موقف ... ما ينسي !

[نجم000الشمال]

السلام عليكم ورحمة الله وبركاته
واسعد الله ايامكم بالخير والمسرات

ابحكي لكم موقف حصل لي قبل يومين بس كبرو عيونكم وخذو ا درس وعبرة علشان ما تمرون بها الموقف !

قبل اسبوع اتفقنا انا والزملاء في العمل على عمل حفلة لائقة بزملاءنا المتقاعدين والي امضوا معنا سنين طويلة في العمل ومن ظمنهم كان فيه بعض من المسؤلين الكبار واحيلو للتقاعد ايضا.
قام واحد من الشباب وكان هو ماشاء الله عليه رجل اعمال وله علاقات مع بعض الشركات ويعرف الفنادق وامور الحفلات والتنظيم وقال خلاص الحفل لاتشيلون همه عندي ومالكم الابياض الوجه ، قلنا له تم يابو محمد وشف كم تكلف من حفل ودروع و بوفيه وووووووو الخ وقد ماتكلف علينا كلنا ، قال تم .
وتم تحديد المكان والزمان وجيت انا قبل الحفل بساعة علشان اشوف الترتيبات ويمكن ابو محمد يحتاج احد معه يساعده ولا شي .
لاوالله كل شي جاهز والطاولات مجهزة بأمور الضيافة والمضيفين واقفين لاستقبال الضيوف وبو محمد بيض الله وجهه معهم علشان يوجه الضيوف حسب التنسيق المسبق ، الضيوف في مكان والزملاء الا هو حنا في مكان آخر.
اول شى بدو يجون الزملاء ومشاعر الفرح والقهوة والشاهي والمزوح ، وبعد ساعة بدء الضيوف بالتوافد ويسلمون وياخذهم خوينا ويجلسهم في اماكنهم وكل شئ تمام ما شاء الله .
بعد ما اكتملوا الناس ، وابو محمد يجيني قال يابو اسامة بعد شوي جهز نفسك تقراء قرآن ، ابيك تقراء كم آية نعطرفيها الحفل !
اثره مجهز منصة القاء وميكرفون لكن انا ما جهزة نفسي ! الامر جاء مباغته وبعدين وين القى مصحف والوقت ما يسعف والي انا حافظه اخاف الخبط فيه والامور رسمية ولا فيه مجال اقبل او ارفض الرجال عطاني الامر ومشى !!!!!!!!

وش السواة ...وش السواة ..ايه واتذكر ان في جوالي برنامج المصحف منزله والحمد لله دايم اقراء فيه في اوقات الانتظار في المستشفيات وغيرها وماشاء الله حروفه كبيرة ! .
بس ... الحمد لله ظاقت وفرجها ربي ، وبسرعة افتح الجوال واختار سورة واختار بداية الآيات الي بقراها اثناء ما اوبو محمد يلقي كلمة ترحيبية واشرلي بخفية وجيت عنده !
والان مع ايات من الذكر الحكيم ،
وبدية اقراء من الجوال وبعد ما قراءة ثلاث آيات .................. تخيلوا وش حصل ؟
؟
؟
؟
؟
؟
دق علي واحد من عيال عمي :D
وتخبرون صوت الجوال في الميكرفونات والطنيييييييييين الي يفقع الاذان .
بالاضافة الى ان اسم الي ما ينتسماش ورقمه غطى على الايات في الشاشة :good2:
والعالم كلهم يطالعون فيك! قمة الوناسة .......صح !
وما ادري والله يهديني واقفل زر الميكرفون وباليد الثانية اضغط على زر الجوال الاحمر والظاهر ان اصبعي وصل للبطارية من قوة الضغط ووجهي لو تحط عليه خبز تقمر والعرق الله لايوريكم .
وسوية نفسي اصلح الميكرفون وانا مشغول برجع نفس ما قف الايات والحمد لله رجعة الصفحة وافتح الميكرفون واكمل بصوت ما هو الاولي وخمس آيات واختم واطالع لبو محمد الي المفروض يكون جنبي الا هو هناك حاط شماغه على فمه ويضحك هو وشلة معة :mad:
مار وهو يجي بسرعة يلملم شدوقه ويكمل .
انا اباروح للطاولة واشوفها تبعد!............ ما عاد ارجولي تشيلني ، تعبت .
ويعطوني موية صحة واشربها ما ادري وين راحة .
وبعد ما تعشينا وانتها الحفل وادق على ولد عمي النكبة واعلمه بالموقف ... ترى انا مواعده يتصل علي العصر ولا دق الا الساعة عشر و نص ... بتوقيت كارثي!!!!!!!!
وهات ياضحك ما قدرة اكلمه ، قلت له لا شبعة ضحك دق علي !
بس تعلمة اني من المفروض احط جوالي على قطع الاتصال علشان ما يتكررلي نفس الموقف .
وهذا درس لي ولكم فاااااااااااااااااا انتبهوا .

سبحانك اللهم وبحمدك ، اشهد ان لا اله الا انت ، استغفرك واتوب اليك ,
ولكم اجمل الاماني بالخير والسعادة ابو اسامة

[ابوو عبدالله]

بصراحه موقف لا تحسد عليه
ههههههههههههههههه
اهم شي انه عدا

[محمد الظاهري]

ههههههههههههههههههه
اضحك الله سنك يا اخي الغالي
والله سالفه تظحك
عندي واحد يقولي بسم الله عليك لئني اضحك الحالي
قصه حلوه
وتحسد على الموقف الجميل هههه
ولكن عليك بابن عمك
واهنيك من كل قلبي على اهتمامك الرائع
واضافه القران في جوالك
اشكرك من الاعماق
وودي قبل ردي
اخوك
ا

[أبوعبدالرحمن0]

وعليكم السلام ورحمة الله وبركاته

يا هــــــلا بنجم...الشمال

يوم قريت السالفــة ضحكــت ضحـك

الله يوســع صدرك بالعافية

الظاهـــر الفنيلــة صارت ترطرط

مشكــــور عالسالفة

[النبهاني]

وعليكم السلام ورحمة الله وبركاته
ما شاء الله عليك اسلوب ووصف كاني معكم
بس تصرفت بالموقف اللي ما للحاسد طريق عليه
ونستنا الله يجعل ايامك كله وناسه وسعاده
يعطيك الف عافيه

[نجم000الشمال]

بصراحه موقف لا تحسد عليه
ههههههههههههههههه
اهم شي انه عدا
ايوالله ، ربي عداه ولا ما هو فلاحة مني .
اشكر مرورك العطر يابو عبد الله .




ههههههههههههههههههه
اضحك الله سنك يا اخي الغالي
والله سالفه تظحك
عندي واحد يقولي بسم الله عليك لئني اضحك الحالي
قصه حلوه
وتحسد على الموقف الجميل هههه
ولكن عليك بابن عمك
واهنيك من كل قلبي على اهتمامك الرائع
واضافه القران في جوالك
اشكرك من الاعماق
وودي قبل ردي
اخوك
ا
هلا وغلا باخوي محمد الظاهري .
حتى انا ياخوي اذا تذكرة الموقف جلسة اضحك لحالي ههههههههههههههههههههههههه

وبالنسبة لولد العم العزيز الى الان ما اتصل ، الظاهر انه ما زال يضحك :D
شرفني مرورك .




وعليكم السلام ورحمة الله وبركاته

يا هــــــلا بنجم...الشمال

يوم قريت السالفــة ضحكــت ضحـك

الله يوســع صدرك بالعافية

الظاهـــر الفنيلــة صارت ترطرط

مشكــــور عالسالفة
ياهلا يابو عبد الرحمن
هههههههههههههههههههههه بس الفنيلة !
خلها على الله
حياك ربي .



وعليكم السلام ورحمة الله وبركاته
ما شاء الله عليك اسلوب ووصف كاني معكم
بس تصرفت بالموقف اللي ما للحاسد طريق عليه
ونستنا الله يجعل ايامك كله وناسه وسعاده
يعطيك الف عافيه
يا هلا فيك يالنبهاني
انستنا وشرفتنا ، الله يسعدك في الدنيا والاخرة.

[سد الغابة]

أضحك الله سنك ، و الله يعطيك العافية على هالموقف المحرج ..
و هذا ذكرني بموقف لأحد الزملاء في حفل من احتفالات المدارس و كان موكل بإلقاء كلمة و يوم طلع لإلقاء الكلمة سحب برجله سلك المايك و طاح المايك و صلحوه الزملاء و هم يضحكون و يوم بدأ يلقي كلمته بعد الموقف الأول بدأ يطلع الدخان من الجهاز الموصل بالمايك عاد الثانية كملت الناقص و خربت على خوينا الجو و لا تسمع إلا ضحك الطلااااب :D أما خوينا :(:(

[omar salman]

وعليكم السلام
زين جت على كذا
لو غيرك يمكن يغمى عليه
من الإحراج والله يجعل مواقفك كلها
أنس وسعادة أخوك أبو سلمان
هههههههههههه .

[انسانه؟]

الله يسعدك اخي نجم الشمال .,
واضحك الله سنك .
والله متخيله الموقف الطاوله تبعداحساس مجربته ..
الله يعطيك الف عافيه وربي يبارك فيك.

[نجم000الشمال]

أضحك الله سنك ، و الله يعطيك العافية على هالموقف المحرج ..
و هذا ذكرني بموقف لأحد الزملاء في حفل من احتفالات المدارس و كان موكل بإلقاء كلمة و يوم طلع لإلقاء الكلمة سحب برجله سلك المايك و طاح المايك و صلحوه الزملاء و هم يضحكون و يوم بدأ يلقي كلمته بعد الموقف الأول بدأ يطلع الدخان من الجهاز الموصل بالمايك عاد الثانية كملت الناقص و خربت على خوينا الجو و لا تسمع إلا ضحك الطلااااب :D أما خوينا :(:(

الله يسعد ايامك اخوي وشرفني مرورك ،
تصير مواقف للناس كثيرة بعظعا ينفع فيها السمكررررررررة
وبعظها على التشليح !ههههههههههه

هلابك.


وعليكم السلام
زين جت على كذا
لو غيرك يمكن يغمى عليه
من الإحراج والله يجعل مواقفك كلها
أنس وسعادة أخوك أبو سلمان
هههههههههههه .

يا هلا بالغالي ابو سلمان رفيع الشان،
الحمد لله عدة بسلام .
اسعدني وجودك .



الله يسعدك اخي نجم الشمال .,
واضحك الله سنك .
والله متخيله الموقف الطاوله تبعداحساس مجربته ..
الله يعطيك الف عافيه وربي يبارك فيك.


حياك الله اختي انسانة .
الطاولة بمكانها مار ...الركب بازة ههههههههههههه
عطرتي الموضوع .

[خوي مخباته]

ههههههههههههههههه :D



قصه ,,, قمه فى الإحراج
موقف لآتحســـد عليه :p


مشكوووووووووور نجـم الشمــــال يعطيك العـآفيه


امتعتنا ,,,,,,,,,, و,,,,,,,,,,, افدتنا


ننتظرمنك المزيد:good2:

[يوسف الخليفة1]

وعليكم السلام ورحمة الله وبركاته

بارك الله فيك أخي العزيز نجم000الشمال

والشكر الجزيل

[نجم000الشمال]

ههههههههههههههههه :D



قصه ,,, قمه فى الإحراج
موقف لآتحســـد عليه :p


مشكوووووووووور نجـم الشمــــال يعطيك العـآفيه


امتعتنا ,,,,,,,,,, و,,,,,,,,,,, افدتنا


ننتظرمنك المزيد:good2:
يا هلا وغلا باخوي خوي مخباته.
عطرة الموضوع يالغالي .

[نجم000الشمال]

وعليكم السلام ورحمة الله وبركاته

بارك الله فيك أخي العزيز نجم000الشمال

والشكر الجزيل

هلا وغلا بمشرفنا الغالي ابو عبد الله
وبارك الله فيك وبوجودك .
شرفت الموضوع الله يشرف قدرك .
وما تشوف باس .

