فكره تجي من.. يركدون .. ( جديد )

[ابو ماجد 2]

بسم الله الرحمن الرحيم

السلام عليكم ورحمة الله وبركاته

اليكم لغز فكرته من اخوي يركدون
وقد اثرانا بمعلومات حوله عميدنا الغالي

فكره تجي من ( يركدون )=لغزٍ ولا شابه ظنون
يعرض على اللي يرمعون=ولا هقوتي عرفه يعوق
باللغز شاورت العميد=عن فكرته جاب المفيد
ويضا تفضل بالمزيد=والعلم لاجابه وثوق
نبته كلا منها البعير=ديره ولا تخفى خبير
جمعٍ لهم ذكرٍ شهير=نفس الحروف الهم تسوق
ثاني حروفه لو تزيح=بالسوق يكثر يافليح
ارخ الدراهم يامليح=واللغز ميسور الطروق


مع تحيات ابو ماجد

منتديات مكشات 0 خيمة الالغاز

[أبو رافع الظاعن]

صح لسانك أبا ماجد ...


ورحمك الله وغفر الله لك ...


ولله درك ...


نظم يطرب ...وتفصيل مؤنق ...


تمنيتُ أنني طليقٌ يسمح لي بالرمع ...(ولكن هيهات)

[برق القصيم]

صح لسانك زعيمنا
طرق عجيب جميل

وترانا بدينا نخاف عليك من عميدنا يجذبك يم خيمة الاشجار :D

[عالي الكيف]

صح لسانك يابو ماجد

وش تقول ب:

العجرم من فصيلة الحمض .

[أبو رافع الظاعن]

صح لسانك زعيمنا

طرق عجيب جميل



وترانا بدينا نخاف عليك من عميدنا يجذبك يم خيمة الاشجار :D



لا تخاف يا برق على الزعيم

ترى ترك الزعامة صعب !

ولو يطيع أعطيناه زعامة الأشجار أيضا!

لكن ما هو حاصل :(

[ابو ماجد 2]

صح لسانك أبا ماجد ...



ورحمك الله وغفر الله لك ...


ولله درك ...


نظم يطرب ...وتفصيل مؤنق ...



تمنيتُ أنني طليقٌ يسمح لي بالرمع ...(ولكن هيهات)


حياك الله عميدنا
واللغز لك الفضل بعد الله بدقائق اموره
وكذلك اخوي يركدون ماقصر بالفكره

[برق القصيم]

مابها شك ياعميد
والزعيم لو يترك الزعامه هي ماتركته
وانت وابوماجد مبدعين بشتى المجالات ومكسب كبير لنا
ويشهد الله منكم استفدنا الكثير
ماشاء الله لاقوة الابالله

[ابو ماجد 2]

صح لسانك زعيمنا

طرق عجيب جميل



وترانا بدينا نخاف عليك من عميدنا يجذبك يم خيمة الاشجار :D


صح بدنك يابو عبدالرحمن
هههههههههه
كنت اقول للعميد اول مااشرف على النباتات البريه اخاف تسرقك عنا
والظاهر سرقته وسرقتنا معه
ولكن لعل الالغاز تجمع القسمين

[ابو ماجد 2]

صح لسانك يابو ماجد

وش تقول ب:

العجرم من فصيلة الحمض .

صح بدنك يالغالي
مالك لوى
وانتظر مرماعك القادم

[ابو ماجد 2]

لا تخاف يا برق على الزعيم


ترى ترك الزعامة صعب !


ولو يطيع أعطيناه زعامة الأشجار أيضا!



لكن ما هو حاصل :(


ربي يرفع قدرك ويعلي مراقيك
وزعامة القسمين انت تستاهلهن يالغالي

[ابو ماجد 2]

مابها شك ياعميد

والزعيم لو يترك الزعامه هي ماتركته
وانت وابوماجد مبدعين بشتى المجالات ومكسب كبير لنا
ويشهد الله منكم استفدنا الكثير

ماشاء الله لاقوة الابالله


الله يرضى عليك ويرفع قدرك
والمكاسب متبادله ويعلم الله ماوصلنا اليه بالالغاز الا بفضل الله ثم بفضل مراميعكم وتجاوبكم

[ابو ركاد]

ابو ماجد
صح لسانك
وش رايك
تربه(العشبه)
تربه (تربة حايل)منطقه
تربه (الارض)
ولو شلنا الحرف الثانى(تبه) الطشت
محاوله عساها تنجح
حسب فهمى للغز

[ابو ماجد 2]

ابو ماجد

صح لسانك
وش رايك
تربه(العشبه)
تربه (تربة حايل)منطقه
تربه (الارض)
ولو شلنا الحرف الثانى(تبه) الطشت
محاوله عساها تنجح

حسب فهمى للغز


هلا بك يالغالي
تفكير حلو
ولكن مااقصده اقرب مما ذهبت اليه

[عالي الكيف]

يقول الشيخ تركي بن حميد
البل تبي وادي الرشا يا رجاجيل # تبـي لـهـا رمـث و خلـطـه شقـارى


