وكري فرخ

[hotmail33]

السلام عليكم ورحمة الله وبركاته

جاني طير وكري فرخ ,,, و انا من زمان ودي اتعلم الصقاره ,,, والحين عندي كم من سؤال:

كم يوم اقدر اخلي الطير بدون ما اعشيه ؟
و ممكن فيديو حق الدعو ,,
و يكون معاه شرح ,,
و متى اعشي الطير ,,
و شلون اخليه يعرفني اني راعيه ,,,


و سلامتكم ,,

[مارشال]

السلام عليكم
* في ايام البراد حاول انك ماتطوف الطير عن العلف ولو ليوم واحد الا اذا كان الطير صنيع وعيا يطمر على يدك اقصد العلف اللي في يدك
* عش الطير اذا جاك على الدعو, واعتقد الوكري تكفيه ثنادي حمامه او اقل في ايام البراد واذا علف عضم حاول انك تخليه مفرع من بكرا عشان يروبج مرتاح
* اللي اعرف ان الطير ما يعرف راعيه ولكن يعرف الشخص اللذي يلوح له بحمامه ميته طبعا في وقت يكون الطير محتاج للعلف, اما اذا كان الطير غني فهو مهب جاي راعيه ولا غيره هذا اللي انا اعرفه
انصح انك تصقر الطير وتدعيه وانت على استشارات احد الصقار ميدانياً هذا من رأيي
والله اعلم
تقبل تحياتي