فيدوني جزاكم الله خير

[راعي ادهام]

السلام عليكم ورحمه الله و بركاته

يا الربع عندي وكري الى الحين ماحذف شى وصار لي اكثر من شهر اعطيته بودر و فيتامين وش الحل معاه

[وليف النداوي]

السلام عليكم
اول شي تأكد من المدهنه

والله الحل ان شاء الله (( انك تعشيه لمدة اسبوعين جرابيع وجراذي ))

ولك تحياتي

[عشقي الصحاري]

والله مالي خبره بهالمجال ولا كان ابشر من عيوني @
تحياتي لك@

[أبوفرحان]

اخوي افحص مدهنة الطير وتاكد من سلامته

ونوع له بالعلف عطه

حمام و سمان او فري واوصيك بالجرابيع والجراذي

[قرناس شاهين]

طيرك فرخ وله قرناس

[سطام ابو سعود]

اول شي اخوي تاكد من صحة الطير هل هو صنيع او لا ان كان صنيع زين شيك على الدهنه ممكن تكون يابسه

[هاااااوي]

افادوك الاخوان ماقصروا..

[قناص الهمله]

عطه ثلاث مرات بالسبوع

مصران سمك

لانها حاره

[راعي مختار1]

ارررررررررحب ياراعي ادهام شلونك طال عمرك ؟ الحل علموك فيه اخواني اللي سبقوني بس عندي اضافه عطه ضب يومين او ثلاثه ايام باذن الله يهل ريشه.تحياتي لك

[مخاوي ذيابه 9]

افادوك الاخوان

[البراء آل عثمان]

السبب في الإضائه (كلما زادت الإضائه وأنتضم الوقت يكون أفضل ) وفي العلف (منوع ومتوازن ) بارك الله فيك

ولا تنسى درجه الحرارة

[راعي مرعوب]

افادوك الاخوان الله يفيدهم جميع

[بن معيش]

السبب في الإضائه (كلما زادت الإضائه وأنتضم الوقت يكون أفضل ) وفي العلف (منوع ومتوازن ) بارك الله فيك

ولا تنسى درجه الحرارة
أخى الدكتور/ البراء
انت تقصد الإضاءة وليس الإضانة
عموماً حبذا لو تشرح لنا كيفية التحكم بالضوء والعلف لتسريع عملية الحذف بالتفصيل الممل ، وهل تتبع مع جميع أنواع الطيور ؟؟؟وماذا تقصد بدرجة الحرارة ؟؟؟

[عمر الهذلي]

اخواني الاعزاء عندي اسـتفسار .. ي شيخ ابي احد يفيدني مع اني شاطح شوي ب الموضوع وخارجع عن موضوعكم لكن انا بغيت ارسل لـ اي واحد فيكم رسايل فـ طلب مني . 50 مشاركه . فـ ي ريت احد يعلمني . ليه الشياهيــــــن رخيصـــــــه يعني مثلا بـ 1000 ولا 2500 لاهنــــــــــتم واسـف اني خارج عن الموضوع لكن . انا مبتدئ وابي العلوم الغانـمه ومن نشدكم ما خاب . { ان شاء الله} الي بـ يتجمــــل يردلي ب الخاص لاهنــــــــتم يـ العموم

[عابر الموج]

اخوي اذا كان الجو بارد او مشغل علية مكيف الغه مرة وخله على الطبيعه وتشوف كيف يحذف ريشة طبعا ان يكون الطير سليم من الامراض ثاني شي كم عمر الطير وذا تبي شي مستعد ج 0556663362 تقبل تحياتي

[جلاد الحباري]

الطير ماحذف الى شهر 6 يعني فيه مشكله مكان الطير وصحته اذا كان مريض مايحذف ومدهنته يمكن الطير هزيل اذا رفعته يحذف ومع كل حال لو زانت صحة الطير مالك الا كورس حذف الريش الحبوب الخضر بس فيها مخاطره لانها قويه في ناس جربوها بشاهين وحذفت الريش كله ولها وصفه وتراها موجوده في الاحساء

[بن معيش]

أخى الدكتور/ البراء
انت تقصد الإضاءة وليس الإضانة
عموماً حبذا لو تشرح لنا كيفية التحكم بالضوء والعلف لتسريع عملية الحذف بالتفصيل الممل ، وهل تتبع مع جميع أنواع الطيور ؟؟؟وماذا تقصد بدرجة الحرارة ؟؟؟

الأخ/ البراء

الرجاء الإفادة ؟؟؟؟

[السلوم 2005]

اخوي افحص مدهنة الطير وتاكد من سلامته

ونوع له بالعلف عطه

حمام و سمان او فري واوصيك بالجرابيع والجراذي:good: