إقـلط ياناقـل طير الـوحـش وعطنى ميولـك ,,,،،،,,,،،،,,,،،،,,,،،،,,,،،،,,, [الأرشيف]

ربع خالي

17/06/2011, 02:54 AM

السلام عليكم ورحمة الله وبركاته

أسعد الله أوقاتكم بالخير والرضى .
كما وعدناكم يا أهل طيور الوحش ، جاكم موضوعكم .
جاك إتصال من تاجر طيور .
التاجر : السلام عليكم
انت ياصقار : وعليك السلام
التاجر : أبو فلان ؟
انت ياصقار : نعم معك ابو فلان
التاجر : يابو فلان انا بالمحل الفلاني وعندي طير للبيع
انت يالصقار : وش من الطيور
التاجر : من الطيور اللي انت تتمناها بس تعال
انت ياصقار : طيب علمني
التاجر : انت تعال وإن شاءالله يعجبك ولا رح نختلف على السعر
انت ياصقار : جايك إن شاءالله ، مسافة الطريق

ذا الحين عطنى وش تتمنا يكون طيرك اللي انت رايح تشتريه.
((السيبيري خارج الحسبه))
فقط طيورنا الدارجه عندنا

1 - نوعه :
2 - عمره :
3 - لونه ( صدر وظهر وراس) :
4 - قياسه :
5 - وزنه :
6 - عاري والا ضافي الريش :
7 - مكان طرحه :
8 - سعر الطير التقريبي اللي يرضيك ويرضي راعيه :

وبإذن الله تنقل ياصقار طيرك اللي تتمناه
تحياتي

سلطان 1

17/06/2011, 03:01 AM

صباااح الخير يابو سيف

عسااااك طيب والربع بخير

اقدر انا اشاااااااااااااااااارك

يابو سيف

الفيتو

17/06/2011, 03:18 AM

بسم الله الرحمن الرحيم
السلام عليكم ورحمة الله وبركاته
مساء الخير ياخوي /ربع خالي
.
حلمنا حلم ياليت الحلوم تجيب برهان .. انا وحـ ... ببيوت وقصور ٍ تبنا
,
1 - نوعه :حر
2 - عمره :فرخ
3 - لونه ( صدر وظهر وراس) :اشعل ظهر .. كاشف نحر .. وراس ابيض
4 - قياسه :18*18
5 - وزنه :1200
6 - عاري والا ضافي الريش :ضافي الشليل والشلايل عاري الصدر
7 - مكان طرحه :ايران
8 - سعر الطير التقريبي اللي يرضيك ويرضي راعيه :10000
يابو سيف
نشطتنا الله يطول عمرك ونفضت عنا كسل الصيف
مشكور
*
والسلام
AL Khapt Brother of Naif
الحجاز
15-7-1432هـ

منصور555

17/06/2011, 03:26 AM

السلام عليكم ورحمة الله
بيض الله وجهك على هالموضوع
تبي تفتح جرووح ياخووك

1 - نوعه :حر
2 - عمره :فرخ
3 - لونه ( صدر وظهر وراس) :رسلان
4 - قياسه :رسلان
5 - وزنه :رسلان
6 - عاري والا ضافي الريش :رسلان
7 - مكان طرحه :ايران
8 - سعر الطير التقريبي اللي يرضيك ويرضي راعيه :اللبيب بالاشارة يفهمٌ

ذراع الذيب

17/06/2011, 03:34 AM

السلام عليكم ورحمة الله وبركاته,,
صبحت بالخير يابوسيف,,

موضوع رائع تشكر عليه يامشرفنا القدير,,

1 - نوعه :حر
2 - عمره :بكر
3 - لونه ( صدر وظهر وراس) :ادهم من ساسه لراسه
4 - قياسه :17 عرض 16 طول
5 - وزنه :1250
6 - عاري والا ضافي الريش :عاري
7 - مكان طرحه :الساحل الغربي
8 - سعر الطير التقريبي اللي يرضيك ويرضي راعيه :15 الف وجاي ولو انها قليله في حقه
وان شالله يابوسيف اطرح طير هذي مواصفاته واقناه

مجهم

17/06/2011, 04:03 AM

وعليكم السلام ورحمه الله وبركاته
يصبحك ويمسيك بالخير وبالرضا والعافيه الله لايهينك اخوي .. ربع خالي

