خفس في الإبريق :: كيف التعامل معه ؟؟

[فارس البير]

بسم الله الرحمن الرحيم

السلام عليكم ورحمة الله وبركاته

شريت إبريق هندي إستيل فيه خراب مصنعي ولا استعملته إلا عقب فتره المهم الخراب خفس صغير في نصه على جنب وش الحل معه يالغالين ..

[عطيب ومايغيب]

اقرب باخره متوجهه لهند ارسله معها وهم يصلحونه

[انا العيساوي]

ياخوي حطه تحت الكفر

واشتر واحد غيره من عند الصانع
ببريده
وريح راسك

[ابوصالح77]

أهم شيء يقضي اللزوم

[الطنب]

اقرب باخره متوجهه للهند ارسله معها وهم يصلحونه
اعجبنى هذا الرد ههههههههههههههههههههههههه
صاحب الموضوع هل حاولت تعديله تراها سهله طق لين يتعدل

[جيبي جايزلي]

ودي اقولك لحمه بس ماقد سمعت ان فيه احد لحم بريق

[Abo gssar]

بالله انت الحين صادق ....يعني هذي مشكلة ...ولا بس فاضي ...ولا وش القصة بالظبط ..هي وقفت على براد معفوط ...
الصلاح من الله

[بوخليفه77]

وعليكم السلام ورحمة الله وبركاته

اخوي مثل ماقال اخونا خذلك واحد جديد وفك راسك من الوجع
والله يوفقك
تحياتي

[الشنه]

انت صدق


الله يصلحك ويهديك
اشتر غيره
يا ناس قد شفتو بريق فيه رقعة لحام

[بن.حسن]

وعليكم السلام ورحمة الله وبركاته

اخوي فارس البير

لا يضيق صدرك ويتكدر خاطرك

ابشر بالعوض ولك مني واحد هديه

بس علمني كم مقاسه ويوصلك الى حدك

تقبل تحيتي

------

[abuslman88]

للبيع ودي اشتريه


ههههههه انطله واشتر غيره

[عطيب ومايغيب]

اقرب باخره متوجهه للهند ارسله معها وهم يصلحونه
اعجبنى هذا الرد ههههههههههههههههههههههههه
صاحب الموضوع هل حاولت تعديله تراها سهله طق لين يتعدل

في البدايه اشكرك اخوي على تعليقك على مداخلتي

عاد انت ياصاحب الابريق والله لو كان ابريق الجني الي بدعاية MBCحق ابغاء ثلاث ملايين هههههههههههه

ياصبح الموضوع لااعلم عن مقصدك ولااكن ارسلي رقم حسابك على الراجحي وخذ لك هديه من اخوك عطيب 100ريال والتوفيق حليفك

[ابو سويلم]

ودي اقولك لحمه بس ماقد سمعت ان فيه احد لحم بريق

انا لحمة ابريق عند ورشة راديترات
شريته جديد كان فيه تهريب

[الصمان 2]

وعليكم السلام ورحمة الله وبركاته


اخوي فارس البير

لا يضيق صدرك ويتكدر خاطرك

ابشر بالعوض ولك مني واحد هديه

بس علمني كم مقاسه ويوصلك الى حدك

تقبل تحيتي

------







بيض الله وجهك أخي بن حسن


وكثر الله من أمثالك .




.

[النتاوي]

بصراحة : هنا المحك ..
الرجال يقول الابريق فيه وفيه ويبي دوا (حل)
ومعضم الردود : ارمه ، انطله ، اشتر غيره ......
ليه يا جماعة ..

إذا كان الخراب بسيط وسهل تصليحه

ليه ها الإسراف اللي ماله داعي

حتى لو البراد من أبو 15 ريال ..

جديد وأرميه .. إذا يتصلح بـ 2 أو 5 أفضل من 15

فما بالك لو الابريق من الأنواع الغالية ..

يا جماعة السرف مو زين

وسبب محق البركة

بعض الناس 15 ريال عشاه هو وعياله

وبعضهم غذا القطاوة

أتمنى مراعاة مشاعر الآخرين في العموم

ولا أعني كاتب الموضوع

لكن بصراحة استغربت من بعض الردود

خلجات نفس >>> أبعثها نصيحة للشباب

[فارس البير]

مشكورين يا جماعه عالردود .. والموضوع لم يفتح لضحكـ السؤال جاد من عنده جواب ولا يكرمنا بسكوته
وبالنسبه للإخ الظريف عطيب مكانكـ ماهو بين الرجال .

بانتظار الافاده من الأخوان

[زايد بن بدران]

جرب غرا حار بارد

[النتاوي]

جرب غرا حار بارد

مضر مع الحرارة العالية للنار ..

