كاشت في الحوش
15/06/2011, 02:03 PM
تحيه للجميع
نصيحه يا اخوان اللي بيغير طرمبة البنزين لا يقرب حقت الاند ولا اس اس ولا حقت الوكاله ابد ابد
لي تجربه بذكرها بالتفصيل
موتري يوكن 94 GT غيرة طرمبة البانزين حقة اللاند جلست معي فترة وخربت وغير وحده غيرها اعتقد اسمها دوكسن او حوله هالاسم وتقعد معي اقل من شهر وبدت تعطي مؤشر بالخراب وانتم تعرفون وش مؤشرها والسبب الرئيسي لهذا كله هو البنزين لازم ما ينزل عن الربع، أول ما ينزل على الربع اعرف ان الطرنبة بتجاوب معك في أي وقت وفي أي مكان
المهم بدت معي نفس المشوار احيانا تشتغل واحياناً لازم اضرب الخزان وتشتغل
الشاهد طلعت انا والشباب رحلة من الرياض الى جده ومن جده على الساحل الشمالي الغربي
السيارة في جده عطت مؤشر قوي بتغيير الطرنبة صارت اذا طفيتها لازم اصقع الخزان وبقوة وكذا مره الين يشتغل قلت للشباب خلونا نغيرها قالوا انت ماعندك سالفة الشغلة مو من الطرنبة ونا وياهم والشباب ماهم حولي
دعسنا من جده على ينبع وفي ينبع الصناعية وعند هوت بيتزا الساعة تقريبا 1 وعليها في الليل اخذنا عشا سفري وجينا نشغل قال اشتغل انت
نحاول نحاول نحاول نصقع نشوت مافيه فايده
لاحول ولا قوة الا بالله عاد في هالساعة وفي هالمكان ولا احد حولنا
وبرحمه من الله وبحبة خشم اشتغل وقلنا لازم ننام في يبنع والشباب مصرين انه المشكلة مو من الطرنبه
استأجرنا شقة ناموا الطيبين وانا ماقدرت انام ، موتري وليفي معلول
من الصبح نقزت واشغله من اول نقره اشتغل قلت حبيبي انت وانقز للصناعية واحوس واحوس وبالصدفة شفت نفس موتري مرفوع وفيه واحد تركي منزل خزانه وقفت موتري (ماطفيته) وسألته وش عند الحبيب ، قالي هذي الطرنبه قلت انا عندي نفس المشكلة وابي اغيرها والمشكلة توني مغير طرنبة لاند قال شوف انا اغير طرنبة بنز مرسيدس قوتها 900 أو 9000 وارهمها ترهيم وشوف شغلي وأخليها لك برى الخزان ومستقبلاً إذا إذا إذا خربت انت تغيرها بنفس تحل هالقفيز وهالقفيز وتغيرها وأغلب السيارات في ينبع هذي طريقتها قلت والسعر قال 1000 مع القطع
قلت اشوف وارجع لك
مشيت كذا واحد قالوا مالك الا هالتركي أو تركي ثاني في اول الصناعية رحت لذا لقيته راز خشمه وقالي مشغول
المهم رجعت للشباب وشرحة لهم الموضوع ومازالوا مصرين ان المشكلة مو من الطرنبه المهم قالوا مشينا للبحر قلت مشينا
نزلنا للطيب نشغل نشغل مافيه قاموا الشباب يصقعون في الخزان يحاولون وانا اتفرج قلت يالربع الله لا يهينكم جيبوا سطحه وهذي اخرة اللي ما يسمع الكلام وموتري انا بزينه
جابوا السطحة ونزلته عند التركي واتفقت انا وياه على تركيب طرنبة اصلي والمواصير يرهمها المنيوم ويركب صفايتين امامية خلفية واصليه (المنيوم)
واشتغل ابو ثلاث ساعات
وبفضل الله كانت لي خيره اني مازينتها في الرياض أو جده لأني يا اخوان اعرض لكم هالتجربة بعد استخدام تقريبا ستة أشهر والبانزين ماعبيه الا اذا نام البانزين نام يعني نام والحمدلله آخر همي طرنبة البانزين
والطرنبه ماكانها في الشاص
والحمد لله
الله ينفع بما كتبت والسلام عليكم
أخوكم
أبو أحمد
واعتذر على ركاكة الطرح لأني حبيت يكون الأمر واضح