1 - نوعه :حر
2 - عمره :فرخ
3 - لونه ( صدر وظهر وراس) :الصدر ابيض,, الظهر حمر,, كاشف
4 - قياسه :طول 17-وعرض 16,5
5 - وزنه : مايهم
6 - عاري والا ضافي الريش :ضافي
7 - مكان طرحه : ايران او منغوليا
8 - سعر الطير التقريبي اللي يرضيك ويرضي راعيه : 8000 وتحت يرضيني بس مايرضي راعيه هههههههه

وتقبل مروري والله لا يهينك

منصور بن محمد

17/06/2011, 04:43 AM

وعليكم السلام ورحمة الله وبركاته

تخيروا يأهل القنص حر له شان ..... مسرولٍ ريشه على الساق ضافي
أقطم عديمٍ كامل الوصف مليان .... وافي الجناح من العذاريب صافي
من ماكرٍ ماينوجد كود بإيران .... صتيمة من يمة الفرس لافي

ارحب يابو سيف
كيف حالك بشرنا عنك ؟؟
وين صيفك هالسنه يابو سيف ;)

حطيتنا بين الحقايق والتمني يابو سيف ههههههه
وانتمنى واسمعوا وش نقووول :good2:

1 - نوعه : حـر
2 - عمره : فـرخ
3 - لونه ( صدر وظهر وراس) : اشـعل صافي ظهر وياماحلا الروس المغاتير
4 - قياسه : 18×18
5 - وزنه : وزن الي يعشينا معلقات الذبايح هههه
6 - عاري والا ضافي الريش : الصدر عاري وضافي الشلايل ومسرول
7 - مكان طرحه : ايراااااان
8 - سعر الطير التقريبي اللي يرضيك ويرضي راعيه : اشهد انه بهالوصاااااف غااااااااااااالي ههههههههه
كم تتوقع سعره يابو سيف ؟؟ :l

تسلم يمناك يابو سيف ولا عدمناك

تستاهل التقدير والطيب مردوف

أخـوك
منصور بن محمد[/SIZE][/CENTER][/B]

ملاعب الريح

17/06/2011, 04:48 AM

صبحكم الله بالخير جميع

مشكور على هالموضوع الرائع يبو سيف

1 - نوعه : حر
2 - عمره : بكر أو ثنو
3 - لونه ( صدر وظهر وراس) : ما يهمني
4 - قياسه : 16,5 طول 17,5 عرض
5 - وزنه : ما يهمني
6 - عاري والا ضافي الريش : عاري نحر وشليله ضافي
7 - مكان طرحه : منغوليا , فارس
8 - سعر الطير التقريبي اللي يرضيك ويرضي راعيه : من 20 وجاي

تقبل مروري ومشاركتي ملاعب الريح

راعي Gsham

17/06/2011, 04:50 AM

1- نوعه :حر
2 - عمره :فرخ او قرناس هوى بكر
3 - لونه ( صدر وظهر وراس) :احمر صافي
4 - قياسه :17 في 17
5 - وزنه :1200
6 - عاري والا ضافي الريش : عاري ضافي شليل
7 - مكان طرحه :ايراني او منقؤلي
8 - سعر الطير التقريبي اللي يرضيك ويرضي راعيه :15 الف على هاذي لمواصفات المذكوره

وبإذن الله تنقل ياصقار طيرك اللي تتمناه
تحياتي

الخبت الشمالي

17/06/2011, 04:57 AM

السلام عليكم ورحمة اللة

.
1 - نوعه : شياهين بحر
2 - عمره :فرخ
3 - لونه ( صدر وظهر وراس) : اسود
4 - قياسه :ط 15 ع16
5 - وزنه :مايهم
6 - عاري والا ضافي الريش :عاري
7 - مكان طرحه :مايهم دامة وحش
8 - سعر الطير التقريبي اللي يرضيك ويرضي راعيه :10000
ومشكور على هالموضوع لاهنت

راشد حسين

17/06/2011, 05:28 AM

السلام عليكم ورحمت الله وبركاته

الله يعطيك العافيه اخوي /ربع خالي

على الموضوع الطيب ودايم مميز الله يطول بعمرك

وبخصوص الموضوع

1 - نوعه : شاهين بحري
2 - عمره : بكر خلوي
3 - لونه ( صدر وظهر وراس) : يكون الجنس نادر
4 - قياسه : 15ونص طول *16ونص عرض
5 - وزنه : 1200
6 - عاري والا ضافي الريش :
7 - مكان طرحه : العراق
8 - سعر الطير التقريبي اللي يرضيك ويرضي راعيه : 25000 ان كان اول الموسم