[سوبر شل]

زي ماقالو لك الشباب

اقرب باخره للهند

[بن.حسن]

-----------


يقول الله تعالى : ( يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ وَلَا نِسَاءٌ مِنْ نِسَاءٍ عَسَى أَنْ يَكُنَّ خَيْرًا مِنْهُنَّ وَلَا تَلْمِزُوا أَنْفُسَكُمْ وَلَا تَنَابَزُوا بِالْأَلْقَابِ بِئْسَ الِاسْمُ الْفُسُوقُ بَعْدَ الْإِيمَانِ وَمَنْ لَمْ يَتُبْ فَأُولَئِكَ هُمُ الظَالِموُن )
[ الحجرات : 11 ]


-----

[هدااج 2008]

>>>
الاخ فارس البير
حياك الله
وانا اعتذر لك عن بعض الردود الغير مفيده
وانت طرحت الموضوع في منتدي مكشات الغني
برجاله وافكاارهم النيره والمفيده
وعلى كل شخص الوقوف بجانب اخيه المسلم
بكل صغيره وكبيره
الحل وهو اجتهااد
انك تروح لورشه خاصه بالاستيل
عندهم ادوووات للتعديل تتناسب مع اي قطعه تجيهم
سواء ابريق ولا غيره
وهم فااتحين الورشه يترزقون الله
وصدقني راح يعدله لك بدقيقه
هذا اللي عندي
والله يوفقكـ دنياء واخره
.

[بواسامه]

لحمة نقطة نحاس من محل تبريد وبيزين ان شاء الله

[ابو عزيززز]

اخوي


الحل هو الطرق


اذا كنت حريص على البريق وتبي تصلحه فمالك الا حلين


الاول التلحيم


والثاني الطرق


اي انك تطرق مكان الخفس حتى يتمدد الحديد ويقفل الخفس وهالطريقه كانت تستخدم قديما لسد الخفوس في الاواني






والاخوان اللي ما اقتنعوا بالطرح


خل نأخذها من جانب آخر


لنفرض انكم في البر او في مكان بعيد ونائي وانشق البريق او القدر ومافيه مكان تشترون منه جديد


ماذا تعملون حتى تتمكنو من استخدام البريق او القدر او اي اناء انتم في حاجه اليه


ماهو الحل؟؟؟؟



وسلامتكم

[عطيب ومايغيب]

مشكورين يا جماعه عالردود .. والموضوع لم يفتح لضحكـ السؤال جاد من عنده جواب ولا يكرمنا بسكوته
وبالنسبه للإخ الظريف عطيب مكانكـ ماهو بين الرجال .

بانتظار الافاده من الأخوان

كل الاخوه افادوك وش عاد تبي شكلك تبي قصيده هههههه

بنسبه لمكاني اوكد لك مافيه ابريق مطعوج يا للحيه الغانمه

[الرحال2222]

ياخي اصلا اذا ماجا البراد اسود محروق من الجمر والنار وفية عفطة بالجنب احس الشاهي ما يزبط ولا يكيف المخ

[wafi4sa]

إن شاء الله تجد الحل المناسب
الله يوفقك ويسر امرك
ارجوا من الأخوه الأفاضل اتباع هدي محمد
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ
(( مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلَا يُؤْذِ جَارَهُ وَمَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيُكْرِمْ ضَيْفَهُ وَمَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيَقُلْ خَيْرًا أَوْ لِيَصْمُتْ))
أخرجه البخاري ومسلم

[storm way]

ياخوي حطه تحت الكفر

واشتر واحد غيره من عند الصانع
ببريده
وريح راسك



للبيع ودي اشتريه


ههههههه انطله واشتر غيره





اقرب باخره متوجهه للهند ارسله معها وهم يصلحونه
اعجبنى هذا الرد ههههههههههههههههههههههههه
صاحب الموضوع هل حاولت تعديله تراها سهله طق لين يتعدل




في البدايه اشكرك اخوي على تعليقك على مداخلتي

عاد انت ياصاحب الابريق والله لو كان ابريق الجني الي بدعاية MBCحق ابغاء ثلاث ملايين هههههههههههه

ياصبح الموضوع لااعلم عن مقصدك ولااكن ارسلي رقم حسابك على الراجحي وخذ لك هديه من اخوك عطيب 100ريال والتوفيق حليفك


جاء بيكحلها واعماها


وعليكم السلام ورحمة الله وبركاته

اخوي فارس البير

لا يضيق صدرك ويتكدر خاطرك

ابشر بالعوض ولك مني واحد هديه

بس علمني كم مقاسه ويوصلك الى حدك

تقبل تحيتي



شوفوا الفرق بين الاخوان اللي ما تدري وشلون بربي خلقهم

هل هي شطاره ولا خفة دم

وبين بن حسن

وانا في الصفحه الاولى واقول الله درك يا بن حسن تقول وتطول وفعلك غانم يا وجه الخير

