تركيب قلص دبابات على موتر صغير , ارائكم ونصائحكم

[راعي باعج]

السلام عليكم ورحمة الله وبركاته

حي الله كل المكشاتيين كلن بأسمه

عندي ميركوري قراند ماركيز , وابي اركب عليه قلص للدبابات علشان لاجيت اوديها من وإلى الوكاله

الدباب طوله 2 متر بالضبط والعرض 74 سم متر والوزن تقريباً 205 كيلو

مفكر بقلص يكون طوله 2.2 متر والعرض يكون بنفس عرض الموتر , يعني تقريباً 1.7 متر , علشان اقدر اشيل عليه دبابين بوقت واحد

وهالأسئلة احتاج لها اجوبه لاهنتم

1/ هل المواتر الصغيره مثل الميركوري ممكن يركب عليه القلص , مع اني اتذكر اني شايف كامري ساحب له قلص دبابات ;)
2/ افظل مكان افصل فيه القلص وكم ممكن يكلفني بهالمقاسات
3/ افظل ورشة تركب لي قاعدة بالموتر وابي شغلها يكون نظيف وسعر زين
4/ ايهم افظل يكون القلص ضاغط على الموتر من الخلف والا مرتفع والا بنفس مستواه ؟
واذا عندكم اي نصائح لاتبخلون على اخوكم بالله فيها , لان هذا اول قلص لي ولاعندي خبره بالقلوص وصراحه ابي افتك من مشاوير الوكاله كل شهر رايح وراجع بليموزين :D

تحياتي للجميع

[عاشق السيل]

السلام عليكم ورحمة الله وبركاته
وعليكم السلام ورحمة الله وبركاته ،،

1/ هل المواتر الصغيره مثل الميركوري ممكن يركب عليه القلص ,
نعم ممكن وبكل سهولة ،، بس لا تنس القيادة بتختلف بشكل كبير وخاصة بالريوس واللفات !!

2/ افظل مكان افصل فيه القلص وكم ممكن يكلفني بهالمقاسات
الأسعار حسب شغلك والمميزات اللي تطلبها وأكيد بيكون غالي !!

3/ افظل ورشة تركب لي قاعدة بالموتر وابي شغلها يكون نظيف وسعر زين
أنصحك تروح لورشة المميز بصناعية الدائري بالرياض يسوون لك الهوك ( القاعدة ) وممكن تفصل القلص عندهم أو تشتري جاهز من العليان !!

4/ ايهم افظل يكون القلص ضاغط على الموتر من الخلف والا مرتفع والا بنفس مستواه ؟
خله بنفس مستوى السيارة ولابد يكون على أربع كفرات علشان مايضغط على السيارة وعلشان يكون أرسى بالطريق ،،

واذا عندكم اي نصائح لاتبخلون على اخوكم بالله فيها ,
هذا اللي عندي والشباب أعلم مني أكيد بيفيدونك أكثر ،،،
والله يفوقك للي فيه الخير والصلاح ....

[راعي باعج]

السلام عليكم ورحمة الله وبركاته
وعليكم السلام ورحمة الله وبركاته ،،

1/ هل المواتر الصغيره مثل الميركوري ممكن يركب عليه القلص ,
نعم ممكن وبكل سهولة ،، بس لا تنس القيادة بتختلف بشكل كبير وخاصة بالريوس واللفات !!

2/ افظل مكان افصل فيه القلص وكم ممكن يكلفني بهالمقاسات
الأسعار حسب شغلك والمميزات اللي تطلبها وأكيد بيكون غالي !!

3/ افظل ورشة تركب لي قاعدة بالموتر وابي شغلها يكون نظيف وسعر زين
أنصحك تروح لورشة المميز بصناعية الدائري بالرياض يسوون لك الهوك ( القاعدة ) وممكن تفصل القلص عندهم أو تشتري جاهز من العليان !!

