جهاز قارمن للوالد يكون سهل

[أبو ليان00]

السلام عليكم ورحمة الله وبركاته ،،،،

ممكن من الأخوان يفيدني عن التالي :
جهاز قارمن للمدينة والبر الأثنين معاً ويكون فيه بلوتوث وسهل الاستخدام للوالد أطال الله في عمره من وده بالقارمن لأنه كبر أول كان يروح للبر وكل مكان بدون قارمن بس بعد ضغطنا عليه أنه ما يروح بدون دليل وده بالقارمن وأنا والله غشيم قلت ما فيه ألا أخواني الكشاته ينصحوني بالجهاز الزين .

وتقبلوا تحيات أخوكم أبو ليان ،،،،

[doshf]

w265 مناسب وعملى وسعره معقول وبه بلوتوث .

[الزعازع]

ما قلت كيف النظر عند ( الوالد ) اطال الله بقائة و جعلة من المعمرين في الأرض
اذا الشوف شجر مالك الا الشاشات الكبيرة

[ابوعبدالله 2005]

السلام عليكم ورحمة الله وبركاته ،،،،



ممكن من الأخوان يفيدني عن التالي :
جهاز قارمن للمدينة والبر الأثنين معاً ويكون فيه بلوتوث وسهل الاستخدام للوالد أطال الله في عمره من وده بالقارمن لأنه كبر أول كان يروح للبر وكل مكان بدون قارمن بس بعد ضغطنا عليه أنه ما يروح بدون دليل وده بالقارمن وأنا والله غشيم قلت ما فيه ألا أخواني الكشاته ينصحوني بالجهاز الزين .



وتقبلوا تحيات أخوكم أبو ليان ،،،،


الله يحفظه لكم و يرزقكم بره
افضل جهاز له في نظري اما ال 265W او ال 1490T لكبر الشاشه اذا كان نظر الوالد ضعيف ولأي استفسار الله يحييك كلمني على جوالي 0507163358 و ان شاء الله يناسبك جهاز من اللي عندي او انصحك بجهاز آخر حسب احتياجك

[الحصان 1]

بيض الله وجهك
وعسى ربي يخليكم له ويخليه لكم

[ggarmin]

اذا نظره الله يحفظه معقول افضل جهاز للبر فيه بلوتوث 265w
وموجود عندي اذا رغبت
0556223217

[همس الغدير]

مثل ما قال الاخون والله يخليلك الوالد وبمد بعمره على طاعته

[anab]

المهم لا تقنعوه انها اجهزه يعتمد عليها 100% ثم يركن اليها ويترك الاحتياطات الاضافيه خصوصا في الصحراء لان الاجهزه عرضه للعطل الكامل هاردوير او الجزئي سوفتوير او الاهم وهو الخطاء في طريقة الاستخدام خصوصا اذاكان كبير السن ولايحسن التعامل مع الاجهزه الالكترونيه ادام الله على الجميع الصحه والعافيه والسلامه

[shark11710]

انا كبير بالسن والنضر لك عليه ووجدت موديل ( 1490T ) أنسب شيئ وأنصحك فيه
شاشته كبيره ومناسبه ويصلح للبر والمدن ( وساهر ) اذا الشويب يبي يحط رجله .

وأسال الله ان يطول بعمره ويعطيه الصحه . ويجزيك الخير على برك به

[أبو ليان00]

الله يجزاكم خير وشاكراً ومقدراً لكم أخواني تجاوبكم معي

وبنتوكل على الله ونشوف الجهاز w265 وبنوسع صدره الله يوسع صدوركم ويطول في عمر والديكم أن كانوا حيين والميتين الله يسكنهم الجنة يا رب



المهم لا تقنعوه انها اجهزه يعتمد عليها 100% ثم يركن اليها ويترك الاحتياطات الاضافيه خصوصا في الصحراء لان الاجهزه عرضه للعطل الكامل هاردوير او الجزئي سوفتوير او الاهم وهو الخطاء في طريقة الاستخدام خصوصا اذاكان كبير السن ولايحسن التعامل مع الاجهزه الالكترونيه ادام الله على الجميع الصحه والعافيه والسلامه

هذا هو الأهم والله لا يهينك

[alkitbee]

ترا 1490T شاشته اكبر

[ابوعبدالله 2005]

ترا 1490T شاشته اكبر
ان رغبت ب ال1490 موجود و ان بغيت ال 265 فموجود ايضا
الله يحييك و يرزقك بره