باعطيكم السالفة وعطوني رأيكم وتوقعاتكم ياأهل الطيور

[زمن عابر]

السلام عليكم ورحمة الله وبركاته

الحقيقة أنا مالي في الطيور والصيد لامن قريب لا بعيد , لكن جلست اتصفح أخبارها هنا واقرأ مواضيع الأخوان وتذكرت سالفة صارت معي عام 1427 هـ والسالفة هي :

كنت أعمل في مختبر مركزي لإمراض الدم في منطقة جازان , وكان فوبيا أنفلونزا الطيور ماخذ حقه بالإعلام والناس متخوفة من أي شيء , عددنا في المختبر لا يتجاوز 10 أشخاص , في أحدى الأيام جانا قفص كبير من سلاح الحدود فيه 11 صقر , 6 منها مبرقعة , من أجل فحصها عن مرض انفلونزا الطيور , وقالوا أنهم مسكوها مع متسلل كان ناوي يبيعها بسوق الخوبة (سوق شعيبي يقام كل يوم خميس ) ,قالوا إذا ماكان فيها شيء طيروها أو تصرفوا فيها , تركنا الطيور عندنا في المختبر بعد ماخلصنا الفحوصات والإختبارات اللازمة (ماكان فيها أي مرض ) , لكن تركنا الطيور في غرفة جيتها اليوم الثاني حصلت واحد من الطيور أكل زميلة , فرقنا الطيور عن بعض , ورحت اشتريت لها حمام ذبحت الحمام وتركته قدامها , جيت اليوم الثاني معظم الطيور ماأكلت منها شيء , وحصلت 5 من الطيور ماتت , وخفنا على الطيور الباقية تموت وطيرناها .


لون الريش كان بني مع بقع سوداء أحجامها كانت مختلفة منها الصغير و الكبير , أنا و زملائي لم يكن لدنيا أدنى أهتمام بالطيور , لكن اكتفينا بمقولة " لو فيها فايدة ماكن وصلت عندنا "..


وش رايكم بالقصة , ش تتوقعون نوع الطيور , وليش الطير أكل زميلة ؟؟ وليش الطيور ماأكلت الحمام وماتت من الجوع ؟؟


أضيف ملاحظة / أن الطيور تم اصطيادها في الجبال الفاصلة بين السعودية واليمن جهة العارضة


كتبت هالموضوع عشان ندردش ونسولف مع أخواننا الصقارين والموضوع مفتوح للنقاش

[راعي مرعوب]

انا اتوقع من الوحاشه ماكلت العلف ( الحمام )

وتحصل انه طير ياكل طير من نفص فصيلته ان كان حر او شاهين
اما بالنسبه لانواعها الله العالم ولو في صور يفيدونك الصقاقير اكثر

هذا والله اعلم

[عابر الموج]

اكثر الطيور التي تطرح بالجنوب واليمن وكارى وشاهين جبلي اما بشان ماكلت لانها طيور وحوش

[مجهم]

افادوك الاخوان
وتقبل مروري

[العاتق]

نفس كلام الإخوان ما أكلت لأنها وحوش... لكن 95% من الطيور اللي يجيبوها المتسللين الى سوق الخوبه عقبان وشبابيط وحقبيات وتجي في أقفاص وهذي ما تسوى... اما اذا وجد شاهين جبلي أو وكري في السوق وراعيه متسلل او مجهول يمني وهذا من النادر فتجد الطير ضعيف اما الطير الجازي فينباع بسرعه... هذا على حد علمي

[سطام ابو سعود]

يعطيك العافيه

[القرناس المهاجر]

السلام عليكم ورحمة الله وبركاته

وعليكم السلام ورحمة الله وبركاته
اخي زمن عابر .. موضوعك زمانه عابر :)


الكن تركنا الطيور في غرفة جيتها اليوم الثاني حصلت واحد من الطيور أكل زميلة ,

أغلب الظن أن هذا وكري اكل جبلية
أو جبلية كبيرة اكلت شبط
والإفتراس تم وهي مبرقعه 100%


فرقنا الطيور عن بعض , ورحت اشتريت لها حمام ذبحت الحمام وتركته قدامها ,
جيت اليوم الثاني معظم الطيور ماأكلت منها شيء , وحصلت 5 من الطيور ماتت , وخفنا على الطيور الباقية تموت وطيرناها .