نصيحه يا اخوان اللي بيغير طرمبة البنزين لا يقرب حقت الاند ولا اس اس ولا حقت الوكاله ابد ابد
لي تجربه بذكرها بالتفصيل
موتري يوكن 94 GT غيرة طرمبة البانزين حقة اللاند جلست معي فترة وخربت وغير وحده غيرها اعتقد اسمها دوكسن او حوله هالاسم وتقعد معي اقل من شهر وبدت تعطي مؤشر بالخراب وانتم تعرفون وش مؤشرها والسبب الرئيسي لهذا كله هو البنزين لازم ما ينزل عن الربع، أول ما ينزل على الربع اعرف ان الطرنبة بتجاوب معك في أي وقت وفي أي مكان
المهم بدت معي نفس المشوار احيانا تشتغل واحياناً لازم اضرب الخزان وتشتغل
الشاهد طلعت انا والشباب رحلة من الرياض الى جده ومن جده على الساحل الشمالي الغربي
السيارة في جده عطت مؤشر قوي بتغيير الطرنبة صارت اذا طفيتها لازم اصقع الخزان وبقوة وكذا مره الين يشتغل قلت للشباب خلونا نغيرها قالوا انت ماعندك سالفة الشغلة مو من الطرنبة ونا وياهم والشباب ماهم حولي
دعسنا من جده على ينبع وفي ينبع الصناعية وعند هوت بيتزا الساعة تقريبا 1 وعليها في الليل اخذنا عشا سفري وجينا نشغل قال اشتغل انت
نحاول نحاول نحاول نصقع نشوت مافيه فايده
لاحول ولا قوة الا بالله عاد في هالساعة وفي هالمكان ولا احد حولنا
وبرحمه من الله وبحبة خشم اشتغل وقلنا لازم ننام في يبنع والشباب مصرين انه المشكلة مو من الطرنبه
استأجرنا شقة ناموا الطيبين وانا ماقدرت انام ، موتري وليفي معلول
من الصبح نقزت واشغله من اول نقره اشتغل قلت حبيبي انت وانقز للصناعية واحوس واحوس وبالصدفة شفت نفس موتري مرفوع وفيه واحد تركي منزل خزانه وقفت موتري (ماطفيته) وسألته وش عند الحبيب ، قالي هذي الطرنبه قلت انا عندي نفس المشكلة وابي اغيرها والمشكلة توني مغير طرنبة لاند قال شوف انا اغير طرنبة بنز مرسيدس قوتها 900 أو 9000 وارهمها ترهيم وشوف شغلي وأخليها لك برى الخزان ومستقبلاً إذا إذا إذا خربت انت تغيرها بنفس تحل هالقفيز وهالقفيز وتغيرها وأغلب السيارات في ينبع هذي طريقتها قلت والسعر قال 1000 مع القطع
قلت اشوف وارجع لك
مشيت كذا واحد قالوا مالك الا هالتركي أو تركي ثاني في اول الصناعية رحت لذا لقيته راز خشمه وقالي مشغول
المهم رجعت للشباب وشرحة لهم الموضوع ومازالوا مصرين ان المشكلة مو من الطرنبه المهم قالوا مشينا للبحر قلت مشينا
نزلنا للطيب نشغل نشغل مافيه قاموا الشباب يصقعون في الخزان يحاولون وانا اتفرج قلت يالربع الله لا يهينكم جيبوا سطحه وهذي اخرة اللي ما يسمع الكلام وموتري انا بزينه
جابوا السطحة ونزلته عند التركي واتفقت انا وياه على تركيب طرنبة اصلي والمواصير يرهمها المنيوم ويركب صفايتين امامية خلفية واصليه (المنيوم)
واشتغل ابو ثلاث ساعات
وبفضل الله كانت لي خيره اني مازينتها في الرياض أو جده لأني يا اخوان اعرض لكم هالتجربة بعد استخدام تقريبا ستة أشهر والبانزين ماعبيه الا اذا نام البانزين نام يعني نام والحمدلله آخر همي طرنبة البانزين
والطرنبه ماكانها في الشاص
والحمد لله
الله ينفع بما كتبت والسلام عليكم
أخوكم
أبو أحمد
واعتذر على ركاكة الطرح لأني حبيت يكون الأمر واضح