استفسار الى اصحاب الطرادات في الجبيل

[بو لولو]

السلام عليكم ورحمة الله وبركاته ..

كيف الحال عساكم طيبين وان شاء الله الصيد طيب معالكم ..


صراحة انا عندي طراد في الجبيل البلد داخل القاعده البحريه والفتره الحاله موقفين تصاريح الصيد داخل القاعده البحريه بسبب الظروف الامنيه ..

فقررت النزول من منزل الدفي عند بوابة جزيرة بوعلي..
بس حبيت هل في متطلبات خاصه او رسوم للنزول من منزل الدفي من حرس الحدود او لا؟ وياليت لو احد يدلني على محادق قريبه حول جزيرة بوعلي وكيف طبيعه الارض هناك لنو لسه ماشريت لا جارمن ولا فش فايندر ع الشهر الجاي ان شاء الله ناوي عليهم..

وجزيتم الف خير ..

[فيراري]

وعليكم السلام ورحمة الله وبركاته

أتمنى يفيدونك أهل الجبيل ولو كان بالداما حاضر وبالخدمه .

دمت بخير

[زاحف بحر]

ان شاء الله يفيدونك اللي بعدي ,,


وخاصة اهل الابوات والخبرة في المنطقة ,,





بالتوفيق للجميع ,,

[بو لولو]

يعطيكم العافيه ع المرور

ومايمنع اخوي فيراري حتى لو في الدمام لنو اناوي انزله عند المزروعيه في الدمام بعد ماسبوعين تقريبا ..

[أبو سنيد 04]

إن شاء الله أهل الجبيل ما يقصروا معاك ...
تقبل مروري بود ...



















تحيات
أبو سنيد 04

[alarain]

السلام عليكم ورحمة الله وبركاته ..

كيف الحال عساكم طيبين وان شاء الله الصيد طيب معالكم ..


صراحة انا عندي طراد في الجبيل البلد داخل القاعده البحريه والفتره الحاله موقفين تصاريح الصيد داخل القاعده البحريه بسبب الظروف الامنيه ..

فقررت النزول من منزل الدفي عند بوابة جزيرة بوعلي..
بس حبيت هل في متطلبات خاصه او رسوم للنزول من منزل الدفي من حرس الحدود او لا؟ وياليت لو احد يدلني على محادق قريبه حول جزيرة بوعلي وكيف طبيعه الارض هناك لنو لسه ماشريت لا جارمن ولا فش فايندر ع الشهر الجاي ان شاء الله ناوي عليهم..

وجزيتم الف خير ..

ماانصحك اخوي في منزل ابو علي رق ومافي انوار ولا علامات ملاحه
انزل من منزل الجبيل البلد ممتاز والبحر مفتوح

[بو لولو]

يعطيكم العافية على المرور ...

[accentkool]

يفيدووووووك الاخوان اللي عندهم خبرة بمرسى ابو علي

[موهبة]

وعليكم السلام ورحمة الله وبركاته

أخوي بو لولو أنا أبغى أفيدك باللي أقدر عليه. أنا ما عندي طراد ولا من سكان الجبيل.
بس مرة طلعنا من عند رأس أبو علي, مستأجرين قارب وصاحب القارب من سكان الجبيل وشكله ما شاء الله عليه له باع طويل في البحر, المهم كان في جُزُر وفيه مواسير "بايبات" طالع جزء كبير منها فوق المويه يعني لو تصدم فيها لا قدر الله ممكن يغرق القارب بسهولة.

سألنا صاحب القارب وقالنا هذي بايبات شركة أرامكو, كان لهم مشروع هنا, وبعد ما خلص المشروع مشو وتركوا البايبات على حالها "حسبي الله عليهم وعلى اللي خلاهم" وكان صاحب الطراد يمشي ويصور البايبات وقالنا أبغى أنزلها في جريدة لعل الله ينفع بها ويجون ناس يخافون الله ويشيلونها, لأن كثير من أصحاب الطرادات يصدمون فيها خصوصاً في الليل.


وحنا راجعين بعد ما خلصنا الرحلة في الليل, صاحب القارب طلّع كبس أو كشاف قوي وقال لنا واحد ينور قدام القارب عشان ما نصدم في البايبات, لأنه لا يمكن تشوف قدامك وخصوصاً في بداية الشهر ونهايته وأنت صاحب قارب وعارف.
عشان كذا حبيت أنبهك من الجُزُر والبايبات. وعلى كلامك ما عندك قارمن فالحذر الحذر.
آسف طولت عليك ولكني والله حريص.

[ذوالجناح7]

فرضة رأس بوعلي
مثل ما قلو الأخوان خطررررررر جداً
وإذاأضطرالأمر أدخل أول النهااار واطلع قبل مغيب الشمس
وغير هذا لاتفكر تطلع ( اسلم لك )

[SNIPER07]

هلا و غلا
اخوي المرسى اللي على يمين بوابة راس ابو علي
الكل يشكي منه اصحاب القوارب جزر بيبات ارامكوا قصات
بويات و لكن السلامه في كل شيء خليك الطلعه دائماً صباح
ما يخالف تاكل شمس ،، و لا عطال او كسر في البحر

و بخصوص المحادق يا غالي اللي اعرفه صح هي محادق السيف
في جزية راس ابو علي و لسى ما فيه تصارح دخول
و ان شاء الله هذا الاسبوع بيطلع قرار

تحياتي

[فيراري]

هلا بو لولو

أن نويت من الدمام كلمني وابشر بالأحداثيات اللي تسر خاطرك .

دمت بخير

[القصير111]

الله يرزقك ويوفقك

ماقصروا الشباب

[بو لولو]

يعطيكم العافيه والله ما قصرتوا وكفيتو ووفيتوا يالنشامى انا بس هذا اللي حبيت اتاكد منه ان كان في جزر او شغلات فيها خطورة قبل لا انزل والله يكتب مفيه الخير ويحفظ الجميع ان شاء الله ..