هل يوجدمحلات بيعِ ادوات صيد سمك في الرياض

[خطاب النجدي]

السلام عليكم ورحمة الله وبركاته

هل يوجدمحلات بيعِ ادوات صيد سمك في الرياض

[Alzahrani]

والله ما اعرف شي في الرياض بس انشاءالله الاخوان يفيدونكـ
بس اللي اعرفه في محل بيع ادوات صيد الضبان :D<<<امزح

تقبل مروري بـــود,,,

[accentkool]

في محل ادوات رياضة وادوات صيد سمك خفيفة ولاكن اسعارة غالية في البطحاء السوق

[موهبة]

وعليكم السلام رحمة الله وبركاته,,
أخوي خطاب النجدي, إبعد عن الرياض وشف لك أحد يجيب لك من الشرقية. السبب: في الشرقية بضاعة أحسن وسعر أرخص وفي الرياض العكس.

أنا ما أدري عن الأشياء اللي تبغاها بالضبط يعني مثلاً سنارة, خيوط, ميادير, شباك أو غيرها... ولكن إذا تبغى تعرف الأنواع الزينة إذا كانت معلوماتك في أدوات الصيد بسيطة "يعني مثلي" , سو بحث عنها. في أعلى الصفحة مكتوب من ضمن خيارات الصفحة " باحث قوقل لمكشات " إكتب اللي تبغاه وإذا ما إستفدت, إكتب موضوع جديد وحط فيه الأسئلة اللي تبغاها والشباب إن شاء الله ما يقصرون.

الله يوفقني وإياك وجميع المسلمين

[SNIPER07]

هلا و غلا

اذا ما فيه محلات مخصصه تلقى عند محلات الرياضه
و كلها طبعاً صينيه

اطلع على الشرقية السعر اقل من الغربية

و اذا تبي المحلات ترانا حاضرييييييييين يا غالي

تحياتي

[alqamr]

بصفتي من سكان الرياض فانا اقولك انحش عليك بشرقية جودهـ + سعر
ومثل ما افدوك شباب كل الموجود برياض صيني ردئ ومشي الحال

[Makaveli]

بصفتي من سكان الرياض فانا اقولك انحش عليك بشرقية جودهـ + سعر
ومثل ما افدوك شباب كل الموجود برياض صيني ردئ ومشي الحال

أسمع من أبوجنى تراه خبرة :good2:

[ABO ZAIN 29]

الغربيه اذا كنت جاي ع الغربيه
الشرقيه اذا كنت جاي ع الشرقيه
بنسبه للغربيه البنقله او شارع حائل في السنبوك والامين بس ريح راسك وخلك في البنقله المحلات كثيره
بنسبه للشرقيه يفيدوك اهلها
واي أستفسار الاتصال ب

[القصير111]

أفادوك الشباب الله يعطيهم العافية

بس لاتنسانا من التقرير

[المتزمجر]

رح البطحاء تراها مليانه محلات رياضه تلقا فيها سنارات وغيرها ,,, تراني خبره في البطحاء:D:D:D:good2:

[O M A A R]

وعليكم السلآم ورحمة آلله وبركآته

شوف أخوي فيه محل غطاس البحر الأحمر مقآبل أسوآق طيبة

وفيه محل ممتآز في مركز فآل اللي على طريق الملك عبدالعزيز

تحيآتي

[السهران1]

وعليكم السلام ورحمة الله وبركاته

فيه محلات بعمائر الراجحي بالبطحاء بس مانصحك اخوي فيهم اغلب ادوات الصيد الي عندهم رديئة مره مره مره افضل لك اذا انت رايح للشرقيه اشتري من هناك ارخص وافضل جوده

موفق اخوي

[duo6000]

بالتوفيـــق إن شـــاء الله

[turiki]

مرحبا يالغالي

اخوك من الشرقية وحيا الله الجميع
عزيزي اذا لك طلبات من الشرقية اتمنى ان تبينها لنا ونحن حاضرين وعلى استعداد
نشحن لك هيا الى الرياض
وبأمانة والله على ما قول شهيد


بالتوفيق

[عاشق سمكه]

هلا بالغالي
مثل ما قالو لك الشباب الي بالبطحاء موب ذاك الجوده واسعار اكيد غاليه اذا تبي شي مش حالك رح البطحاء فيه محلات كثيره بعماير الراجحي اعتقد