وصلت الرياض واريد اشتري جيب2007 - وين اروح

[مكشات7]

دلوني اي المعارض اروح واهم مواصفات الجيب -جي اكس ار-

تكفون والله اني غشيم جدا واريدة 2007 او 2008

وكيف ادفع المبلغ ان تم البيع

[صالح الحجوري]

443971 هذرقم اعلن في موقع حراج عن جيب 2007نضيف ذهبي 0555126024

[ابونايف 888]

الله يعينك ان شاء الله ويسهل امرررركــــــــ....

[ابوانس20111]

اخي الكريم اولا لازم يكون عندك كميه من المعلوات عن الجيب والماصفات لان كل مديل يكون هناك اكثر من نوع 6انواع او اكثر وكل واحد لهو سعر والنظيف غير والمشا يفرق وبعدين افحص با الكمبيوتر عند البريدي بين للك كل شي السمكر والمكينه والقير في معارض النسيم وعندك معارض الششفا وسلامتك

[كاشت بالمريخ]

اسمع وانا اخوك
تروح يم معارض الشفا..وتروح يم معرض الشيباني.... كل الجيوب الي يطرى على بالك بتلقاها عنده
وباذن الله كل سياراته نضيفة..بس السعر شوي غالي..بس يستاهل
...

ولاتنسى دعواتك لي

[كايد]

المواتر النظيفة والبيع اغلى شويه معارض الشفا
المواترالنظيفة والمهربدة وارخص شويه معارض النسيم

اهم شئ لا تستعجل المواتر غاليه اذا عندك موتر اصبر وبتدعي لي
موفق للخير

[أبوبدر1]

سبحان الله وبحمده سبحان الله العظيم

[برق البشاير]

دلوني اي المعارض اروح واهم مواصفات الجيب -جي اكس ار-

تكفون والله اني غشيم جدا واريدة 2007 او 2008

وكيف ادفع المبلغ ان تم البيع

الله يوفقك أخي الكريم ويرزقك بما يسرك ويبارك لك فيه .
أولاً تعلم ان هنالك فرق بين 2007 و 2008
فحدد مرادك الشكل الحديث من 2008 وفوق أو الشكل السابق من 98 إلى 2007
وبما أنك حدد الفئة gxr حدد المواصفات شنطة أم بيبان الكفر الاحتياطي علاقي أم سفلي ، نوع القير والتندة والونش والمكيف مقاعد الشنطة وغيرها وانتبه لعمليات العديل والترهم . واحياناً تجد لك لقطة أي موديل أقدم أنظف من موديل أحدث خاصة إذا كنت تريد الاستخدام على المدى البعيد فقد تجد موديل 2000 ممشاه قليل وعلى عناية لا تجدها بموديل تالي والمعني ابحث عن الانظف واترك الموديل .ودراهمك تحدك أحيانا .

[ماجد الحايلي]

دلوني اي المعارض اروح واهم مواصفات الجيب -جي اكس ار-

تكفون والله اني غشيم جدا واريدة 2007 او 2008

وكيف ادفع المبلغ ان تم البيع

المعذرة اخوي شكلي ابي احطمك
لا تدخل المعارض وانت تجهل بانواع
الجيوب والاسعار وربي يسوون لك تنويم
مغناطيسي ويطلعون لك عيوب السيارات
حتى تكرها وتحب سياراتهم لكن نصيحتي
خذ معك واحد تعرفه ويعرف بالسيارات
لانه حتى الفاهمين احيانا ينضحك عليهم
وياخذون سيارات غاليه ومواصفات اقل

[قنوع]

ذيبان

لك رساله على الخاص

[hadaj]

الله يرزقك بالموتر الطيب
بس لاتنسى تعطينا تجربتك مع المعارض والشريطيه بعد ماتنتهي

[العجيب 2000]

انت وينك جاي من من خارج الدوله او

[لاندكروزر11]

مساك الله بالخير وحياك الله بالرياض
شف فيه بمعارض الشفا جنوب الرياض
معرض اسمه
(الشيباني مقابل ساحه الحراج كل معرضه جيوب
الله ييسر امرك

[راعي مهيوبه]

الله ييسر امرك

[ذيب حظن]

الله يرزقك بالموتر اللي يوسع صدرك وياجعله عونا لك على طاعة الله
تقبل تحياتي الله يوفقك

[مغرم بالفتك]

الله يرزقك من واسع فضله