4/ ايهم افظل يكون القلص ضاغط على الموتر من الخلف والا مرتفع والا بنفس مستواه ؟
خله بنفس مستوى السيارة ولابد يكون على أربع كفرات علشان مايضغط على السيارة وعلشان يكون أرسى بالطريق ،،

واذا عندكم اي نصائح لاتبخلون على اخوكم بالله فيها ,
هذا اللي عندي والشباب أعلم مني أكيد بيفيدونك أكثر ،،،
والله يفوقك للي فيه الخير والصلاح ....

يا مال العافيه يا عاشق السيل

من ناحية السواقه لاتخاف إن شاء الله واساساً المشوار من الى الوكاله قريب لان مكانهم في السليمانه يعني ماراح تقدر تمشي داخل شوارع الرياض بذيك المنطقة اكثر من 70 بالقلص والا بدونه

اما من ناحية السعر تراك خوفتني يوم قلت غالي :D

انا حاط له حوالي 1500 - 2000 للقلص وحوالي 300 او 500 ريال للقاعده وترا المواصفات عاديه اهم شي الطول 2.2 والعرض 1.7 لاني زي ماقلت لك ماراح اسافر عليه ولاشي وان كان ابزيد شي يمكن افرش ارضيته حديد بدل الحديد المشخول , علشان ماتزلق الجلاسه حقت الدباب بالشقوق والشي الثاني اطول الدرج حقه واخلي طوله حوالي متر او متر ونص علشان مايحك بطن الدباب وقت التحميل والتنزيل

وسالفة الاربع كفرات والله مدري ياصاحبي احسها صعبه , لانه بيصير ثقيل اكيد وانت عارف سياره صغيره وقير توماتيك وتسحب لك حوالي نص طن مهوب زين على القير

[WRWRWR]

كفرين يكفي من باب خبره
تفضل على هذا الرابط
ورشة الفراج للمقطورات
جوال 0540302307

http://admin.alhamuntada.com/forum

[راعي باعج]

كفرين يكفي من باب خبره
تفضل على هذا الرابط
ورشة الفراج للمقطورات
جوال 0540302307

http://admin.alhamuntada.com/forum

الفراج شغلة محترم وبالنسبة لي فوق طموحي بواجد

لو اني راح اسافر اعليها وامسك خطوط كان ماتعديت الفراج

لكن زي ماذكرت حدي داخل الرياض كله عشر دقايق وكم كيلو وانا واصل فلذلك ما ابي احط عليها حط واجد

-------------------
يا اخوان مانستغني عن نصائحكم , نبي ورشة زينة وشغلها زين ورخيصه بالرياض

[صاحب وفى]

فيه ورشه في مخرج 17 ممتازه واسعارها جداً معقوله اذا اتفقت مع صاحب الورشه مباشره اما ابو هنوك بيذبحك بالاسعار

[asxz]

اخوي يركب

وفي صناعية النسيم في ورشه حقين الاحام يركب ١٥٠ واسم الورشه الفرحان

[wafi4sa]

معلومة لك ياخي الكريم
انا الاحظ سيارات مرسيديس بوكس استعمال الماتي اوحيانا سيدان يجي معها هوك بالخلف
من هذة الملاحظة ممكن تركب على سيارتك
وانصحك تروح لتشلح اكيد تحصل هوك مرسديس استعمال الماني ركبه على سيارتك
افضل لك من تشتري صيني اوشي ماتعرفه

[اصيل نجد]

انا مالي هاذيك الخبره لكن اعرف ان القياده وانت ساحب مقطوره تختلف اختلاف كلي انا طال عمرك مركب شبك خلفي مفصله بصناعيه الفوزان علشان الدباب حق العيال مكلفني 450 ريال قبل 7 سنوات والدباب سوزوكي مقاس 80 يشيل الدباب والحطب والمسحات والرواقات وجركل بانزين صراحه جدا ممتاز وسافرت عليه لسوريا العزبه كلها فيه بدون دباب صراحه ممتاز ومازلت استخدمه بس سله خلفيه بدون كفرات لك تحياتي