارة قام كلم سعود
وبصوت عالي يـــــــــــــاسعود بشويش ترى البيض يمكن يتكسر
انتبه سعود وهدى السرعة وكانوا مهتمين جدآ بامر هذه الدجاجه وفرحانين
انها دايخه وسعود وعد محمد انه لها نصيب من العصافير الي تحت الدجاجه
نزلوا سعود ومحمد البرج بالدجاجه الي فيه في المكان المناسب
وبعد كـــــــــــذا فكر سعود في فكره وقال لازم ازيد من عدد البيض عشان
يكثر عدد العصافير فاراح يم عمته وقالها ياعمه عندي دجاجه ديخه وباركه
على بيض وانا ابقى منك كم بيضه تكفين قامت عمته اعطته حول 10بيضات
اخذها وبيحطها تحت الدجاجه راح عند البرج فتح البرج ومحمد معه
شافوا الدجاجه عادي باركه على البيض لاكنها هاديه جدآ
اخذ سعود الدجاجه بيده واعطاها محمد مسكها محمد حط سعود البيض
والدجاجه لا صوت ولاحركه قام سعود قال لمحمد هات الدجاجه
قال محمد لسعود الدجاجه يمكن ميته ليه ماتتحرك قال سعود لا
ياهههههههههههههههوه انت ماتدري عن شيء
قال محمد شوف رش عليها مويه الدجاجه بهاشي
طلع سعود واخذ الدجاجه ورش عليها مويه وقلبها
وطلعت في الاخير الدجاجه ميته ههههههههههههه من يوم ما اخذوها
في السيارة كانت ميته بس على وضع الجلوس
ومساكين مادروعنها وكل الحوسه والتعب والاحلام طارت في الهواء
وقعد البيض ماله دجاجه تدوخ عليه وقام رجع البيض الي اخذه من
عمته و محمد جالس يضحك ومبسوط من الموقف وسعود بيموت
قهر على الموقف .
وسلامتكم .
هذه قصة حصلت امس الخميس 1432
رحيمي سعود عمره 13سنه وولدي محمد عمره 9سنوات
كل عصر يرحون عند مكان يبعد عن منازلنا مسافه لاباس بها بسيارة طبعآ
ونقدر كمان نروحلها مشي على الاقدام يعني موبعيد عن منازلنا
هذا المكان زي الاستراحه لنا ,فيه الزراب الي فيها الاغنام وفيه
حضيرة الدجاج وكمان ابرا ج الحمام وكل عصر نتجمع فيه
احنا وابناء العمومه والقرايب
ويوم امس الخميس راح محمد ولدي مع خاله سعود بالونيت غماره وحده
يم الدجاج و الاغنام
يتونسون و يطالعون في صغار الاغنام ويتفرجون على الحمام
وفجأه نادى سعود محمد يـــــــــــامحمد تعال شوف الدجاجه دايخه على البيض
تعال ساعدني بنطلعها في السيارة بالبرج الي كان عباره عن صندوق متوسط
ويبي يغير مكانها لمكان امن واحسن طلع سعود البرج بالدجاجه الدايخه على بيضها
في صندوق الونيت وكلم سعود محمد قله خليك مع الدجاجه عشان تمسك الصندوق
وتنتبه لها, طبعآ سعود دق سلف وحرك السيارة ومشى وكان مسرع شوي
و محمد نبيه خاف على البيض لا يتكسر من سرعة السيارة قام كلم سعود
وبصوت عالي يـــــــــــــاسعود بشويش ترى البيض يمكن يتكسر
انتبه سعود وهدى السرعة وكانوا مهتمين جدآ بامر هذه الدجاجه وفرحانين
انها دايخه وسعود وعد محمد انه لها نصيب من العصافير الي تحت الدجاجه
نزلوا سعود ومحمد البرج بالدجاجه الي فيه في المكان المناسب
وبعد كـــــــــــذا فكر سعود في فكره وقال لازم ازيد من عدد البيض عشان
يكثر عدد العصافير فاراح يم عمته وقالها ياعمه عندي دجاجه ديخه وباركه
على بيض وانا ابقى منك كم بيضه تكفين قامت عمته اعطته حول 10بيضات
اخذها وبيحطها تحت الدجاجه راح عند البرج فتح البرج ومحمد معه
شافوا الدجاجه عادي باركه على البيض لاكنها هاديه جدآ
اخذ سعود الدجاجه بيده واعطاها محمد مسكها محمد حط سعود البيض
والدجاجه لا صوت ولاحركه قام سعود قال لمحمد هات الدجاجه
قال محمد لسعود الدجاجه يمكن ميته ليه ماتتحرك قال سعود لا
ياهههههههههههههههوه انت ماتدري عن شيء
قال محمد شوف رش عليها مويه الدجاجه بهاشي
طلع سعود واخذ الدجاجه ورش عليها مويه وقلبها
وطلعت في الاخير الدجاجه ميته ههههههههههههه من يوم ما اخذوها
في السيارة كانت ميته بس على وضع الجلوس
ومساكين مادروعنها وكل الحوسه والتعب والاحلام طارت في الهواء
وقعد البيض ماله دجاجه تدوخ عليه وقام رجع البيض الي اخذه من
عمته و محمد جالس يضحك ومبسوط من الموقف وسعود بيموت
قهر على الموقف .
وسلامتكم .