المساعد الشخصي الرقمي

مشاهدة النسخة كاملة : صوت احتكاك في الكفر


GMC 111
15/06/2011, 05:11 AM
:eek: شباب انا يطلع لي صوت بالسياره مدري وش يبي عند الكفرات

صوت زي التصفير او حديدتين تحك ببعض في الكفر يطلع الصوت :(

اذا لفيت يمين الصوت موجود واذا لفيت يسار يروح الصوت ومع الفرامل مافيه صوت

الصوت قوي نوعن ما الصوت من اول ما امشي وهو طالع ومع السرعه الزايد يروح

رحت لاكثر من ورشه وتخبرون ابو *** كل واحد عطاني خراب وكل واحد عطاني سعر وبعضهم وصلو السعر لـ2500 :eek:

وانا تقريبن اقتنعت بكلام واحد يقول الفلنجه يبغالها تغيير فا ابغى المشوره منكم

وشكرا يابو عبدالعزيز على ردك:good2:
فهد بن مشبب العاصمي
15/06/2011, 05:20 AM
طيب أخوي اذا لفيت يمين يطلع ويسار يروح طيب واذا كنت قدام هل يطلع الصوت .. وحتى لو كنت تمشي خفيف .. اذا كان الصوت وانت تمشي خفيف يطلع جرب ارفع الموتر على عفريته وحرك الكفر بيدك على كل الجهتين وشيك بنفسك وين محل الصوت .. ويمكن تكون حديده او شيء من هالقبيل يحك في الكفر .. انت انزل تحت الموتر وشف مصدر الصوت وان شاء الله بتلقى حل .. وربي يوفقك لكل خير
GMC 111
15/06/2011, 12:42 PM
الله يعطيك العافيه اخوي فهد بن مشبب
باترول 4500
15/06/2011, 01:24 PM
بموضوعك الثاني تقول الصوت من الكفرات وإذا فكيت اللحيه يروح الصوت !!

http://mekshat.com/vb/showthread.php?t=416199
GMC 111
15/06/2011, 02:59 PM
اخوي باترول هذا موضوع وهذا موضوع انت شف وش اتكلم عنه قبل ما ترد

الموضوع هذا اتكلم عن صوت في الكفر احتكاك

والموضوع الثاني كنت ابي نوع من الكفرات مايحك في الحيه

وبعدين متى قلت اذا فكيت الحيه يروح الصوت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عموما تأكد من الموضوعين قبل ماترد
باترول 4500
15/06/2011, 04:42 PM
اخوي باترول هذا موضوع وهذا موضوع انت شف وش اتكلم عنه قبل ما ترد

الموضوع هذا اتكلم عن صوت في الكفر احتكاككل الموضوعين تتكلم عن صوت إحتكاك بالكفر


والموضوع الثاني كنت ابي نوع من الكفرات مايحك في الحيه

وبعدين متى قلت اذا فكيت الحيه يروح الصوت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أنت تقول شريت بالون ماكسس وتقول بدأ يحك باللحيه وإذا فكيته يروح الصوت لاكن يطلع شكل الموتر لك عليه

وهذا إقتباس من ردك ماجبت شي أنا من عندي


يا شباب انا عندي جمس نفس الى باصورة بالضبط

ركبت عليه كفرات بالون ماكسس 900 جنط 16 على جنوط شنابر تيوبلس وصارة تحك في الحيه الاماميه بعد ما الف يمين ولا يسر فصار لازم على افك الحيه وطلع شكل الموتر لك عليه فحبية تعطوني وش السبب وهل هو من المقاس 900 وهل كفرات الشاهين تحكيعني الموضوع هذا تبي تقول وش أفضل نوع كفرات مايحك باللحيه لاكن بطريقة غير مباشرة !!


