التشييك على طرمبة الماء وخاصة بالصيف

[ماهقيت]

يالربع انا كان عندي جمس وانا مسافر بالعجيز :D ارتفعت الحراره وقفت الموتر والا الطرمبه حقت الماء طاقه وغيرتها وبعدها وسوست الان معي اف جي 2008 وموسوس ابي اسافر وخايفن من هالطرمبه ياريت تدلوني كيف اشيك عليها او كيف اعرف اذا راح تخرب علي وهل لها علامات استدل بها على بداية خراباتها؟؟؟؟؟؟
ورحم الله والدينا ووالديكم

[ماهقيت]

يالربع وينكم ؟؟؟؟

[يفوق الوصف]

انا معي كامري جديد

مره بعز الحر قبل اسبوعين درجة الحراره بدون مبالغه 49 و شغلت السياره بعز الحر وتركتها شغاله 10 دقايق والمكيف شغال


يوم اني مشيت ولا الطرمبه حقت المويه مدري من وين طالع المويه منها

اطرافها كلها مويهوعلى الغطا مليان مويه

تركتها تبرد ولقيت المويه ناقصه يمكن لتر او لتر ماهو شي واجد


وبعدها شيكت والى الان سافرت عليها ولا نقصت المويه والله اني خايف بسفر ولاش تطق علي ثاني


من وين طلعت المويه لا تسالني


لكن اضن ان لها علاقه بموضوعك وانا اشاركك السوال يبو

[أبوسعد111]

السلام عليكم ورحمة الله وبركاته
بأعتقادي أن مشكلتك نفسيه(بسبب الموقف اللي حصلك بالجمس)أكثر من أن طرمبة سيارتك الاف جي فيها شئ أو تحتاج تشييك عليها
لأن أعطال السيارات تختلف
ومثل ماقلت سيارتك موديلها لايزال جديد
ولكن
قبل السفر لابد أنك تشيك على السيارة حتى ولو هي 2011 الاحتياط واجب وأنا اخوك

سهل الله دربك
وجزاك كل خير على بِرك بأمك

دمت بحفظ الرحمن

[ماهقيت]

الله يعطيكم الف عافيه ماقصرتو وتوكلنا على الله .....................
راح ادعيلكم في سفري بس انتو لأنكم رديتو علي .. ههههههههههههههههههههههههه

[سدير1234]

اخوي ان شاء الله ماعليها الطرمبة اكثر خرابها من الموية العادية المالحة
لكن لو موية مقطره او خضراء ماعلية باذن الله

[ماهقيت]

يالبى قلبك .... ابشرك ماأغير الا ماء مقطر ولاعمر الماء العادي طب بالموتر حتى المساحات....
بيض الله صفحة اعمالكم ووجوهكم

[مركز حراره]

توكل على الله موترك جديد

[ماون ماركز]

الطرمبة لها طريقة واحد للفحص


يوجد بأسفل الطرمبة فتحة صغيرة .. وتوضع ها الفتحة لتوضيح حالة الطرمبة

اذا وجدت ماء يخرج او اثار ماء حول هذه الفتحة

فأعلم أن الطرمبة بدأت بالأنهيار .. ممكن يوم .. شهر .. اشهر وتضرب

تظهر أثار الماء قبل ظهور اي صوت للطرمبة او اي مشكلة أخرى


هذه الفتحة .. سويت عليها سهم بالأحمر عشلن توضح

http://www.shrpic.com/mx/image-0C3D_4DFC87BC.jpg (http://www.shrpic.com/mx/share-0C3D_4DFC87BC.html)

http://www.shrpic.com/mx/image-E947_4DFC87BC.jpg (http://www.shrpic.com/mx/share-E947_4DFC87BC.html)

http://www.shrpic.com/mx/image-CD51_4DFC87BC.jpg (http://www.shrpic.com/mx/share-CD51_4DFC87BC.html)

http://www.shrpic.com/mx/image-716B_4DFC87BC.jpg (http://www.shrpic.com/mx/share-716B_4DFC87BC.html)

http://www.shrpic.com/mx/image-8C7A_4DFC87BC.jpg (http://www.shrpic.com/mx/share-8C7A_4DFC87BC.html)

بكشاف .. طالع ها الفتحة كل صيف عشان تتأكد من صلاحية الطرمبة

تحياتي

[ماون ماركز]

اخوي ان شاء الله ماعليها الطرمبة اكثر خرابها من الموية العادية المالحة
لكن لو موية مقطره او خضراء ماعلية باذن الله

الموية المقطرة اذا وضعت بالأديتر بشكل كامل ربما يحصل ضرر للطرمبة

الطرمبة تحتاج تزييت من الداخل ..

لذلك نضع موية مقطرة 3 ارباع .. والربع الباقي ماء أصلي أخضر او أحمر

لأن الماء الأخضر او الأحمر يحتوى على نسبة تزييت

موجودة المعلومات على نفس جالون الماء الأخضر والأحمر بالجدول

تحياتي

[صاروخ الغطغط]

توكل على الله ونس الوسوسه وعلامات خراب الطرنبه تسمع صوت غرغره وذا وقفت تشوف تنقيط ما من عند السيور من تحت بالضبط من خلف المكره حقت السير

[ماهقيت]

مركز حراره عسى الله ييسر امرك ويوفقك... ماون ماركز الله يكفيك شر عيال الحرام وتفضلت علي بالتوضيح الله يحرم عليك النار ... غطغوطي شكلك انت ونعم خوي الطريق هيضتني ياربي ييسر امرك ويزيح عنك اي عقبه بحياتك اجمعين ياربي.

[ماون ماركز]

... ماون ماركز الله يكفيك شر عيال الحرام وتفضلت علي بالتوضيح الله يحرم عليك النار ... .

وياك و والديك و والدي والمسلمين أجمعين

ربي يحفظك .. بعيد عن كل شر

[الهاجر 7002]

آخوي شيك على آلموتر كآمل..

وآلطرمبه شيك عليهآ ..

غير آلزيت وشيك على آلقير وآلدفرنسس..وآلكفرآت



ربي يسهل عليك سفرك يآرب ~

ويحفظكم لبعض طول آلعمر ..

[Abo gssar]

اليوم غيرت طرمبة الموية
وفعلا مثل ماقالو الشباب عادة ماتطق عليك الطرمبة مرة وحده لازم تعطيك تحذيرات من قبل
ومن ناحية السيارة عندي لاحظت نقص ماء الرديتر من اكثر من شهرين وكن اكمل له الماء حتى غيرتها اليوم وارتحت الحمدلله.

[ماهقيت]

الهاجر ابشرك شيكت مررررره عند البازعي كمبيوتر .... ولا فيه شي الا كان زيت الفرامل وزدته والباقي فل بس تعرف المقروص دايم يخاف.. ههههههههههههههههههههه
صادق الوعود صدقت واذا بموترك شي ماترتاح البته الين تغيره سبحان الله حتى لو كان باقي نص عمر ماترتاح الين تشوفه بكرتونه جديد ههههههههههههههههه
الله يسعدكم ويرضى عليكم جميعا .