حقد جمل

[حبي الشمال]

حكى لي والدي رحمه الله قصه تدل على عظيم حقد الجمل قائلاً:

راعي ابل يسرح معها, ويوم من الأيام اطال الله بأعماركم زعل الراعي على الجمل

( والله اني نسيت وش قال رحمه الله عن سبب زعله على جمله ) المهم

جاب (العقال) ويعقل الجمل ويضربه بهكالخيزران ويوم (برّد كبده) ويفك عقال جمله

ويخليه يروح مع النياق.

مع مرور الأيام والوقت صار الراعي يحس ان الجمل ينظر له نظرة حقد وكره وحب انتقام

بدا ياخذ حذره منه ولا ينام الا وهو (عاقل) الجمل

ليله من الليالي يوم غابت الشمس وادمس الليل بركة الإبل (امرحت) ماعقل الجمل يبي

يشوف وش يسوي وياخذ الراعي

فراشه من فوق ظهر الذلول ويحطه بذرى له شجره ويصير فيه لكنه ماهو مطمئن من

نظرات هالجمل له طول النهار اخذ له شوي وهو ينسل (يقوم) من فراشه يمشي على

يديه ورجليه والجمل ماشافه ويلبد(يختبي) في شجره يبي يشوف وش يصير

اخذ له وقت ولياوالله يوم قام الجمل ويمشي لفراش الراعي لياما صار فوقه (يحسبه نيم

فيه) وهو يبرك عليه ويصير يتمرغ عليه لياما حسب انه مات وهو يقوم ويرجع

لمبركه , الراعي يوم شاف انه كذا قال مااسرح مع هالإبل الا كان ذبحتوا هالجمل

وفعلاً ذبحوه .وسلامتكم وتصبحون على خير.................

[أبوعبدالرحمن0]

أهــــــــلا بك أخي

عُـرف الجمل بشدة حقده إذا حقـد

ولذلك قال العرب قديمــاً :

أحقــــد من جمـــل

ومثل هذه القصة وقعت لعدد من الرعاة

حمانا الله وإياكم

[قوافي ( أم نهار )]

حياك الله اخوي
الحمد لله اللذي افتك من البعيرفلقد تعامل مع راعيه كما عامله
كماهو معروف عن البعير
وقد اشتهر البعير بخصلتان اما حاقد او وفي حسب المعامله
مشكور اخوي
تحياتي.اختك
..قوافي..

[وردة النفل]

صح الجمل دايم حقود
:(
مشكور على القصه
والله يكفينا شره :(

[انسانه؟]

سبحان الله بهايم وتعرف تحقد
الله يعيذنا من هالخصله,
وفعلا حصلت اكثرمن قصه مأسآويه بسبب حقدالجمل.
الله يعطيك الف عافيه وربي يبارك فيك..

[raakaan]

الله يعطيك العافية اخوي على طرحك والله يكافينا شر خلقه اللي خلق والمسلمين والبعير بالذات معروووف عنه وانا اعرف سالفة بعد عن واحد مسير هو وعياله عند زميل له عنده ابل المهم العيال كانوا يلعبون حول البعير فقرب البعير من الاطفال فيوم شاف ابوهم ذا الموقف اخذ له اقرب حديدة عنده الا هي في جنب البعير المهم الشاهد انه زار بعد سنه زميلة راعي البل هذا فما درى خوينا الا وهو بالمستشفى وبقسم العناية المركزة جراء نزيف حاد بالراس من برك البعير عليه الله يحمين واياك والمسلمين،،،
بعض ماقيل... (لاغدر مثل غدر البحر ولا حقد مثل حقد الجمل)

[سليمان الربيعان]

الله يكفينا شر الحقد والقصص تروى ان الجمال تحقد لسنوات
مشكور اخوي على السالفه

[مولع با لصيد]

السلام عليكم
السالفه ذي صارت مع جدي الله يخليه ذخر لنا مره ضرب البعير ضربا جامد والبعير حقد عليه والبعير له يومين يصبر جدي واليوم الثالث ويمسي جدي حول الامراح حق الابل ويوم اقبلة صلاة الفجر وهو يقوم والبيعر مانتبه لجدي ويجي البعير وينقز على الفراش وصار زي الريشه مكنه البعير المصيبه الي تشوفه

[حبي الشمال]

مشكورين على المرور واعذرونا على القصور, وابشروا بالمزيد ان شاء الله

[شيخ السوالف]

شكرًا. اخوي القصه حلو او فيها معلومه عن الجمل

والله يرحم الوالد ويسكنه فسيح الجنات

اخوك عبدالله العجاجي

[abu fares]

كفانا الله واياكم شر الحقد

[بدر الشيباني]

حكى لي والدي رحمه الله قصه تدل على عظيم حقد الجمل قائلاً:

راعي ابل يسرح معها, ويوم من الأيام اطال الله بأعماركم زعل الراعي على الجمل

( والله اني نسيت وش قال رحمه الله عن سبب زعله على جمله ) المهم

جاب (العقال) ويعقل الجمل ويضربه بهكالخيزران ويوم (برّد كبده) ويفك عقال جمله

ويخليه يروح مع النياق.

مع مرور الأيام والوقت صار الراعي يحس ان الجمل ينظر له نظرة حقد وكره وحب انتقام

بدا ياخذ حذره منه ولا ينام الا وهو (عاقل) الجمل

ليله من الليالي يوم غابت الشمس وادمس الليل بركة الإبل (امرحت) ماعقل الجمل يبي

يشوف وش يسوي وياخذ الراعي

فراشه من فوق ظهر الذلول ويحطه بذرى له شجره ويصير فيه لكنه ماهو مطمئن من

نظرات هالجمل له طول النهار اخذ له شوي وهو ينسل (يقوم) من فراشه يمشي على

يديه ورجليه والجمل ماشافه ويلبد(يختبي) في شجره يبي يشوف وش يصير

اخذ له وقت ولياوالله يوم قام الجمل ويمشي لفراش الراعي لياما صار فوقه (يحسبه نيم

فيه) وهو يبرك عليه ويصير يتمرغ عليه لياما حسب انه مات وهو يقوم ويرجع

لمبركه , الراعي يوم شاف انه كذا قال مااسرح مع هالإبل الا كان ذبحتوا هالجمل

وفعلاً ذبحوه .وسلامتكم وتصبحون على خير.................


حبي الشمال
القصة حقيقية سمعتها من زماااااااااااااان
واللي سوا الخطة هو السوداني راعي الأبل