اشتري طراد ؟ ولا ما اشتري ؟ فزعتكم يا اهل الخبره

[عاشق سمكه]

السلاااااااااام عليكم

احبتي في الله ابي نصيحتكم
انا هاااوي صيد ومدمن وانا من سكان الرياض ولي كم يوم اهوجس بأني اشتري طراد لكثر المعاناه الي شفتها يعني دورلك احد يطلعك تكلم الاول محجوز والثاني الاجواء ما تصلح والثالث يعطيك اوكي وبعدها ما يرد ووو ما يتحاج اقولكم قد المعاناه الي شفتها انا وناس كثيره اعرفهم من اهل الرياض .... اسف طلعت برا الموضوع حبتين بس ابي نصيحتكم يعني لو شريت لي طراد على قدي حق 4 نفرات او 5 نفرات <<حلوه نفرات هع
مع العلم ان الدعوه موب سهله اني اشتري طراد وادخل فيه اكيد يبيلها واحد فاهم حق البحر بس الواحد ما يطلع من بطن امه فاهم
سوال /هل مسموح لكذا شخص يطلع بالطراد لو مثلا احد من اخواني بيطلع فيه ولا لازم اكون انا صاحب الطراد موجود

سؤال /لو شريت طراد وين ممكن احطه ؟

سؤال /صيانة الطراد تقريبا كل كم ؟ مع العلم اني من اهل الرياض
تكفون طلبتكم ابي حللل :(:(:(
والله يجزاكم خير ويجلعها في ميزان حسناتكم
وااااااااسف على الاطاله :D

[كنعد]

احبتي في الله ابي نصيحتكم
انا هاااوي صيد ومدمن وانا من سكان الرياض ولي كم يوم اهوجس بأني اشتري طراد لكثر المعاناه الي شفتها يعني دورلك احد يطلعك تكلم الاول محجوز والثاني الاجواء ما تصلح والثالث يعطيك اوكي وبعدها ما يرد ووو ما يتحاج اقولكم قد المعاناه الي شفتها انا وناس كثيره اعرفهم من اهل الرياض .... اسف طلعت برا الموضوع حبتين بس ابي نصيحتكم يعني لو شريت لي طراد على قدي حق 4 نفرات او 5 نفرات <<حلوه نفرات هع
مع العلم ان الدعوه موب سهله اني اشتري طراد وادخل فيه اكيد يبيلها واحد فاهم حق البحر بس الواحد ما يطلع من بطن امه فاهم
سوال /هل مسموح لكذا شخص يطلع بالطراد لو مثلا احد من اخواني بيطلع فيه ولا لازم اكون انا صاحب الطراد موجود لازم تسوي توكيل او تفويض لاخوك من سلاح الحدود اذا يبي ينزل فية لحاله.

سؤال /لو شريت طراد وين ممكن احطه ؟ يبغالك مكان آآمن لانه المكينة دائماً مستهدفة.

سؤال /صيانة الطراد تقريبا كل كم ؟ يفيدونك اهل الخبرة مع العلم اني من اهل الرياض
تكفون طلبتكم ابي حللل :(:(:(
والله يجزاكم خير ويجلعها في ميزان حسناتكم
وااااااااسف على الاطاله :D







وبنسبة لتعليم القيادة للقارب ولامور الاخرى الشباب ما يقصرون معاك فيهم الخير

[صياد الخبر]

السلام عليكم


والله ودي افيدك


الطراد


طربة وطربة وطربة


بس تراه مسؤلية


اذا انت من اهل الرياض وطربان بحر - استأجر واجد ازين لك وتراه اصحاب الطراريد واجد ويكشون ذبان ( تعبير عن الفضاوه )


وين تحطه - جدا سؤال مهم الطراد ياخذ مكان والبلدية شغالة مخالفات في بعض الاحياء لو حطيته قدام بيت صديق او قريب يقولك ياخذ مكان


لا يجوز قيادة الواسطة البحرية ( الطراد ) الا لمن يملك رخصة قيادة واسطة بحرية و الطراد يكون بأسمه او مفوض لقيادته



الطراد يصرف مصاريف قوية جدا الصيانة الدورية حتى لو كانت من فترة لفترة تاخذ قريشات


البنزين والزيت والنظافة


بختصار


وش لك ف البحر واهواله وخير الله على السيف


مثل قديم


اخوي الكريم


اذا انت ناوي وجازم وعندك المؤهلات المطلوبة وهي النقاط اللي انت ذكرتها


قداااااااام


اذا تحس انك متحمس استخير ثم استخير ثم استخير - ولا تستعجل واسمع لناس عندها طراريد


