المساعد الشخصي الرقمي

مشاهدة النسخة كاملة : اليوكن انصدم !!! اليوكن انصدم


ابريق و دله
14/06/2011, 05:43 PM
يا شباب الوالد اليوم جاته صدمه من التيما على جنب اليوكن اكس ال 2008
بعد ما اخذ الجمس اللفه دخل الالتيما في الكفر الخلفي الايمن تماما والبدي ما جاه الا مخوش فقط و احمد الله على سلامتهم جميع
الشايب يقول الموتر افتر لين قابل الالتيما!!! يعني يمكن كان ماشي من 60 الى 70

السؤال يا شباب هل ممكن يتضرر الدفرنس و خصوصا انه دبل وش اقصى ضرر محتمل
ارجو الافاده ياشباب الوالد على وجه سفر قريب ؟
ليزر 97
14/06/2011, 06:34 PM
الحمدلله على السلامه
احسن شي تاخذ معك ميكانيكي فقط يفحص الاضرار ويحددها بخمسين ريال وريح بالك
وعلى وصفك مبدئيا
الامور طيبه ان شاء الله
ابريق و دله
14/06/2011, 09:10 PM
الحمدلله على السلامه
احسن شي تاخذ معك ميكانيكي فقط يفحص الاضرار ويحددها بخمسين ريال وريح بالك
وعلى وصفك مبدئيا
الامور طيبه ان شاء الله
تسلم اخوي ليزر والله يسلمك
والله ياخي اني متخوف شكل الدفرنس اندف داخل حدوود الانش
الله يستر من تاليها
يقلون الدفرنس كامل يكلف حول 8000 ريال
قدر مكتوب
15/06/2011, 01:24 AM
الله يعوضكم بخير والحمد لله على سلامه الوالد , وسلامه دائمه ان شاء الله
بوراشد
15/06/2011, 01:27 AM
الحمدلله على سلامة الشايب وعسى الله يطول بعمره في الطاعة
YUKON_GMC
15/06/2011, 04:14 AM
دام الدعوى فيها حادث - ومصدوم مع الجنب معناته ان راعي السياره الاخرى يتحمل التلفيات حتى لو 50 ألف لاتخاف

الا كان الوالد هو المخطي فالله يعينه والورش كثيره ولازم من زيارتها وتحديد التلفيات والتكلفه ..
* ابو باسل *
15/06/2011, 08:41 AM
اخي بالنسبه للموتر امسك به خط وامش عليه الى 160 اذا لاحظت فيه رجه جايه من الجهة الخلفية معناها انه يحتاج وزن وميزان فقط لاتروح للميكانيكي ولا خرابيط اذا جاء صدمه على الكفر تحتاج السياره اعادة وزنيه فقط اذا ماحصل كسر في الهوبات او الاذرعه وهذا بيكون واضح لان الكفر بيصير منكسر على جواء او برى وهنا السياره مارايح تمشي ابد اما اذا مافيه رجه ماقدامك غير العافيه دز ولاتنسى تحمي الوجهيه وقت السفر وتوكل على الله انت والوالد والاخوان وجماعتكم بعد هذا جمس ولجمس مثل الجبل مايضره حذف الحصى وانا خووووك .
القناص-sniper
15/06/2011, 09:20 AM
تسلم اخوي ليزر والله يسلمك




والله ياخي اني متخوف شكل الدفرنس اندف داخل حدوود الانش

الله يستر من تاليها
يقلون الدفرنس كامل يكلف حول 8000 ريال




.


الحمدلله على سلامتك اخوي ولا تشيل هم بالنسبة لاسعار قطع الغيار


اي قطعه تحتاجها على طول اطلب من النت تجيك من برا بربع القيمة المحلية


يعني الدفرنس كامل 8000 تجيك من برا بتكلفة الشحن ومن الى بـ 2000 ريال


خلها 3000 وابتعد عن ربعنا قدر الامكان نصابين دجالين
سليمان الربيعان
15/06/2011, 09:45 AM
الحمد لله على سلامه الوالد ومعوض خير
AxR979
15/06/2011, 12:05 PM
.


الحمدلله على سلامتك اخوي ولا تشيل هم بالنسبة لاسعار قطع الغيار


اي قطعه تحتاجها على طول اطلب من النت تجيك من برا بربع القيمة المحلية


يعني الدفرنس كامل 8000 تجيك من برا بتكلفة الشحن ومن الى بـ 2000 ريال


خلها 3000 وابتعد عن ربعنا قدر الامكان نصابين دجالين




2000 و الا 3000 قيمة الشحن لحاله لان الدفرنس ثقيل و حجمه كبير ..


