ساااااااااااااااعدوني

[كشات البراري]

السلام عيكم ورحمة الله وبركاته


انا عندي حصان ما يسمن رغم اني اعطيه علف و اعطيه شعير و وافي لاكن يسمن اشوي بس وش اسوي عشان يسمن زين
افيدوني لا هنتم

[عليم الظمى]

عطه دواء الديدان من البيطري وان شاء الله يتعافى

[كشات البراري]

مشكور الله يعطيك العافيه

[كشات البراري]

لاكن في شي غير الدود

[ابو قحط 505]

عطه عصار حق ديدان وحطه بفمه

وعطه بعد ما يخلص اكله بسعه

ولا تعطيه اكل اليوم اثاني

مثلاً عطيته الابره الساعه 6 المغرب

تعطيه الصباح الاكل الساعه6

...............

وبينزل الدود في الارض خل العامل يشله

سعر العصار من 25 الى 50 ريال

[الصــرح]

الخلطة السحرية

1) عصار ديدان على الريق
2) عصار ديدان من نوع آخر بعد إسبوعين
3)10سم كاتوزال الأصلي لمدة عشرة أيام
4) يضاف للماء أحماض أمينية مقدار كوب ماء
لمدة عشرة أيام

وبإذن الله ستدعي لي بالخير

[كشات البراري]

مشكور الله يعطيك العافيه

[عقيد حرب]

والله ياغالي الظاهر ان حصانك يعاني من الديدان لكن لابد من الابره وانصحك بالابره الامريكية طبعا الطريقة معروفة تصومة وتكممه هذا اهم شي عشان لاياكل رمل ولاروثة من الجوع ......الخ
السوال المهم هل الحصان شغال؟؟؟ اذا كان شغال فهذا طبيعي خله يركد شوي بحيث يكون مسار فقط
وفي الختام اذا كان يمشى حاله بحيث انة ماهو ضعييف لدرجه كبيره اركد علية بالاكل لانك بالصيف كل يوم ممغوص حصان وميت بسبب الشعير والوافي والنخاله وغيره اذا جاء الشتاء خلة ياكل لين يدوخ لكن بالصيف مانصحك
تقبل مروري

[كشات البراري]

انا شغلت الحصان تدريب عساف و الحصان بالقصيم و انا بالرياض و مبطي عنه يوم اني شفته متغير مره نحفان من كثر التشغيل و طبعا من قبل ما اشغله الحصان كان نحيف و يسمن اشوي و بعده ما صار يسمن مره