انشدك عن رجل(ن) حمل له برجال (الحل هو الكفر) حله طرجم

[مكرم الضيف]

انشدك عن رجل(ن) حمل له برجال***بطنه كبيره كلكم تعرفونه
وسط المدن وسط الخلا له ترحال***وان ماتت انفاسه قعدنا بدونه
بالجو ايضا له مجالات وافعال***وبالبحر ماله كرت او يذكرونه
الحل عند اللي لهم حظ (ن)وفال***حلالة الصعبات ماينكرونه

[torrjom]

صح السانك اخوي مكرم


والله يزيدك من فضله


رمعه استفتاحيه


الصتك والهواء (داخل الكفر )


او الهواء والكفر (مثل التيوبلس)


كل الووووووووووووووووووود

[مكرم الضيف]

ماشاءالله عليك ماهو فتحت باب الا هو الحل(الكفر).كفو وصح لسانك

[torrjom]

ماعليك زود اخوي

مكرم الضيف

وصح بدنك

كل الووووووووود

[كاف نواف]

والنعم باللي طلته تشـرح البال=عذب الشعر لا ابداه تطرب فنونه
له بالعوايد مايجي غير بجــزال=الله يبيّض وجهه .. إلا عيونه
والنعم باللي مشعل الساحه إشعال=اللي جماهيره بها يحترونه
لاصوّب الرمعه رمى اللغز بالحال=ياهو بصيد أمس بذِكِرْ يذكرونه

[مكرم الضيف]

يامرحبا يالقرم ياطيب الفال***نواف قلبي فيك تفخر ضنونه
رجال قول وفعل فيك اطيب خصال***ولايهون من يسمع وتقرا عيونه
تحيتي للي عن البال مامال***والمعذره صاحبك زادت شطونه
والحي قريب رددوها بالامثال***ومكشات تجمعنا على ماتبونه