المساعد الشخصي الرقمي

مشاهدة النسخة كاملة : سؤال بخصوص القارمن 276 C


الطير الأبرق
25/12/2005, 04:38 PM
السلام عليكم ورحمة الله وبركاته

انا ياالاخوان قدر الله علي وصرت راعي بر <<< مشكله عاد :D

رحت لم دار موجه ابي جهاز قارمن عشان ما اضيع فاحترت بينهم ورجعت

طبعا اعجبني موديل 276 C

http://www.garmin.de/Photos/GPSMAP276C-300.jpg


لكن المشكله انه عنده نوعين واحد ازراره عربيه وقوائمه عربيه
والثاني ازراره انجليزيه وقوائمه انجليزيه
طبعا كلهم يقبلون الخرائط العربيه ما فيه اي مشكله


لكن المشكله الفرق بالسعر
يعني العربي ب 3100 عند دار موجه
والانجليزي ب 2550 ريال تقريبا


والطامه الكبرى اني يوم جزمت على العربي قال واحد اصبر ترا يبي ينزل تعريب للقوائم للجهاز الانجليزي

وش رايكم وش الحل .....هل اصبر الين ينزل التعريب او اشري العربي الغالي او اشري الانقليزي ؟؟؟؟؟؟؟؟


عطوني رايكم الله لا يهينكم



تحياتي

الطير الابرق
ماجلان
25/12/2005, 05:13 PM
بسم الله الرحمن الرحيم

أخي الكريم الطير الأبرق
أنصحك بال 276c الإنجليزي
تصحيح لمعلوماتك :
الخرائط العربيه لا تظهر على أي من الجهازين ولكن الجهاز المعرب تظهر قوائمه باللغه العربيه بالاضافة إلى اسم الاحداثيه بالعربي عند وضع المؤشر عليها
سعر الجهاز الانجليزي في حدود 2050 ريال وليس 2550
الحربي الصغير
25/12/2005, 06:55 PM
اخي ماجلان والله انا حايس ابيلى جهاز 276 وقالت دار موجة في جدة ان سعر الانجليزي 2550طبعا بدون خرايط ولا ذاكرة وسمعت ان سعرة في محلات البوصلة في الرياض مرة رخيص اذا ممكن احد يوافيني اكون ممنون ومدري اشتري مستعمل واذا في اي واحد من الاخوان يبي يبيع تراني شراي واتمني ان يراسلني على الخاص
مزاجي
25/12/2005, 07:13 PM
مساكم الله بالخير جميع

انا توني ياخوان شاري 276 عربي قبل ثلاثه اسابيع سعر الجهاز 2700 ريال من دار موجه اللي بالخبر والانجليزي 2100 تقريبا ويمكن ينزل 100 ريال طبعا الاسعار من دون شريحه ولا خر يطه بس قيمه الجهاز ومعه الشاحن للبيت والقاعده والسيديات حقته وشاحن سياره...

اما من ناحيه الاستخدام انا كنت مثلك حيران وش اخذ وازعجت الربع اللي هنيا كلهم واولهم المبدع عروان...بس بعدين عزمت وتوكلت على الله وخذت العربي بس من واقع تجربه اذا لغه جيده بالنجليزي او قد استخدمت 12 اكس ال ترا الدعوه ماتسوى انك تنق 700 ريال علشان العربي لان بس القائمه هي اللي بالعربي يعني مينيو كاتبنها قائمه وفايند كاتبنها ابحث الخ الخ

وانت عاد شف واحكم
الحربي الصغير
25/12/2005, 08:35 PM
يا اخوان طيب وش السر في اختلاف السعر لدار موجة في جدة عن الرياض عن الشرقية ما نقول الا حسبنا الله ونعم الوكيل هذا الاحتكار
الطير الأبرق
25/12/2005, 10:45 PM
هلا بكم يالاخوان جميعا وحياكم الله


اخوي ماجلان

انا شفت كل الجهازين عند دار موجه الي ببريده بجنب السنيدي ...وكلهن يشغلن الخرائط باللغه العربيه
لكن الفرق فقط في القوائم

اما من ناحية السحر فاقسم لك بالله انه قال لي 2550 لانجليزي .....و 3200 للعربي طبعا السعر يشمل ذاكره 16 ميقا واخر التحديثات والخرائط والقاعده والشواحن وكامل العده المعروفه بااستثناء السبيكر الخارجي


اذا تعرف احد يبيع العربي باقل من السعر هذا يا ليت ترسل لي رقمه

تحياتي لك يالغالي

[line]

حياك الله اخوي الحربي الصغير


اخي ماجلان والله انا حايس ابيلى جهاز 276 وقالت دار موجة في جدة ان سعر الانجليزي 2550طبعا بدون خرايط ولا ذاكرة وسمعت ان سعرة في محلات البوصلة في الرياض مرة رخيص اذا ممكن احد يوافيني اكون ممنون ومدري اشتري مستعمل واذا في اي واحد من الاخوان يبي يبيع تراني شراي واتمني ان يراسلني على الخاص

صحيح كلامك انا لقيته نفس السعر لكن مع الخرائط حسب كلامه

تحياتي لك يالغالي

[line]


اخوي مزاجي

حياك الله ومشكور على مرورك يالغالي
وبالنسبه للسعر يمكن هذا قديم لكن شكلهم رفعوا الاسعار او ان الموديل اختلف اختلاف بسيط ....كل شي جايز