يوم فكيت الحمام كانت مفكوكه براقعها والا على روسها ؟؟
إذ فكيتوها وما اكلت فأغلب الوحوش ماتاكل بالأسر


وش رايكم بالقصة , ش تتوقعون نوع الطيور , وليش الطير أكل زميلة ؟؟ وليش الطيور ماأكلت الحمام وماتت من الجوع ؟؟

القصه محزنة ومؤلمة .. ليتني كنت اعرفك
كان خارجتكم منها .. بالنسبه لعدم الأكل
فطبع السجين ماياكل الا بعد البطا

كتبت هالموضوع عشان ندردش ونسولف مع أخواننا الصقارين والموضوع مفتوح للنقاش

لاأخفيك ان صدري ضاق من القصه :(
والموضوع ماجا في وقته .. راحت ايام الخوبه
والطيور ماتت وهي مأسورة مظلومه
الله يتجاوز عنا وعنكم :(

[مخاوي ذيابه 9]

يازقين هك السوق اشهدبالله اني فاقده
كانت به صيدات تستاهل دق المشوار عسى الله يرده
يالربع احد عنده علم عن السوق هو رد ولا باقي مسكر

[زمن عابر]

انا اتوقع من الوحاشه ماكلت العلف ( الحمام )

وتحصل انه طير ياكل طير من نفص فصيلته ان كان حر او شاهين
اما بالنسبه لانواعها الله العالم ولو في صور يفيدونك الصقاقير اكثر

هذا والله اعلم

هلا فيك أخوي راعي مرعوب , بالنسبة لي ماأعتقد الطيور من الطيور الطيبة ,لأنها مرت على أكثر من محطة قبل وصولها إلينا ولم يتهم لها أحد , وذاك الوقت ماصورتها لعدم وجود أي اهتمام بالطيور لا من قريب أو بعيد , لكن باعرضلك هنا صورة تقريبة لها من حيث الشكل والحجم ولون الريش :




http://upload.wikimedia.org/wikipedia/commons/7/7d/Lanner_Falcon_800.jpg

[زمن عابر]

اكثر الطيور التي تطرح بالجنوب واليمن وكارى وشاهين جبلي اما بشان ماكلت لانها طيور وحوش



اشكرك أخوي عابر الموج على مداخلتك واضاءتك , واعتقد أنها مثل ماتفضلت فيه وكري أو جبلية

[زمن عابر]

افادوك الاخوان

وتقبل مروري


يشرفني مرورك وتواجدك أخوي مجهم


تقبل كل الود والتقدير

[زمن عابر]

نفس كلام الإخوان ما أكلت لأنها وحوش... لكن 95% من الطيور اللي يجيبوها المتسللين الى سوق الخوبه عقبان وشبابيط وحقبيات وتجي في أقفاص وهذي ما تسوى... اما اذا وجد شاهين جبلي أو وكري في السوق وراعيه متسلل او مجهول يمني وهذا من النادر فتجد الطير ضعيف اما الطير الجازي فينباع بسرعه... هذا على حد علمي

حياالله أخوي جزيرة فرسان , حيالله بأهل الجزيرة الغالية علينا , ذكرتني بأيام عبارة السلام وعبارة ألينورا , وأيام مركز الحافة والفلوكات , أعتقد مثل ماقالوا عن منطقة جازان الحبيبة , تدخلها تبكي وتطلع منها تبكي شوقا إليها وحبا في أهلها ,ذكرتني بالمغش واللحوح والحلبة أيام رمضان وحلقة الخضار ومهرجان المنجا والحريد , سنوات كانت من أجمل سنوات عمري ....

* بالنسبة للطيور ماكانت عقبان أو شبابيط , لأني أعرف هذه النوعية من الطيور ...