الكلام الحلو واجد والوناسة تعمي العين عن المسؤلية بس لا طبيت تقول وين الله جابني وترجع تندم



ومضه


ترا للحين فكرة الطراد براسي وانا من سكان الساحل لكن متريث شوي لعدة اسباب وتراي داخل بقوة وبشيء عود بس ماني بمستعجل



اتمنى اني وضحت لك فكرة بسيطه


واتمنى من نواخذتنا الاكرام الادللاء بدلوهم ايضا


واسف للإطالة


ودمتم

[عاشق سمكه]

اخوي كنعد ما قصرت دائما متألق وسريع بالردود انا اشهد انك مكشاتي نمبر ون :good2:
اخوي صياد الخبر لو انت عندي الحين يمكن اتهاوش معك خخخخ يعني ساكن بالخبر وما عندك طراد
اقول تبادل سكن ؟ خخخ مشكور ع النصيحه والرد السريع
بس حتى الان ابي اجابة ابي احد يقولي ايه او لا يا ابيض يا اسود
والله يكتب الي فيه الخير
اممم <يفكر يشتري قارب تفخ ومع خشبتين تجديف وسناره وجوال اهم شي الجوال عشان خفر السواحل اذا ضعت خخخخ

[عاشق سمكه]

صياد الخبر جتني منك رساله بس ما قدرت افتحها يقولي يتعذر واعذرني ترا اخوك غشيم بالامور هذي

[صياد الخبر]

صياد الخبر جتني منك رساله بس ما قدرت افتحها يقولي يتعذر واعذرني ترا اخوك غشيم بالامور هذي


السلام عليكم


ممكن تقراء هذا الموضوع فديتك


قبل ان تشتري طراد


http://www.mekshat.com/vb/showthread.php?t=287998 (http://www.mekshat.com/vb/showthread.php?t=287998)


واذا خلصت اقرا هذا بعده


قبل ان تنزل البحر


http://www.mekshat.com/vb/showthread.php?t=397699 (http://www.mekshat.com/vb/showthread.php?t=397699)



اسال الله ان يوفقك التوفيق الصالح


ودمتم

[أبوهيثم2002]

يارجال وسع صدرك توكل على الله واشتريلك طريريد انت والنفرات اللي معك الله يعطيك خيره ويكفيك شره بس تحتاج رخصة قياده زي ماأفادوك الأخوان وتوكيل للغير والصيانه دوريه على حسب الإستخدام والمواقف على قفا من يشيل عندك المراسي بالأجار أو مراكز حرس الحدود ببلاش زي البضيع وصروم والطفيه بالنسبه لجده وفيه هناك برماويه (عماله) وصي أي واحد فيهم 200 ريال في الشهر ينظفلك البوت كل فتره ويحرسه لك وإذا جاك زبون يبغا يستأجر تشرط عليه قول اليوم محجوز وبكره الأجواء ماتصلح وبعده ناوي اقفل الجوال ... ههههههههههههههههههه لاتخلي شي في نفسك تحياتي

[فيراري]

وعليكم السلام

أعتقد صياد الخبر كفى ووفى والرابطين يكفون .

عن نفسي معاناة والبحر ياكل يعني ياكل كل شي

فلوس

حديد العربانه

سيارة سحب وخذا الصدء من تحتها

خيوط وميادير وبلود

يوم ما تجي تدخل البحر الا الطفايه مسروقه او الصيدليه او البطاريه :mad: ولف دور لك جديد

شوي الا القير مو موجود وابحث لك عن قير

صيانه اسحبها لحدى هالورش بين زحمة السيارات

بتقولي بشيل اغراضي بالسياره :D بقولك نزل وطلع إلى ما ينهد حيلك .

مكان تنزيل الطرادات الله بالخير ( بكره بصوره لك وانت احكم )

تجديد نوي 300 ريال ( السياره ل 3 سنوات الطراد كل سنه )

عند التجديد لك يوم محدد يطلع فيه مهندس الوزاره يفحص أو توجه لحدى الشركات بـ 150 ريال .

أصدار رخصة قيادة واسطه بحريه .

توكيل من حرس الحدود لأخوك أو واحد من ربعك .... معصي هذا الكلام قديم الحين لازم يكون مالك للقارب مثلك .

