كلمات اشوفها هنا كثير ولا افهم وش معناها

[m3axx]

السلام عليكم
انا من سكان الرياض اشوف هنا في قسم الصيد ناس يستخدمون كلمات غريبه ولا مره مرت علي بلغة العربية :mad::mad: فرجاء استخدام العربية الفصيحة عشان كل الناس تفهم
وياليت توضحولي معاني هل كلمات طبعا هذي مو كلها بس هذي الي اشوفها تتردد كثير وكل ما اشوفها اقعد احاول افهم معنى الكلمة من الجملة
وش معنى
جلب او يجلبون
حدق او يحدقون
لعف او يلعفون
ميدار
وش تقصدون بلصنارة ؟؟ او بلسنارة انا الي اعرفة ان الصنارة هي العصى الطويلة يجي طولها مترين على الاقل وفي منها يوصل 4 متر تنزل منها حبل وتصيد عن طريقها السمك
انا هذا الي اعرفه عن الصنارة لحد ما شفت اليوم موضوع واحد
كاتب الدفاع المدني والطوارئ يستخرج صنارة من ساعد شاب بعد ان دخلت الصنارة في ساعده
كنت برد عليه وقوله
ارحم عقولنا ياشيخ لا عاد تهك علينا مره ثانيه شلون صنارة طولها مترين تخش بساعد الرجال بس
لقيت اول رد تحته واحد ثاني يقول مره دخلت الصناره في اصبع من اصابع يده :eek::eek:؟؟؟؟؟؟
وش تصدون بأسياخ شوي او شي زي كذا يعني ؟؟؟؟؟؟؟؟؟؟؟؟ يخش بليدين والرجلين ؟
ووش الفرق بين الطراد والقارب
ووش معنى خثاق
وش معنى مجرور
اممممممم
هذا الي في بالي الحين بس في كلمات ثانيه لو تذكرت شي بجي اكتب:D

[m3axx]

اي كلمه مهمه مره دايم اشوفها
وش هي البنقله ؟ اتوقع ان معناها سوق سمك بس خل نتأكد

[فيراري]

وعليكم السلام

ههههههههههههههه والله انك ضحتني على هالصبح (حتى ام العيالي جتني تركض من الفجعه على الضحك )

حبيبي هذي مصطلحات بحريه وتختلف من منطقه لأخرى .

بالشرقيه لها اسماء تختلف عن الغربيه والشماليه .

صيد البحر نقوله حداق

حداق= صيد
يحدقون= يصيدون
يحدق = يصيد

ميدار = سناره ( اي انها السناره اللي يشك فيها الطعم )

اما ام مترين اللي تقول عنها انت هذي القصبه ( العصى ) عصى السناره .

بنقله هذي بجده = سوق السمك عندنا بالشرقيه

خثاق = حبار

وانت تامر وتناطر بس اكتب .

دمت بود

[موهبة]

وعليكم السلام ورحمة الله وبركاته..

أضحك الله سنك. هذا يا أخوي شي طبيعي, في أي تخصص تلقى مصطلحات. وبتكون غريبة عليك إذا ما لك في التخصص هذا.
على العموم فيراري ما شاء الله عليه ما قصر معك. بس فيه أشياء ما ذكرها أو ما جاوبها لعلها سقطت سهواً.
بعض الإجابات راح تكون بالصور إن شاء الله تكون واضحة.
جلب = حداق = صيد. وزي ما ذكر النوخذه فيراري المصطلحات تختلف أحياناً من منطقة لأخرى.


الميدار= هذي صورته وله أشكال كثيرة

http://www.up-king.com/almaciat/69563qtp9ajik4kpqxzs.jpg

اللعَف أو الطُعُم = هو اللي تشك أو تشبك فيه حاجة تجذب فيها السمك مثل ربيان "معروف" أو خثاق = حبار وهذي صورته. وأنواع الطعوم أو اللعف كثيرة ولكن هذولي نوعين منها "أقصد الربيان والخثاق".

http://www.up-king.com/almaciat/cxwfufnatg7d0r2sfxhw.jpg


وهذا الخثاق أو الحبار بعد التقطيع عشان يصير جاهز وتركبه أو تشكه في الميدار
http://www.up-king.com/almaciat/5j1jiv7zvunjg8q1urda.jpg

بعض الناس يسمي الميدار سنارة, وعلى كل حال عشان تفرق, الناس يسمون السنارة الطويلة اللي تتكلم عنها يسمونها قَصَبَة.

أما الطراد والقارب اللي أنا أعرفه إنهم زي بعض, ما فيه فرق إلا العرف أو المصطلح.
وإذا أنا غلطان أتمنى أحد يصحح لي.