ويقول الشاعر مشعان الهتيمي

ريقه حلا من در عفرا ترزم ### لا سلهمت لوليدها بالتفاهيق
لا روحت من خايع فيه خمخم ### ومخالط نبت الشقارى زماليق

[ابو ماجد 2]

يقول الشيخ تركي بن حميد
البل تبي وادي الرشا يا رجاجيل # تبـي لـهـا رمـث و خلـطـه شقـارى


ويقول الشاعر مشعان الهتيمي

ريقه حلا من در عفرا ترزم ### لا سلهمت لوليدها بالتفاهيق
لا روحت من خايع فيه خمخم ### ومخالط نبت الشقارى زماليق

هلا بك يالغالي
رمعتك حلوه
ولكن غير مستوفيه ماوجدت ديره اسمها شقاري
كذلك الجمع
انتظر مرماعك القادم

[صاحب الذئب]

صح لسانك يابو ماجد
نقول
حرمل
حمل : قربت العطله وكثرة الذبائح
اما الديره عيت لاتجي يمكن حريملا

[ابو ماجد 2]

صح لسانك يابو ماجد
نقول
حرمل
حمل : قربت العطله وكثرة الذبائح
اما الديره عيت لاتجي يمكن حريملا

صح بدنك يالغالي
وصبحك الله بالخير
الرمعه مالك لوى
نفس الحروف بدون زياده او نقص
للنبته وللديره وللجمع الشهير
انتظر مرماعك القادم

[مسيرs]

حييت ياابوماجد
تحريك
الشعران؟؟

[ابو ماجد 2]

حييت ياابوماجد
تحريك
الشعران؟؟

الله يحييك يالغالي
هذي تهليك لاتحريك
صح لسانك ملايين
نعم هي شجرة
الشعراء
وهي الشعران ولكن عميدنا قال انها عند العوام تسمى الشعراء
والشعراء المحافظه المعروفه
الشعراء جمع شعار
صح لسانك ملايين
والف شكر لاخوي يركدون
والف شكر لعميدنا على اثرائنا بهالمعلومات
وهذي صورتها اخذتها من قوقل



http://www.m5zn.com/uploads/2011/5/7/photo/050711130551plrv53n7b.jpg

http://www.m5zn.com/uploads/2011/5/7/photo/050711130551qrogn0npmt.jpg

[يركدون]

الشكر موصول لك يابو ماجد وللاخوان ,,, انتم ماتقصرون بتزويدنا بالالغاز على مدار الساعه ..وحنا مانعرف نكتب الغاز ..قلنا نساعد بإخيار مرماع

[ابو ماجد 2]

الشكر موصول لك يابو ماجد وللاخوان ,,, انتم ماتقصرون بتزويدنا بالالغاز على مدار الساعه ..وحنا مانعرف نكتب الغاز ..قلنا نساعد بإخيار مرماع

هلا بك يالغالي
ويكفينا تواجدكم وتفاعلكم معنا
وانتم دائما السند لصاحب اللغز

[وضح النقى]

صح لسانك أبا ماجد ...





ورحمك الله وغفر الله لك ...


ولله درك ...


نظم يطرب ...وتفصيل مؤنق ...



تمنيتُ أنني طليقٌ يسمح لي بالرمع ...(ولكن هيهات)



وعليكم السلام ورحمة الله وبركاته
صح لسانك يا فخر الألغاز
وإختيار موفق من أخونا يركدون
ومبارك على أبو معاذ نحره لهذا البديع


عميدنا الغالي يعلم الله أنه قد آلمني ردك كثيراً
وكما سبق وأن طلبت منك إعطاء النخبة فرصة إذا كان اللغز يخص النباتات
فأنا الآن أطلب منك عدم التردد في الرمع على اللغز مع تضمين رابط ليسهل على النخبة الإطلاع السريع على الفائدة والمعلومة إن أمكن ذلك فضلاً لا أمراً
وللجميع محبتي
أبو لجين

[ابو ماجد 2]

وعليكم السلام ورحمة الله وبركاته

صح لسانك يا فخر الألغاز
وإختيار موفق من أخونا يركدون
ومبارك على أبو معاذ نحره لهذا البديع


عميدنا الغالي يعلم الله أنه قد آلمني ردك كثيراً
وكما سبق وأن طلبت منك إعطاء النخبة فرصة إذا كان اللغز يخص النباتات
فأنا الآن أطلب منك عدم التردد في الرمع على اللغز مع تضمين رابط ليسهل على النخبة الإطلاع السريع على الفائدة والمعلومة إن أمكن ذلك فضلاً لا أمراً
وللجميع محبتي

أبو لجين


هلا بك يابو لجين
صباح الخير
اشوفك تخليت عن الفوشي
صح بدنك يالغالي
ويركدون ماقصر
وعميدنا هاللغز لن يرمع عليه بالذات
والسبب اني وجهت له سؤال عبر رساله استشيره باللغز
وهو من اقترح بناؤه على الاسم الدارج الشعراء
وبالفعل بهالاسم صار المجال ارحب لوضع اللغز
بيض الله وجهك على المرور الطيب
وبيض الله وجه عميدنا على المعلومه وحتى الصوره المرفقه وضع صوره اوضح واكثر تفصيل
وبيض الله وجه يركدون على فكرة اللغز