مشاكل في مشاكل

الله يوفقك

[عاشق سمكه]

صياد الخبر الف الف شكر لك يالغالي وفعلا نقاط مهمه جدااا
ابو هيثم اول مستاجر بطلعه معي انت شرايك خلنا نجرب عليك غشامتنا خخخخ ومشكور واسعدني مرورك

بس للامانه مابي استرزق منه لاني عليمي

[عاشق سمكه]

والله يا اخوي فيراي كل من سالته قالي نفس الكلام اوقات اقول مالي ومال وجع الراس واوقات اقول هي الهواية الوحيده الي عندي واستمتع فيها ليش ما اتعب عشانها وبيني وبينك الي ياجرون بالمنطقه الشرقية قليل والاسعار فووووووق وما تضمن ابداااا يعني عذاااب عشان تدخل البحر
ع العموم الف شكر لك اخوي فيراري وعقبال الكوريلا خخخخ

[accentkool]

توكل على الله واشتر الطراد والله يوفقك يارب
وانشوفك نوخذة بحري درجة اولى ومافي شي مستحيل

[abubassel]

تبغي نصيحة أخي أستأجر أحسن لك الف مرة تري القوارب تعب وخصوصا أنك راح تكون بعيد عن القارب بسب موقع سكنك أسال مجرب أنا من سكان مكة والقارب في الشعيبة

[عاشق سمكه]

مشكورين اكسنت كول وابو باسل على النصيحه والله يكتب الي فيه الخير

[شرقااااوي]

تبي رايي توكل على الله وخذ لك طراد على قدك ترى دشة البحر لها طعم ثاني أنا من الدمام ولي أكثر من 7 سنوات اصيد من الشاطي طلعت مره مع واحد الله يجزاه خير البحر نصيد وأول مارجعنا فجأه تهورت وجلست ادور طراد والحمدلله لقيت واحد رخيص بس بدون مكاين بطقطق عليه
انت شوف لك واحد رخيص واكيد انك تعرف واحد على الاقل بالدمام وصيه عليه
أو توقفه في المدينه الساحليه بالهافمون ياخذون 1800 ريال بالسنه وماعليه خوف أبد بإذن الله

[فيراري]

عاشق سمكه قريت كلامي اللي فوق ؟

والله اليوم رحت للربع على البحر اسلم واشيك على الطراد ............ تعرف ايش اكتشفت بعد غياب يومين عنهم ؟














البطاريه مسروقه !! :mad:

هيا حلها الحين :(






شوف اللي فيه الصالح لك وسوه .

سلام حبوبي

[mnsor79]

السلام عليكم

اخوي عاشق سمكة - اشوف الاخوان اغلبهم ماقصروا الكل حط رايه

وانا مع المعارضين واقولها لك من باب خبرة

اخي العزيز انا صاحب طراد اكثر من 20 سنة ووالله اني ما راتحت ولا صرت اشوف العالم وبيتي وعيالي الا يوم افتكيت منه والحين صار لي 3 سنوات بايعه والحمد لله مرتاح

مثل ما ذكر اخونا العزيز فيراري

وصف نفس المعاناة

اذا كان ولا بد حط في بالك كل فترة تنزل للشرقية تاخذ اجازة وتروح تستاجر اوتطلع رحلة مع بعض الاصدقاء

افضل لك الف مرة من شراء طراد ودوخة راس

نصيحة من واحد مجرب حاول انك ماتتورط ترى اولها ولع واخرها دوخة راس

[وحيد الشيخ]

وعليكم السلام ورحمة الله وبركاته
تسمع النصيحة
لا تشتري قارب
أستأجر

[ساهر1911]

طرحك للموضوع يدل انك متردد في الشراء ومحتاج عزيمه ودفعه من الشباب ، ولاكن انت من يقيم نسبة رغبتك في شراء القارب ، ليس عيب ان الانسان يخوض تجربه بس لازم تكون مبنيه على اسس وقواعد ، عشان تكون قد المسئوليه ، يمكن لو انك لازمت بحاره ورحت وجيت معاهم وعشت ارض الواقع بخوض التجربه بحاوها ومرها ما كان تتردد ، حاول اولا تتعلم دخول البحر في كل اوقاته وضروفه ، صدقني انت الي بيحدد مدى رغبتك في شراء قارب او العدول عنه نهائيا ، والله يوفقك ويكتبلك الخير اسف على الاطاله ولك مني الف تحيه وشكرا لسعة صدرك .

[سداح الاول]

اسمع يا عاشق اسمكه دق علي وانا راح افيدك بقوه وصراحه ما قصرو الاخوان

[عاشق سمكه]

اخ فيراري اخ منصور اخ وحيد الشيخ اخ سداح الف الف شكر لكم جميعا وكل من رد او عطاني نصيحه وانا عن نفسي شلت فكرة الطراد بصراحه الاصوات اكثريتها لاااا تشتري وما توقعت ان الطراد لهدرجه متعب وما قصرتو وبيض الله وجيهكم هذا العشم فيكم يا مكشاتيه
اخ سداح راح يكون بينا اتصال باذن الله ويشرفني اني اطلع معك