دخول لجميع أهل الخبره بالطرادات<<<<<<<

[شرقااااوي]

في البدايه السلام عليكم ..

1- أخواني وحبايبي باختصار أنا لقيت طراد سعودي 18 قدم مع التصريح (نزهه) والعربانه بس بدون مكائن بسعر 3700 ريال وش رايكم في السعر :( ؟؟

2- بما أن الطراد له فترة طويله واقف برا البحر ناوي أسوي له صيانه كامله عند البيت (فاضي) :D وأول شي ناوي أسويه أصنفره وأصبغه كامل وهنا المشكله ....:confused:
* وش نوع الصبغ اللي ينفع للطرادات؟
* وين ألاقيه في الدمام؟
* هل أستطيع أني أغير اللون اللي يجي تحت الطراد في الأخير.؟؟
(( ماأدري اللون مذكور في التصريح أو لا ))

أتمنى أي أحد عنده فكره عن صيانة بدن القارب وصبغه يعطيني اياها بالتفصيل وله مني طلعه مجانيه..;)
.................................................. .............................................
القارب فيه في الأمام موجود مخزن هل المقصود فيه المحيا؟؟
نوع المكينه اللي تناسب الطراد ..( رحلات قريبه حول الكورنيش ) والسعر تقريبا

وشكرا مقدما

[حداق الخبر]

والله يالغالي مالي خبرة في الطرادات

واتمنى من الشباب يفيدونك بأسرع وقت


بالتوفيقــ،،،

[ABO ZAIN 29]

نفسي أفيدك حبيبي شرقااااوي
لاكن ما باليد حيله
قصب ابشر من عيوني

[accentkool]

سعر البوت جدا حلو بقيمة العربة
بس التجهيزات ماني عارف لها يفيدوك الخبراء

[كنعد]

هل القارب معاه اوراقه ودفاترة كاملة ولا لا

؟؟؟؟

[القصير111]

وعليكم السلام ورحمة الله وبركاته

أولًا ألف ألف مبروك الطراد وسعره مناسب جدًا

أما طريقة الصيانة

ياليت لو كان عندك صاروخ كهربائي للصنفرة وترى أنا أنصحك إذا تسويه في ورشة أفضل لأن الصنفرة راح تكرهك الشغلة كلها لأن الفيبر يتطاير منه برادة تخليك تحكحك جسمك كأن فيك جرب هههههه .

عمومًا بعد الصنفرة يفضل الطلاء بمعجون خاص بالفيبر يخلط مع البوية يعمل على تسديد أي خدوش في الفيبر .

أما اللون الأسفل ماتحت خط الماء له طلاء خاص يسمى (نقع) المحلات البحرية يعرفونها الأصلي منها 110 ريال تقريبًا علبة صغيرة وتحتاج حوالي علبتين على الأقل

اللون غير مكتوب في الرخصة

أي سؤال أنا حضر

[اسعاف1980]

مش كل البويات تمسك بالفيبر جلاس لازم تدور على مارين بنت لى يمسك بالفيبر ويكون خاص للقوارب ما يطلع زي بويت السيارات

[المعمري30]

تستاهل كل خير بس نصيحه يا خوي احترس من الفيبر وقت السنفره تري خطر الياف زجاجيه تدخل بالرئه اهم شي مو بسعر الطراد الاهم يكون قرف الطراد مو مرقوع ولا فيه ضربه ومصلح انتبه عدل قبل لا تشتري والله يوفقك ولا تباعد فيه 18 خلك قريب من السيف ولا تنساني بالايدام الطيب واي خدمه حاضر ارسل لي ومالك الا طيبت الخاطر

[فيراري]

وعليكم السلام

مشاءالله ما قصروا الأخوان معاك بالردود اللي تبرد القلب , وبالنسبة للسعر ( خيالي ) .

