المساعد الشخصي الرقمي

مشاهدة النسخة كاملة : رايكم في الاكسبلورر الدبل موديل 2001 الى 2003


أَبوابراهيم
15/06/2011, 06:39 PM
رايكم يهمني

ويهمني اكثر المجربين واهل الخبره

رايكم في الاكسبلورر من 2001 إلى 2003 من كل النواحي
أَبوابراهيم
17/06/2011, 02:17 PM
ياهل العلم
كشات 64
18/06/2011, 05:02 PM
لا تقربهن
مشاكل القير فيها كثيره
و ما تفيد فيها الحفله حتى لو تحطها بعيونك خساير في خساير
مره كورونه خربانه
مره صوت ما تدري وشو
الخ الخ الخ
كشات 64
18/06/2011, 05:17 PM
بعدين عندك جيوب لاندكروزر تويوتا
جبارات بمعنى الكلمه
موديلات من 1991 الى 1999 عيبهن الكلبليتر و ما عندك مشكله تشتري واحد جديد من الوكاله و تنسى لمدة 3 او 4 سنين و اسعارهن حسب ما سمعت 35 الف
و ازيدك من البيت شعر خخخخخخ و العكس صحيح انا معاي اكسبلورر 2006 من الوكاله هو زين لكن الياباني اقوى و اكد و اوفر لجيبك و فلوسك ليييش لانك خلال 3 سنوات راح تسوي لها صيانه مرتين او ثلاث مرات بينما الياباني مره و حده او يكمل للرابعه
أَبوابراهيم
20/06/2011, 05:29 PM
وانا خوك يقولك المثل مد رجليك على قد لحافك

وانا مابي الموتر علشان البران انا 90% بالديرة و 10% بالبر وطلعتي للبر ماهيب تطعيس اللهم ان طلعت طلعت بجنب شعيب ولا طلعت باماكن قريبه حقت صيد وطلعتي بالموتر بالسنة للبر مرتين الى اربع فقط

وايضا استخدامي للموتر قليل لاني مكتفي بموتر ثاني

طبعا الموتر لازم ينفحص قبل كل شيء من قير ودفرنس ومكينة .. الخ
فما ادري يا اخوان لو لقيتلي نظيف بالحيل ممشاه دون او فوق المية بشوي تنصحوني فيه
عكس التيار
21/06/2011, 12:14 AM
كان معي 2005 يا انه بهذلني في دفرنسه فيه ونه مزعجه جدا جدا مع ان كرونته السنن فيها سليييييمه لكن عيبه المصنعي يصير في الرمانات الاربع اللي في الدفرنس الخلفي تجي ضعيفه لازم كل فتره تغيرها وتغييرها مكلف 1500 ريال تقريبا ومايروح الصوت يخف ثم مع الوقت يزود

ثاني شي قيره فيه طقه تجيب الوسواس مع انها طبيعيه لكن تعتبر عيب مصنعي (( من 2002-2005 )) نفس العيب المصنعي دفرنس خلفي وقير

ولا انسى اللي كان معي فيه قرقعه عجيبه (( ديكورات )) مادري هل كلهن كذا او موتري بالذات

لذالك اخوي ابوابراهيم شوري عليك انحش تراه يغرك رخصه اقيامهن تاخذ 2005 على 40 وحولها لكن بيشغلك في قطع الغيار وايضا اغلب قطع غياره ماتحصلها الا في الوكاله

ولا هو تبيه خط تبيه نفود خذ رجال مع ان عزمه ضعيف الا انه في النفود يبيض الوجه
أَبوابراهيم
21/06/2011, 01:36 PM
صادق وانا خوك سمعت عن هالمشاكل قبل من ملاك الكسبلورر والشريطية وذكرو ان حل مشكلة الدفرنس انك ترفق بالحيل على الموتر ..

والحمد لله "ماجاء الرفق في شيء الا زانه"
أَبوابراهيم
22/06/2011, 02:14 PM
الي عنده علم لا يبخل علينا .. جزاه الله كل خير وحرم الله وجهه عن النار
ددسن72
22/06/2011, 02:52 PM
السلام عليكم ورحمة الله وبركاته

كيف الحال؟

انا بقولك الي انا اعرفه كان معي 2005اكسبلورر الرساوه مافيه مقارنه بينه وبين الاكسبديشن الاكسبديشن ازين واجد

لان كان معي اكسبديشن 2004 رساوته مافيها كلام كنك راكب مرسيدس 2011 ومريح في السفر وكل شي فيه زين والاكسبديشن مايفرق عن الاكسبلورر في السعر كثير تقريبا 15000 الف او اذا كان نظيف 20000 الف واخيرا الاكسبديشن خذ وانت مرتاح انا ماظمنلك الاكسبلورر اظمنلك الاكسبديشن