سؤال : أنت اللي كاتب الموضوع ولا شخص غيرك لأن كأنك ماقريت الموضوع الأول ؟؟
GMC 111
16/06/2011, 03:44 AM
ياطويل العمر انت احد راسلك علي

انا في الموضوع الاول اتكلم عن الكفر عشان مقاسه كبير ويحك في الحيه

وللمره الثانيه اقولك ماقلت اذا فكية الحيه يروح الصوت الكفر يحك في الحيه مع المديور يعني هذا خراب وهذا خراب

وهذا موضوعي الاول واقره زين
يا شباب انا عندي جمس نفس الى باصورة بالضبط

ركبت عليه كفرات بالون ماكسس 900 جنط 16 على جنوط شنابر تيوبلس وصارة تحك في الحيه الاماميه بعد ما الف يمين ولا يسر فصار لازم على افك الحيه وطلع شكل الموتر لك عليه فحبية تعطوني وش السبب وهل هو من المقاس 900 وهل كفرات الشاهين تحك
واقراء الموضوع هذا الى اتكلم عن خراب داخل الكفر نفسه عند الهوب والفحمات

واتوقع الرد الى تقول مقتبسه من موضوعي انك جايبه من راسك رح ناضر الموضوع زين

واتوقع لو اجيب اي واحد راح يفرق بين الموضوعين ؟؟؟؟؟؟؟؟؟؟؟؟؟؟؟؟؟؟؟؟؟


عموما انت فزعتلي في الموضوع الاول وبيض الله وجهك

ياليتك كملت جميلك
الهاجر 7002
16/06/2011, 04:11 AM
ههههه

آلرجآل مجتهد .. آلله يجزآه خير ..


لكن آنآ آتفق مع آخوي فهد بن مشبب ..



جرب آنت وششش خسسرآن .. مآتدري لو شي بسسيط ..


آهم شي آذآ آكتششفته رح لورشه مضمونه ..



آلله يسسسهل عليك يآرب ~
القحطانى1
16/06/2011, 07:33 AM
مثل ماقال الاخ فهد مشبب
باترول 4500
16/06/2011, 11:59 AM
حصل خير إن شاء الله وأعتذر على هذه المداخله

بالتوفيق
فهد بن مشبب العاصمي
16/06/2011, 12:47 PM
ياشباب اتمنى اننا اذا ماقدرنا نفيد الشخص بموضوعه مايحتاج ندخل ونسوي زحمه .. كاتب الموضوع هو اللي بيتعب اذا كثر مواضيعه وحنا مافيه احد منا ملزم انه يرد ولكن اذا كنت ودك تنفع اخوك المسلم وتفيده عطه الراي اللي تقدر عليه او ادع له بالتوفيق لو ماعندك شيء عن الموضوع ..

شكرا للجميع وننتظرك ياكاتب الموضوع وش يطلع الصوت منه
GMC 111
17/06/2011, 03:06 AM
بيض الله وجهك اخوي فهد بن مشبب وانا اشهد انك ذيبان

جربنا الطريقه ورفعنا الموتر وطلع الخراب من الفلنجه

الله يجزاك خير ويستر عليك ومالك الى الدعاء انشاء الله
GMC 111
17/06/2011, 09:52 PM
حصل خير إن شاء الله وأعتذر على هذه المداخله

بالتوفيق

عذرك مقبول يابعدي وماصار الى الخير :good2:

وانشاء الله انك اقتنعت :p
بدوي جنوبي
18/06/2011, 12:31 AM
أذكر نوع سيارتك
وموديلها ؟

أقرا الموضوع الاول
الفلنجه معلومات وصور موضوع مهم (http://www.mekshat.com/vb/showthread.php?t=404665)
فلنجة الهوب كيف تعرف انها أصلى لسيارات الدفع الرباعى (http://www.mekshat.com/vb/showthread.php?t=415132)
GMC 111
20/06/2011, 09:43 AM
لاهنت وبيض الله وجهك
بوعبدالعزيز84
20/06/2011, 11:20 AM
انتبه لااحد يقولك بغيير لك بيرنق لحاله الفلنجة الاصلية تجي كامله مع البيرنق غييرها كامله باصلية وريح نفسك
GMC 111
20/06/2011, 11:53 AM
انتبه لااحد يقولك بغيير لك بيرنق لحاله الفلنجة الاصلية تجي كامله مع البيرنق غييرها كامله باصلية وريح نفسك


لاهنت ياذيبان