ندااااااء لـمـن يـهـمـه الأمـــر ,,,,,,,,,,,,,, اخو المــري ,,,

[أخو المري]

السلام عليكم ورحمة الله وبركاته

اما بعد

اسعد الله مسائكم يا اعضاء مكشات

بصراحة تـامـة ...


فكرت قبل قليل بـأن ...

دولة الأمارات , ودولة قطر , ودولة البحرين , ودولة الكويت ؟؟؟؟؟؟؟؟؟؟؟؟

اين المملكة العربية السعودية لسيت بينهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


اظنكم فهمتو ما اقصد ؟؟

نعم اقصد مسابقات الصقور

لماذا لم تقم مسابقات الطيور فالمملكة مثلنا مثل غيرنا ؟.؟.؟.؟.؟

اذا هم صدق يهتمون بالموروث الشعبي
فالصقارة من الموروث بلا جدااااااااال .....

صاحب السمو الملكي الامير: تركي بن محمد بن فهد ال سعود
ماقصر جعل ربي يطول عمره

بس بما انه انشغل مع الهجن وسباقات الهجن

لايمنع بأنه يضع مسابقة لملاك الطيور ويدعمها دعمً كاملاً


ومع ذلك المراكز معقده دخول وخروج الصقور من دولة الى اخرى بين دول الخليج ؟
لماذا ؟.؟.؟.؟.؟.؟.؟.؟.؟.؟.؟.؟.؟.؟




اتمنى من المسوؤلين افاااااادتــنـــا ؟؟؟


والسلام الختام
اخوكم / اخـــو المـــري

[ابوناصر السهلي]

كلامك صحيح والله يعطيك العافيه

[ابو محمد1]

كلام صحيح الله يعافيه

[alrshedi]

وعليكم السلام ورحمة الله وبركاته
فعلن كلامك صيحيح ياخو المري
والمفروض من وجهة نظري انه كل سنه تكون عندكم مسابقه
الطيور او المزاين لطيور و..و إلخ... لانه تقريبا اكثر دوله الي نشوف فيه الامراء والشيوخ واكثر الناس صقارين عندكم
و ناس له بصمه في مجال الطيور@
والله يوفقكم واتمنا من كل قلبي انه نشوف الموسم الجاي
مسابقه لأهل الطيور في ديرتي الثانيه المملكه العربية السعودية
لاهنت علي الموضوع
ننتظر جديدك@

[دعاس]

كلام سليم وليته اصواتنا تصل لمن فيهم الخير

[راعي لادن]

مرحبا المسابقه كل سنه في المملكه في ام رقيب

[راعى شاهين]

مرحبا المسابقه كل سنه في المملكه في ام رقيب قصدك مسابقه المزاين قصد المرى مسابقه للطيور فى جميع انواعها سوى ..جير ,حر, شاهين .... الله كريم وتاصل اصواتنا

[قرناس ارامكو]

فعلن كلامك صيحيح
حنا دايم متأخرين
لكن ممكن فكرتك توصل لكن مو قبل 10 سنين

[ابن حـنيف]

اشكرك اخوي المري لطرحك ,,

اعتقد في محافظة النعيرية العام واللي قبله كان فيه سباق للطيور

حسب ما سمعت ولم احضرها بصراحه

لكن ان شاء الله يكون قريب في سباقات الطيور

في المملكة العربية السعودية

وعلى مستوى عالي بإذن الله تعالى


تحياتي ..

[ابن الاصيل]

الله كريم وان شاءالله يسمعون صوتك الاخوان

[رفحاوي 999]

الله كريم

نتمنى في القريب العاجل

[السومر]

الله يجعل هذا الموضوع يصل لمن بيدهم القدره على دعم ورعاية هذا العمل

[النـادر]

لا تزعل ياخو المري

وش الفايده من ورى دعم هالمسابقات ؟؟؟؟

في قطر والا مارات والكويت تشرى الطيور الفايزه والمنافسه باسعار غاليه

عندنا وعلى مدى ثلاث مسابقات لا اقيام صح والجوائز تشجيعيه فقط

كمسابقة كنا اول من نظم المسابقات ايام العرجي وحسن سدران وسوق مع الطير بتايمر يدوي وطورتها اللجنه الى كمرات رقميه لكن اي عمل لايوجد له هدف ينتهي بسرعة ويتلاشى

مجرد راي

[البرنس الليبي]

بأذن الله يصل صوتك يابن غياث وتقام المسابقه الموسم المقبل !

[سلطان 1]

لا تزعل ياخو المري

وش الفايده من ورى دعم هالمسابقات ؟؟؟؟

في قطر والا مارات والكويت تشرى الطيور الفايزه والمنافسه باسعار غاليه

عندنا وعلى مدى ثلاث مسابقات لا اقيام صح والجوائز تشجيعيه فقط

كمسابقة كنا اول من نظم المسابقات ايام العرجي وحسن سدران وسوق مع الطير بتايمر يدوي وطورتها اللجنه الى كمرات رقميه لكن اي عمل لايوجد له هدف ينتهي بسرعة ويتلاشى

مجرد راي


كلاااااااااااااااااااااااام سليييييييييييييييييييم

يالنادر \ ماكذبت في هالبيتين اللي في توقيعك صح لسااانك 0

[سطام ابو سعود]

يااخوان نبي سوق متسنع في الرياض غير سوق الفصفص
الامراء والمسئؤلين ما يهتمو باحد ابدا كل شي عندهم ولا هم بحال احد
قابلوني بعد مائة سنه هههههه

[هاوي هدد 11]

ياالمنادي تنادي والصوت حولك
نقول ان شااااء الله
يسمع صوتك

[تميم222]

