للبيع معزى عوارض طيبة للقناي عدد 30 يوجد صور

[ابو روته]

السلام عليكم ورحمة الله وبركاته
اليوم قررت اغير نشاطي من المعزى الى حريات فجزمت على البيع او المقايضة بغنم حريات العدد 30 مواليد اربع تحتها
من واحد والبقية بعت تيوسها و اعمار عيالها اربعة اشهر واماتها حليب للي يبغى حليب
اصعدت عندي اغلب الجفار عدد 12 والله كريم اسنانها وحدة طايحة ثناياها وثنتين سديس ورباع تقريبا 2 واغلبها ثنية وجذعة
ومعها فحلين واحد مشترى قبل شهر وهو اللي معها في الصورة وحار جدا مشري من رماح وهو سديس وما انتج
والثاني مشري جذع من عروى ورى الرويضة والآن رباع تقريبا وانتج انتاج طيب اغلب الجفار عليه الله بالسومات المرضية
وللمعلومية ليست مطعمة سافرت عنها اربعة شهور ولم انتظم في التطعيم الموقع الرياض الجنادرية وبعد اذن الإدارة رقم الجوال 0556471165 ابو رياض واليكم الصور:
http://store1.up-00.com/Jun11/RrX77274.jpg


http://store1.up-00.com/Jun11/wHZ77274.jpghttp://store1.up-00.com/Jun11/nIA77274.jpghttp://store1.up-00.com/Jun11/EAu77274.jpghttp://store1.up-00.com/Jun11/SGs77662.jpghttp://store1.up-00.com/Jun11/YEJ77662.jpghttp://store1.up-00.com/Jun11/UDV77662.jpghttp://store1.up-00.com/Jun11/yZO77662.jpghttp://store1.up-00.com/Jun11/WB177849.jpghttp://store1.up-00.com/Jun11/9UX77849.jpghttp://store1.up-00.com/Jun11/aTC77849.jpg

[moafaq999]

هلابك يالغالي
السوم 500

[أخو صلفه]

510
0555452542

[خالد ناصر ا]

520 صامل ابو ناصر 0507078114

[المهاجر انا]

الله يبارك لك فيهم ويرزق

[الحصان 1]

الله يبارك لك فيهم

[ابو الشبرميات]

المعزا على 700 ريال
,,,

[المراحي]

اخي الكريم هل عرفت سبب صعاد الجفار؟
هذا شي مهم ان يعرفه الشراي.ومهم بالنسبه لك ان احتفظت بالحلال.
قد تكون المشكله بسيطه جدا وكل ماتحتاجه علاج بسيط او قد يكون الفحل من النوع الذي يقرع الدفيع ويسبب لها الاجهاض.
لم اكتب هذه الملاحظة الا بسبب حرصي على مصلحتك والله يوفق الجميع لما يحب ويرضى.

[ابو روته]

جزاكم الله الف خير على السومات وآسف على التأخير بسبب مرافقتي للوالد عسى الله يشفية مما هو فيه .
ماني حول سوماتكم باقي على الزين ، بالنسبة لصعاد الجفار الله اعلم انا كنت خارج المملكة مع الوالد لمدة اربعة اشهر والعامل كان مجهول وقتها والعوامل كثيرة من اهمال من العامل ومكوثها بالشمس ولا كنت عازلها وزي الألف ولكن قدر الله وماشاء فعل والحمد لله على عطاءه كم قد فرحنا ربنا افنجزع عند الكرب علماُ انني ذهبت للطبيب ووضحت الصورة وطلب عينات دم وقال احتمال مالطية ولم اخذ عينات للحين .
ووفقك الله اخوي المراحي على النصيحة ووالله انني احبها وتعبان عليها وصابر عليها لين حسنتها وماهانت علي ابيعها بس احس ان ظرفي الآن لايسمح لأنها تبي متابعة واهتمام بدقة ماهي مثل الحريات وانتم اعرف وعسى الله يقسم بمقسوم خير .

[قناص خلاوي]

الله يشفي والدك ويعافيه
ويديمه تاج على روسكم ويرزقكم بره
ويبارك لك بحلالك ويرزقك البيعة اللي ترضيك

[ابو روته]

تم البيع قبل سنتين ارجو غلق الموضوع 00