أما معنى مجرور, فهذا يعني أن تمشي بالطراد بسرعة خفيفة وترمي خيط القصبة على سبيل المثال, ويكون في الميدار سمكة صغيرة حية أو ميتة أو يكون مركب في نهاية الخيط خداعة أو كذابة "نفس الإسم" ويكون مشبوك فيها ميدار أو أكثر
لتوهم السمكة المطلوب إصطيادها أن هذه الخداعة سمكة حقيقية.

وفي النهاية إذا تبغى تستفيد شوف أعلى الصفحة مكتوب "باحث قوقل لمكشات" إكتب اللي تبغاه وبتلقى أشياء فيها تفصيل وشرح كافي من ناس ما شاء الله عليهم لهم خبرة في هذا المجال. وإذا شي أشكل عليك لا تتردد إخوانك في المنتدى حاضرين وإن شاء الله كلنا ما راح نقصر معك. وشكراً لك وللأخ فيراري مرة أخرى.

يا جماعة إذا فيه خطأ مني سواءً مصطلح أو غيره أرجوكم عدلولي وبارك الله فيكم.

[ساهر1911]

فيراري وموهبه ما قصرتو كفيتو ووفيتو الله يعطيكم العافيه منورين الخيمه وربي

[shaheen70]

وعليكم السلام ورحمة الله وبركاته..





أضحك الله سنك. هذا يا أخوي شي طبيعي, في أي تخصص تلقى مصطلحات. وبتكون غريبة عليك إذا ما لك في التخصص هذا.

على العموم فيراري ما شاء الله عليه ما قصر معك. بس فيه أشياء ما ذكرها أو ما جاوبها لعلها سقطت سهواً.

بعض الإجابات راح تكون بالصور إن شاء الله تكون واضحة.
جلب = حداق = صيد. وزي ما ذكر النوخذه فيراري المصطلحات تختلف أحياناً من منطقة لأخرى.






الميدار= هذي صورته وله أشكال كثيرة




http://www.up-king.com/almaciat/69563qtp9ajik4kpqxzs.jpg




اللعَف أو الطُعُم = هو اللي تشك أو تشبك فيه حاجة تجذب فيها السمك مثل ربيان "معروف" أو خثاق = حبار وهذي صورته. وأنواع الطعوم أو اللعف كثيرة ولكن هذولي نوعين منها "أقصد الربيان والخثاق".




http://www.up-king.com/almaciat/cxwfufnatg7d0r2sfxhw.jpg





وهذا الخثاق أو الحبار بعد التقطيع عشان يصير جاهز وتركبه أو تشكه في الميدار

http://www.up-king.com/almaciat/5j1jiv7zvunjg8q1urda.jpg





بعض الناس يسمي الميدار سنارة, وعلى كل حال عشان تفرق, الناس يسمون السنارة الطويلة اللي تتكلم عنها يسمونها قَصَبَة.




أما الطراد والقارب اللي أنا أعرفه إنهم زي بعض, ما فيه فرق إلا العرف أو المصطلح.

وإذا أنا غلطان أتمنى أحد يصحح لي.





أما معنى مجرور, فهذا يعني أن تمشي بالطراد بسرعة خفيفة وترمي خيط القصبة على سبيل المثال, ويكون في الميدار سمكة صغيرة حية أو ميتة أو يكون مركب في نهاية الخيط خداعة أو كذابة "نفس الإسم" ويكون مشبوك فيها ميدار أو أكثر

لتوهم السمكة المطلوب إصطيادها أن هذه الخداعة سمكة حقيقية.





وفي النهاية إذا تبغى تستفيد شوف أعلى الصفحة مكتوب "باحث قوقل لمكشات" إكتب اللي تبغاه وبتلقى أشياء فيها تفصيل وشرح كافي من ناس ما شاء الله عليهم لهم خبرة في هذا المجال. وإذا شي أشكل عليك لا تتردد إخوانك في المنتدى حاضرين وإن شاء الله كلنا ما راح نقصر معك. وشكراً لك وللأخ فيراري مرة أخرى.




يا جماعة إذا فيه خطأ مني سواءً مصطلح أو غيره أرجوكم عدلولي وبارك الله فيكم.






وعليكم السلام

ماقصروا الربع فيراري وموهبة عطوك من الأخير

وهذه المصطلحات شأنها شأن مصطلحات في الصحراء لايعلما أهل البحر لذا يتوجب على أي شخص يريد معرفة أي مصطلح
البحث عنه ومعرفتة كما فعلت بارك الله فيك
تمت أجابتك وإفادتك وأرجو أن تكون المعلومة وصلت
بعد أذن مشرفي الخيمة
يغلق الموضوع حسب أفادة الأخوة