Turki1

17/06/2011, 06:17 AM

ابنصح اللي يشتري بالركادي ... لا ياخذ اللي بالقنص يبتلش فيه

لا ياخذ الا مدرجات الثنادي ... اللي يجي شبر ٍ وزود ٍ ثناديه

فرخ ٍ حمر من دون تعلوم صادي ... مافيه دقات ٍ طوال ٍ مواميه

ركزت عنده جهدتي وأجتهادي ... وحلفت ما يطلع مع شخص شاريه

عين العديم

17/06/2011, 06:36 AM

1 - نوعه : حر
2 - عمره : فرخ
3 - لونه ( صدر وظهر وراس) : اشعل صافي وراسه عازل
4 - قياسه : 17,5 في 17,5
5 - وزنه :1200
6 - عاري والا ضافي الريش : عاري من الريش
7 - مكان طرحه : ايران او العراق
8 - سعر الطير التقريبي اللي يرضيك ويرضي راعيه :
ماهي خساره فيه لاسقت خمسين ،،
الفٍ على اللي لاعبر يشبكونه ،،،
لوكان يلحقني من ورى سعره الدين
،،، صيده يسدد في عيوني ديونه

راعي مرعوب

17/06/2011, 07:17 AM

جاك يمهنا على ماتمنا
موضوع جميل وخليتنا نهوجس ومانرقد ونتمنا
1 - نوعه : حر
2 - عمره : بكر
3 - لونه ( صدر وظهر وراس) : اشعل صافي
4 - قياسه :١٧ طول١٧عرض
5 - وزنه :١٢٠٠
6 - عاري والا ضافي الريش : عاري وظافي شلايل
7 - مكان طرحه :الكويت السعوديه
8 - سعر الطير التقريبي اللي يرضيك ويرضي راعيه :٣٠٠٠

راعي مرعوب

17/06/2011, 07:19 AM

الطير التقريبي اللي يرضيك ويرضي راعيه :٣٠٠٠

٣٠،٠٠٠ من كثر التماني كتبتها

بن جدعان

17/06/2011, 08:21 AM

- نوعه :حر
2 - عمره :بكر
3 - لونه ( صدر وظهر وراس) :الراس ابيض والنحر ابيض وفيه دق والضهر احمر صافي
4 - قياسه :عرضه 17 ونص وطوله 17
5 - وزنه :1200
6 - عاري والا ضافي الريش :عاري ريش
7 - مكان طرحه :يران
8 - سعر الطير التقريبي اللي يرضيك ويرضي راعيه :1500 د.ك

عابر الموج

17/06/2011, 10:32 AM

الله يعطيك العافية يابو سيف الطير الي اتمناة طير الامير نايف اسمه جلمود جلس مع الامير الى قرناس ثامن ويلحقون فية على الفروخ موجود بمقناص الامير فيلم فيديو تقبل تحياتي

سطام ابو سعود

17/06/2011, 01:17 PM

يعطيك لله العافيه على الموضوع الجميل بارك لله فيك اخوي ابو سيف

mr-r

17/06/2011, 03:22 PM

1 - نوعه : حر
2 - عمره : بكر اخلوي
3 - لونه ( صدر وظهر وراس) : حمر مغتير ولا اشعل صافي راس والصدر ابيض
4 - قياسه : عرض 17.5 في طول 16.5
5 - وزنه : ماني من الي يوزن الطيور
6 - عاري والا ضافي الريش : عاري
7 - مكان طرحه : ايران
8 - سعر الطير التقريبي اللي يرضيك ويرضي راعيه : من 15 الف وتحت
وهذا الصور اقرب للوصفي الله لا يضره

http://store1.up-00.com/Jun11/ED213259.jpg

عاشق جلاد

17/06/2011, 05:35 PM

1 - نوعه :حر
2 - عمره :فرخ
3 - لونه ( صدر وظهر وراس) :غتر صدره ضهره اشعل راسه كاشف
4 - قياسه :عرض 19 وطوله 18
5 - وزنه :وزن الهدد
6 - عاري والا ضافي الريش :عاري وشلشله ضافي
7 - مكان طرحه :بلاد فارس
8 - سعر الطير التقريبي اللي يرضيك ويرضي راعيه :لوانه على السعر كان تمنيته بريال لالا السعر لو انه فيه هذي المميزات ابعطيه 50 الف