[قوافي ( أم نهار )]

حياك الله اخوي نجم الشمال
تخيلت الموقف وانا اقرء وما حسدتك عليه
الحمد لله اللي قدرت تكمل ولا اذا انفتح باب الضحك وش يسده ولاصار الموقف عليك وش يركدك والله ان الدنيا احيانن تبقع ابيض واسود
بس دايم المواقف هي احلى شي بالمناسبات ولو انها احيانن ماودك تذكرها وياكثرها اذكر موقف بسيط.. التعكرف وانت تمشي بالسوق قدام الناس همن تخبط


مشكور اخوي الله يحفظك
تحياتي.اختك
..قوافي..

[أبوعابد 22]

موقف لاتحسد عليه الله يعينك
والله لوني محلك لأتمنا ان ماحضرت العزيمه
لو ادري ان يها ها النكبه

[نجم000الشمال]

حياك الله اخوي نجم الشمال
تخيلت الموقف وانا اقرء وما حسدتك عليه
الحمد لله اللي قدرت تكمل ولا اذا انفتح باب الضحك وش يسده ولاصار الموقف عليك وش يركدك والله ان الدنيا احيانن تبقع ابيض واسود
بس دايم المواقف هي احلى شي بالمناسبات ولو انها احيانن ماودك تذكرها وياكثرها اذكر موقف بسيط.. التعكرف وانت تمشي بالسوق قدام الناس همن تخبط


مشكور اخوي الله يحفظك
تحياتي.اختك
..قوافي..

يا هلا بقوافي وحياك الله ،
فيه مواقف كثيرة مثل ما تفضلتي ، لكن بعض المواقف صعب ذكرها !
مرة شفة وحدة تطالع البظايع الموجودة في المحل والجدران قزاز والباب يفتح تلقائ وعلى درج ،
يوم جت بتدخل المحل بدل ما تنتظر ، خلت في وحدة من درف الباب وهي ترجع ورى وتكرفس قدامي وانا في مواقف السوق بالسيارة ،
والله حزنتني بس ما اقدر اساعدها ، كل الي سويتة دعيتلها ان تكون طيبة وبخير .
شاكر مرورك.

[سليمان الربيعان]

هههههههههههههههههههههههههه :D:D
هانت على كذا الحمد لله

[ابوياسر1971]

الله يوسع صدرك بالعافيه ضحكتني ضحك الله لايوريك لانه قد صارلي مثل موقفك هذا وحنا طلعين مع الشباب باحدى ليالي رمضان قالو صال فينا الترويح وافتح القران اللي بالجوال وابداء القراه من سوره ما حفظتها بالاصل اشوي ويطفى الجوال بنص الايه واخوك ما له الا يركع واركع ويالله كملنا الصلاة ..

[وايل11]

الله يعطيك العافيه تسلم

[قوافي ( أم نهار )]

يا هلا بقوافي وحياك الله ،


فيه مواقف كثيرة مثل ما تفضلتي ، لكن بعض المواقف صعب ذكرها !
مرة شفة وحدة تطالع البظايع الموجودة في المحل والجدران قزاز والباب يفتح تلقائ وعلى درج ،
يوم جت بتدخل المحل بدل ما تنتظر ، خلت في وحدة من درف الباب وهي ترجع ورى وتكرفس قدامي وانا في مواقف السوق بالسيارة ،
والله حزنتني بس ما اقدر اساعدها ، كل الي سويتة دعيتلها ان تكون طيبة وبخير .

شاكر مرورك.





حياك الله اخوي نجم الشمال
بمناسبة الموقف تذكرت شي قعدت لي يومين وانا اضحك
مره اتقضا برمضان للعيد وعقب ظهر وحروصيام همن
اذن العصر وامشي بسرعه بروح للسياره عساه يمدين اسوي الفطور
واركب سيارتنا ولا ذاك اللي قاعد بالموتر
قلت بنفاخ خير خير وش مقعدك هنا عساك من اللي اول ما يشوف المفتاح يسرق السياره والله لو تحرك الموتر ان تجيك نعلتي وانتم بكرامه
فتح الباب وحول الرجال وما انتبهت الاوسياره واقفه جنبنا واناضر يوم تبينت اثر المراتب غير والدنيا غير واللي جنبي هي سيارتنا !!..عاد حولت وانا ودي الارض تنشق وتبلعني واشوا الرجال ولا كلمه ولا قال شي يبي الفكه يوم حولت ركب موتره وراح
اختك.قوافي

[نجم000الشمال]

موقف لاتحسد عليه الله يعينك
والله لوني محلك لأتمنا ان ماحضرت العزيمه
لو ادري ان يها ها النكبه

هلا فيك يابو عابد
قدر الله وما شاء فعل !
سرني مرورك.

