متي موعد حراج قعدان هيف القحطاني وصوره قعود

[البيتي]

بسم الله الرحمن الرحيم
ومساكم الله بالخير جميع
وهذي اول مشاركه لي في ها القسم الطيب
حبيت اسئل عن
(1)موعد مزاد قعدان ابل هيف القحطاني الحمر
(2)وكذلك عن الفحول الباكستانيه الحمر هل هي زينه ان الواحد يهدها علي النياق او هي غير مرغوبه؟
(3) علي كام اقيام القعدان الحمر الزينه ؟ لاني حاب اشتري قعود زين علي شان الانتاج؟وهل الاقي ضالتي في ام رقبه او هناك مزادت تنصحوني فيها ؟
(4) هذا صوره قعود ابوه باكستاني وامه ساحليه وش رايكم فيه لانه معروض علي ؟
وهذي صورته
http://im4.gulfup.com/2011-06-12/1307897056501.jpg

وصورته من الجنب


http://im4.gulfup.com/2011-06-12/1307897056602.jpg

امل من اهل الخبره المشوره ولا خاب من استشار

[راع الريمة]

ماشاء الله تبارك الله...

أمه ساحليه حمراء ...وأبوة باكستاني ....حليب وزين ماشاء الله

صدقني ان كان عندي غير افحله...راس طيب ولون أطيب....أحمرررر حمار الكبد

لكن من رايي انه مو من المزاين اللي عليها الكلام....

ان كان تبي الزيييييييين ..خذلك فحل باكستاني أحمرررر .... عندك بجده ملياااانه....أنا شفتها بحراج الشميسي....بس السودانية رافعين سعرها بالسماء...سعرها من 25 وأنت طالع ...لكن أشهد بالله انها زمول صحيح...أما ام رقيبه ..اببببعد عنها ...ناااااار

[النـادر]

انت وش هدفك من الانتاج تبي تغير الحلال بزين والاتبي البيع والاسعار الزينه
ان كان تبي تغير حلالك وتبي الرخص ترى القعود طيب والا اشتر لك فحل باكستاني كما قال الاخ
وان كان تبي انتاج البيع والاسعار الطيبة احرص على فحول الحمر العربيه حتى لو كانت غاليه
وفي النهايه انت من ينصح عمرك

[راعي طلاع]

من زمول هيف فهي توها ان ماخاب ظني انها من بعد رمضان يعلنون عنها

ومن ناحية القعود زين ولاهوب شين وانا مع كلام اخوي النادر من ناحية انك

تدور حمرن طيب من ابل الجزيره والحمر اقيامها مقدور عليها ماهيب مثل الالوان الاخرى.............

[الحربي181]

ماشاء الله تبارك الله
القعود زين

[وجه النهار]

ما شاء الله
الله يطرح فيهن البركة

[بندر عبيد]

اذا كانت ابلك حمرساحليه ترى القعود حلو والفحول السودانيه على مااسمع اثبتت وجودها

[مساعد بن خالد]

عطنا صورة مع الجنب لراس القعود غير هذي الصورة صورة ثابته ماهوب ياكل

[حوام99]

ماشاء الله تبارك لله

[ولد هملان]

ماشاء الله تبارك الله طيبة الله يبارك لك فيها