وأعيد لك التنبيه على صلاحية القرف لازم ما يكون قديم ( عمر الفيبر الأفتراضي منتهي ) أو مرقوع اهم شي من تحت الطراد او جوانبه لأنها ما تترقع نهائياً .

هالمسائل لايستهان فيها ابد لأنك داخل البحر .... فوقك سماء وتحت ماء ولا مفر حينها الا برحمة الله .

اخوي انا بخدمك من ناحية الكشف ( بدون طلعه ولا ودام ) ان كنت بالدمام او الخبر قبل تشتري ان ماكان عندك مانع .

دمت بكل ود

[شرقااااوي]

الله يسلمكم كلكم على الردود الطيبه ..

بالنسبه الطراد مو مرقوع ولا مضروب حسب اللي ظاهر لي

واما بالنسبه للبويه أروح أي محل صبغ ولا في محلات خاصه

وبالنسبه لاخوي كنعد أنا سألت الرجال قال موجود معاه تصريح نزهه
هل في اوراق اخرى

اخوي فيراري كيف اقدر اتواصل معاك

[فيراري]

هذا جوالي
0556287471

ولو تسئل اخونا المهندس عبدالله في موضوع البويه يكون افضل لأنه خبير مشاءالله عليه في علوم الصيانه البحريه بجميع انواعها .

دمت بود

[mnsor79]

الف مبروك الطراد وشايف على وجهه كل خير

اخي الكريم ماهو نوع الجرف وتاريخ صنعه - قبل لا تتورط في صيانته

وثانيا اكشف على السباحة الداخليه لا يكون فيها تهريب ماء للشلامين والبيص لانها تتلف الاخشاب الداعمه لجسم الطراد من الداخل ...

بالتوفيق ان شاء الله

[sa_shark2000]

اخي الكري]
اسغد الله اوقاتك بكل خير
بعد السلام عليكم ورحمته وبركاته
اخوك: مهندس متخصص في الفيبر جلاس وفي الصيانه البحريه..ولو ترسل لي جوالك او بريدك ممكن اكلمك او اتصل بك واي خدمه انا حاضر

وبدل الفتاوي والمشاورات والتي غلبآ ماتكون خاطئه اتقدم اليك بهذا الرابط الذي يعلمك ما تفعله خطوه بخطوه مع الصور:و لاتنسانا من دعائك

http://aquaskier.com/articles/gel_coat_repair.htm

[م/عبدالله]

حياك الله اخوي ... ومبروك عليك ... والسعر طيب ان شاء الله
بخصوص النصيحه ... اخونا ...sa_shark2000
افادك ... واعطاك رابط جميل ... ولكن اشك ... انك تقوم بهذا العمل
ويحتاج فني متخصص ..
لان مراحل التجديد تمر بخطوات ... مهمه قبل وضع الدهان ... منها نزع الدهان القديم
اذا كان مرشوش ... ومعالجة الشقوق بمواد تتناسب مع الفيبر ...والجليكود

يمكنك تصوير .. القارب ... وسوف نقيم الاضرار .. وان شاء الله ننصحك بالمفيد
بخصوص الدهان ... اذا احتاج انا اوصيك على دهان معين تشتريه ... مخصص للفيبر
جلاس ومقاوم للبحر .. ويعطيك نفس قوة الجليكود ... اذا عرفت تمشي او الفني على خطوات تركيبه وخلطه ... والله يوفقك .
بخصوص الخن او الصندوق الامامي اللي تقصده في مقدمة القارب هذا حاوية الحبال والبروسي ... وليس المحيا ... بارك الله فيك ... عادة المحيا يكون في منتصف القارب او قبل بقليل او متأخر ... على حسب توزيع ثقل القارب ... ويكون مفتوح للسماح بمرور
ودخول ماء البحر ... واما يكون بعين واحده ... او اثنتين ... او اربع ... على حسب الحجم ...

واي استفسار ... حياك الله

[صالح الجمعه]

لاخوان يفيدوك