------------

رأيي من رأي ابو باسل اذا الموتر يمشي بدون مشاكل فان ما عليه خوف ..
YUKON_GMC
15/06/2011, 01:29 PM
اخي بالنسبه للموتر امسك به خط وامش عليه الى 160 اذا لاحظت فيه رجه جايه من الجهة الخلفية معناها انه يحتاج وزن وميزان فقط لاتروح للميكانيكي ولا خرابيط اذا جاء صدمه على الكفر تحتاج السياره اعادة وزنيه فقط اذا ماحصل كسر في الهوبات او الاذرعه وهذا بيكون واضح لان الكفر بيصير منكسر على جواء او برى وهنا السياره





الله يصلحك وش يمشي 160 :eek: وهو جايته صدمه على الكفر والدفرنس الخلفي !! و الكفر مايل واحتمال الجنط والدفرنس مكسور ويفلت احدهم باي لحظه

تبي تقضي عليه انت .. يعني بالحاله هذي خطر يمشي عليه حتى لو بسرعه 60


بعدين وش جاب الاذرعه للدفرنس الخلفي وش يبي يضره لاراح للميكانيكي ترى الفحص بلاااش والاحتياط واجب والميزان للاذرعه اللي قدام فقط

الدفرنس الخلفي من اختصاص الميكانيكي والورش
مودع الخلان
15/06/2011, 02:23 PM
اذا صار الكفر مايل يمكن يصير من الهوب وملحقااته
شاص نيسان 93
15/06/2011, 05:02 PM
ما وراه الا العافيه

ناضر الدفرنس من تحت والا امش عليه بسرعه اذا في رجه ولا شي رح للورشه وسوله وزن

توكل على الله وعن الوسوسه
ابريق و دله
15/06/2011, 05:06 PM
سلام عليكم
يا شباب اشكركم الشكر الجزيل والله يحفظ شيبانا و يستر علينا من هالحوادث
والله توني راجع من برا و على طول على النت
امس جربت الموتر بس والله ما قدرت اتعدى 100-130
الموتر ما لاحظت علية رجه و لكن شكيت انه يرج حول 130 و الحققيقة خفت و هديت
سقته لمدة نص ساعة تقريبا .... بعد ما وقفته جيت الكفر المصدوم و شميت فيه ريحه
قلت لايكون انه يحك ..... وادخل تحته ما لقيت اي احتكاك واضح
شركة نجم قررو الخطى 100% على الطرف الثاني يعني على التعاونية
وقالو تروحون مرور الصناعية وفيه عندهم مندوبين لثلاث ورش
يقيمون الاضرار و اقل تسعيره يختمها المرور
لكن وش يدريهم وش داخل الدفرنس من دون ما يفك
انا اشكر تفاعلكم و مشاعركم و اشكركم مره ثانيه
أبلج
15/06/2011, 05:19 PM
الحمد لله على سلامة الوالد
وان شاء الله ان تكون بسيطة
والله يعوضكم خير
my own
16/06/2011, 08:11 AM
الحمد لله بالسلامة
الرجة يمكن عشان الجنط انلوح مع الصدمة ..
تاكد من الجنط بالاول بعدين تاكد من الهوب جهة الصدمة و تاكد من القواعد حقت الدفرنس
لو الدفرنس فيه شي لا قدر الله يطلع فيه صوت حنة او تكسير
ملك الفكتوريا
16/06/2011, 02:23 PM
شيك من الجنط وانت داخل للكفر الثاني
ابريق و دله
16/06/2011, 03:26 PM
الحمد لله بالسلامة

الرجة يمكن عشان الجنط انلوح مع الصدمة ..
تاكد من الجنط بالاول بعدين تاكد من الهوب جهة الصدمة و تاكد من القواعد حقت الدفرنس
لو الدفرنس فيه شي لا قدر الله يطلع فيه صوت حنة او تكسير


الله يسلمك و انا اخوك
قصدك بالقواعد مشدات الدفرنس الي تثبته بالشاصي
اما صوت حنه ما سمعتها و الحمد لله
واعتقد لو الجنط او الهوب فيه شي كان رجت على 40 و اقل يمكن
تسلم اخوي و شكرا
ابريق و دله
16/06/2011, 03:29 PM
شيك من الجنط وانت داخل للكفر الثاني
والله الكفر الثاني ما حرصت عليه
نشيكه ان شاء الله
THE KILLER
17/06/2011, 12:08 AM
ياعوذ بالله اكره شي الانصداام والله لو انا مخطئ احط رجلي بااي طريقة , اقصد هلا اخوي كيف حالك بالنسبة لليوكن ما يحتاج الدفرنس ثقيييل وقووي ماعتقد يتلوح لو كان شاص او ربع على طول يتلوح , انا جتني صدممة على الكفر الامامي بس ماثر فيها ولا شي وامشي عليه 190 الى نهاية الفصلة