مساك الله بلخير ..اخوي المري .. الموضوع بصراحه حساس شوي ....وواضحه مثل عين الشمس يعني الهوايه هذي لشيووووخ فقط واحنا مواطنين؟؟؟؟... وهذي هي الحقيقه ...عموماًلا تشكي لي فابكي لك والله صابه الواحد تبلد ..والان اغلب صقارين اللي في اعماري تركو الهوايه لماوجود فيها من تعقيد في اجراتها..وليعلم المسؤلين ان العالم الان اصبح قريه صغيره....وكل شي...واااضح ومكشوف....تبقبل مروي

[wwmfs]

الله كريم

ياليت اصواتنا توصل

[أخو المري]

مرحبا ومسهلا بالجميع

اولاً اشكر جميع اخواني على المشاركة واعطانا رائيهم


اخوي ابن حنيف
كلام سليم النعيرية اقيم فيها سباق

لكن ليس العام ولا العام الاول .....

قبل سنتين وتوقفت

ليش توقفت ؟؟؟؟؟؟؟؟؟؟

[أخو المري]

لا تزعل ياخو المري

وش الفايده من ورى دعم هالمسابقات ؟؟؟؟

في قطر والا مارات والكويت تشرى الطيور الفايزه والمنافسه باسعار غاليه

عندنا وعلى مدى ثلاث مسابقات لا اقيام صح والجوائز تشجيعيه فقط

كمسابقة كنا اول من نظم المسابقات ايام العرجي وحسن سدران وسوق مع الطير بتايمر يدوي وطورتها اللجنه الى كمرات رقميه لكن اي عمل لايوجد له هدف ينتهي بسرعة ويتلاشى

مجرد راي


مرحبابك اخوي النادر

نعم اول من نظم المسابقة الأخ مبارك فالنعيرية
وكانت مجرد مسابقة محلية بسيطة جدا بالنسبة للمسابقات اللي غيرها


اما وش الفايدة من الدعم في المسابقة ؟؟؟؟؟
مثلها مثل غيرها من المسابقات والمزاينات والمهرجانات وغيرها ...

وهذا يعتبر من الموروث الشعبي

مسألة البيع والشرا مو شرط تكون من الداعم او من احد الشيوخ ...

بل المشاركين بينهم بين يشترون وبأقيام خيالية ايضاً


فنأمل من الله ثم من معازيبنا حفظهم الله استمرار مسابقة الصقور

لأحياء هذه الهواية العريقة ...

ودمتم سالمين
اخوكم / اخو المري

[راعي Gsham]

اسلام عليكم ورحمة الله وبركاته
اخوي تسلم على هاذا الموضوع
اوياليت ايشوفون حل مع المراكز وطير مثله مثل قيره من الهوايات
ولموروث اشعبي مثل الخيل ولهجن وذى على الجواز اطيور الهى جوازات
والله لموفق

[صقار العنزي]

والله المفروض اخوي

[راشد حسين]

كلام مضبوط

[صاحب نوماس]

كلام سليم 100%

[أخو المري]

مرحبا بالجميع


لاهنتو على المشاركة

وان شاء الله توصل اصواتنا الى من يهمه الامر

[طير الهقاوي]

بسم الله الرحمن الرحيم
اخواني الذين اشادو على هذا الموضوع بانه كلام صحيح
وتتسائلون وتقولون ليش ولمذا والمفروض وغير هذه الكلمات
انا ببداها لكم لاكن ابي منكم الدعم باصواتكم بمعنى
مستعد اوصل صوتكم لشخص الي تبونه
بس اين الاصوات
هل بتكتفون بالكتابه فقط
انا واعوذ بالله من كلمة انا مستعد اوصل اصواتكم ينقصني
الاوراق الرسميه بالمطالبه بهذا المروث الشعبي
ببسطها عليكم ابي بس خمس اصوات من كل محافضه وان شاء الله تتيسر الامور
بمعنى ابي توقيع المحافض على مطالبتكم او رفع المعامله من المحافض وعطوني ارقامهاا
اخوكم طير الهقاوي

[أخو المري]

مرحبا ياطير الهقاوي


بيض الله جهك بيض الله وجهك


ابد صوتي جاهز من محافظة الأحسااااااااااااااء .....

وجعل عمرك طويل

حنا مسوين كذا نبغيهم اربهم يشوفون بعيونهم ...

بس الظاهر مافيه الا الكلام اللي انت تقول

ابد شف الدرب وانا قدااااااااااامك طال عمرك

[أبوعابد 22]

كلام سليم وصحيح ويليت يحطون
مسابقات مهد سلقان وطيرو زي الي صار في الكويت قبل كم شهر
بس لحياة لمن تنادي

[جلاد الحباري]

اتمنى ان تكون هناك مسابقة كبيرة سنوية وان نجد من المسؤولين الاهتمام الذي يليق بسمعة هذا الموروث العريق

[أخو المري]

مرحبابكم ومسهلا


ان شاء الله بتصير سنوية بأذن الله

ومشكورين على المرور و المشاركة


ودمتم

[اسلي نفسي]

انشالله في المستقبل القريب

[أبو أمين]

الله كريم

يفتحون سباق ( أهم شئ سباق الملواح ) واخذه هههههه

بدال العنوه للبلدان الشقيقه الأخرى لان مسأله دخول وخروج الطير

تعيقني من المشاركه وفيها معمعه يطول الكلام فيها

شكرا على تبيهنا لعل وعسى واحد من المقربين لحكامنا حفظهم الله يقرا كلامك

و يوصل لهم ما يعاني الصقار السعودي من تكسير عزوم و معاناه .

تحياتي

[أخو المري]

الله كريم

ان شاء الله يوصل كلامنا بأذن الله


ومشكور على المرور والمشاركة