سؤال جديد لراعيين الساليه نبي اعلوم المنجوس والسلس

[عاشق الوكري]

:D


السلام عليكم ورحمه الله وبركاته



كيف الحال يالربع


؟؟؟


اليوم جايبلكم سؤال جديد

وادري بدون ماتقول تعبتكم بالاسئله

وانا الاحظ اشتهرت بالاسئله الكثيره وخصوصا عن امور السبيطيه

وابشركم للحين والله يرزقنا ان شاء الله

يالربع ابي اعرف وين مناطق المنجوس والسلس بالشرقيه وكيف اقربهم للسيف


انا مره قبل فتره صدت حوالي 30 منجوس

كانت الماي يدايه سقي واشوف الا سمك فكرته ميد نزلت الساليه ودخلت شوي داخل البحر ولا لقيتهم حذفت على عماها واصيد اول حذفه تقريبا 20

وبعدها حدود 10 وبعدين قعدت احذف واحذف ومافي فايده

والسؤال زي ماذكرته فوق وين مناطقهم وكيف اقربهم للسيف وادخل داخل الماي ولا اقعد برا

ومتى احسن الوقت

ونفس الموضوع للسلس امس اول مره اصيد سلس بالساليه وحده بس :D

وصغيره والحمدلله على كل حال

واذا في طرق لصيدهم غير الساليه علموننا

ويعطيكم العافيه

[ABO ZAIN 29]

يفيدك صياد الخبر
وينك يا صيااااد

[فيراري]

وعليكم السلام ورحمةالله وبركاته

كلنا نتعلم من بعص طال عمرك ولا حرج بالسؤال .

وكان ودي افيدك ولكن سبحان الله كل شي تعلمته في البحر الا الساليه ماعرفت لها مع اني حاولت ولكن مليت وخليتها تولي :D

أتمنى حدى الشباب يفيدك

دمت بخير

[rodwan sief]

يفيدونك الاخوان

[مهوس صيد]

انك تجمع المنشوز ما تقدر واحسن طريقه لصيده تدور عليه يبغلك تروح اكثر من مكان لين تحصله سبحان الله كل فتره تحصلهم في مكان غير عندك لسان الصيادين في الخبر وعندك قهوة دربي خلفها اوقات الشبيلي اوقات تحصله في العزيزيه يعني يبيلك تطلع تدور عليه

[accentkool]

اما اماكنة جرب حظك
مرات تشوفة ومرات لا
انا بالعقير كل يوم اشوفة بمكان
يعني هذا السمك متجول

[عنفوان1]

وعليكم السلام ورحمة الله وبركاته
ياهلا فيك اخوي شووف المنجوس اصيده بساليه بس لازم اتحرك من مكان لأخر وأرجع للمكان الأولي وحلو اللي فيه انه يكون راس ومتجمع على بعضه لاكن لين احين ماشوفه بين عندنه في منطقتنه. واحسن شي عليك بقطع من الخبز او سندويش وترميه فلبحر وبشوف السمك بياكل منها وكرر هطريقه لين شوف سمك تجمع وقول بسم الله وأرمي والله يوفقك.

[صياد مبتداء]

وعليك السلام

مرحباء فيك.

لا أسأل وأسأل ..أنا ما صرت الى هذا المستوء : الا وانا اسال وأشوف وأجرب وأطبقها صح .

شف حبيبي المنشوس : سبحان الله على رزقك مرة تشوفه ومره لا .. بس تنقل من مكان لأخر مثل ماقال الي قبلي ..


أما السلس : قط خبر العادي قدامك في البحر بعيد شوي .. كذا بيقربه الموج أو بيبعده .. وأصبر لي يجي وتشوفه يبين .. حلو تعاله بساليه .. وهوووبااء بساليه ..



أما أذا كان بعيد شوي ..خذ لك طفاحة بسنارة خفيفة .. ومجدار صغير .. حط فيها عجينه .. وأرميها حول الخبز .. وأصبر لين تنزل الطفاحه وأسحب .. وواحد ورا الثاني .. وخل عندك سطل فيه ماء .. وهذا الي عندي وأرجو أني وضحت لك الفكرة ..

[ع العمرو]

وبعد كان ماعليك كلافة تعال عندنا بالقصيم وانا اوديك عند شركة الاسماك السعودية وخذ الي ماياخذك على حسابي وبلاش تتعب نفسك بالصيد .

[حازم فون]

السلام عليكم انا من مصر واريد شراء الساليه ولكنها ليست موجوده فى مصر انا اريد شراء واحده من الخارج فهل من مساعده الاصدقاء لى وشكراا:):):)

[بهاءالدين]

السلام عليكم
عزيزي المنجوس بالعادة يتواجد قرب الشواطئ والمياه راكدة ما فيها تيارات اوامواج عالية وتحصل السرب عبارة عن بقعة سودا متحركة ببطئ

[زاحف بحر]

ما شاء الله اعتقد الاخوان ما قصرواااااا ,,

أفااادوكــ بشكل كبيــــــر ,,

الله يرزقك ويرزقنا من واسع فضله ,,



بالتوفيق للجميع ,,

[زاحف بحر]

وبعد كان ماعليك كلافة تعال عندنا بالقصيم وانا اوديك عند شركة الاسماك السعودية وخذ الي ماياخذك على حسابي وبلاش تتعب نفسك بالصيد .



اي انت من القصيم ما عندكم بحر ولا عندكم روح الرياضة البحريه

خلك على الضبان احسن لك :good2:

يعني احنا ما ندري انو في شركات الاسماك كثيرة والله ندري

وعندنا اكثر منكم وارخص منكم بعد بس احنا اللي نصيده واللي نصيده

نتلذذ فيه اكثر ماهو بخل او قل ماااال لكن هوايه بحر تقدر تسمينا مجانين بحر

ويعطيك العااافية على الكرم الحاتمي ,,

[عنفوان1]

وعليكم السلام ورحمة الله وبركاته
بلأمس صدنه كميه بسيطه من المنجوس قد كيلوين وتم تقديمهم كوجبه غداء للبط اللي عندنا على السيف وصار الضرب على أكل المنجوس على ألي يلحق وياكل ككككك ولاكن لين احين مابين بأعداد كبيرة وهلأيام لحجام متوسطه وكبيرة

[طير شلوى 999]

السلس فالاوقات ذي تلاقيه بالهاف مون علا شقة النوووور ولازم تصيده بالساليه لانه قريب السيف ،،،