أبي أشتري جهاز وش الزين؟ ساعدوني!!!!!!!!!

[العجمي]

السلام عليكم

يا شباب ودي أشتري جهاز بس ما دري وش الزين فيها أخوكم غشيم بس اللي أبيه يكون جهازيركب في السيارة ويكون مداه بعيد.

وأبيلي معه أنتل قوي قولولي وش أقوى أنتل.

ولا تنسون على كم اسعارها؟

تحياتي :)

[مخاوي الهايلكس]

وعليكم السلام
الحقيقه انصحك تشتري ايكوم 2100
والانتل انصحك بـ ستيشن اربع وصل
وانا اعطيك رايي واسئل شقران والخبير وشقرديلانهم اصحاب الخبره.

[الخبير]

السلام عليكم
شكراً يا مخاوي على الثقة .

الصراحة انا كان عندي جهاز آيكوم 2100 ، ثم غامرت و بعته و شريت آيكوم 8000
الصراحة اول ما نزل ما كان له سوق و يقولون ما يستحمل و على طول يخرب. انا ابي افهم كيف على طول يخرب وهم توهم منزلينه في السوق :confused:

لكن بعد ما شفت الجهاز عند شقران و قعد يسولف لي عنه . زان اكثر في عيني.

انا اقصى مسافه وصلتها بالآيكوم 2100 هي 50 كلم و كان انتلي دايموند ، و خويي معه آيكوم 2100 و انتل دايموند L22 .

اقصى مسافة وصلتها بالآيكوم 8000 هي 300 كلم :eek: و انتل لارسن، كنت استقبل عنيزة بزي.
و بعد زيادة الامبي صرت استقبل عنيزة بعض المرات 5 ابراج.

يمكن تقول ليش امبي ؟؟؟؟ هو تراه وقت الحاجه ينفع. مثل الجوال إذا كان ما يستقبل في منطقة ما لها ارسال ، تقوم و تحط له مقوي يزيد استقباله من 30 إلى 40 كلم.

طبعاً فيه اشياء بسيطة زدتها في السيارة عن باقي الناس مثل التأريض و الكيبل . و كل هذا تم تحت تعليمات شقران الموجودة اصلاً في المنتدى.

اي شئ زيادة تبي تسأل عنه ، او شئ ما قدت افيدك فيه شف الاخوان تراهم محترفين في المواضيع ذي
==========================

http://nobody.jeeran.com/jkduhpma1.gif

[مقيط]

السلام عليكم
أخوي الخبير ولا يهونون اخواني أنت تقول (( طبعاً فيه اشياء بسيطة زدتها في السيارة عن باقي الناس مثل التأريض و الكيبل )) 1ــ وش معنى التاريض 2ــ الكيبل المطلوب وش نوعه .

بعدين اخوي تقول (( اقصى مسافه وصلتها بالآيكوم 2100 هي 50 كلم و كان انتلي دايموند )) ممكن اسأل وش نوع الدايموند اللي استعملته وفيه شئ مساعد معه .

اسف على ازعاجك وكثر الأسئله مع ان الشباب ماقصرو .

أخوكم مقيط

[الخبير]

لو انك تتابع المواضيع القديمة ، لقيت مبتغاك ، لكن لا تخاف
اضغط هنا لموضوع التأريض (http://www.mekshat.com/vb/showthread.php?s=&threadid=1915&highlight=%CA%C3%D1%ED%D6)

و الكيبل إلي عندي نوعه rg8 هو نفسه إلي يستخدمونه للي في البيوت ، وافضل انواعه بلندن 9133
لكن عشان تشبك الكيبل هذا في السيارة يبغالك كونكتر عشان تشبكه.
المشكلة هي ان هذا الكونكتر مهوب موجود في السعودية. قولون انه موجود في قطر ، إذا كنت تعرف احد هناك تكفى تراي ابغا بكميات.

انتل الدايموند إلي تسأل عنه هو 285 العادي مهوب المطور ، و على فكرة ترى المطور و العادي واحد .
==========================

http://nobody.jeeran.com/jkduhpma1.gif

[مخاوي الهايلكس]

السلام عليكم
تسلم يالخبير على المعلومات الهامه الي يستفيدون منها الناس واسم على مسمى.

[مقيط]

ماقصرت أخوي الخبير على التوضيح والف الف شكر .

اسم على مسمى