تحياتي لك
ماجلان
26/12/2005, 07:19 PM
بسم الله الرحمن الرحيم

أخي الكريم الطير الأبرق

ذكرت لك في ردي

الخرائط العربيه لا تظهر على أي من الجهازين ولكن الجهاز المعرب تظهر قوائمه باللغه العربيه بالاضافة إلى اسم الاحداثيه بالعربي عند وضع المؤشر عليها
وهذا ما أقصده بالصور من موضوع أخي محبوب الجميع (http://www.mekshat.com/vb/showthread.php?t=39511)
http://www.mekshat.com/pix/upload/images12/mk1379_aaa4.jpg
http://www.mekshat.com/pix/upload/images12/mk1379_aaa1.jpg

أما فيما يخص السعر فلا داعي لأن تقسم بالله تعالى فأنت صادق إن شاء الله
لو طرحت سعر خارطة البر ( دار موجه ) على شريحة 16 ميجا بايت 400 ريال من سعر الجهاز الانجليزي الذي ذكرته يكون الجهاز وحده ب 2150
إذا كان الجهاز مع قاعده كيس رملي فهذا السعر مناسب جدا أما إذا لم يكن كذلك فالسعر مبالغ فيه بعض الشيء
الطير الأبرق
26/12/2005, 09:55 PM
8
8
جزاك الله خير اخوي

بس وش رايك هل اخذ الانجليزي او العربي لاني ابيه فتره الشتاء وبس ....ويمكن ابيعه اذا خلص الشتاء ....وخايف ان الانجليزي ما يمشي

ومشكور يالغالي
تحياتي
وحيد الصحراء
27/12/2005, 01:16 AM
يا اخوان ليش الحيره وكثر التردد بالنسبة للجهاز 276 العربي والانجليزي ما فيه اي فرق بينهم الا اللغة وهاذي امرها سهل بالنسبة للانجليزي يكفي انك تعرف كيف تستخرج الاحداثية وكيف تخزنها عندك ومع التكرار تسهل عليك مهمة استخراج اي موقع من الخارطة وبدون اي تعقيدات وبالنسبة لفرق السعر مبالغ فيه 700 ريال فرق العربي عن الانجليزي وانا اشتريت الانجليزي قبل شهر بسعر 2400 شامل الميموري وخرائط الصحراء مخزنه فيها والتحديث مجاني من الموزع وهذا من محل بالمرسلات واسمة زنن واللي مسوي ادخال الخرائط صاحب المحل واعتقد ان اسمه محمد السياري وللمعلومية الذاكرة 16 ميقا بايت والخرائط الاصدار 14 يعني اخر ما نزل بالسوق والله يوفق الجميع اخوكم ( وحيد الصحراء )
ابوغانم
30/12/2005, 09:41 PM
السلام عليكم
عندي سؤال للاخوان
انا شريت لاحد الاخوان قارمن العربي بخريطة دار موجه بسعر 3100 ريال
لكن ما معه شاحن سيارة
فهل الجهاز يجي معه شاحن السيارة
الطير الأبرق
31/12/2005, 12:59 PM
8
8
8
يجي معه شاحن للسياره بس تصير اطرافه كانه مقطوعه من تشليح .....اطلب من نفس الوكيل يصلح لك شاحن على الولاعه
أبوخلاد
31/12/2005, 01:19 PM
السلام عليكم بالنسبه للقارمن العربي سعره 3140 شامل الخرئط وقاعدة التثبيت المتحركه أيضا مع الشريحه من دار الملاحه
مع تحيات أبو خلاد
ناجز
31/12/2005, 05:17 PM
بسم الله الرحمن الرحيم
السلام عليكم ورحمة الله وبركاته
اخواني انا اشتريت الجهاز 276c)قبل (6) اشهر ب2050 ريال والشريحة اخذتها من خرائط الصحراء ودعايته فواق في المنتدى ووالعربي والانكليزي مافيها فرق كبير. [img]http://www.mekshat.com/pix/upload/sign/images/mk19528.gif[/img
الطير الأبرق
31/12/2005, 05:21 PM
انا اخذته قبل اسبوع تقريبا بكامل عدته مع القاعده والشريحه 16 ميقا واخر الخرائط من دار موجه ب 3300 ريال
ابوغانم
31/12/2005, 05:59 PM
اخوي الطير الابرق
مشكور جدا على الافادة
بعدين انا من اسبوع شاريه من دار موجه بالرياض 3100
والشريحة 8 ميقا
لكن برضو فرق السعر واجد
ابو شكاع
31/12/2005, 07:12 PM
والله يا أخوان أنا اشوف ان السعر مبالغ فيه بين الأنقليزي والعربي
أنا معي 176c
وأنقليزي
ولكن أنا لي نظرية بهالأجهزة هذي ...هي أنه كل ماكان عربي كل ماكان معقد أكثر
حط معك ياطويل العمر قاموس صغير مثلا وأنظر لترجمة الكلمة أول مرة وبعدها تبي تعرف للجهاز
أو رح لرفيقن تمون عليه وعنده العربي وقارن بين القوائم وأعرف كل كلمة وش يطابقها ...وكان الله في عون الجميع
د.جرير
31/12/2005, 07:59 PM
انا اخذته قبل اسبوع تقريبا بكامل عدته مع القاعده والشريحه 32 ميقا واخر الخرائط من دار موجه ب 3300 ريال من دار موجه الي ببريده بجنب السنيدي