اسعدتني جدا مشاركتك ومداخلتك

[زمن عابر]

يعطيك العافيه

الله يعافيك ويسلمك أخي أبو سعود

تشرفني مداخلتك

[زمن عابر]

السلام عليكم ورحمة الله وبركاته


وعليكم السلام ورحمة الله وبركاته
اخي زمن عابر .. موضوعك زمانه عابر :)

الحياة كلها محطة عبور نسأل الله أن يرزقنا وإياكم الجنة وحسن الخاتمة




الكن تركنا الطيور في غرفة جيتها اليوم الثاني حصلت واحد من الطيور أكل زميلة ,


أغلب الظن أن هذا وكري اكل جبلية
أو جبلية كبيرة اكلت شبط
والإفتراس تم وهي مبرقعه 100%

اعتقد أن الطير الذي تم افتراسه كان مبرقع ,لأن مثل ماقلت البعض منهاكان مبرقع و ليست كلها



فرقنا الطيور عن بعض , ورحت اشتريت لها حمام ذبحت الحمام وتركته قدامها ,
جيت اليوم الثاني معظم الطيور ماأكلت منها شيء , وحصلت 5 من الطيور ماتت , وخفنا على الطيور الباقية تموت وطيرناها .


يوم فكيت الحمام كانت مفكوكه براقعها والا على روسها ؟؟
إذ فكيتوها وما اكلت فأغلب الوحوش ماتاكل بالأسر


أعتقد أنها كانت مفكوكة , والطيور كانت تخاف إذا قربنا منها



وش رايكم بالقصة , ش تتوقعون نوع الطيور , وليش الطير أكل زميلة ؟؟ وليش الطيور ماأكلت الحمام وماتت من الجوع ؟؟


القصه محزنة ومؤلمة .. ليتني كنت اعرفك
كان خارجتكم منها .. بالنسبه لعدم الأكل
فطبع السجين ماياكل الا بعد البطا

إيوالله أنها محزنة اسأل الله أن لايؤاخذنا بجهلنا وياليت كسبنا معرفتك ..ومثل ماقلت السجين نفسه تزهد بالطعام

واعتقد أن الصقور على أختلاف انواعها واشكالها إلا أنها تتفق في عشقها للحرية وكرهها للأسر


كتبت هالموضوع عشان ندردش ونسولف مع أخواننا الصقارين والموضوع مفتوح للنقاش


لاأخفيك ان صدري ضاق من القصه :(
والموضوع ماجا في وقته .. راحت ايام الخوبه
والطيور ماتت وهي مأسورة مظلومه
الله يتجاوز عنا وعنكم :(

سلامتك من الضيق , اسأل الله أن يتجاوز عنا اخطاءنا وسيئاتنا ويكفينا وإياكم شر الظلم والقهر




اسعدتني جدا مداخلتك وتعليق الجميل



تقبل تحياتي وتقديري

[عبدالرحمن بن ذياب]

يازقين هك السوق اشهدبالله اني فاقده
كانت به صيدات تستاهل دق المشوار عسى الله يرده
يالربع احد عنده علم عن السوق هو رد ولا باقي مسكر


نفس السؤال اللي كنت باساله
يا اخوان مرة فتره على السوق تباع فيها الحبارى و الغزلان
لكن ما اعتقد انه باقي موجود راح مع حرب الحوثيين
حسبي الله عليهم
وبالمناسبه فيه سوق ثاني اسمه سوق صبيا بجيزان
لكن ما اعتقد انه بيكون مثل الخوبه
و اللي يعرف عنه شئ يفيدنا و مشكور






http://upload.wikimedia.org/wikipedia/commons/7/7d/Lanner_Falcon_800.jpg


هذي يا خوي وكري

[زمن عابر]

يازقين هك السوق اشهدبالله اني فاقده
كانت به صيدات تستاهل دق المشوار عسى الله يرده
يالربع احد عنده علم عن السوق هو رد ولا باقي مسكر

هلا فيك أخوي مخاوي الذيابة , إيوالله السوق كان من الأماكن الي تستاهل العنوة والسفر , لكن بعد الأحداث الأخيرة الي صارت وحرب الحوثيين سمعت أنهم وقفوه

[زمن عابر]

نفس السؤال اللي كنت باساله

يا اخوان مرة فتره على السوق تباع فيها الحبارى و الغزلان
لكن ما اعتقد انه باقي موجود راح مع حرب الحوثيين
حسبي الله عليهم
وبالمناسبه فيه سوق ثاني اسمه سوق صبيا بجيزان
لكن ما اعتقد انه بيكون مثل الخوبه
و اللي يعرف عنه شئ يفيدنا و مشكور





هذي يا خوي وكري


هلا فيك أخوي صقار , السوق من أخبار حرب الحوثيين ماجتنا علومة واشكرك على المعلومة

اسعدني وجودك وتعليقك