[نجم000الشمال]

هههههههههههههههههههههههههه :D:D
هانت على كذا الحمد لله

هلا فيك اخوي سليمان،
ايو الله هونها ربي .
عطرة الموضوع يابو داؤود.

[نجم000الشمال]

الله يوسع صدرك بالعافيه ضحكتني ضحك الله لايوريك لانه قد صارلي مثل موقفك هذا وحنا طلعين مع الشباب باحدى ليالي رمضان قالو صال فينا الترويح وافتح القران اللي بالجوال وابداء القراه من سوره ما حفظتها بالاصل اشوي ويطفى الجوال بنص الايه واخوك ما له الا يركع واركع ويالله كملنا الصلاة ..


هلا وغلا يابو ياسر
الحمد لله ماني بلحالي بس انت معك شباب وتمون وتروح وناسه ، لاكن انا قدامي ستين شخص وشغل رسمي ، ازارير الرقبة مسمرها علشان ما تنفك ههههههههههههههههههههههه
سرني مرورك.

[Al3rands]

ههههههههههههههههه زين اللي جت على كذا بس اسمح لي ضحكت وانت تسوي نفسك تصلح المايك

[الكشيت]

حلوووووووووووووه
بس للمعلومية ان كل واحد يأتيه رهبة الموقف وانه مايقدر يقرأ من حفظه وانه بيلخبط وهذا عكس الواقع ولو بدأ وتوكل على الله لوجد خلاف ذلك
وبالتوفيق يانجم الشمال والله ينفع بك

[نجم000الشمال]

الله يعطيك العافيه تسلم

ياهلا فيك يا وائل
والله يعافيك ويبقيك .

[نجم000الشمال]

حياك الله اخوي نجم الشمال
بمناسبة الموقف تذكرت شي قعدت لي يومين وانا اضحك
مره اتقضا برمضان للعيد وعقب ظهر وحروصيام همن
اذن العصر وامشي بسرعه بروح للسياره عساه يمدين اسوي الفطور
واركب سيارتنا ولا ذاك اللي قاعد بالموتر
قلت بنفاخ خير خير وش مقعدك هنا عساك من اللي اول ما يشوف المفتاح يسرق السياره والله لو تحرك الموتر ان تجيك نعلتي وانتم بكرامه
فتح الباب وحول الرجال وما انتبهت الاوسياره واقفه جنبنا واناضر يوم تبينت اثر المراتب غير والدنيا غير واللي جنبي هي سيارتنا !!..عاد حولت وانا ودي الارض تنشق وتبلعني واشوا الرجال ولا كلمه ولا قال شي يبي الفكه يوم حولت ركب موتره وراح
اختك.قوافي

حي الله قوافي ..... اكيد هذا من اثر الصيام
بس ما شاء الله عليه حكيم ، خلاك لين تعرفين خطاك !

[نجم000الشمال]

ههههههههههههههههه زين اللي جت على كذا بس اسمح لي ضحكت وانت تسوي نفسك تصلح المايك


هلا فيك والشر ما يجيك يالعرندس .
هههههههههههه تصدق اذا رجعة الذاكرة ورى ما ادري كيف تلملم الموضوع !
شرفني مرورك.

[نجم000الشمال]

حلوووووووووووووه
بس للمعلومية ان كل واحد يأتيه رهبة الموقف وانه مايقدر يقرأ من حفظه وانه بيلخبط وهذا عكس الواقع ولو بدأ وتوكل على الله لوجد خلاف ذلك
وبالتوفيق يانجم الشمال والله ينفع بك

جزاك الله خير اخوي الكشيت
وفعلا الواحد لو يدرب نفسة يتعود .
بارك الله فيك .