طيرحوران

17/06/2011, 06:18 PM

السلام عليكم ورحمة الله وبركاته
مساكم الله بالخير جميعا
موضوع شدني ومبطي مادخلت لكن بارك الله بهالموضوع اللي خلاني ادخل
المواصفات المطلوبه لدي في الآونة الأخيرة كما يلي
- نوعه :حر
2 - عمره :فرخ
3 - لونه ( صدر وظهر وراس) :أحمر مجاهيم راسه من بدنه ويعوضني بالريشه القطعة المسكته
4 - قياسه :16.5*16.5 - راهي عليها وزنة الهداد:1050
6 - عاري والا ضافي الريش :عاري الريش مسرول طرحه :باكستان
8 - سعر الطير التقريبي اللي يرضيك ويرضي راعيه :6000
والله يوفقني بالجناح المرهي والفعل الطيب
شاكر ومقدر الجميع

ابو سلطان العتيبي

17/06/2011, 06:31 PM

حياك الله يابو سيف
وحي ماجبت يالغالي
بالنسبة لي :
1 - نوعه :حر
2 - عمره :فرخ
3 - لونه ( صدر وظهر وراس) :الظهر أشعل و كاشف النحر، والراس كأنه زبيدية.
4 - قياسه : 17.5 في 17.5
5 - وزنه :1200
6 - عاري والا ضافي الريش :عاري الريش
7 - مكان طرحه :ايران
8 - سعر الطير التقريبي اللي يرضيك ويرضي راعيه :الى 20000 ريال مناسب لي.

تقبل تحيــــــــــــــــاتي
-

falcon 1

17/06/2011, 06:49 PM

السلام عليكم ورحمة الله وبركاته
ما شاء الله تبارك الرحمن
موضوع جميل يا بو سيف والله يعطيك العافيه
والله يا خوك ان عطيتك الوصف ما عاد راح اقدر ارقد هههههه

1 - نوعه : حر
2 - عمره : فرخ
3 - لونه ( صدر وظهر وراس) : الصدر والراس ابيض..اشعل صافي
4 - قياسه : 17 طول 17.5 عرض
5 - وزنه : 1200
6 - عاري والا ضافي الريش : عاري ريش ضافي شليل
7 - مكان طرحه : ايران
8 - سعر الطير التقريبي اللي يرضيك ويرضي راعيه : 4000 دينار كويتي

والله يرزقك يا بو سيف ويرزقكم يالربع بالطير الي تبونه .

اخوكم
فالكن 1

أخو المري

17/06/2011, 07:46 PM

مشكور اخوي ربع خالي على الموضوع الرائع

واشكر الاخوان اللي شاركوا والله يرزقهم بكل ماتمنوه

اما بالنسبة لي

ما اتمنى الا الله يكثر الحباري السنة الجاية والله يغنينا بحلاله عن حرامه
ويحسن خاتمتنا ,,,

ندوج بـ أشقر صافي الظهر والذيل @@ مطروح قد ريشة ظهره امحروقه
يطلع والى طلع . طـلع دربـيـل @@ زودً على طبـعه وطـلـعـه لـحــوقــه

والف شكر مره اخرى
تقبل مروري

أكستريما

17/06/2011, 08:25 PM

وعليكم السلام ورحمة الله وبركاته

1 - نوعه : حر
2 - عمره : فرخ
3 - لونه ( صدر وظهر وراس) : مجهم
4 - قياسه :عرضه 17 والطول 16 ونص
5 - وزنه :1100
6 - عاري والا ضافي الريش :عاري الريش
7 - مكان طرحه :تركمان نستان
8 - سعر الطير التقريبي اللي يرضيك ويرضي راعيه :من 10000 إلي 15000
الله يكتب إلي فيه خير

ربع خالي

18/06/2011, 01:53 AM

صباااح الخير يابو سيف
عسااااك طيب والربع بخير
اقدر انا اشاااااااااااااااااارك
يابو سيف

مرحبا بسلطان : تقدر تشارك ونص يالعتيبي ، شف لو تنمع عنك التهاجين ؟ إنكان شاركت من غير إستإذان :good2:

ابنصح اللي يشتري بالركادي ... لا ياخذ اللي بالقنص يبتلش فيه
لا ياخذ الا مدرجات الثنادي ... اللي يجي شبر ٍ وزود ٍ ثناديه
فرخ ٍ حمر من دون تعلوم صادي ... مافيه دقات ٍ طوال ٍ مواميه
ركزت عنده جهدتي وأجتهادي ... وحلفت ما يطلع مع شخص شاريه
كلام جميل ياتركي ولكن مالك عذر ، نبي مشاركتك حتى نشوف ميولك ,

الله يعطيك العافية يابو سيف الطير الي اتمناة طير الامير نايف اسمه جلمود جلس مع الامير الى قرناس ثامن ويلحقون فية على الفروخ موجود بمقناص الامير فيلم فيديو تقبل تحياتي

ياعابر الموج ماكل اللي نتمناه يحصل ، ولكن نبي وصوفك وميلولك في الموضوع للطير .

يعطيك لله العافيه على الموضوع الجميل بارك لله فيك اخوي ابو سيف
ربي يعافيك ويبجيك يابو سعود ، والاجمل تعطينا علومك وميولك.

مشكور اخوي ربع خالي على الموضوع الرائع
واشكر الاخوان اللي شاركوا والله يرزقهم بكل ماتمنوه
اما بالنسبة لي
ما اتمنى الا الله يكثر الحباري السنة الجاية والله يغنينا بحلاله عن حرامه
ويحسن خاتمتنا ,,,
ندوج بـ أشقر صافي الظهر والذيل @@ مطروح قد ريشة ظهره امحروقه
يطلع والى طلع . طـلع دربـيـل @@ زودً على طبـعه وطـلـعـه لـحــوقــه
والف شكر مره اخرى
تقبل مروري
العفو يالمري وردك طيب ونبي الاطيب اليا عرفنا ميولك ، وطبعها في اللسته.

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،

وياراعي رسلان نبي التوضيح لاهنت ولاتبخل علينا, :D

منصور بن محمد : مالي عد بسعر الوحش ولاتسألني عنه عطني سعرك والا مابيعك الطير :D

،،،،،،،،،،،،،،،،،،،،،،،

لاهنتوا يالربع على المشاركه وبيض الله وجيهكم
وتراني ملاحظ شي ومستغرب منه
ولكن مع المشاركات الجايه
يزول هذا الاستغراب

اخوكم ابو سيف

ركن برزان

18/06/2011, 02:29 AM

مرحبا اخوي ابو سيف

والله يما دقوووو على لكن الي في بالي ما احصله عنده..

- نوعه : حر
2 - عمره : فرخ ولا بكر
3 - لونه ( صدر وظهر وراس) : الصدر والراس ابيض..اشعل صافي
4 - قياسه : 17 طول 17.5 عرض
5 - وزنه : 1100
6 - عاري والا ضافي الريش : عاري ريش ضافي شليل
7 - مكان طرحه : ايران
8 - سعر الطير التقريبي اللي يرضيك ويرضي راعيه : 20000 ريال

تحاتوووووو

منصور بن محمد

18/06/2011, 03:12 AM

منصور بن محمد : مالي عد بسعر الوحش ولاتسألني عنه عطني سعرك والا مابيعك الطير :D

،،،،،،،،،،،،،،،،،،،،،،،

لاهنتوا يالربع على المشاركه وبيض الله وجيهكم
وتراني ملاحظ شي ومستغرب منه
ولكن مع المشاركات الجايه
يزول هذا الاستغراب

اخوكم ابو سيف

هلاااااابك يالعقيد
يابعدي ماضن اللي طرح الطير بهالاوصاااف يبي يبعه
كوده انه خبل ههههههه

وبالنسبه لاستغرابك لا تستغرب هذيك الديااااار حلاياهاااااا وفعلها بهددهاااا :D
ومزااااااين يابو سيف :eek:

أبو أمين

18/06/2011, 12:14 PM

سيبيري

16 في 18 سوووووبر وايت قرناس وحش بكر

ولا ما يمديني يا خساره

حبيت بس اشارك ولو ان النوعيه الي ابيها مرفوضه

راعي طلاع

18/06/2011, 02:51 PM

مرحبا يابو سيف ومرحبا بالموضوع تسمح لنا بعد نشارك يابو سيف

والظاهر ما انت برادني ياخوك

1 - نوعه : حر.........
2 - عمره : فرخ..........
3 - لونه ( صدر وظهر وراس) : الصدر مغتر والظهر حمر صافي والراس زبده.......
4 - قياسه : العرض 17.5 الطول 16.5 ................
5 - وزنه : يوم ينطرح وزنه 1200 صافي...............
6 - عاري والا ضافي الريش : عاري الريش ضافي السراويل..............
7 - مكان طرحه : فارسي مطروحن بالسعوديه ((الدبدبه )) قاطع وعابر..................
8 - سعر الطير التقريبي اللي يرضيك ويرضي راعيه : اقيامه خياليه ولكن كلن يبي الزين لعمره انا ودي انه من 20000 الف الى 25000 الف ريال طيب لي.......

وتقبل تحياتي يابو سيف ..................

ماجد 505

18/06/2011, 03:22 PM

السلام عليكم ورحمة الله وبركاته

اتمنى ان يكون مثل لاهوم طيراخوي الي في

توقيعي 17عرظ وفارط لاكن مااااات:(:(

wwmfs

18/06/2011, 04:33 PM

1 - نوعه :حر
2 - عمره :فرخ
3 - لونه ( صدر وظهر وراس) :اشعل كاشف الراس
4 - قياسه :17*17
5 - وزنه :1200وحول
6 - عاري والا ضافي الريش :عاري
7 - مكان طرحه : جبال فاارس -ايران
8 - سعر الطير التقريبي اللي يرضيك ويرضي راعيه : مانختلف ان شاء االله

مخلاب خامس

19/06/2011, 12:02 AM

1 - نوعه : بحرية
2 - عمره : بكر
3 - لونه ( صدر وظهر وراس) : سودا مثل العقاب تروعك لا عاينت فيها
4 - قياسه : 16 في 16
5 - وزنه : 1000
6 - عاري والا ضافي الريش : عاري
7 - مكان طرحه : مجيرمة
8 - سعر الطير التقريبي اللي يرضيك ويرضي راعيه : ما تعدا الاربعين

شعلة الحجاز

19/06/2011, 08:48 AM

السلام عليكم ورحمة الله وبركاته

شكرا يابو سيف على الموضوع الرائع

1 - نوعه : حر
2 - عمره : فرخ أوبكر
3 - لونه ( صدر وظهر وراس) : أحمرعادي وراسه أتكاشفه
4 - قياسه :17|17
5 - وزنه :1200
6 - عاري والا ضافي الريش :عاري
7 - مكان طرحه :الساحل الغربي
8 - سعر الطير التقريبي اللي يرضيك ويرضي راعيه : والله ودي أطرحه لكن السعر من العشرين وجاي وقليله في حقه ولكن أمنيه

خيال الهيلا

19/06/2011, 12:01 PM

السلام عليكم ورحمة الله وبركاته

بيض الله وجهك على هالموضوع

1 - نوعه :حر
2 - عمره :فرخ
3 - لونه ( صدر وظهر وراس)/مجهم اسود
4 - قياسه :طول 17-وعرض 17,5
5 - وزنه : مايهم
6 - عاري والا ضافي الريش :ضافي وظافي شلايل
7 - مكان طرحه : ايران او منغوليا
8 - سعر الطير التقريبي اللي يرضيك ويرضي راعيه :من 25000الى30000

صاحب نوماس

19/06/2011, 01:22 PM

فقط طيورنا الدارجه عندنا

1 - نوعه : حر
2 - عمره : قرناس بكر
3 - لونه ( صدر وظهر وراس) : ظهرة اشغل ومطحة كاشف وراسة كاشف
4 - قياسه :17.5*17.5
5 - وزنه :1400
6 - عاري والا ضافي الريش : عاري
7 - مكان طرحه :فارسي
8 - سعر الطير التقريبي اللي يرضيك ويرضي راعيه :السعر اللي يطلبة ماني مختلف معة دامة خاصني فية