وبعدين اللي داخل ويستخف دمه تراها مهي زينه في حقكم ولا في حق الرجال

استحو على وجيهكم هذا اللي اقدر اقوله لكم

[D.luffy]

الحل جب يد نجر ثمين دق الخفس الين يتواسى (ينسد)

[حسن الشمالي]

الامر هين يا اخوان ماحصل الا الخير::::

وياصحب الابريق خذ العلم ااكيد::

قال لك الاخ ابو اسامة نقطة نحاس من محلات التبريد

وانا سيق وان جربت مر على اقرب محل ثلاجات وفريونات ويلحمه لك بريالين او 3 او 4::::

تحياتي:::

[no fear 78]

والله ما يسوى عليك يا صاحب الموضوع اشباب قطعوك

الحل عندي كرر هل كلمة ثلاث مرات او بتصلح

طنش لحاك ساجو سلجاكو

[جواد النفود]

والله من الكود اللي ما لمه داعي
هالحين اشغلت هالعالم علشان عفط ببريق
تبرع فيه لحدا هالضعوف اللي بالبر واشتر جديد يامال الغنيمه وبالك وان أخوك والتقصي الزايد..!!

[storm way]

والله ما يسوى عليك يا صاحب الموضوع اشباب قطعوك

الحل عندي كرر هل كلمة ثلاث مرات او بتصلح

طنش لحاك ساجو سلجاكو

لا تعليــــــــــــــــــــــــــــق

[قاصد الصمان]

لم اكن اتوقع ان يوجد في هذا الصرح الكبير
اناس بهذا المستوى من الاخلاق الهابطة وعدم الاحترام للغير
الا من خلال بعض هذه الردود الغريبة :eek:
********
اما انت اخي/ فارس
اعانك الله
ان كان الابريق مصنع من الاستيل
فالامر سهل
يوجد لحام كهرباء استيل في ورشة السيف للأواني ( الوكيل )
ستحصل مرادك عندهم ان شاء الله
تحياتي للجميع

[باشا]

[QUOTE=قاصد الصمان;6892567]
لم اكن اتوقع ان يوجد في هذا الصرح الكبير

اناس بهذا المستوى من الاخلاق الهابطة وعدم الاحترام للغير
الا من خلال بعض هذه الردود الغريبة :eek:
********



سامحك الله أخوي قاصد الصمان كيف تصف أخوة إختلفوا معك في طرحهم بالأخلاق الهابطة !!
قد نتفق وقد نختلف في آرائنا واطروحاتنا ولكن لا نصل في ردودنا للتجريح الذي يؤذي الآخرين ..فالإختلاف في الطرح لا يفسد للود قضية.
تابعت ردود الأخوة على موضوع الأخ صاحب الإبريق ولم تخرج في أغلبها عن الدعابه التي هي بحجم الموضوع المطروح.!!
لك ولجميع الأعضاء والزوار خالص ودي واحترامي..

[درباس فرناس]

الله يعينك ياصاحب الموضوع
ويكتب لك الأجر
الظاهر أن السنة هذي بتسمى عام الخفس ....هههه
معروفين ربعنا اصحاب معايير مايتركون الواحد بحاله
أذكر سنة من السنين كنا طالعين في سفر وقال واحد مسكين من الربع كلمة وصارت الكلمة عيارة عليه كل ما تذكر اسمه يقولون راعي ...
وتصدق أن جماعتنا لو أقول لواحد من الشيبان أسمي فلان بن فلان بن فلان مايعرفن لكن لو أقول عيارة الجد على طول أنت ولد ...
لذلك أنصحك غير المعرف وارتح من وجع الرأس ترى الربع الي هنا أشد من الشيبان مصايب متلتلة ....

[محب الشبه]

اقول عيب على بعض اللحى هذي الردود وسلام والله على خشم ابن حسن وكل رد يجمل الرجال يستفسر وطرتو فيه تعاليق وكلام فاضي ايه يازمن العجايب

[رسيس نجد]

يمكن لو لحم يطلع طعم الحام في الشاهي

[ابا الصلابيخ]

الى صاحب الموضوع
سلاما من الله عليك لاتزعل من الاخوان ابدا يارجال يمزحون ويفرفشون

لكن ابعطيك حل زوين انت تقول مطعوج دخل عود بوسط البريق وطق مكان العفطة
راح يرجع تقريبا مثل اول

هذي احدى الطرق

وسلامتك