والله اني عارف انة فالاحلام بس عن رغبتك يابو سيف

أخو المري

19/06/2011, 02:19 PM

مرحبابك ياربع خالي

وابشر بالميول ان شاء الله

ومشكور يابوسيف على الموضوع الرائع

1 - نوعه : حــر
2 - عمره : فــرخ
3 - لونه ( صدر وظهر وراس) : الظهر: مثل لون اللهيبة وصااافي الظهر مطلق عمد
الصدر: القانصة دقها خفيف وباقي الدق من تحت
الراس: كاااشف وبياض الراس الى نص العاتق ولافيه مدامع
4 - قياسه: 17 طول ... 5&16 عرض
5 - وزنه : من 1200 وفيها
6 - عاري والا ضافي الريش : عاري طبعاً ,والشلايل مغطيه كفه , قصير الساق , والأصبع جليلة , والمناكب راهيه كنها زند رجال , والضبة زينه , والمناسم وسيعه , وروس الجناحين متلاقي مع الذيل ,
7 - مكان طرحه : ديار شيراز ...
8 - سعر الطير التقريبي اللي يرضيك ويرضي راعيه : من الـ50 الف ولاهوب مرضي راعيه بعد بس الله يعين ...

(( لو لا التمني لا مــات الفـقـيـر ))

تقبلو مروري

راعي غضبان

19/06/2011, 09:25 PM

وعليك السلام ورحمة الله وبركاته
مرحبا اخوي ابوسيف عزالله ونستنا ودنا نتمنا
وعسى الله يحقق امنيات الجميع والله يجزاك خير
والله موضوع طيب ومشكورررررررررررر
1 - نوعه : حر اشقر اوحمر شقران صافي
2 - عمره :فرخ ان حصل والابكر وحش
3 - لونه ( صدر وظهر وراس) : الصدر كاشف وسط والظهر اشقر او حمر شقران كاشف وسط وان حصل كامل كاشف بس هذا غالي صعب
4 - قياسه : عرض من 17 ونص الى 18 وطول 17
5 - وزنه : من 1150 الى 1250
6 - عاري والا ضافي الريش : عاري نحر وريشه دقاق وسراويله مغطيه كفوفه وافجح وهجر
7 - مكان طرحه : طرح الحماد السعوديه
8 - سعر الطير التقريبي اللي يرضيك ويرضي راعيه : من 25000الى 35000 وهذه رخيصه في حقه
والله يعطيك العافيه يابوسيف شوقتنا للطيور المزايين الي تفتح النفس
والف شكر لك ويرحم والديك
وتقبل تحياتي

نبهان الشمري

19/06/2011, 09:35 PM

1 - نوعه : حر
2 - عمره : ثنو
3 - لونه ( صدر وظهر وراس) : اشعل
4 - قياسه : 17 طول .. 17.5عرض
5 - وزنه : 1500
6 - عاري والا ضافي الريش : ضافي الريش
7 - مكان طرحه : باكستان
8 - سعر الطير التقريبي اللي يرضيك ويرضي راعيه : 9 الاف ريال

ويعطيك الف عافية على البادره الرائعه

تحياتي لك

الهاجري ج

20/06/2011, 06:31 AM

بيض الله وجهك ياربع خالي يوم مانسيت اهل الوحوش عقب التفاريخ

وأستلم ماتمنيت لاهنت

1 - نوعه :حـــــــر فارسي
2 - عمره :أتمناه خلوي وإن ماحصل فرخ
3 - لونه ( صدر وظهر وراس) : أبيض نحر والظهر ابيض مداخله شقار والراس أبيض ((الفارسي الاصيل وليس الجير او السيبيري))
4 - قياسه :17.5ع 17 ط
5 - وزنه :1250
6 - عاري والا ضافي الريش : عاااااري
7 - مكان طرحه : الحمااااد
8 - سعر الطير التقريبي اللي يرضيك ويرضي راعيه :يرضيني 50000 ريال اما راعيه300000ريال وبيني وبينه الى 100000 ترضيني

ومختصر ماتمنيته في هذي الابيات

خطو أبيضٍ طراف ريشـه مغاتيـر****فيـه الحّمـارْ قليـلٍ تقـل نــوار
أبيض مسرول كن عينـه سناكيـر****جليل وحجولـه جليـلات وقصـار
تضفي سراويله على مربط السيـر****ضافٍ شليل لابرق الريـش جـزار
لاشافهن ماهـو براعـي تصاويـر****عجـل الطلـوع وبالتناجـيم غـدار
هو فارسي الجنـس مافيـه تفكيـر****جنسه ليا ضايف على الجمس يندار
يازينهـن عنـده ووزنـه مخاميـر****في ماقعٍ ماديج به عقـب الامطـار

-